ஆண்ட்ரியா பிறந்தநாளில் வெளியான பிசாசு 2 பட போஸ்டர் !
By Sakthi Priyan | Galatta | December 21, 2020 13:06 PM IST
சைக்கோ படத்தின் வெற்றியை தொடர்ந்து மிஷ்கின் இயக்கி வரும் திரைப்படம் பிசாசு 2. இப்படத்தின் பணிகள் பூஜையுடன் இம்மாதம் தொடங்கியது. ராக்போர்ட் என்டர்டெய்ன்மென்ட் தயாரிக்கும் இப்படத்தில் ஆண்ட்ரியா முதன்மை கதாபாத்திரத்தில் நடிக்கின்றார். பிரபல இசையமைப்பாளர் கார்த்திக் ராஜா மீண்டும் களமிறங்க, சிவா சாந்தகுமார் இந்த படத்திற்கு ஒளிப்பதிவு செய்கின்றார். சவரக்கத்தி பட புகழ் நடிகை பூர்ணாவும் இந்த படத்தில் இணைந்துள்ளது குறிப்பிடத்தக்கது.
2014-ல் வெளியான திரைப்படம் பிசாசு. இயக்குனர் பாலா தயாரித்த இப்படத்தில் நாகா, பிரயகா மார்ட்டின், ராதாரவி உள்ளிட்டோர் நடித்திருந்தனர். வழக்கமான பேய் படத்தைப் போல் அல்லாமல், அதனுள் காதல், சென்டிமென்ட் என உணர்வுப்பூர்வமான காட்சிகளை நிரப்பினார். மிஷ்கினின் தனித்துவமான உருவாக்கப் பாணியில் இருந்த அப்படம் ரசிகர்களை வெகுவாக கவர்ந்தது.
இதனால் பிசாசு 2 படமும் எதிர்பார்ப்பில் உள்ளது. சமீபத்தில் படப்பிடிப்புக்கு பிரம்மாண்டமான செட் வேலைகள் திண்டுக்கல்லில் துவங்கியது. இசையமைப்பாளர் கார்த்திக் ராஜா உடன் கம்போசிங்கில் இருக்கும் புகைப்படத்தையும் பகிர்ந்திருந்தார். பாடலாசிரியர் கபிலன் படத்திற்கு இரண்டு பாடல்கள் எழுதியுள்ளாராம். பிசாசு 2 படத்திற்கான பாடல் பணிகள் ஒருபுறம் நடந்து கொண்டே இருப்பது குறிப்பிடத்தக்கது.
இந்நிலையில், இன்று பிறந்தநாள் கொண்டாடும் இப்படத்தின் நாயகி ஆண்ட்ரியாவுக்கு இயக்குனர் மிஷ்கின் இன்ப அதிர்ச்சி கொடுத்துள்ளார். பிசாசு 2 படத்தில் இடம்பெறும் ஆண்ட்ரியாவின் தோற்றத்தை நள்ளிரவு வெளியிட்ட மிஷ்கின், அவருக்கு பிறந்தநாள் வாழ்த்துக்களையும் தெரிவித்துள்ளார். ரசிகர்கள் மற்றும் திரையுலக பிரபலங்கள் பலரும் சமூக வலைதளங்களில் ஆண்ட்ரியாவுக்கு பிறந்தநாள் வாழ்த்து தெரிவித்து வருகின்றனர்.
ஆண்ட்ரியாவின் கேரக்டர் லுக் போஸ்டரை பார்த்த ரசிகர்கள். 80களில் வரும் ஆங்கிலோ இந்திய பெண் ரோலில் ஆண்ட்ரியா நடிக்கக்கூடும் என்று யூகித்து கமெண்ட் செய்து வருகின்றனர். மாஸ்டர் படத்தில் ஆண்ட்ரியாவின் நடிப்பை காண ஆவலாக உள்ளனர் ரசிகர்கள். அமேசான் ப்ரைம் வழங்கிய புத்தம் புது காலை ஆந்தாலஜியிலும் அற்புதமான நடிப்பை வெளிப்படுத்தியிருந்தார் ஆண்ட்ரியா.
Let’s light the candle and celebrate the special day of our protagonist Andrea. @andrea_jeremiah
Happy birthday and wishing you a long creative life.
-Mysskin #pisasu2@Lv_Sri @Rockfortent @kbsriram16 @PRO_Priya pic.twitter.com/8N366Hs2gD— Mysskin (@DirectorMysskin) December 20, 2020
Archana disappointed after Bigg Boss Tamil season 4 eviction - check out!
21/12/2020 01:37 PM
Andrea's look in Pisasu 2 revealed - Mysskin releases a surprise picture!
21/12/2020 01:17 PM
VIRAL: Archana's first picture with her daughter after Bigg Boss eviction!
21/12/2020 12:21 PM