இணையத்தை அசத்தும் விக்னேஷ் சிவனின் இன்ஸ்டாகிராம் பதிவு !
By Sakthi Priyan | Galatta | June 01, 2020 09:59 AM IST
போடா போடி திரைப்படத்தின் மூலம் தமிழ் திரையுலகிற்கு அறிமுகமானவர் விக்னேஷ் சிவன். இயக்குனர் அல்லாது பாடலாசிரியர், நடிகர் என பன்முக திறமையுள்ளவர். இவரது இயக்கத்தில் வெளிவந்த நானும் ரௌடி தான், தானா சேர்ந்த கூட்டம் போன்ற படங்கள் மூலம் ரசிகர்கள் மனதில் நீங்கா இடம்பிடித்திருக்கிறார்.
இதன் பிறகு விஜய்சேதுபதி வைத்து காத்துவாக்குல ரெண்டு காதல் படத்தை இயக்கவுள்ளார். இதில் நயன்தாரா மற்றும் சமந்தா முக்கிய ரோலில் நடிக்கவுள்ளனர். ராக்ஸ்டார் அனிருத் இந்த படத்துக்கு இசையமைக்கிறார். நயன்தாரா நடிக்கும் நெற்றிக்கண் படத்தை தயாரிக்கவுள்ளார் விக்னேஷ் சிவன்.
இந்நிலையில் விக்னேஷ் சிவன் தனது இன்ஸ்டாகிராம் பக்கத்தில், நானும் ரௌடி தான் படப்பிடிப்பின் போது லொகேஷன் பார்த்த வீடியோவை பகிர்ந்துள்ளார். கண்ணான கண்ணே பாடலுக்கு லொகேஷன் பார்க்கையில் ஒளிப்பதிவாளர் தினேஷ் கிருஷ்ணன் எடுத்த வீடியோவை பகிர்ந்துள்ளார். இந்த வீடியோ இணையத்தை அசத்தி வருகிறது.