ஆறு மணிக்கு இருக்குது அலப்பறை ! விவரம் உள்ளே

தமிழ் திரையுலகில் தாகம் தீரா கலைஞர்களில் ஒருவர் சியான் விக்ரம். முப்பது ஆண்டுகளுக்கு மேலாக ரசிகர்களை தன் வசம் வைத்திருக்கும் சியான், இளைய சியானை திரையில் அறிமுகப்படுத்தவுள்ளார்.

கடந்த 2017-ம் ஆண்டு இயக்குனர் சந்தீப் வங்கா இயக்கத்தில் விஜய் தேவரகொண்டா நடிப்பில் வெளியாகி சூப்பர் ஹிட் அடித்த படம் அர்ஜுன் ரெட்டி. தமிழில் ஆதித்ய வர்மா எனும் பெயரில் ரீமேக் செய்யப்படுகிறது. நாயகனாக சியான் விக்ரமின் மகன் துருவ் விக்ரம் அறிமுகமாகிறார். பாலிவுட் படமான அக்டோபர் படத்தில் நடித்த நடிகை பனிதா சந்து இந்தப் படத்தில் துருவுக்கு ஜோடியாக நடித்துள்ளார். இவர்களுடன் பிரியா ஆனந்தும் நடித்துள்ளார். ரவி.கே.சந்திரன் ஒளிப்பதிவு செய்துள்ள இப்படத்திற்கு ரதன் இசையமைத்துள்ளார்.

சமீபத்தில் இந்தப் படத்தின் ட்ரைலர் மற்றும் பாடல்கள் வெளியாகி ரசிகர்களிடையே நல்ல வரவேற்பைப் பெற்று வருகிறது. படத்தின் ரிலீஸ் தேதி நவம்பர் 8-ம் தேதியிலிருந்து நவம்பர் 22-ம் தேதிக்கு மாற்றப்பட்டிருக்கிறது. படத்தின் சாட்டிலைட் உரிமத்தை சன் தொலைக்காட்சி கைப்பற்றியுள்ளது என சமீபத்தில் தெரியவந்தது.

தற்போது இப்படத்திலிருந்து Sneak Peek வீடியோ இன்று மாலை 6மணிக்கு வெளியாகவுள்ளது. இதனால் துள்ளலில் காணப்படுகிறார்கள் துருவ் ரசிகர்கள். இந்த விதை மக்கள் விரும்பும் மரமாக வளர கலாட்டா சார்பாக வாழ்த்துகிறோம்.