பேட்ட படத்தின் ஆஹா கல்யாணம் பாடல் வெளியானது !
By Sakthi Priyan | Galatta | February 02, 2019 16:50 PM IST
சன் பிக்சர்ஸ் தயாரிப்பில் சூப்பர் ஸ்டார் ரஜினிகாந்த் நடிப்பில் இயக்குனர் கார்த்திக் சுப்பராஜ் இயக்கத்தில் பொங்கல் விருந்தாக ஜனவரி 10-ம் தேதி வெளியான படம் பேட்ட. ராக்ஸ்டார் அனிருத் இசையமைக்கும் இப்படத்தில் விஜய் சேதுபதி, நவாஷுதின் சித்திக், த்ரிஷா, சிம்ரன், பாபி சிம்ஹா, சசிகுமார் போன்ற நட்சத்திரங்கள் சூப்பர் ஸ்டாருடன் இணைந்து நடிக்கின்றனர்.
முழுக்க முழுக்க சூப்பர் ஸ்டார் ரஜினி படத்தை தந்த கார்த்திக் சுப்பராஜ் மற்றும் பேட்ட படக்குழுவினரை ரசிகர்கள் அனைவரும் பாராட்டி வருகின்றனர்.
தற்போது இப்படத்தில் இடம்பெற்ற ஆஹா கல்யாணம் பாடல் வெளியானது. அந்தோணி தாசன் பாடிய இப்பாடலில் சூப்பர் ஸ்டாருடன் சசிகுமார், மாளவிகா மற்றும் த்ரிஷா தோன்றி அசத்தியிருக்கின்றனர். கிராமப்புற சாயலில் உள்ள இப்பாடல் மிகுந்த வரவேற்பை பெற்று வருகிறது.