உதயநிதி ஸ்டாலினின் அதிரடியான கலகத் தலைவன் படம் - விறுவிறுப்பான ACTION PACKED ட்ரெய்லர் இதோ!
By Anand S | Galatta | November 10, 2022 19:53 PM IST
தமிழ் திரை உலகின் முக்கிய தயாரிப்பாளராகவும் குறிப்பிடப்படும் நடிகராகவும் வலம் வரும் உதயநிதி ஸ்டாலின் அவர்கள், இயக்குனர் மாரி செல்வராஜ் இயக்கத்தில் நடித்த மாமனிதன் திரைப்படத்தின் படப்பிடிப்பு சமீபத்தில் நிறைவடைந்து இறுதிகட்டப் பணிகள் முழு வீச்சில் தற்போது நடைபெற்று வருகின்றன.
உதயநிதியுடன் இணைந்து வைகை புயல் வடிவேலு, ஃபகத் பாசில், கீர்த்தி சுரேஷ் ஆகியோர் முன்னணி கதாப்பாத்திரங்களில் நடித்துள்ள மாமனிதன் படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். இந்த வரிசையில் அடுத்ததாக உதயநிதி ஸ்டாலின் நடிப்பில் ஆக்ஷன் த்ரில்லர் திரைப்படமாக வெளிவர தயாராகியுள்ளது கலகத் தலைவன் திரைப்படம்.
இயக்குனர் மகிழ் திருமேனி இயக்கத்தில் உதயநிதி உடன் இணைந்து நிதி அகர்வால் கதாநாயகியாக நடித்துள்ள கலகத் தலைவன் படத்தில் கலையரசன் மற்றும் பிக்பாஸ் ஆரவ் ஆகியோர் முக்கிய வேடங்களில் நடித்துள்ளனர். ரெட் ஜெயன்ட் மூவிஸ் சார்பில் உதயநிதி தயாரித்து நடித்திருக்கும் கலகத் தலைவன் திரைப்படத்திற்கு K.தில்ராஜ் ஒளிப்பதிவு செய்ய, ஸ்ரீகாந்த் தேவா மற்றும் அரோல் கொரலி இணைந்து இசையமைத்துள்ளனர்.
கலகத் தலைவன் திரைப்படம் வருகிற நவம்பர் 18-ஆம் தேதி உலகெங்கும் திரையரங்குகளில் ரிலீஸாகவுள்ளது. இதனிடையே கலகத் தலைவன் திரைப்படத்தின் ட்ரைலர் மற்றும் இசை வெளியீட்டு விழா நவம்பர் 10ஆம் தேதியான இன்று நடைபெற்றுள்ள நிலையில், கலகத் தலைவன் திரைப்படத்தின் அதிரடியான ட்ரெய்லர் தற்போது வெளியாகியுள்ளது. அந்த ட்ரெய்லர் இதோ…