rj balaji தமிழ் செய்திகள்

தமிழ் சினிமாவின் முன்னணி இயக்குனர்களில் ஒருவரான இயக்குனர் விக்னேஷ் சிவன் தனது 22 ஆவது வயதில் இயக்குனராக முதல் படமான போடா போடி படத்திற்கு கையெழுத்திட்டார். பலவிதமான போராட்டங்களுக்குப் பிறகு உருவான போடா போடி திரைப்படம் ஐந்து ஆண்டுகள் கழித்து ரிலீஸ் ஆனது. எதிர்பார்த்த வெற்றியை பெறாத போடா போடி திரைப்படத்திற்கு பிறகு சில ஆண்டுகள் வாய்ப்புகள் இன்றி இருந்த இயக்குனர் விக்னேஷ் சிவன் பின்னர் நானும் ரவுடிதான் திரைப்படத்தில் கம்பேக் கொடுத்தார். இயக்குனர் விக்னேஷ் சிவன் இயக்கத்தில் மக்கள் செல்வன் விஜய் சேதுபதி லேடி சூப்பர் ஸ்டார் நயன்தாரா இணைந்து நடித்து வெளிவந்த நானும் ரவுடிதான் திரைப்படம் ரசிகர்களுடைய ஏகோபித்த வரவேற்பை பெற்று வெற்றி பெற அடுத்தடுத்து தானா சேர்ந்த கூட்டம், காத்து வாக்குல ரெண்டு காதல் என விக்னேஷ் சிவன் இயக்கிய படங்கள் ரசிகர்களுடைய மிகப்பெரிய வரவேற்பை பெற்றன. 

இதன் தொடர்ச்சியாக இயக்குனர் விக்னேஷ் சிவன் இயக்கும் அடுத்த திரைப்படத்தில் அஜித் குமார் கதாநாயகனாக நடிக்க இருப்பதாக கடந்த சில மாதங்களுக்கு முன்பு அறிவிக்கப்பட்ட நிலையில், சமீபத்தில் அத்திரைப்படம் கைவிடப்படுவதாகவும் தகவல்கள் வெளிவந்தன. எனவே தற்போது தனது அடுத்த படத்திற்கான பணிகளில் இயக்குனர் விக்னேஷ் சிவன் தற்போது கவனம் செலுத்தி வருகிறார். கோமாளி மற்றும் லவ் டுடே படங்களின் இயக்குனரும் நடிகருமான பிரதீப் ரங்கநாதன் இயக்குனர் விக்னேஷ் சிவன் இயக்கத்தில் உருவாகும் அந்த புதிய படத்தில் நடிக்க இருப்பதாக தெரிகிறது. இது குறித்து அதிகாரப்பூர்வ அறிவிப்பு வெகு விரைவில் வெளிவரும் என எதிர்பார்க்கப்படுகிறது.

இந்த நிலையில் நமது கலாட்டா தமிழ் சேனலில் நடைபெற்ற விக்னேஷ் சிவன் ரசிகர்கள் கொண்டாட்டத்தில் கலந்து கொண்ட இயக்குனர் விக்னேஷ் சிவன் நம்மோடு பல சுவாரசியமான தகவல்களை பகிர்ந்து கொண்டார். அதன் ஒரு பகுதியாக இயக்குனர் விக்னேஷ் சிவனின் திரைப்படங்களில் இடம் பெற்ற சில முக்கியமான காட்சிகள் ஒளிபரப்பப்பட்டு அந்த காட்சியின் பின்னணியில் நடந்த சுவாரசியங்கள் குறித்து இயக்குனர் விக்னேஷ் சிவன் பேசினார். அந்த வகையில், தானா சேர்ந்த கூட்டம் படத்தில் நடிகர் ஆர்.ஜே.பாலாஜியின் நேர்காணல் காட்சி ஒளிபரப்பானது. பின்னர் அந்த காட்சி பற்றி, “அது அவனே ஏதோ உளறினது... அந்த விஷயத்தை நாங்கள் கலந்து பேசி தான் செய்தோம். இந்த அளவிற்கு ஆழமாக என்னால் தனியாக யோசிக்க முடியாது இதை ஆர்.ஜே பாலாஜியும் நானும் சேர்ந்து கலந்து பேசியபோது அவர் தான் அந்த வசனத்தை எடுத்து வந்தார். அந்த இரண்டாவது வாய்ப்பு என்ற இடத்தோடு நின்றது. அதன் பிறகு மீண்டும் கலந்து பேசிய போது இவை எல்லாம் அவர் விரிவுபடுத்தி எடுத்து வந்தது தான்... அவருக்கு அது சார்ந்த அறிவு இருக்கிறது. அது ஒரு கூட்டு முயற்சி தான். இதற்கான பாராட்டு ஆர்.ஜே.பாலாஜி அவர்களுக்கு தான் கொடுக்க வேண்டும்.” என இயக்குனர் விக்னேஷ் சிவன் தெரிவித்துள்ளார். இயக்குனர் விக்னேஷ் சிவனின் அந்த முழு பேட்டி இதோ…
 

