இணையத்தை அசத்தும் தளபதியின் புதிய வீடியோ !
By Sakthi Priyan | Galatta | February 02, 2019 09:56 AM IST
தளபதி விஜய் நடிப்பில் இயக்குனர் அட்லீ இயக்கவிருக்கும் தளபதி 63 படத்தை ஏ.ஜி.எஸ் நிறுவனம் இப்படத்தை தயாரிக்கிறது. ஏற்கனவே தெறி, மெர்சல் என மாபெரும் வெற்றி படங்களை தந்தவர் அடுத்த படைப்பில் தளபதியை எப்படிப்பட்ட கேரக்டரில் காண்பிக்க போகிறார் என்ற ஆவல் அதிகளவில் பேசப்பட்டு வருகிறது.
இப்படத்தில் ஒளிப்பதிவாளராக ஜி.கே.விஷ்ணு, கலை இயக்குனராக முத்துராஜ் தங்கவேல், எடிட்டராக ரூபன், ஸ்டண்ட் இயக்குனராக அனல் அரசு, பாடலாசிரியராக விவேக் போன்றோர் பணியாற்றுகின்றனர். அதுமட்டுமல்லாமல், இப்படம் பக்கா மாஸாக இருக்கும் என்றும் தெரிவித்தனர் படக்குழுவினர். இப்படத்தில் லேடி சூப்பர் ஸ்டாரான நடிகை நயன்தாரா நடிக்கவுள்ளதாக அறிவித்தனர். சமீபத்தில் நடிகர் யோகிபாபு, கதிர், விவேக், ஆனந்தராஜ், டேனியல் பாலாஜி நடிப்பது உறுதியாகிவிட்டது.
இப்படத்தின் படப்பிடிப்பு 21-ம் துவங்கி நடந்து வருகிறது. முதல் லுக் போஸ்டர் எப்போது வெளியாகும் என்ற ஏக்கத்தில் உள்ளனர் தளபதி ரசிகர்கள். ஒரு வேளை தளபதியின் பிறந்தநாளான ஜூன் 22-ம் தேதி வெளியாகக்கூடும் என்று பேசப்பட்டு வருகிறது. அதிகாரப்பூர்வ அறிவிப்பு வரும் வரை ரசிகர்கள் காத்திருப்பது நலம்.
நேற்று தளபதி கலந்து கொண்ட திருமண விழாவில் இருந்து வெளியான வீடியோ மிகவும் வைரலாக பரவி வருகிறது. தளபதியின் கையில் இருக்கும் கருப்பு நிற பேண்ட் அனைவரது கவனத்தையும் ஈர்த்து வருகிறது. தளபதி 63 படத்தில் அனைத்து காட்சிகளிலும் விஜய் இதை அனிந்திருப்பாரா என்ற கேள்வியும் ரசிகர்களிடையே எழுந்துள்ளது.
#ThalapathyVijay Recent Video 😍 from a wedding function .@Thalapathy63Off #thalapathy63 pic.twitter.com/fOR4XN3YFb
— #Thalapathy63 (@Thalapathy63Off) February 1, 2019