தமிழ் சினிமாவில் தவிர்க்க முடியாத நடிகர்களில் ஒருவர் நடிகர் தலைவாசல் விஜய். பல ஆண்டுகளாக தமிழ் சினிமாவில் முக்கிய குணச்சித்திர வேடங்களிலும் வில்லன் கதாபாத்திரங்களிலும் கிட்டதட்ட 300 படக்களுக்கு மேல் நடித்தவர் பிரபல நடிகர் தலைவாசல் விஜய். 'தலைவாசல்' என்ற படத்தில் அறிமுகமானதனால் இவருக்கு தலைவாசல் விஜய் என்றே பிரபலமடைந்தார். சமீபத்தில் இவர் நடிப்பில் 'டி பிளாக்', 'யானை', 'தி ஃபால்' 'லத்தி' போன்ற படங்கள் வெளியாகியது. இவர் தமிழ் மட்டுமல்லாமல் மலையாளம் தெலுங்கு, ஹிந்தி உள்ளிட்ட பல மொழிகளில் நடித்துள்ளார். நடிப்பு மட்டும் இல்லாமல் பிண்ணனி குரல்களும் பல கதாபாத்திரங்களுக்கு கொடுத்து வருகிறார்.
இவரது மகளான ஜெயவீனா ஒரு சிறந்த நீச்சல் வீராங்கனை.பல்வேறு போட்டிகளில் கலந்து கொண்டு பதக்கங்களை வென்றுள்ளார். சமீபத்தில் இவர் நேபாள நாட்டின் தலைநகர் காத்தமெண்டுவில் நடந்த தெற்காசிய நீச்சல் போட்டியில் கலந்துகொண்டார். சமீபத்தில் இவரது சாதனைகள் இணையத்தில் வைரலானது குறிப்பிடத்தக்கது.
இந்நிலையில் நடிகர் தலைவாசல் விஜய்யின் மகள் ஜெயவீனா தமிழக கிரிக்கெட் வீரரான பாபா அபரஜித் அவர்களை திருமணம் செய்து கொள்ள உள்ளார். இருவரது திருமண நிச்சயதார்த்தம் சிறப்பாக நடந்து முடிந்துள்ளது. இவரது நிச்சயதார்த்த புகைப்படங்களை இணையத்தில் இருவரும் பகிர்ந்துள்ளனர். இதனை தொடர்ந்து ரசிகர்கள் பலரும், தங்களுடைய வாழ்த்துக்களை இருவருக்கும் தெரிவித்து வருகின்றனர்.