குடும்பங்கள் கொண்டாடும் கதை மற்றும் நகைச்சுவை டிராக் கதையையும் கொடுத்து ரசிகர்களின் அபிமானத்தை பெற்ற ஆர்ஜே பாலாஜி முதல் முதலில் திரில்லர் கதையை தேர்ந்தேடுத்து நடித்துள்ள திரைப்படம் ‘ரன் பேபி ரன்’  à®ªà®¿à®°à®¿à®©à¯à®¸à¯ பிக்சர் தயாரித்த இப்படத்தை இயக்குனர்  à®œà®¿à®¯à®©à¯ கிருஷ்ணகுமார் இயக்கியுள்ளார். இதில் ஆர் ஜே பாலாஜியுடன் இணைந்து நடிகை ஐஸ்வர்யா ராஜேஷ் முக்கிய கதாபாத்திரத்தில் நடித்துள்ளார். மேலும் படத்தில் ராதிகா சரத்குமார், இஷா தல்வார், ஸ்மிருதி வெங்கட், விவேக் பிரசன்னா உள்ளிட்டோர் நடித்துள்ளனர். இப்படத்திற்கு சாம் சி.எஸ் இசையமைத்துள்ளார். தொடர்ந்து இரண்டு வாரங்களாக மக்களின் ஆதரவை பெற்று திரையரங்குகளில் ஓடிக்கொண்டிருக்கும் ரன் பேபி ரன் இன்றுடன் மூன்றாவது வாரத்தில் அடியெடுத்து வைத்துள்ளது. இதை தொடர்ந்து ரசிகர்கள் ரன் பேபி ரன் படக்குழுவினரை ரசிகர்கள் பாராட்டி வருகின்றனர்.

முன்னதாக ரன் பேபி ரன் தயாரிப்பு நிறுவனமான பிரின்ஸ் பிக்சர்ஸ் , வெற்றிகரமாக மூன்றாவது வாரத்தில் அடியெடுத்து வைத்துள்ளது ரன் பேபி திரைப்படம். சர்தார் பிளாக்பஸ்டர் தொடர்ந்து எங்களுக்கு மேலும் ஒரு வெற்றி கிடைத்துள்ளது. இதை சத்தியப்படுத்தியதற்கு ரசிகர்களுக்கு நன்றி மேலும் படக்குழுவினருக்கும் நன்றி என்று தெரிவித்து அறிக்கை வெளியிடப்பட்டது.

A special thanks note to the audiences, press, media and the entire team of #RunBabyRun 🙏@RJ_Balaji @aishu_dil @jiyenkrishna @lakku76 @SamCSmusic @realradikaa @RajAyyappamv @smruthi_venkat @actorvivekpra @dopyuva @ganesh_madan @veeramani_art @stuntsaravanan @saregamasouth pic.twitter.com/4m9dpfbwKG

— Prince Pictures (@Prince_Pictures) February 16, 2023

அதனை தொடர்ந்து ரன் பேபி ரன் படத்தின் கதாநாயகன் ஆர் ஜே பாலாஜி ரன் திரைப்படத்தின் வரவேற்பையடுத்து ரசிகர்களுக்கு நன்றி தெரிவிக்கும் விதத்தில் அறிக்கை ஒன்றை வெளியிட்டுள்ளார் நடிகரும் இயக்குனருமான ஆர் ஜே பாலாஜி. அதில்,  

4 out of 4 !

Aunty, Uncle, தம்பி, தங்கச்சி,
and my dear பச்சசட்ட…

I love you ❤️#RunBabyRun pic.twitter.com/riI9MhHBdT

— RJ Balaji (@RJ_Balaji) February 17, 2023

“ஒவ்வொரு முறையும், ஒவ்வொரு படங்களிலும் நீங்கள் என் மீது வைத்திருக்கும் நம்பிக்கையை தக்க வைத்துக் கொள்ள முழு முயற்சிகளையும் மேற்கொள்கிறேன். அது 'ரன் பேபி ரன்' திரைப்படத்திலும் நிகழ்ந்துள்ளதை பார்த்து மகிழ்ச்சியடைகிறேன்.ஒவ்வொரு முறையும் நான் ஒரு படத்தை தேர்வு செய்யும் போது, எனது மனதில் இரண்டு விஷயங்களில் தோன்றும் அதில் நான் கவனமாக இருப்பேன்.ஒன்று, படத்தை பார்த்து பார்வையாளர்கள் மகிழ்ச்சியாக இருக்க வேண்டும். அவர்கள் திருப்தியடைய வேண்டும். இரண்டு - அந்த படத்தின் மூலம் தயாரிப்பாளரும் லாபம் ஈட்ட வேண்டும்‌. நான் ஒரு படங்களுக்கு பின் இன்னொரு படம் செய்வதற்காக எடுத்து கொள்ள தாமதத்திற்கு இதுதான் காரணம்.அதன்படிதான் கடந்த ஐந்து ஆண்டுகளில் நான் நான்கு படங்கள் மட்டுமே செய்துள்ளேன்.

ரன் பேபி ரன் எனக்கு மிகவும் வித்தியாசமான படம். எனக்கு வசதியான நகைச்சுவை மற்றும் குடும்ப பொழுதுபோக்கு தளத்திலிருந்து விலகி வந்துள்ள படம் இது. இந்த படத்தில் குறைந்தபட்ச உரையாடல்கள் மற்றும் மிகவும் இணக்கமான உடல் மொழியுடன்  த்ரில்லர் படத்தில் நடிப்பதில் நிறைய தயக்கமும் தடையும் எனக்குள் இருந்தது. கடந்த காலங்களில் ஒரு நடிகரின் மாற்றங்களை பார்வையாளர்கள் முழுதும் ஏற்றக்கொள்ளாமல் போனது எனக்கு தயக்கம் கொடுத்தது. ஆனால் அதையும் மீறி இப்படத்தில் சீரியஸாக நடித்த என்னையும் திரில்லர் படமான ரன் பேபி ரன் படத்தையும் மறக்கமுடியாத மதிக்கதக்க படமாக மாற்றியதற்கு உங்களுக்கு நன்றி!

