இன்று திருமணநாளை கொண்டாடும் ஆர்யாவுக்கும், சயீஷாவுக்கும் திரையுலக பிரபலங்களும் , ரசிகர்களும் சமூக வலைதளங்களில் வாழ்த்து தெரிவித்துக் கொண்டிருக்கிறார்கள். அப்படி தங்களை வாழ்த்தும் பிரபலங்களுக்கு ஆர்யாவும், சயீஷாவும் நன்றி தெரிவித்து ட்வீட் செய்கிறார்கள்.

ஆர்யா மற்றும் சயீஷா இணைந்து நடிக்கும் திரைப்படம் டெடி. இயக்குனர் சக்தி செளந்தர்ராஜன் இந்த படத்தை இயக்கியுள்ளார். திருமணத்துக்குப் பிறகு ஆர்யா - சயீஷா ஜோடியாக நடித்துள்ள முதல் படம் இது. கடைசியாக சூர்யா நடித்த காப்பான் படத்தில் இருவரும் இணைந்து நடித்திருந்தனர். இயக்குனர் மகிழ் திருமேனி, கருணாகரன், சதீஷ், சாக்‌ஷி அகர்வால் ஆகியோர் முக்கியக் கதாபாத்திரங்களில் நடித்துள்ளனர். இமான் இந்த படத்திற்கு இசையமைத்துள்ளார். 

கொரோனா அச்சுறுத்தலினால் வெளியாகாமல் இருந்தது. ஊரடங்கு சமயத்தில் ஓடிடி வெளியீட்டுக்குப் பேச்சுவார்த்தை நடத்தப்பட்டது. ஆனால், திரையரங்குகள் திறக்கப்பட்டதால் திரையரங்குகளில் வெளியாகும் என எதிர்பார்க்கப்பட்டது. 

ஹாட் ஸ்டார் ஓடிடி தளம் பெரும் விலை கொடுத்து டெடி படத்தின் வெளியீட்டு உரிமையைக் கைப்பற்றியுள்ளது. இதன் ட்ரைலர் தற்போது வெளியாகி ரசிகர்களை கவர்ந்து வருகிறது. ஆர்யாவுடன் இணைந்து டெடி செய்யும் சேட்டை சபாஷ். மார்ச் 12-ம் தேதி ஹாட்ஸ்டார் ஓடிடியில் படம் வெளியாகும் எனப் படக்குழுவினர் அறிவித்தனர். 

படத்தின் பாடல்களை தொடர்ந்து ஸ்னீக் பீக் காட்சி வெளியாகி ரசிகர்களை கவர்ந்து வருகிறது. அதிரடி ஆக்ஷன் கலந்த இந்த காட்சி இணையத்தில் வைரலாகி வருகிறது.

இந்த படத்தையடுத்து பா. ரஞ்சித் இயக்கத்தில் சார்பட்டா பரம்பரை எனும் படத்தில் நடித்தார் ஆர்யா. இதன் ஒட்டுமொத்த படப்பிடிப்பும் நிறைவடைந்தது. சார்பட்டா பரம்பரை படத்தில் வடசென்னையில் இருக்கும் பாக்ஸர்களை மையப்படுத்தி கதை உருவாகியுள்ளது. இந்த படத்தின் போஸ்ட் ப்ரோடக்ஷன் பணிகள் நடைபெற்று வருகிறது. 

ஆனந்த் ஷங்கர் இயக்கத்தில் தற்போது எனிமி படத்தில் நடித்து வருகிறார். சமீபத்தில் ஆர்யா கொண்ட போஸ்டர் வெளியாகி ட்ரெண்டானது. விஷால் மற்றும் ஆர்யா இணைந்து நடிக்கும் இந்த படத்தின் படப்பிடிப்பு மும்முரமாக நடைபெற்று வருகிறது.