தமிழ் சினிமா ரசிகர்கள் மத்தியில் மிகப்பெரிய வரவேற்பை பற்றி பிளாக்பஸ்டர் ஹிட்டாகியிருக்கும் மார்க் ஆண்டனி படத்தின் OTT ரிலீஸ் தேதி அறிவிப்பு வெளியானது. திரிஷா இல்லனா நயன்தாரா , அன்பானவன் அடங்காதவன் அசராதவன் மற்றும் பஹீரா உள்ளிட்ட திரைப்படங்களை இயக்கிய இயக்குனர் ஆதிக் ரவிச்சந்திரன் இயக்கத்தில் விஷால் மற்றும் S.J.சூர்யா இணைந்து முன்னணி கதாபாத்திரங்களில் நடித்திருக்கும் திரைப்படம் தான் மார்க் ஆண்டனி. ரிது வர்மா கதாநாயகியாக நடிக்க, இயக்குனர் செல்வராகவன் & புஷ்பா , சிவகார்த்திகேயனின் மாவீரன் மற்றும் சூப்பர் ஸ்டார் ரஜினிகாந்த் நடிப்பில் சமீபத்தில் வெளிவந்து பிளாக்பஸ்டர் ஹிட்டான ஜெயிலர் உள்ளிட்ட படங்களில் முக்கிய வேடங்களில் நடித்த பிரபல தெலுங்கு நடிகர் சுனில் இருவரும் மார்க் ஆண்டனி திரைப்படத்தில் மிக முக்கிய கதாபாத்திரங்களில் நடித்துள்ளனர். மேலும் நிழல்கள் ரவி, Y.gee.மகேந்திரன், ரெட்டின் கிங்ஸ்லி, அபிநயா மற்றும் மலேசிய நடிகர் DSG உள்ளிட்டோர் மார்க் ஆண்டனி திரைப்படத்தில் நடித்துள்ளனர்.
இந்த நட்சத்திர பட்டாளத்திற்கு மேலாக ஒட்டு மொத்த தமிழ் சினிமா ரசிகர்களுக்கும் கூடுதல் சர்ப்ரைஸாக தமிழ் சினிமாவின் முக்கிய நடிகையாக கொடி கட்டி பறந்த மறைந்த நடிகை சில்க் ஸ்மிதாவை போல உருவம் கொண்ட நடிகை விஷ்ணு ப்ரியாவை நடிக்கவைத்து CGI உதவியுடன் சில்க் ஸ்மிதாவை பட குழுவினர் மீண்டும் கொண்டு வந்தனர். அபிநந்தன் ராமானுஜம் ஒளிப்பதிவில், விஜய் வேலுக்குட்டி படத்தொகுப்பு செய்ய, மார்க் ஆண்டனி திரைப்படத்திற்கு ஜீவி பிரகாஷ் குமார் இசையமைக்கிறார். விநாயகர் சதுர்த்தி வெளியீடாக கடந்த செப்டம்பர் 15ஆம் தேதி மார்க் ஆண்டனி படம் 2023ம் ஆண்டு உலகெங்கும் திரையரங்குகளில் ரிலீஸானது. அட்டகாசமான இரட்டை வேடங்களில் விஷால் மற்றும் SJ.சூர்யா இருவரும் இணைந்து நடித்திருக்கும் இந்த மார்க் ஆண்டனி திரைப்படம் டைம் டிராவல் கான்செப்ட்டை கொண்ட வித்தியாசமான கேங்ஸ்டர் திரைப்படமாக ரசிகர்கள் மத்தியில் மிகப்பெரிய வரவேற்பை பெற்றது. படத்தின் கதாபாத்திரங்கள், பின்னணி இசை, ஒளிப்பதிவு, ஆக்சன் என கம்ப்ளீட் பேக்கேஜாக மார்க் ஆண்டனி திரைப்படம் இந்த 2023 ஆம் ஆண்டின் சூப்பர் ஹிட் படங்களின் பட்டியலில் இணைந்துள்ளது.
குறிப்பாக மார்க் மற்றும் ஆண்டனி என்ற இரண்டு கதாபாத்திரங்களிலும் விஷால் தனது முழு உழைப்பை கொடுத்து இரண்டு கதாபாத்திரங்களுக்குமான வித்தியாசத்தை மிகவும் நியாயமாக கொடுத்து ரசிகர்களை ரசிக்க வைத்திருக்கிறார். மறுபுறம் நடிப்பு அரக்கன் எஸ்.ஜே.சூர்யா பட்டப்பெயருக்கு தகுந்த மாதிரியே ஜாக்கி பாண்டியன் மற்றும் மதன் பாண்டியன் என்ற இரண்டு வேடங்களிலும் தனக்கே உரித்தான பாடி லாங்குவேஜிலும் டயலாக் டெலிவரிகளிலும் திரையரங்குகளை சிரிப்பொலியாலும் கர ஒலியாலும் அதிர வைத்தார். பக்கா ஆக்சன் என்டர்டெய்னர் படமாக தொடர்ந்து ரசிகர்கள் ரிப்பீட் மோடில் மார்க் ஆண்டனி திரைப்படத்தை திரையரங்குகளில் கொண்டாடினர். சமீபத்தில் இந்த மார்க் ஆண்டனி திரைப்படத்தின் வெற்றியையும் படக்குழுவினர் கொண்டாடினர். இப்படியாக இந்த 2023 ஆம் ஆண்டில் மிகவும் கொண்டாடப்பட்ட திரைப்படங்களில் ஒன்றான இந்த மார்க் ஆண்டனி திரைப்படத்தை திரையரங்குகளை தாண்டி OTTயிலும் கொண்டாடுவதற்காக ரசிகர்கள் ஆவலோடு காத்திருக்கின்றனர். இந்த நிலையில் வருகிற அக்டோபர் 13ஆம் தேதி மார்க் ஆண்டனி திரைப்படம் தமிழ் மற்றும் தெலுங்கு என இரு மொழிகளிலும் அமேசான் பிரைம் வீடியோவில் வெளியாகும் என அதிகாரப்பூர்வமாக அறிவிக்கப்பட்டுள்ளது அந்த அதிகாரப்பூர்வ அறிவிப்பு இதோ…
a laughter fest taking you beyond the dimensions of time! 🕰️#MarkAntonyOnPrime, Oct 13 pic.twitter.com/GmGjSfoku9
— prime video IN (@PrimeVideoIN) October 10, 2023