எனது முந்தைய படங்களான 'எல்.கே.ஜி', 'மூக்குத்தி அம்மன்', 'வீட்ல விஷேஷம்' ஆகிய படங்களுக்கு கிடைத்த அதே அளவு மகிழ்ச்சியையும் திருப்தியையும், தயாரிப்பாளர்களுக்கு லாபத்தையும் தந்திருப்பதில் நானும் எனது குழுவினரும் மிகவும் மகிழ்ச்சியடைகிறோம். இதன் மூலம் வரும் காலத்தில் பல்வேறு வகையான வித்யாசமான படங்களில் நடிக்க நம்பிக்கை கிடைத்துள்ளது. இப்படத்தை சாத்தியமாக்கிய எனது இயக்குனர் ஜியன் கிருஷ்ணன் மற்றும் தயாரிப்பாளர் திரு. லக்ஷ்மன், திரு வெங்கேடேஷ் மற்றும் பிரின்ஸ் பிக்சர்ஸ் மற்றும் தொழில்நுட்ப கலைஞர்கள், சக நடிகர்கள் மற்றும் ஒட்டுமொத்த ரன் பேபி ரன் குழுவினருக்கும் எனது நன்றியை தெரிவித்து கொள்கிறேன். இறுதியாக Aunty, Uncle பச்சை சட்டை, எல்.கே.ஜி முதல் ரன் பேபி ரன் வரை என எனது நான்கு படங்களும் வெற்றி பெற்றுள்ளதை தெரிவித்து கொள்கிறேன். இந்த தருணத்தில்   உண்மையிலேயே நான்  ஆசீர்வதிக்கப்பட்டதாக உணர்கிறேன்.  என்னை இப்படி உணர வைத்ததற்காக உங்கள் ஒவ்வொருவருக்கும் நான் நன்றியுள்ளவனாக இருக்கிறேன். உங்கள் அன்பும் நம்பிக்கையும் மட்டுமே எல்லாவற்றையும் சாத்தியமாக்கியது. நன்றி.. மேலும் கடினமாக உழைத்து வருங்காலத்தில்  உங்களுக்கு பிடித்ஊ படங்களைத் தருவேன் என்று உறுதியளிக்கிறேன்.  விரைவில் எனது அடுத்த படமான 'சிங்கப்பூர் சலூன்' திரைப்படத்துடன் திரையரங்குகளில் சந்திப்போம்.” என்று தெரிவித்துள்ளார் ஆர் ஜே பாலாஜி. தற்போது இந்த அறிக்கை இணையத்தில் வைரலாகி வருகிறது.

பொதுவாகவே நட்சத்திரங்கள் தங்களுடைய ரசிகர்களை அவ்வப்போது சந்திப்பது வழக்கம். குறிப்பாக அவரது படங்கள் வெளியாகும் போது ரசிகர்களுடனான சந்திப்பு ஏற்பாடு செய்வது சமீபத்தில் நிகழ்ந்து வருகிறது. தமிழில் சூப்பர் ஸ்டார் ரஜினி காந்த் அவரது ரசிகர்களை மண்டபத்தில் சந்திப்பதும், தளபதி விஜய் தனது படத்தின் இசை வெளியீட்டு விழாவில் ராசிகளை சந்திப்பதும் மற்ற நட்சத்திரங்கள் பட வெளியீட்டின் போது சந்திப்பதும் என சமீபத்தில் நிகழ்ந்து வருகிறது. இதில் சற்று வேறுபட்டு சில ரசிகர்களை தேர்ந்தெடுத்து அதில் சிலரை நேரில் சந்திக்கும் புதிய சந்திப்பை தமிழில் கடந்த ஆண்டு உலகநாயகன் கமல் ஹாசன் அறிமுகப் படுத்தினார். அவர் நடித்து கடந்த ஆண்டு வெளியாகிய ‘விக்ரம்’ படத்திற்கான விளம்பரத்திற்காக தனது ரசிகர்களை நேரில் சந்தித்தார். இந்த சந்திப்பு அதிகம் பேசப்பட்டது. இதை தொடர்ந்து பலர் இதே யுக்தியை தற்போது பல நட்சத்திரங்கள் கையிலெடுத்து வரகின்றனர்.இந்த சந்திப்பு முறை பல ஆண்டுகளாக வெளிநாடுகளிலும் பாலிவுட் துறையிலும் வழக்கம்.

நடிகர் ஆர் ஜே பாலாஜி நடிப்பில் வரும் பிப்ரவரி 3 ம் தேதி திரைக்கு வெளிவரவுள்ள ‘ரன் பேபி ரன்’ திரைப்படத்தின் வெளியீட்டையடுத்து பல விதமான புரோமோஷன் வேலைகளில் ஆர் ஜே பாலாஜி நேரடியாக இறங்கினார். அதன்படி ஆர் ஜே பாலாஜி தனது ரசிகர்களுக்கு பதிலாக தனது haters களை நேரில் சந்தித்தார். ஆர் ஜே பாலாஜியிடம் பிடிக்காத விஷயம் என்ற கேள்விக்கு ரசிகர்கள் தெரிவித்த பதிலை மறைமுகமாக நின்று வேடிக்கை பார்த்து பின் அவர் முன்பு surprise கொடுக்கும் வீடியோ  à®¤à®±à¯à®ªà¯‹à®¤à¯ இணையத்தில் வைரலாகி வருகிறது. வழக்கமான ரசிகர் சந்திப்பை தாண்டி haters சந்திப்பு சற்று வித்யாசமாக இருந்ததால் அந்த வீடியோ ரசிகர்களை அதிகம் கவர்ந்தது.

