உலகின் தலைசிறந்த 5 கிரிக்கெட் வீரர்கள் யார் என்று “விஸ்டன் இதழ்” அறிவித்துள்ளது.

மிகவும் பிரபலமான “விஸ்டன் இதழ்” கடந்த 10 ஆண்டுகளில் உலகின் மிகச் சிறந்த 5 கிரிக்கெட் வீரர்களின் பட்டியலை தற்போது வெளியிட்டுள்ளது. 

இதில், இந்திய அணியின் கேப்டன் விராட் கோலி முதல் இடம் பிடித்துள்ளார். 2 ஆம் இடத்தில் ஆஸ்திரேலியாவின் ஸ்டீவன் சுமித், 3 ஆம் இடத்தில் தென் ஆப்பிரிக்காவின் டிவில்லியர்ஸ் இடம் பெற்றுள்ளனர்.

அதேபோல், 4 ஆம் இடத்தில் டேல் ஸ்டெயின், 5 ஆம் இடத்தில் ஆஸ்திரேலிய வீராங்கனை எலிசி பெர்ரி ஆகியோர் இடம் பெற்றிருப்பதாக, “விஸ்டன் இதழ்” தெரிவித்துள்ளது.

விராட் கோலிக்கு தற்போது 31 வயதாகும் நிலையில், சவாலான நேரங்களில் விராட் கோலி மீண்டும், மீண்டும் எழுச்சியுடன் விளையாடுகிறார் என்று “விஸ்டன் இதழ்” புகழாரம் சூட்டி உள்ளார்.

மேலும், விராட் கோலியின் சராசரி 63 என்றும், இதில் 21 சதங்களும், 13 அரை சதங்களும் அடக்கம் என்றும் குறிப்பிட்டுள்ளது.

அதேபோல், 20 ஓவர் போட்டி, ஒருநாள் கிரிக்கெட் போட்டி, டெஸ்ட் போட்டி ஆகிய 3 விதமான  சர்வதேச கிரிக்கெட்டிலும், 50 ரன்களுக்கு மேல் சராசரியைக் கொண்டுள்ள ஒரே தனித்துவமான விளையாட்டு வீரர் என்றும் “விஸ்டன் இதழ்” புகழ் மாலை சூடியுள்ளது.