சுல்தான் படத்தின் புது சத்தம் பாடல் வெளியீடு !
By Sakthi Priyan | Galatta | March 31, 2021 17:16 PM IST
பாக்கியராஜ் கண்ணன் இயக்கத்தில் கார்த்தி நடிப்பில் உருவாகியிருக்கும் திரைப்படம் சுல்தான். பிரமாண்ட பட்ஜெட்டில் உருவாகியிருக்கும் இந்தப் படத்தை, ட்ரீம் வாரியர் பிக்சர்ஸ் தயாரித்துள்ளது. அதோடு சுல்தான் திரைப்படம் ஏப்ரல் 2-ம் தேதி ரிலீசாக உள்ளதாகவும் அறிவிக்கப்பட்டுள்ளது. இந்தப் படத்தில் கார்த்திக்கு ஜோடியாக ராஷ்மிகா மந்தன்னா நடித்துள்ளார்.
அதிரடி மாஸ் மசாலா பொழுதுப்போக்கு படமான இதில் ராமச்சந்திர ராஜு, லால் பால், நெப்போலியன் மற்றும் யோகி பாபு ஆகியோர் முக்கியமான துணை வேடங்களில் நடிக்கின்றனர். சமீபத்தில் சுல்தான் படத்தின் ட்ரைலர் வெளியாகி ரசிகர்களிடம் நல்ல வரவேற்பைப் பெற்றுள்ளது.
படத்தின் பின்னணி இசையை யுவன் ஷங்கர் ராஜாவும், பாடல்களுக்கான இசையை விவேக் - மெர்வினும் அமைத்துள்ளார்கள். சென்சாரில் சுல்தான் படத்திற்கு யூ/ஏ சான்றிதழ் கிடைத்திருப்பதாக படக்குழுவினர் அதிகாரப்பூர்வமாக அறிவித்துள்ளனர்.
படத்தின் ப்ரோமோ வீடியோக்களை தொடர்ந்து புது சத்தம் பாடல் லிரிக் வீடியோ வெளியானது. கைலாஷ் கேர் பாடிய இந்த பாடலை தனிக்கொடி எழுதியுள்ளார். ராஷ்மிகா மற்றும் கார்த்தியின் துள்ளலான ரொமான்ஸ் காட்சிகள் ப்ரோமோவை சிறப்பிக்கிறது.
இந்த படத்தை தொடர்ந்து கார்த்தி கைவசம் பொன்னியின் செல்வன் படம் உள்ளது.மணிரத்னம் இயக்கி வரும் இப்படத்தின் படப்பிடிப்பு ஹைதராபாத்தில் நடைபெற்று வருகிறது. விரைவில் படப்பிடிப்பு முடிந்து போஸ்ட் ப்ரோடக்ஷன் பணிகள் துவங்கப்படும் என்று எதிர்பார்க்கப்படுகிறது. ஜெயம் ரவி, சியான் விக்ரம், திரிஷா, ஐஸ்வர்யா ராய் ஆகியோர் அந்த படத்தில் நடித்து வருகின்றனர்.
Karthi's Sulthan - Super Grand Celebratory Video Song | Check Out | Rashmika
31/03/2021 05:31 PM
Dhanush's Karnan - New Intense Music Video | Don't Miss | Uttradheenga Yeppov
31/03/2021 04:37 PM
OFFICIAL: Full Crew of Thalapathy 65 REVEALED - Exciting talents onboard!
31/03/2021 03:29 PM