#RunBabyRun

HATER’s MEET !!! 🖤🙈

(P.S - people are really kind and sweet in real life 😀❤️) pic.twitter.com/7zGLOkjEdR

— RJ Balaji (@RJ_Balaji) January 31, 2023

இதற்கு முன்பு ஆர் ஜே பாலாஜி ரன் பேபி ரன் திரைப்படத்திற்காக கிளி ஜோசியம் பார்த்து விளம்பர படுத்தியும், மேலும் அதனை தொடர்ந்து பட விளம்பரத்திற்காக  à®¤à®©à¯ மகனுடன் நேர்காணல் இறங்கினார். மேலும் இந்தியா நியுசிலாந்து கிரிக்கெட் தொடரிலும் பங்கேற்று படத்திற்கு விளம்பர படுத்தினார். அதுமட்டுமல்லாமல் விஜய் தொலைகாட்சியில் மிகப்பெரிய வெற்றி பெற்ற குக் வித் கோமாளி நிகழ்ச்சியின் நான்காவது சீசன் துவக்க விழாவிலும் பங்கேற்றார். இதுபோன்ற விளம்பரங்களில் ஆர் ஜே பாலாஜி நேரடியாக இறங்கியுள்ளதால ரசிகர்கள் அவரை அமோகமாக வரவேற்று அந்த வீடியோக்களை அதிகளவு பகிர்ந்து வருகின்றனர்.  

ரன் பேபி ரன் திரைப்படத்தில் ஆர் ஜே பாலாஜி யுடன் இணைந்து நடிகை ஐஸ்வர்யா ராஜேஷ் முக்கிய கதாபாத்திரத்தில் நடித்துள்ளார். மேலும் படத்தில் ராதிகா சரத்குமார், இஷா தல்வார், ஸ்மிருதி வெங்கட், விவேக் பிரசன்னா உள்ளிட்டோர் நடித்துள்ளனர். ஜியன் கிருஷ்ணகுமார் இயக்கத்தில் சாம் சிஎஸ் இசையில் உருவாகி வரும் இந்த படம் நல்ல வரவேற்பு பெரும் என்று எதிர்பார்க்கப்படுகிறது.

பிரபல நடிகரும்  ஆர்.ஜே வுமான நடிகர் ஆர் ஜே பாலாஜி  'ரன் பேபி ரன்' திரைப்படத்தின் மூலம் முதல் முதலாக திரில்லர் திரைப்படத்தில் நடித்துள்ளார். இதனடிப்படையில் படத்திற்கு தனி எதிர்பார்ப்பு எழுந்துள்ளது. மேலும் இப்படத்தில் ஆர்ஜே பாலாஜியுடன் இனைந்து நடிகை ஐஸ்வர்யா ராஜேஷ் முக்கிய கதாபாத்திரத்தில் நடித்துள்ளார் என்பது குறிப்பிடத்தக்கது. ஜியன் கிருஷ்ணகுமார் இயக்கத்தில் சாம் சிஎஸ் இசையில் உருவாகிய ரன் பேபி ரன் திரைப்படத்தின் டிரைலர் சமீபத்தில் வெளியாகி நல்ல வரவேற்பை பெற்று வருகிறது.

இந்நிலையில் ஆர் ஜே பாலாஜி ரன் பேபி ரன் திரைப்படம் குறித்தும் மற்றும் அவரது திரைப்பயணம் குறித்தும் நமது கலாட்டா தமிழ் பேட்டியில் பகிர்ந்து கொண்டார். அதில் லோகேஷ் கனகராஜுடனான  à®¨à®Ÿà¯à®ªà¯ குறித்து கேட்கையில்,

அவர்  “லோகேஷ் கனகராஜ் ஒரு நண்பரா தாண்டி அவர ஏன் எனக்கு பிடிக்கும்னா அவர் எப்பவும் எல்லோருக்கும் இணக்கமா இருப்பாரு. நெருக்கமான நண்பர்கள், குடும்பங்கள் மட்டுமல்லாமல் அவர் கீழ் வெலை செய்றவங்க கிட்டயும் அவர் அப்படிதான் இருப்பாரு..ஒரு வேலைய சின்சியரா எடுத்து பன்றவங்கள எனக்கு ரொம்ப பிடிக்கும். அவர் செம்ம சின்சியரா வேலை பார்ப்பாரு.. அவரோட பிளானிங்.. அடுத்தவங்களோட நேரத்துல மதிக்குற விதம்.. எல்லாமே நல்லாருக்கும்.  அவரோட நான் பயணிக்கும்போது அவரோட படங்கள் குறித்து பேசுவார் அப்போ எனக்கு ரொம்ம பெருமையா இருக்கும்.

அடுத்த பத்து வருஷத்துக்கு அவர்கிட்ட கதை இருக்கு.. அவர்கிட்ட அவ்ளோ idea இருக்கு . அந்த LCU இந்தியாவில் மிகப்பெரிய பேசுபொருளாக மாறும்.‌ அதற்கு சும்மா idea மட்டும் இருந்தா போதாது. அதற்கான வேலை செய்யனும். அதற்கான வேலையையும் செய்வார். ஒரு நண்பரா எனக்கு ரொம்ப சந்தோஷம்.ஆனால் பொதுவெளியில் அந்த நட்பை காட்டிக் கொள்வது இல்லை. அது எங்கள் இரண்டு பேருக்கும் கூச்சமாக இருக்கும். இது போன்ற தருணத்தில் அவரை பற்றி பகிர்ந்தது எனக்கு மகிழ்ச்சியளிக்கிறது" என்று குறிப்பிட்டுள்ளார்.

