காதல் சைக்கோ சாஹோ படத்தின் முதல் பாடல் குறித்த தகவல் !
By Aravind Selvam | Galatta | July 04, 2019 12:31 PM IST
பாகுபலி படத்தின் பிரம்மாண்ட வெற்றியை தொடர்ந்து பிரபாஸ் ஹீரோவாக நடித்து வரும் அடுத்த படம் சாஹோ.ஷ்ரத்தா கபூர் இந்த படத்தில் பிரபாஸுக்கு ஜோடியாக நடிக்கிறார்.300 கோடி ரூபாய் பட்ஜெட்டில் உருவாகியுள்ள இந்த படத்தை UV என்டேர்டைன்மெண்ட்ஸ் நிறுவனம் தயாரிக்கிறது.
அருண் விஜய்,ஜாக்கி Shroff உள்ளிட்ட நட்சத்திரங்கள் முக்கிய வேடங்களில் நடித்துள்ளனர்.இந்த படம் ஆகஸ்ட் 15ஆம் தேதி வெளியாகும் என்று அதிகாரபூர்வமாக அறிவிக்கப்பட்டுள்ளது.இந்த படத்தின் இசையமைப்பாளராக ராட்சசன்,விஸ்வரூபம் 2 உள்ளிட்ட படங்களுக்கு இசையமைத்த ஜிப்ரான் இந்த படத்திற்கு பின்னணி இசையமைத்துள்ளார்.
ஷங்கர் இஷான் லாய் இந்த படத்திற்கு இசையமைத்துள்ளனர்.இந்த படத்தின் டீஸர் சமீபத்தில் வெளியாகி நல்ல வரவேற்பை பெற்றது.தற்போது இந்த படத்தின் முதல் பாடலான காதல் சைக்கோ என்ற பாடல் விரைவில் வெளியாகவுள்ளது என்று தெரிவித்துள்ளனர்.இந்த பாடலின் டீஸர் மிக விரைவில் வெளிவரும் என்றும் தெரிவித்துள்ளனர்.