இசைஞானி இளையராஜா ஸ்டூடியோவை பார்த்து பாராட்டிய சூப்பர் ஸ்டார் ரஜினிகாந்த் !
By Sakthi Priyan | Galatta | February 16, 2021 18:36 PM IST
சென்னை தி நகரில் இசைஞானி இளையராஜா சொந்தமாக இளையராஜா ஸ்டுடியோ என்ற பெயரில் ஹைடெக் ஸ்டூடியோ கட்டி இசைப்பணிகள் மேற்கொண்டு வருகிறார். திரைப்படங்களின் பாடல் மற்றும் பின்னணி இசை பதிவு பணிகள் அங்கே நடைபெற்று வருகிறது.
இந்நிலையில் நேற்று காலை இளையராஜா தி நகர் வீட்டுக்கு வந்த நடிகர் ரஜினிகாந்த் , அவருடன் பல விஷயங்கள் பேசியிருக்கிறார். பின்னர் இளையராஜா சொந்த ஸ்டூடியோ கட்டியிருப்பதை கேள்விப்பட்டு அந்த ஸ்டூடியோவுக்கு இளையராஜாவுடன் சென்று இருக்கிறார் ரஜினிகாந்த்.
ஸ்டூடியோவை சுற்றி பார்த்து, வியந்து, கோவிலுக்குள் வந்தது போன்ற உணர்வு எனக்குள் ஏற்பட்டது என பாராட்டி இருக்கிறார். பின்னர் இசைஞானியுடன் நீண்ட நேரம் பல விஷயங்கள் பேசியிருக்கிறார்.
இந்நிலையில் இன்றும் 2வது முறையாக இளையராஜா ஸ்டூடியோவுக்கு மீண்டும் வ ந்து அனைவரையும் ஆச்சரியத்தில் ஆழ்த்தியுள்ளார் ரஜினிகாந்த். சமீபகாலமாக பொது நிகழ்ச்சி, விழாக்களில் கலந்து கொள்வதை தவிர்த்து வரும் ரஜினியின் இந்த வருகை பலரை ஆச்சரியப்படுத்தியுள்ளது.
தர்பார் படத்தை அடுத்து சிவா இயக்கத்தில் சன் பிக்சர்ஸ் தயாரிக்கும் அண்ணாத்த படத்தில் நடித்து வருகிறார் சூப்பர்ஸ்டார் ரஜினிகாந்த். அவருடன் நயன்தாரா, குஷ்பு, மீனா, கீர்த்தி சுரேஷ், சூரி, சதீஷ் உள்ளிட்டோர் நடித்து வருகிறார்கள். வெற்றி ஒளிப்பதிவு செய்யும் இந்தப் படத்துக்கு டி.இமான் இசையமைக்கிறார்.
கடந்த வருடம் டிசம்பர் மாதம் படப்பிடிப்பு தளத்தில் 4 பேருக்கு கொரோனா வந்ததால், படப்பிடிப்பு நிறுத்தி வைக்கப்பட்டது. விரைவில் படப்பிடிப்பு துவங்கப்பட உள்ளதாக தகவல் வெளியானது. இந்த ஆண்டு 2021 தீபாவளிக்கு படம் வெளியாகிறது.
Nagarjuna Akkineni wraps up the shoot of Brahmastra | Ranbir Kapoor | Alia
16/02/2021 07:22 PM
Thalapathy Vijay's Master - Vaathi Raid Video Song | Anirudh | Lokesh Kanagaraj
16/02/2021 06:48 PM
Sembaruthi Karthik Raj's latest BREAKING Statement - asks fans to report this!
16/02/2021 05:33 PM