லோகேஷ் கனகராஜ் விஜயுடன் இணைந்து பணியாற்றி வரும் ‘தளபதி 67’ தற்போது இந்திய திரையுலகில் ஒரு எதிர்பார்ப்பை உருவாக்கியுள்ளது. விஜய் ,லோகேஷ் கனகராஜ் கூட்டணியில் இணையும் இரண்டாவது படமான தளபதி 67 படத்தில் அனிருத் இசையமைக்கிறார். மேலும் இந்த படம் லோகேஷ் கனகராஜின்  LCU பிரிவில் உருவாகவுள்ளதால் ஒட்டுமொத்த தமிழ் ரசிகர்களும் இப்படத்தை எதிர்பார்த்து கொண்டிருக்கிறது. இப்படத்தில் விஜயுடன் இணைந்து திரிஷா, சஞ்சய் தத், இயக்குனர் மிஷ்கின், இயக்குனர் கெளதம் மேனன் மற்றும் மன்சூர் அலிகான் நடிக்கவிருக்கின்றனர். மேலும் பல இந்திய நட்சத்திரங்களை நடிக்க வைப்பதில் பேச்சு வார்த்தையை படக்குழு நடத்தி கொண்டிருக்கிறது என்பது குறிப்படத்தக்கது

மேலும் இதுபோன்ற பல சுவாரஸ்யமான தகவல்களை ஆர் ஜே பாலாஜி பகிர்ந்த கொண்ட முழு வீடியோ இதோ..

தனக்கே உரித்தான கலகலப்பான பேச்சால் முன்னணி ரேடியோ வர்ணனையாளராக தமிழக மக்கள் மனதில் இடம் பிடித்த பாலாஜி தொடர்ந்து நடிகராகவும் ரசிகர்களை மகிழ்வித்து வருகிறார். அந்த வகையில் அடுத்ததாக இவரது நடிப்பில் சிங்கப்பூர் சலூன் திரைப்படம் வெளிவர தயாராகி வருகிறது. இதற்குத்தானே ஆசைப்பட்டாய் பாலகுமாரா, காஷ்மோரா மற்றும் ஜூங்கா ஆகிய படங்களை இயக்கிய இயக்குனர் கோகுல் சிங்கப்பூர் சலூன் திரைப்படத்தை இயக்கியுள்ளார்.

வேல்ஸ் ஃபிலிம் இன்டர்நேஷனல் சார்பில் ஐசரி.K.கணேஷ் அவர்கள் தயாரித்துள்ள சிங்கப்பூர் சலூன் திரைப்படத்தில் இயக்குனர் லோகேஷ் கனகராஜ் கௌரவ வேடத்தில் நடித்துள்ளதாக தகவல்கள் வெளிவந்துள்ளன. இதனிடையே நடிகை ஐஸ்வர்யா ராஜேஷ் உடன் இணைந்து RJபாலாஜி புதிய படத்தில் முன்னணி கதாபாத்திரத்தில் நடித்துள்ளார்.

முன்னதாக ஐஸ்வர்யா ராஜேஷ் நடிப்பில் அடுத்தடுத்து வரிசையாக டிரைவர் ஜமுனா, மோகன் தாஸ், தீயவர் குலைகள் நடுங்க, தி கிரேட் இந்தியன் கிச்சன், சொப்பன சுந்தரி, பர்ஹானா, இடம் பொருள் ஏவல், மாணிக் மற்றும் துருவ நட்சத்திரம் ஆகிய திரைப்படங்கள் வெளிவர தயாராகி வரும் நிலையில், ஐஸ்வர்யா ராஜேஷுடன் இணைந்துள்ள RJ.பாலாஜியின் முதல் த்ரில்லர் திரைப்படமாக தயாராகி இருக்கும் இந்த புதிய படத்திற்கு ரன் பேபி ரன் என பெயரிடப்பட்டுள்ளது.

பிரபல மலையாள இயக்குனர் ஜியென் கிருஷ்ணகுமார் இயக்கத்தில் உருவாகும் ரன் பேபி ரன் திரைப்படத்தை கார்த்தியின் சர்தார் படத்தை தயாரித்த பிரின்ஸ் பிக்சர்ஸ் நிறுவனம் தயாரித்துள்ளது. யுவா ஒளிப்பதிவு செய்யும் ரன் பேபி ரன் திரைப்படத்திற்கு மதன் கணேஷ் படத்தொகுப்பு செய்கிறார். RJ.பாலாஜி மற்றும் ஐஸ்வர்யா ராஜேஷ் உடன் இணைந்து ராதிகா சரத்குமார், ஸ்மிருதி வெங்கட் & விவேக் பிரசன்னா ஆகியோர் முக்கிய வேடங்களில் நடித்துள்ளனர்.

கடந்த (2022) மார்ச் மாதம் ரன் பேபி ரன் திரைப்படத்தின் படப்பிடிப்பு பூஜையுடன் தொடங்கப்பட்ட ரன் பேபி ரன் திரைப்படம் அடுத்த ஆண்டு பிப்ரவரியில் உலகெங்கும் திரையரங்குகளில் ரிலீஸ் ஆகும் என தற்போது அதிகாரப்பூர்வமாக அறிவிக்கப்பட்டுள்ள நிலையில் ரன் பேபி ரன் திரைப்படத்தின் ஃபர்ஸ்ட் லுக் போஸ்டர் தற்போது வெளியாக்கியுள்ளது. அதிரடியான அந்த ஃபர்ஸ்ட் லுக் போஸ்டர் இதோ…

It's time to #RunBabyRun 🏃

Happy to present @RJ_Balaji - @aishu_dil's edgy thriller, coming to theatres in February 2023. @jiyenkrishna @lakku76 @realradikaa @smruthi_venkat @actorvivekpra @SamCSmusic @dopyuva @ganesh_madan @veeramani_art @stuntsaravanan @vijaytelevision pic.twitter.com/vAZKS2t00p

— Prince Pictures (@Prince_Pictures) December 14, 2022

தமிழ் திரையுலகின் மிக முக்கிய இயக்குனராக விளங்கும் இயக்குனர் லோகேஷ் கனகராஜ் இயக்கத்தில் கடைசியாக உலகநாயகன் கமல்ஹாசன், விஜய்சேதுபதி மற்றும் ஃபகத் ஃபாசில் நடித்து வெளிவந்த விக்ரம் திரைப்படம் மெகா ஹிட் பிளாக்பஸ்டர் ஆனது. இதனையடுத்து கைதி 2 மற்றும் தளபதி 67 என அடுத்தடுத்து லோகேஷ் கனகராஜின் திரைப்படங்கள் பெரும் எதிர்பார்ப்பை ஏற்படுத்தி வருகின்றன.

