பிஸ்கோத் படத்தின் இசை வெளியீடு குறித்த ருசிகர தகவல் !
By Sakthi Priyan | Galatta | October 29, 2020 10:52 AM IST
மசாலா பிக்ஸ் சார்பில் ஆர்.கண்ணன் இயக்கி தயாரிக்கும் படம் பிஸ்கோத். இந்த படத்தில் சந்தானம் ஹீரோவாக நடித்துள்ளார். ரதன் இசையமைக்கும் இந்த படத்திற்கு சண்முக சுந்தரம் ஒளிப்பதிவு செய்கிறார். ட்ரைடென்ட் ஆர்ட்ஸ் இந்த படத்தை வெளியிடுகிறது. ரொமான்டிக் கலந்த காமெடி ஜானரில் உருவாகியுள்ள இந்த படம் அதிக எதிர்பார்ப்பில் உள்ளது.
இந்த படத்தின் ட்ரைலர் வெளியாகி நல்ல வரவேற்பை பெற்றது. பாகுபலி படத்தையும், 300 பருத்திவீரர்கள் படத்தையும் கிண்டல் செய்வது போல் அமைந்துள்ளது. லொள்ளு சபா பாணியில் ட்ரைலர் உள்ளது என பாராட்டி வருகின்றனர் ரசிகர்கள். ஆனந்தராஜ், ஜீவா, மொட்டை ராஜேந்திரன், மனோகர் ஆகியோர் நடித்துள்ளனர்.
இந்த படத்தில் 18-ம் நூற்றாண்டில் வாழந்த அரசனாக சந்தானம் நடிக்கிறார் என்று இயக்குனர் கூறியிருந்தார். கிட்டதட்ட 30 நிமிடம் இந்த காட்சிகள் இடம் பெற்றுள்ளது என விவரித்துள்ளார். இந்த படத்தின் ஆடியோ உரிமையை திங்க் மியூசிக் நிறுவனம் கைபற்றியது. சென்ற லாக்டவுனில் இந்த படத்திற்காக தனது டப்பிங் பணியை நிறைவு செய்தார் சந்தானம்.
சமீபத்தில் பிஸ்கோத் படத்தின் முதல் சிங்கிளான பேபி சாங் பாடலின் லிரிக் வீடியோ வெளியானது. யோகி பாடிய இந்த பாடல் வரிகளை ரதன் எழுதியுள்ளார். லிரிக் வீடியோவில் இடம்பெற்றிருக்கும் காட்சிகள் நகைச்சுவையாக உள்ளதென பாராட்டினர் ரசிகர்கள். இந்நிலையில் படத்தின் இசை வெளியீட்டு விழா குறித்த தகவல் வெளியானது. நாளை மதியம் 12 மணிக்கு டிஜிட்டல் தளத்தில் ஆடியோ லான்ச் நடைபெறவுள்ளது. இதனால் அதிக எதிர்பார்ப்பில் உள்ளனர் ரசிகர்கள்.
எதார்த்தமான டைமிங் காமெடியால் ரசிகர்களை கவர்ந்தவர் சந்தானம். லொள்ளு சபாவில் நடித்து வந்த நேரத்தில் சிம்புவின் மன்மதன் படம் மூலம் பெரியதிரையில் அறிமுகமானார். ஹீரோக்களுக்கு நண்பனாக நடித்து, இயல்பான காமெடியால் மக்கள் மனதில் இடம்பெற்றுள்ளார். ஒரு சில படங்களில் ஹீரோக்களுக்கு இணையான கதாபாத்திரங்களிலும் நடித்துள்ளார். வல்லவனுக்கு புல்லும் ஆயுதம் படத்திற்கு ரசிகர்களிடையே நல்ல வரவேற்பு கிடைத்தது. அதன் பிறகு ஷங்கர் இயக்கத்தில் விக்ரம் நடித்த ஐ படத்தில் மட்டும் சந்தானம் காமெடியனாக நடித்தார். ஹீரோவாக நடிப்பது மட்டுமில்லாமல் படங்களை தயாரிக்கவும் செய்தார்.
இது தவிர்த்து கார்த்திக் யோகி இயக்கத்தில் டிக்கிலோனா படத்தில் நடித்துள்ளார். சினிஷ் தயாரிக்கும் இந்தப் படத்தை, கேஜேஆர் ஸ்டுடியோஸ் நிறுவனம் வெளியிடுகிறது. இதில் சந்தானம் 3 கதாபாத்திரங்களில் நடித்துள்ளார். யுவன் ஷங்கர் ராஜா படத்திற்கு இசையமைக்கிறார். படத்தின் மூன்று வித்தியாசமான போஸ்டர்கள் கடந்த மாதம் வெளியானது என்பது குறிப்பிடத்தக்கது.
#Biskoth -The First ever audio launch to take place in Digital Media !!
— Think Music (@thinkmusicindia) October 29, 2020
To be released by @iamsanthanam on October 30th, 12 PM💥#BiskothAudioLaunch
A @radhanmusic Musical
Produced & Directed By @Dir_kannanR
A @tridentartsoffl Release@MasalaPix @mkrpproductions @johnsoncinepro pic.twitter.com/wMgulx3nPe
Ajith resumes shoot for Valimai - new pictures go viral on social media
29/10/2020 10:16 AM
Poonam Bajwa introduces her boyfriend - trending romantic pictures here!
28/10/2020 06:00 PM
PC Sreeram mourns the death of this important film personality!
28/10/2020 05:13 PM