விஜய் டிவியில் ஒளிபரப்பாகி வரும் சூப்பர்ஹிட் தொடர்களில் ஒன்று நாம் இருவர் நமக்கு இருவர்.மிர்ச்சி செந்தில் இந்த தொடரின் நாயகனாக இரட்டை வேடங்களில் நடித்து அசத்தி வந்தார்.முதல் சீசன் பெரிய வெற்றியடைந்தது,இந்த தொடர் கொரோனா காரணமாக கைவிடப்பட்டது.

இதனை தொடர்ந்து இந்த தொடரின் இரண்டாவது சீசன் ஒளிபரப்பாகி வருகிறது.இந்த தொடரிலும் செந்தில் இரட்டை வேடங்களில் ஹீரோவாக கலக்கி வருகிறார்.மோனிஷா இந்த தொடரின் நாயகியாக நடித்து வருகிறார்.ப்ரேமி வெங்கட்,சபிதா வெங்கட்,காயத்ரி யுவராஜ்,ஜனனி அசோக் கும்மர்,வைஷ்ணவி என பல நட்சித்திரங்கள் முன்னணி வேடங்களில் நடித்து வருகின்றனர்.

பல விறுவிறுப்பான திருப்பங்களுடன் இந்த தொடர் 400 எபிசோடுககளை நோக்கி நகர்ந்து வருகிறது.கதையின் விறுவிறுப்பை கூட்டும் வகையில் இந்த தொடரில் இரண்டாவது ஹீரோயினாக செந்திலுக்கு ஜோடியாக VJ பவித்ரா சில வாரங்களுக்கு முன் இணைந்தார்.

இந்த தொடரில் தற்போது ரசிகர்களுக்கு சர்ப்ரைஸாக ஒரு என்ட்ரி வந்துள்ளது.முத்துராஜ் ஆக நடித்து வந்த சத்யராஜா சில மாதங்களுக்கு முன் இறந்தது போல காட்டினர்.அவர் தற்போது மீண்டும் சாகவில்லை என்று ரீ என்ட்ரி தந்துள்ளார்.இவரது வருகைக்கு பிறகு இந்த தொடர் எப்படி செல்ல போகிறது என்று ரசிகர்கள் காத்திருக்கின்றனர்.