மாஸ்டர் திரைப்படத்திற்கு பிறகு மீண்டும் இணையும் தளபதி விஜய் - லோகேஷ் கனகராஜ் கூட்டணியில் உருவாகும் #தளபதி67 திரைப்படத்தின் அறிவிப்புகள் வருகிற டிசம்பர் மாதம் முதல் ஒவ்வொன்றாக வெளியாகும் என எதிர்பார்க்கப்படும் நிலையில், அடுத்த ஆண்டு இறுதியில் கைதி 2 திரைப்படமும் ஆரம்பமாகும் என எதிர்பார்க்கப்படுகிறது.

இதனிடையே தற்போது இயக்குனர் லோகேஷ் கனகராஜ் நடிகராக புதிய அவதாரம் எடுத்துள்ளதாக தகவல்கள் வெளிவந்துள்ளன. தமிழ் சினிமா ரசிகர்கள் விரும்பும் பக்கா எண்டர்டெயின்மென்ட் படங்களை நடிகராகவும் இயக்குனராகவும் வழங்கி வரும் RJ.பாலாஜி கதாநாயகனாக நடித்துள்ள புதிய படத்தில் கௌரவத் தோற்றத்தில் லோகேஷ் கனகராஜ் நடித்துள்ளதாக பேசப்படுகிறது.

வேல்ஸ் ஃபிலிம் இன்டர்நேஷனல் சார்பில் ஐசரி.K.கணேஷ் அவர்கள் தயாரிப்பில் இதற்கு தானே ஆசைப்பட்டாய் பாலகுமாரா, காஷ்மோரா, ஜூங்கா உள்ளிட்ட படங்களை இயக்கிய இயக்குனர் கோகுல் இயக்கத்தில் உருவாகும் இப்படத்திற்கு சிங்கப்பூர் சலூன் என பெயரிடப்பட்டுள்ளதாக தெரிகிறது. இப்படத்தில் RJ.பாலாஜி கதாநாயகனாக நடிக்க, பிக் பாஸ் ஷிவானி நாராயணன் கதாநாயகியாக நடித்துள்ளார்.

கிரிக்கெட் வர்ணனையாளராகவும் மக்களை கவரும் RJ.பாலாஜி நாளை நவம்பர் 10ஆம் தேதி நடைபெறும் இந்தியா-இங்கிலாந்து இடையிலான உலகக்கோப்பை T20 அரை இறுதி ஆட்டத்தில் கிரிக்கெட் வர்ணனை செய்யும்போது இயக்குனர் லோகேஷ் கனகராஜ் அவருடன் இணையவுள்ளதாக தற்போது அதிகாரபூர்வமாக அறிவிக்கப்பட்டுள்ளது. 

மேலும் அப்போது போட்டியின் நடுவே RJ.பாலாஜியின் திரைப்படத்தின் ஃபர்ஸ்ட் லுக் போஸ்டர் மற்றும் டைட்டிலை லோகேஷ் கனகராஜ் வெளியிட உள்ளதாகவும் பட குழுவினர் அறிவித்துள்ளனர்.எனவே படத்தில் லோகேஷ் கனகராஜ் நடித்திருப்பதற்கு நிறைய வாய்ப்புகள் இருப்பதாக எதிர்பார்க்கப்படுகிறது. இது குறித்த அதிகாரப்பூர்வ அறிவிப்புகள் விரைவில் வெளியாகும் என ரசிகர்கள் ஆவலாடு காத்திருக்கின்றனர். காத்திருப்போம்…
 

Get ready to catch @RJ_Balaji and @Dir_Lokesh together in the commentary box tomorrow 🎙

First look launch of @RJ_Balaji's next with @VelsFilmIntl comes out tomorrow at 12.30PM, during the #IndvsEng game!

Gear up for some great fun! pic.twitter.com/7k8XvdN2aW

— Vels Film International (@VelsFilmIntl) November 9, 2022

விஜய் டிவியில் ஒளிபரப்பாகி வந்த பகல் நிலவு தொடரின் மூலம் சீரியலில் ஹீரோயினாக அறிமுகமானவர் ஷிவானி நாராயணன்.இந்த தொடரில் தனது நடிப்பால் தமிழ் இளைஞர்களின் கனவுக்கன்னியாக உருவெடுத்தவர் ஷிவானி நாராயணன்.தொடர்ந்து விஜய் டிவியில் ஒளிபரப்பான கடைக்குட்டி சிங்கம் தொடரில் நடித்திருந்தார்.

நடனத்தில் ஆர்வம் கொண்ட ஷிவானி ஜோடி நம்பர் ஒன் தொடரிலும் பங்கேற்றார்.இவரது நடன வீடியோக்களும் ரசிகர்களிடம் நல்ல வரவேற்பை பெற்றிருந்தன.இதனை தொடர்ந்து ஜீ தமிழில் ஒளிபரப்பாகி வரும் இரட்டை ரோஜா என்ற தொடரில் நடித்து வருகிறார்.இந்த தொடரில் முதல் முறையாக இரட்டை வேடங்களில் நடித்து அசத்தி வந்தார் ஷிவானி நாராயணன்.

