ஓவர்சீஸ் மார்க்கெட்டில் சூப்பர் ஸ்டார் ரஜினிகாந்தின் திரைப்படத்தில் இதுவரை இல்லாத சாதனையை ஜெயிலில் திரைப்படம் படைத்ததாக அறிவிப்பு வெளியானது. அன்றும் இன்றும் என்றும் என மக்களின் மனம் கவர்ந்த நட்சத்திரமாக கடந்த 45 ஆண்டுகளுக்கும் மேலாக தனது ஸ்டைலால் ரசிகர்களை கட்டப்பட்டுள்ள சூப்பர் ஸ்டார் ரஜினிகாந்த் அவர்கள் நடிப்பில் கடைசியாக வெளிவந்த அண்ணாத்த திரைப்படம் எதிர்பார்த்த பெரிய வெற்றியை பெற தவறிய போது ஆனாலும் அடுத்தடுத்து அவரது நடிப்பில் தயாராகும் படங்கள் பெரும் ஆர்வத்தை ஏற்படுத்தி இருக்கின்றன. அந்த வகையில், தனது மகளும் இயக்குனருமான ஐஸ்வர்யா ரஜினிகாந்த் இயக்கத்தில் லால் சலாம் திரைப்படத்தில் ரஜினிகாந்த் நடித்துள்ளார். இப்படத்தில் மொய்தின் பாய் எனும் மிக முக்கிய கௌரவ வேடத்தில் நடித்து வந்த சூப்பர் ஸ்டார் ரஜினிகாந்த் தன் பகுதி படபிடிப்பை நிறைவு செய்து இருக்கிறார். அடுத்ததாக இந்திய சினிமாவின் மோஸ்ட் வான்டட் இயக்குனர்களில் ஒருவராக உயர்ந்திருக்கும் இயக்குனர் லோகேஷ் கனகராஜ் இயக்கத்தில் புதிய படத்தில் ரஜினிகாந்த் நடிக்க இருப்பதாக செய்திகள் வெளி வருகின்றன. இது குறித்த அதிகாரப்பூர்வ அறிவிப்புகளுக்கு ரசிகர்கள் காத்திருக்கின்றனர்.
முன்னதாக மீண்டும் லைகா ப்ரோடக்ஷன் தயாரிப்பில் தலைவர் 171 படத்தில் சூப்பர் ஸ்டார் ரஜினிகாந்த் கதை நாயகனாக நடிக்கிறார். ஜெய் பீம் படத்தின் இயக்குனர் TJ.ஞானவேல் அவர்கள் தலைவர் 170 திரைப்படத்தை இயக்க இருக்கிறார். இதனிடையே முதல்முறையாக கோலமாவு கோகிலா, டாக்டர் மற்றும் பீஸ்ட் படங்களின் இயக்குனர் நெல்சன் திலீப் குமார் இயக்கத்தில் ரஜினிகாந்த் நடித்துள்ள திரைப்படம் தான் ஜெயிலர். சூப்பர் ஸ்டாருடன் இணைந்து ரம்யா கிருஷ்ணன் முன்னணி வேடத்தில் நடிக்கும்,ஜெயிலர் படத்தில் நடிகை தமன்னாவும் முக்கிய வேடத்தில் நடிக்கிறார். மேலும் தரமணி & ராக்கி படங்களின் நடிகர் வசந்த் ரவி, யோகி பாபு, மலையாள விநாயகன் உட்பட பலர் நடிக்கின்றனர். இதுபோக மலையாள நடிகர் மோகன் லால், கன்னட நடிகர் சிவராஜ்குமார், தெலுங்கு நடிகர் சுனில், ஹிந்தி நடிகர் ஜாக்கி ஷெராஃப் ஆகியோரும் இணைந்து நடித்துள்ளனர்.
சன் பிக்சர்ஸ் தயாரிப்பில் பிரம்மாண்டமாக உருவாகும் ஜெயிலர் திரைப்படத்திற்கு விஜய் கார்த்திக் கண்ணன் ஒளிப்பதிவில், நிர்மல் படத்தொகுப்பு செய்ய, அனிருத் இசையமைக்கிறார். கடந்த சில தினங்களுக்கு முன்பு வெளிவந்த ஜெயிலால் திரைப்படத்தின் ட்ரெய்லர் வீடியோவான ஜெயிலர் ஷோகேஸ் வீடியோ படத்தின் மீதான எதிர்பார்ப்பை அதிகரித்துள்ளது. பீஸ்ட் திரைப்படத்திற்கு பிறகு இயக்குனர் நெல்சன் சந்தித்த எதிர்மறை விமர்சனங்கள் அனைத்தும் ஜெயிலர் படத்திற்கு பிறகு ஆகும் என எதிர்பார்க்கப்படுகிறது. நாளை ஆகஸ்ட் 10ஆம் தேதி உலகெங்கும் திரையரங்குகளில் ஜெயிலர் படம் ரிலீஸாகவுள்ளது. ஐங்கரன் இன்டர்நேஷனல் நிறுவனம் ஜெயிலர் திரைப்படத்தை வெளிநாடுகளில் வெளியிடுகிறது. இந்த நிலையில் சூப்பர் ஸ்டார் ரஜினிகாந்தின் ஜெயிலர் திரைப்படம் வெளிநாடுகளில் மட்டும் 3000கும் அதிகமான திரைகளில் திரையிடப்படுவதாக தற்போது அதிகாரபூர்வமாக அறிவிக்கப்பட்டுள்ளது. சூப்பர் ஸ்டார் ரஜினிகாந்த் அவர்களின் திரை பயணத்திலேயே இதுவரை இல்லாத அளவிற்கு வெளிநாடுகளில் அதிகப்படியான திரைகளில் ஜெயிலர் திரைப்படம் வெளியாக இருப்பது குறிப்பிடத்தக்கது. ஐங்கரன் இன்டர்நேஷனல் நிறுவனத்தின் அந்த அறிவிப்பு இதோ…
Let’s start the countdown for #Superstar Rajinikanth's, largest ever release in the overseas market 3000 + Screens🔥🥁💥
— Ayngaran International (@Ayngaran_offl) August 9, 2023
Muthuvel Pandian entry from tomorrow
Alaparai kelapurom 🤘🔥#JailerFromAug10#Jailer #JailerwithAyngaran pic.twitter.com/BNf8AeWbkU
