டிஜிட்டல் தொழில்நுட்பத்துடன் திரையரங்குகளில் மாஸ் காட்ட வரும் மன்மதன் !

சிம்பு நடிப்பில் கடந்த 2004-ல் வெளியாகி பட்டிதொட்டி எங்கும் செம ஹிட் அடித்திருந்த திரைப்படம் மன்மதன்.இரட்டை வேடங்களில் சிம்புவின் நடிப்பு ரசிகர்களை வெகுவாக கவர்ந்திருந்தது.2004-ம் ஆண்டு வெளியான இந்த படம், இப்போது டிஜிட்டல் தொழில்நுட்பத்தில் (Sound system 2k 4k formality) மெருகேற்றப்பட்டு, புதுப்பொலிவுடன் வரும் மார்ச் 19-ம் தேதி மீண்டும் தியேட்டர்களில் வெளியாகவிருக்கிறது.

இந்த படத்தை நந்தினி தேவி ஃபிலிம்ஸ் தமிழ்நாடு முழுவதும் 150 தியேட்டர்களில் வெளியிடுகிறது.'மன்மதன்' சிலம்பரசன் டி.ஆர் முதல் முறையாக இரட்டை வேடத்தில் நடித்த படம், யுவன் சங்கர் ராஜா இசையில் பாடல்கள் அத்தனையும் தாறுமாறான வரவேற்பு பெற்ற படம், சிலம்பரசனின் பரபரப்பான கதைக்காகவும் விறுவிறுப்பான திரைக்கதைக்காகவும் ரசிகர்களால் திரும்பத் திரும்ப பார்க்கப்பட்ட படம்.

சிலம்பரசன் டி.ஆர் உடன் ஜோதிகா, சிந்து துலானி, கவுண்டமணி, சந்தானம் என பலரும் நடித்திருந்த இந்த படத்தை ஏ.ஜே.முருகன் இயக்கியிருந்தார்.இளைஞர்களின் ரசனைக்கேற்ப உருவான இந்த படம் ரசிகர்கள் மற்றும் பிரபலங்களிடம் பெரிய வரவேற்பை பெற்றிருந்தது.மன்மதன் மீண்டும் ரிலீஸாகவிருப்பது சிலம்பரசன் டி.ஆர் ரசிகர்களை உற்சாகத்தில் மிதக்க வைத்திருக்கிறது!