சில காரணங்களால் இந்த சீரியலில் இருந்து விலகினார் ஷிவானி.சீரியல் நடிகைகளில் தனக்கென்று தனியொரு ரசிகர் பட்டாளத்தையே ஷிவானி பெற்றுள்ளார்.பிக்பாஸ் தொடரின் நான்காவது சீசனில் இவர் முக்கிய போட்டியாளராக பங்கேற்றார் ஷிவானி.பிக்பாஸில் இருந்து வெளியேறிய சில படங்கள் மற்றும் ஆல்பம் பாடல்களில் நடித்து வருகிறார் ஷிவானி.

கமல் நடிக்கும் விக்ரம் படத்தில் விஜய்சேதுபதிக்கு ஒரு ஜோடியாக நடித்துள்ளார் ஷிவானி.இதனை அடுத்து பொன்ராம் இயக்கத்தில் தயராகும் படத்திலும் நடித்து வருகிறார்.தற்போது இவர் நடிக்கும் புதிய படம் குறித்த தகவல் கிடைத்துள்ளது.RJ பாலாஜி நடிக்கும் புதிய படத்தில் ஷிவானி ஹீரோயினாக நடிக்கிறார் என்ற தகவல் கிடைத்துள்ளது.இதுகுறித்த புகைப்படம் ஒன்றையும் ஷிவானி தனது இன்ஸ்டாகிராம் பக்கத்தில் பகிர்ந்துள்ளார்.

View this post on Instagram

A post shared by Shivani Narayanan (@shivani_narayanan)

நடிகர் மாதவன் கதாநாயகனாக நடித்த மின்னலே திரைப்படத்தின் மூலம் இயக்குனராக அறிமுகமானார். இயக்குனர் கௌதம் வாசுதேவ் மேனன் தொடர்ந்து நடிகர் சூர்யா நடித்த காக்க காக்க திரைப்படத்தை இயக்கியதன் மூலம் தமிழ் சினிமாவில் தனக்கென ஒரு இடம் பிடித்தார்.

உலகநாயகன் கமல்ஹாசன் நடிப்பில் உருவான வேட்டையாடு விளையாடு திரைப்படத்தை இயக்கியதன் மூலம் தமிழ் திரை உலகின் முன்னணி இயக்குனர்களின் பட்டியலில் இணைந்த இயக்குனர் கௌதம் வாசுதேவ மேனன் அடுத்து இயக்கிய வாரணம் ஆயிரம் , விண்ணைத்தாண்டி வருவாயா திரைப்படங்கள் மூலம் தமிழக ரசிகர்களின் மனதில் இடம் பிடித்தார்.

கடைசியாக நெட்பிளிக்ஸில் வெளிவந்த பாவக் கதைகள் ஆன்தாலஜி வெப்சீரிஸில் வான்மகள் என்ற எபிசோடை இயக்கிய கௌதம் வாசுதேவ் மேனனின் இயக்கத்தில் மற்றொரு ஆன்தாலஜி வெப்சீரிஸாக தற்போது நடிகர் சூர்யா நடிப்பில் நவரசா உருவாகி வருகிறது.நடிகராகவும் சில திரைப்படங்களில் தோன்றும் கௌதம் வாசுதேவ் மேனன் தற்போது பல திரைப்படங்களில் முக்கிய கதாபாத்திரங்களிலும் நடித்து வருகிறார். 

அந்தவகையில் கடைசியாக கண்ணும் கண்ணும் கொள்ளையடித்தால் திரைப்படத்தில் காவல்துறை அதிகாரியாக நடித்து மிகுந்த வரவேற்பைப் பெற்ற கௌதம் வாசுதேவ் மேனன் அடுத்ததாக தமிழ் சினிமாவின் மிக முக்கியமான இயக்குனர்களில் ஒருவரான வெற்றிமாறன் இயக்கத்தில் நடிகர் சூரி, மக்கள் செல்வன் விஜய் சேதுபதி இணைந்து நடிக்கும் விடுதலை படத்திலும் முக்கிய கதாபாத்திரத்தில் நடிக்கிறார் என்பது குறிப்பிடத்தக்கது. 

இந்நிலையில் தற்போது கௌதம் வாசுதேவ் மேனன் மற்றும் R.J.பாலாஜி இணைந்த கலக்கலான ஒரு வீடியோ தற்போது சமூக வலைதளங்களில் வைரலாகி வருகிறது. R.J.பாலாஜி போல கௌதம் வாசுதேவ மேனன் கிரிக்கெட் கமென்ட்ரி செய்யும் வீடியோ பலரின் கவனத்தையும் ஈர்த்துள்ளது. இந்த வீடியோவை இயக்குனர் கௌதம் வாசுதேவ் மேனன் தனது இன்ஸ்டாகிராம் பக்கத்தில் பகிர்ந்துள்ளார். இந்த கலக்கலான வீடியோவை கீழே உள்ள லிங்கில் காணலாம்.

 

 

 

 

View this post on Instagram

 

 

 

 

 

 

 

 

 

 

 

A post shared by Gautham Menon (@gauthamvasudevmenon)

பிரபல Radio தொகுப்பாளராக இருந்து ,சினிமாவில் காமெடியனாக மாறி LKG படத்தின் மூலம் ஹீரோவாக வளர்ந்து நிற்பவர் RJ பாலாஜி.இவர் ஹீரோவாக நடித்த LKG திரைப்படம் வெளியாகி ரசிகர்களிடம் நல்ல வரவேற்பை பெற்றிருந்தது.இந்த படத்தை வேல்ஸ் இன்டர்நேஷனல் பிலிம்ஸ் தயாரித்திருந்தது.

