கே.எஸ்.ரவிக்குமார் படத்தின் ரிலீஸ் தேதி இதோ !

கடந்த 2014-ம் ஆண்டு சூப்பர்ஸ்டார் ரஜினிகாந்த் நடித்த லிங்கா படத்தை இயக்கிய கே.எஸ்.ரவிக்குமார், கன்னடம் மற்றும் தெலுங்கு மொழிகளிலும் தரமான படங்களை இயக்கி வருகிறார். தற்போது பாலகிருஷ்ணா நடிப்பில் ரூலர் என்ற படத்தை இயக்கியுள்ளார். இந்தப் படம் பாலகிருஷ்ணாவின் 105-வது படமாக உருவாகியுள்ளது.

இந்நிலையில் இந்தப் படத்தின் மோஷன் போஸ்டரை வெளியிட்டு அசத்தியுள்ளது படக்குழு. போலீஸ் யூனிஃபார்மில் கையில் சுத்தியலுடன் தோன்றியுள்ளார் நடிகர் பாலகிருஷ்ணா. ஹாப்பி மூவீஸ் தயாரிக்கும் இந்தப் படத்தில் சோனல் சவுகான் நாயகியாக நடிக்கிறார். சிரந்தன் பட் இசையமைக்கிறார். டிசம்பர் 20-ம் தேதி படத்தை ரிலீஸ் செய்ய படக்குழு திட்டமிட்டுள்ளது.

கே.எஸ்.ரவிக்குமார் மற்றும் பாலகிருஷ்ணா காம்போவில் வெளியான ஜெய் சிம்ஹா திரைப்படம் வசூலைக் குவித்து வெற்றிப் படமாக அமைந்தது கூடுதல் தகவல்.