பிரியா பவானிசங்கருடன் காதலா ? வதந்திக்கு முற்றுப்புள்ளி வைத்த SJ சூர்யா !
By Sakthi Priyan | Galatta | January 16, 2020 13:33 PM IST
எஸ்.ஜே.சூர்யா நடிப்பில் சமீபத்தில் வெளியாகி ஹிட் அடித்த படம் மான்ஸ்டர். இத்திரைப்படம் ரசிகர்களிடையே நல்ல வரவேற்பு பெற்றது. இப்படத்தை தொடர்ந்து இயக்குனர் ராதாமோகன் இயக்கும் பொம்மை படத்தில் நடித்து வருகிறார். இதில் இவருக்கு ஜோடியாக பிரியா பவானி சங்கர் மற்றும் சாந்தினி நடிக்கிறார்கள்.
காதல் கலந்த ஒரு திரில்லர் படமாக உருவாகவிருக்கும் இப்படத்திற்கு யுவன் ஷங்கர் ராஜா இசையமைக்கிறார். இப்படத்திற்கு ரிச்சர்ட் எம்.நாதன் ஒளிப்பதிவு செய்கிறார். 2020 பிப்ரவரி 14 காதலர் தினத்தன்று இப்படத்தை வெளியிட படக்குழுவினர் திட்டமிட்டுள்ளனர் என்ற தகவல் தெரியவந்தது. படத்தின் நாயகியான பிரியா பவானி நடித்து வந்த காட்சிகள் முடிந்தது. படத்தின் ஃபர்ஸ்ட் லுக் போஸ்டர் வெளியாகி அமோக வரவேற்பை பெற்றது. சமீபத்தில் படத்தின் கிளைமாக்ஸ் காட்சிகள் படமாக்கப்பட்டது. அதில் ஸ்டண்ட் காட்சிகளை கனல் கண்ணன் வடிவமைத்தார்.
நாயகி பிரியா பவானியிடம், எஸ்.ஜே.சூர்யா தனது காதலை வெளிப்படுத்தியதாகவும். அதை பிரியா பவானி நிராகரித்து விட்டதாக இணையத்தில் செய்தி பரவியது. இச்செய்தி முற்றிலும் தவறானது. இதுபோன்ற வதந்திகளை பரப்ப வேண்டாம் என்று கேட்டுக்கொண்டார். மான்ஸ்டர் படத்திலிருந்து நல்ல தோழியாக இருக்கிறார் என்றும் பதிவு செய்துள்ளார்.