இதனை தொடர்ந்து RJ பாலாஜி ஹீரோவாக நடிக்கும் படத்தையும் வேல்ஸ் இன்டர்நேஷனல் பிலிம்ஸ் தயாரிக்கிறது.இந்த படத்தின் மூலம் RJ பாலாஜி இயக்குனராக அறிமுகமாகிறார்.RJ பாலாஜியுடன் இணைந்து NJ சரவணனும் இந்த படத்தை இயக்கியுள்ளார்.இந்த படத்திற்கு மூக்குத்தி அம்மன் என்று பெயரிட்டுள்ளனர்.நயன்தாரா இந்த படத்தில் முக்கிய வேடத்தில் நடிக்கிறார்.

கொரோனா காரணமாக இந்த படத்தின் ரிலீஸ் தள்ளிப்போயுள்ளது.இந்த படத்தின் போஸ்ட் ப்ரொடுக்ஷன் வேலைகள் விறுவிறுப்பாக நடைபெற்று வந்தன.இந்த படத்தின் பர்ஸ்ட்லுக் போஸ்டர்கள் வெளியாகி ரசிகர்களிடம் நல்ல வரவேற்பை பெற்றிருந்தது.

மூக்குத்தி அம்மன் படம் நேரடியாக டிஸ்னி ப்ளஸ் ஹாட்ஸ்டார் தளத்தில் தீபாவளி அன்று டிஸ்னி பிளஸ் ஹாட்ஸ்டாரில் வெளியாகி ரசிகர்களிடம் நல்ல வரவேற்பை பெற்று வருகிறது.இந்த படம் ஹாட்ஸ்டார் தளத்தில் அதிகம் பார்க்கப்பட்ட தமிழ் படம் என்ற சாதனையை சமீபத்தில் பெற்றிருந்ததது.தற்போது இந்த படத்தின் பின்னணி இசை அடங்கிய வீடியோ ஒன்றை படக்குழுவினர் வெளியிட்டுள்ளனர்.இந்த வீடியோ ரசிகர்கள் மத்தியில் நல்லாவே வரவேற்பை பெற்று வருகிறது.

ஆர்.ஜே.பாலாஜி இயக்கி நடித்து தீபாவளி விருந்தாய் வெளியான படம் மூக்குத்தி அம்மன். இந்தப் படத்தில் நயன்தாரா முதன்மைக் கதாபாத்திரத்தில் நடிக்க, மௌலி, ஊர்வசி, ஸ்மிருதி வெங்கட் உள்ளிட்டோர் முக்கியப் பாத்திரத்தில் நடித்திருக்கின்றனர். RJ பாலாஜியுடன் இணைந்து NJ சரவணனும் இந்த படத்தை இயக்கியுள்ளார். தினேஷ் கிருஷ்ணன் ஒளிப்பதிவு செய்துள்ளார். கிரிஷ் கோபால கிருஷ்ணன் இசையமைத்துள்ளார். செல்வா RK படத்தொகுப்பு மேற்கொள்கிறார். 

வேல்ஸ் நிறுவனம் தயாரிப்பில் வெளியான இப்படம் நேரடியாக டிஸ்னி+ ஹாட்ஸ்டார் தளத்தில் வெளியானது. கொரோனா காரணமாக, இந்தியாவில் தியேட்டர்கள் மூடப்பட்டுள்ளதால் ஓடிடி தளங்களுக்கிடையே கடுமையான போட்டி நிலவி வருகிறது. à®‡à®¨à¯à®¨à®¿à®²à¯ˆà®¯à®¿à®²à¯ டிஸ்னி பிளஸ் ஹாட்ஸ்டார் தளத்தில் வெளியிட்டு, தனது இரண்டாவது படத்திலும் வெற்றி கண்டுள்ளார் RJ பாலாஜி. 

நிகழ்ச்சி தொகுப்பாளராக வரும் RJ பாலாஜி, மூக்குத்தி அம்மனை சந்தித்தவுடன் அவர் வாழ்வில் நடக்கும் மாற்றங்களே படத்தின் கதைக்கரு. காமெடி படமாக இருந்தாலும், நிகழ்கால சமூக பிரச்சனைகளை பேசும் படமாக இருந்தது என புகழாரம் சூட்டினர் திரை ரசிகர்கள். மதத்தை வைத்து நடக்கும் வியாபார விஷயங்கள் குறித்தும் இந்த படம் பேசியுள்ளது. 

மூக்குத்தி அம்மன் படத்தின் போஸ்டர் துவங்கி, ப்ரோமோஷன் பணிகள் வரை கச்சிதம் காண்பித்திருந்தனர் படக்குழுவினர். படத்தின் ஆடி குத்து, பகவதி பாபா, சாமி குலசாமி, அயிகிரி நந்தினி போன்ற பாடல்களின் வீடியோ வெளியானது. இதனைத்தொடர்ந்து தற்போது பார்த்தேனே பாடல் வீடியோ வெளியானது. ஜெய்ராம் பாலசுப்ரமணியம் பாடிய இந்த பாடல் வரிகளை பா.விஜய் எழுதியுள்ளார். 

மூக்குத்தி அம்மன் படத்திற்கு பிறகு RJ பாலாஜியின் அடுத்த பட அப்டேட் குறித்து கேள்வி எழுப்பி வருகின்றனர் ரசிகர்கள். அடுத்ததாக எந்த மாதிரி ஜானரில் படம் செய்யவிருக்கிறார் என்ற ஆவலில் உள்ளனர் திரை ரசிகர்கள்.