மாஸ்டர் படத்தின் இதுவரை பார்திடாத அரிய புகைப்படம் !
By Sakthi Priyan | Galatta | August 23, 2020 13:04 PM IST
கடந்த 2017-ம் ஆண்டு மாநகரம் படத்தின் மூலம் திரையுலகில் கால் பதித்தவர் இயக்குனர் லோகேஷ் கனகராஜ். இந்த படத்திற்கு பிறகு நடிகர் கார்த்தி வைத்து கைதி திரைப்படத்தை இயக்கி வெற்றி கண்டார். இதனைத்தொடர்ந்து மாஸ்டர் படத்தை இயக்கியுள்ளார். லாக்டவுனில் மாஸ்டர் படத்தின் பாடல்கள் சாதனை ஓட்டம் செய்து வருகிறது. இந்நிலையில் மாஸ்டர் படத்தின் ஷூட்டிங் ஸ்பாட் புகைப்படம் ஒன்று இணையத்தில் வைரலாகி வருகிறது.
அதில் கைதி கெட்டப்பில் வெள்ளை நிற ஆடையில் இயக்குனர் லோகேஷ் மற்றும் வசனகர்த்தாவான ரத்னகுமார் நடிகர்களுடன் உள்ளார். இந்த அரிய புகைப்படத்தில் நடிகர்கள் தீனா, லல்லு ஆகியோர் உள்ளார். கைதி படத்தை இயக்கிய லோகேஷை கைதியாக பார்ப்பதில் மகிழ்ச்சி என கமெண்ட் செய்து வருகின்றனர். மேலும் இயக்குனரின் கேமியோ ஏதாவது இருக்குமா என்றும் கேள்வி எழுப்பி வருகின்றனர் ரசிகர்கள்.
தளபதி விஜய் மற்றும் மக்கள் செல்வன் விஜய்சேதுபதி இணைந்து நடித்துள்ள படம் மாஸ்டர். லாக்டவுன் அறிவிப்பதற்கு முன்பே படத்தின் இசை வெளியீட்டு விழா பிரம்மாண்டமாக நடைபெற்றது. அதிக எதிர்பார்ப்பில் உள்ள இந்த படத்தின் போஸ்ட் ப்ரோடக்ஷன் பணிகளை துவங்கியுள்ளனர் படக்குழுவினர். மாளவிகா மோகனன், ஷாந்தனு, அர்ஜுன் தாஸ், தீனா, சேத்தன், கௌரி கிஷன் ஆகியோர் முக்கிய ரோலில் நடித்துள்ளனர். அனிருத் இசையில் பாடல்கள் வெளியாகி பட்டையை கிளப்பி வருகிறது. சமீபத்தில் பாடல்களின் கரோக்கி வெர்ஷனும் வெளியானது.
ஏப்ரல் 9-ம் தேதி தமிழ் புத்தாண்டு ஸ்பெஷலாக மாஸ்டர் படம் ரிலீசாகும் என்று எதிர்பார்க்கப்பட்டது. ஆனால் அதற்குள் கொரோனா வைரஸ் தொற்று உலகம் முழுவதும் அதிகம் பரவிய காரணத்தினால் தியேட்டர்கள் அனைத்தும் மூடப்பட்டு விட்டன. அதனால் இந்த படத்தை ரிலீஸ் செய்ய முடியாமல் தயாரிப்பாளர் தள்ளி வைத்துள்ளார். கடந்த மூன்று மாதங்களுக்கு மேலாக தியேட்டர்கள் மூடப்பட்டு தான் இருக்கின்றன. மீண்டும் தியேட்டர்கள் எப்போது திறக்கப்படும் என்பது பற்றிய விவரமும் தெளிவாக இல்லை.
மாஸ்டர் படத்தின் தயாரிப்பாளரும் நடிகர் விஜயின் மாமாவுமான சேவியர் பிரிட்டோ, சமீபத்தில் படத்தின் ரிலீஸ் குறித்து பேசியிருந்தார். மாஸ்டர் படம் மிகப்பெரிய பட்ஜெட்டில் உருவாக்கப்பட்டுள்ளதாக கூறியுள்ள அவர், என்ன நடந்தாலும் அப்படம் தியேட்டரில் ரிலீஸ் ஆகும் என்பதை தெரிவித்திருந்தார். கொரோனா லாக்டவுன் பிரச்சனையை பொறுத்தே படம் ரிலீஸ் செய்யப்படும் என்றும், அது பொங்கலுக்கா அல்லது தீபாவளிக்கா என்று தெரியவில்லை என்றும் அவர் கூறியுள்ளார். படத்தை தியேட்டரில் ரிலீஸ் செய்வதற்காகதான் படக்குழு காத்திருக்கிறது என்று தெளிவாக தெரிவித்துள்ளார்.
#Master unseen snap from the shooting spot! @actorvijay @Dir_Lokesh @MrRathna pic.twitter.com/WOILGY25nB
— #MASTER (@MasterMovieoffl) August 23, 2020
Black Adam - Official Teaser (2021) Dwayne Johnson | DC FanDome
23/08/2020 12:28 PM
The government announced 33 strict rules to resume film shooting
23/08/2020 12:20 PM
Gal Gadot's Wonder Woman 1984 Official Main Trailer
23/08/2020 11:41 AM
Young Super Singer sensation gets engaged
23/08/2020 11:30 AM