எக்கச்சக்கமான எதிர்பார்ப்புகளுக்கு மத்தியில் வெளிவர இருக்கும் சந்திரமுகி 2 திரைப்படத்திலிருந்து அடுத்த அட்டகாசமான ட்ரீட்டாக "நீ கோசமே" என்ற பாடல் தற்போது வெளிவந்துள்ளது. முன்னதாக மலையாளத்தில் நடிகர் மோகன்லால் நடிப்பில் வெளிவந்த சூப்பர் ஹிட்டான மணிசித்திரதாழ் திரைப்படத்தின் ரீமேக்காக, இயக்குனர் பி.வாசு இயக்கத்தில் சூப்பர் ஸ்டார் ரஜினிகாந்த் கதாநாயகனாக நடித்து 2005ல் வெளிவந்த திரைப்படம் சந்திரமுகி. இந்திய சினிமா கொண்டாடும் சூப்பர் ஸ்டார் ரஜினிகாந்த் அவர்களின் திரைப்பயணத்தில் பாபா திரைப்படத்திற்கு பிறகு ஒரு இடைவெளிக்கு பின் ஒரு மிகப்பெரிய வெற்றி தேவைப்பட்ட நிலையில் அப்படி ஒரு பிளாக்பஸ்டர் படமாக அமைந்த சந்திரமுகி தமிழ் சினிமாவில் கடந்த 25 ஆண்டுகளில் அதிக நாட்கள் திரையரங்குகளில் ஓடிய திரைப்படங்களின் பட்டியலில் அசைக்க முடியாத சாதனை படைத்து உச்சத்தில் இருக்கிறது. தமிழ் சினிமாவின் மிக முக்கிய இயக்குனர்களில் ஒருவராக சூப்பர் ஸ்டார் ரஜினிகாந்த் அவர்களுக்கு பணக்காரன் உழைப்பாளி மன்னன் என சூப்பர் ஹிட் படங்களை கொடுத்த இயக்குனர் பி.வாசு அவர்கள் தான் சந்திரமுகி படத்தையும் இயக்கினார்.
சந்திரமுகி படத்திற்கு முன்பாக அதன் கன்னட வெர்ஷன் ஆப்தமித்ரா படத்தை பி.வாசு இயக்கி இருந்தார் என்பது குறிப்பிடத்தக்கது. பக்கா ஃபேமிலி என்டர்டெயின்மென்ட் படமாக இமாலய வெற்றி பெற்ற சந்திரமுகி திரைப்படத்தின் வெற்றியை தொடர்ந்து சந்திரமுகி 2 திரைப்படம் தற்போது தயாராகி இருக்கிறது. சூப்பர் ஸ்டார் ரஜினிகாந்த் நடித்த ஹீரோ கதாபாத்திரத்தில் சந்திரமுகி 2 திரைப்படத்தில் நடிகர் ராகவா லாரன்ஸ் நடித்துள்ளார். கதையின் நாயகியாக சந்திரமுகி கதாபாத்திரத்தில் பாலிவுட் நடிகை கங்கனா ரனாவத் நடித்துள்ளார். மேலும் வைகைப்புயல் வடிவேலு, ராதிகா சரத்குமார், ரவிமரியா, மஹிமா நம்பியார், லட்சுமி மேனன், ஷ்ருஷ்டி தாங்கே, சுரேஷ் மேனன், விக்னேஷ் மற்றும் சுபிக்ஷா கிருஷ்ணன் உள்ளிட்ட பலர் சந்திரமுகி 2 திரைப்படத்தில் நடித்துள்ளனர். தோட்டா தரணி அவர்களின் கலை இயக்கத்தில் R.D.ராஜசேகர் ஒளிப்பதிவு செய்யும் சந்திரமுகி 2 திரைப்படத்திற்கு ஆஸ்கார் விருது வென்ற பாகுபலி மற்றும் RRR திரைப்படங்களின் இசையமைப்பாளர் MM.கீரவாணி இசையமைத்துள்ளார்.
தமிழ், தெலுங்கு, மலையாளம், ஹிந்தி & கன்னடம் உள்ளிட்ட மொழிகளில் PAN இந்தியா படமாக சந்திரமுகி 2 வருகிற செப்டம்பர் 28ஆம் தேதி சந்திரமுகி 2 திரைப்படம் ரிலீஸ் ஆகும் என அறிவிக்கப்பட்டிருக்கிறது. ரிலீசுக்கு இன்னும் 3 நாட்களே இருக்கும் நிலையில் சந்திரமுகி 2 திரைப்படத்திலிருந்து அடுத்த ட்ரீட்டாக "நீ கோசமே" என்ற பாடல் தற்போது வெளிவந்துள்ளது. வேட்டையன் கதாபாத்திரத்திற்கும் சந்திரமுகி கதாபாத்திரத்திற்கும் இடையிலான ஒரு ரொமான்டிக் பாடலாக உருவாகி இருக்கும் இந்த நீ கோசமே என்ற பாடல் தற்போது வெளிவந்து ரசிகர்களின் கவனத்தை வெகுவாக ஈர்த்துள்ளது. அட்டகாசமான அந்த நீ கோசமே பாடல் லிரிக் வீடியோவை கீழே உள்ள லிங்கில் காணலாம்.
