குழந்தையை வரவேற்ற எரும சாணி ஹரிஜா ! ரசிகர்கள் வாழ்த்து
By Sakthi Priyan | Galatta | March 12, 2021 09:55 AM IST
யூடியூப் சேனலான எருமை சாணியில் நிறைய குறும்படங்கள் நடித்து டாப் ஹீரோயின் ரேஞ்சிற்கு ஒட்டுமித்த இளைஞர்களிடையே பெரும் பிரபலமானவர் ஹரிஜா. இதன் மூலம் அவருக்கு கிடைத்த பெரும் புகழை வைத்து படங்களில் நடிக்கும் வாய்ப்புகளும் கிடைத்தது. கடந்த 2018-ம் ஆண்டு தான் கல்லூரி சீனியரும் காதலருமான அமர் ரமேஷ் என்பவரை காதலித்து திருமணம் செய்துகொண்டார்.
ஹரிஜா கடைசியாக Mr.லோக்கல் படத்தில் நடித்திருந்தார். அதனைத் தொடர்ந்து ஓடவும் முடியாது, ஒளியவும் முடியாது எனும் படம் வைத்துள்ளார்.
திருமணத்திற்கு பிறகு தனது கணவருடன் திருவிளையாடல் என்ற புது யூடியூப் சேனல் ஒன்றை ஆரம்பித்து அதில் பல குறும்படங்களில் நடித்து வருகிறார். அப்படியிருந்தும் எரும சாணி யூடியூப்பில் அவர் கூறும் போடா எரும சாணி கிறுக்கு பயலே என்ற வசனம் இன்னும் இளைஞர்கள் மனதில் இருக்கிறது.
துரு துறுன்னு குழந்தை போல பேசி ரசிக்க வைத்த ஹரிஜா இன்ஸ்டாகிராமில் இவர் வெளியிடும் புகைப்படங்களுக்கு ரசிகர்கள் ஏராளம். போட்டோஷூட் புகைப்படங்களை வெளியிட்டு அசத்தி வருகிறார்.
பார்ப்பதற்கு குழந்தை போல துருதுருவென்று இருக்கும் இவர், சில நாட்கள் முன்பு தனக்கு குழந்தை பிறக்க போகிறது என்ற செய்தியை தெரிவித்தார். கர்ப்பமாக இருக்கும் புகைப்படத்தை இன்ஸ்டாகிராம் பக்கத்தில் வெளியிட்டிருந்தார்.
இந்நிலையில் தற்போது ஹரிஜா தனக்கு குழந்தை பிறந்துள்ள விஷயத்தை உறுதிப்படுத்தியுள்ளார். அதோடு பாரம்பரிய உடையில் ஹரிஜாவும் அமரும் இருக்கும் ஒரு புதிய புகைப்படத்தையும் வெளியிட்டுள்ளார். அதில், இந்த மகாசிவராத்திரியில் எங்களுக்கு ஆண் குழந்தை பிறந்துள்ளது எனவும் தெரிவித்துள்ளார். இதையடுத்து ரசிகர்கள் அவருக்கு தங்கள் வாழ்த்துகளை தெரிவித்து வருகின்றனர்.
SHOCKING: Director SP Jananathan critically ill - admitted in ICU!
12/03/2021 08:21 AM
Bigg Boss actress Gauhar Khan shuts down false report about pregnancy
11/03/2021 07:46 PM