மாவீரன் படம் பாக்ஸ் ஆபிஸ் ஹிட்டை உறுதி செய்யும் 6 காரணங்கள் - 6 Reasons that why sivakaathikeyan maaveeran will be blockbuster

தமிழ் சினிமாவில் ரசிகர்களை படத்திற்கு படம் உற்சாகப்படுத்தி கவனத்தை ஈர்த்து முன்னணி நடிகர்களில் ஒருவராக வலம் வருபவர் நடிகர் சிவகார்த்திகேயன். தொடர்ந்து குடும்பங்கள் கொண்டாடும் திரைப்படங்களை கச்சிதமாக தேர்ந்தெடுத்து நடித்து வரும் சிவகார்த்திகேயனின் திரைப்பயணத்தில் ‘டாக்டர்’, ‘டான்’ ஆகிய திரைப்படங்கள் பாக்ஸ் ஆபிஸ் ஸ்டாராக அவரை உயர்த்தியது. இவரது முன்னதைய திரைப்படமான டான் திரைப்படம் பெரிதளவு வரவேற்பு பெறாமல் கலவையான விமர்சனம் பெற்று தோல்வி படமாக அமைந்தது. அதை தொடர்ந்து தற்போது சிவகார்த்திகேயன் நடிப்பில் ரசிகர்களின் எதிர்பார்ப்புடன் வரும் ஜூலை 14 வெளியாகவிருக்கும் திரைப்படம் ‘மாவீரன்’. இயக்குனர் மடோன் அஷ்வின் இயக்கத்தில் உருவாகியிருக்கும் இப்படத்தின் டிரைலர் நேற்று வெளியாகி ரசிகர்களின் கவனத்தை ஈர்த்தது. இந்த திரைலரின் மூலம் சிவகார்த்திகேயனுக்கு மற்றுமொரு பாக்ஸ் ஆபிஸ் ஹிட்டாக மாவீரனை மாற்றும் 5 விஷயங்கள் குறித்த சிறப்பு கட்டுரை இதோ.

சிவகார்த்திகேயன்

தமிழ் சினிமாவில் அனைத்து தரப்பு வயதினரையும் தன் நடிப்பினால் உற்சாகப் படுத்தி வரும் சிவார்த்திகேயன் இன்று கோலிவுட்டின் பக்கா என்டர்டேயின் ஸ்டாராக வலம் வருகிறார். அனைத்து ரசிகர்களையும் திருப்தி படுத்தும் வகையில் நேர்த்தியான கமர்ஷியல் திரைப்படங்களை கொடுத்து வருகிறார். அதன்படி மாவீரன் படத்தில் வித்யாசமான கதாபாத்திரத்தில் இரு பரிமாணங்களில் சிவகார்த்திகேயன் நடித்திருப்பது ரசிகர்களை வெகுவாக கவர்ந்துள்ளது. அப்பாவியான கலகலப்பான சிவகார்த்திகேயன் ஒருபுறம் பெண்டசியில் வானத்தை நோக்கி பார்த்த பின் ஆக்ஷனில் மிரட்டும் சிவகார்த்திகேயன் ஒரு புறம் என்று மாவீரன் முன்னோட்டத்திலே ஜொலிக்கிறார். நிச்சயம் டாக்டர் படத்தில் வரும் சிவகார்த்திகேயன் போல் இந்த படத்திலும் வித்யாசமான சிவகார்த்திகேயனை எதிர்பார்க்கலாம்.