பட்டையை கிளப்பும் ப்ரின்ஸ் படத்தின் பிம்பிலிக்கி பிலாபி வீடியோ பாடல் ப்ரோமோ !
By | Galatta | October 03, 2022 13:31 PM IST
![பட்டையை கிளப்பும் ப்ரின்ஸ் படத்தின் பிம்பிலிக்கி பிலாபி வீடியோ பாடல் ப்ரோமோ ! - Tamil Movie Cinema News பட்டையை கிளப்பும் ப்ரின்ஸ் படத்தின் பிம்பிலிக்கி பிலாபி வீடியோ பாடல் ப்ரோமோ ! - Tamil Movie Cinema News](https://1480864561.rsc.cdn77.org/assets/news_images/sivakarthikeyan-prince-movie-bimbilikki-pilapi-video-promo-maria-thaman_1664815289.jpg)
தொகுப்பாளராக இருந்து தமிழ் சினிமாவின் முன்னணி நாயகனாக வளர்ந்து நிற்பவர் சிவகார்த்திகேயன்.இவர் நடிப்பில் கடைசியாக டான் திரைப்படம் திரையரங்குகளில் வெளியாகி ரசிகர்களிடமும் விமர்சகர்களிடமும் நல்ல வரவேற்பை பெற்று வருகிறது.
இதனை தொடர்ந்து சிவகார்த்திகேயன் ஸ்ரீ வெங்கடேஸ்வரா சினிமாஸ்,சுரேஷ் புரொடக்ஷன்ஸ் மற்றும் சாந்தி டாக்கீஸ் இணைந்து தயாரிக்கும் ப்ரின்ஸ் படத்தில் நடிக்கிறார்.இந்த படம் தமிழ் மற்றும் தெலுங்கில் bilingual ஆக உருவாகிறது.இந்த படத்தினை தெலுங்கில் சூப்பர்ஹிட் அடித்த Jathi Rathnalu பட இயக்குனர் அனுதீப் இயக்குகிறார்.
தமன் இந்த படத்திற்கு இசையமைக்கிறார்.சத்யராஜ்,பிரேம்ஜி உள்ளிட்டோர் இந்த படத்தில் முக்கிய வேடத்தில் நடிக்கிறார்.இந்த படத்தில் Maria Ryaboshapka என்ற உக்ரைன் நடிகை சிவகார்த்திகேயனுக்கு ஜோடியாக நடிக்கிறார்.இந்த படத்தின் தமிழ்நாடு திரையரங்க உரிமையை கோபுரம் சினிமாஸ் அன்புச்செழியன் கைப்பற்றியுள்ளார்.
இந்த படத்தின் பர்ஸ்ட்லுக் போஸ்டர் வெளியாகி நல்ல வரவேற்பை பெற்றிருந்தது.2022 தீபாவளி ரிலீசாக ப்ரின்ஸ் வெளிவர இருக்கிறது.இந்த படத்தின் இரண்டு பாடல்கள் வெளியாகி செம ஹிட் அடித்து வருகிறது.இந்த படத்தின் முதல் பாடலான பிம்பிலிக்கி பிலாபி பாடலின் வீடியோ ப்ரோமோவை படக்குழுவினர் தற்போது வெளியிட்டுள்ளனர்.இந்த ப்ரோமோவை கீழே உள்ள லிங்கில் காணலாம்