kaithi தமிழ் செய்திகள்

தமிழ் சினிமாவின் முன்னணி தயாரிப்பு நிறுவனங்களில் ஒன்றாக விளங்கும் ட்ரீம் வாரியர் பிக்சர்ஸ் நிறுவனத்தின் சார்பில் தயாரிப்பாளர் SR.பிரபு தொடர்ந்து தரமான படைப்புகளை தமிழ் சினிமாவிற்கு வழங்கி வருகிறார். ஜோக்கர், அருவி உள்ளிட்ட சிறந்த படைப்புகளை வழங்கி வரும் ட்ரீம் வாரியார் பிக்சர்ஸ் நிறுவனம், நடிகர் கார்த்தி நடிப்பில் சகுனி, காஷ்மோரா, தீரன் அதிகாரம் ஒன்று, கைதி மற்றும் சுல்தான் என ஐந்து திரைப்படங்களை தயாரித்துள்ளது. இந்த வரிசையில் ஆறாவது திரைப்படமாக தற்போது இயக்குனர் ராஜு முருகன் இயக்கத்தில் கார்த்திக் நடிக்கும் ஜப்பான் திரைப்படத்தையும் தயாரித்து வருகிறது. தற்போதைய இந்திய சினிமாவின் மிக முக்கிய இயக்குனராக உயர்ந்திருக்கும் இயக்குனர் லோகேஷ் கனகராஜின் இரண்டாவது படமாக ட்ரீம் வாரியர் பிக்சர்ஸ் தயாரித்த கைதி திரைப்படம் பாக்ஸ் ஆபிஸில் நல்ல வசூல் செய்ததோடு விமர்சன ரீதியாகவும் பலரது பாராட்டுகளை பெற்றது.

பாடல்கள் மற்றும் ஹீரோயின் இல்லாமல் மிக நேர்த்தியான திரைக்கதை மற்றும் விறுவிறுப்பான காட்சி அமைப்புகளோடு இயக்குனர் லோகேஷ் கனகராஜ் உருவாக்கிய கைதி திரைப்படம் இந்திய அளவில் மிகப்பெரிய கவனத்தை பெற்றது. மேலும் பாலிவுட்டில் போலா என்ற பெயரில் ரீமேக் செய்யப்பட்டது. ஹிந்தி சினிமாவின் முன்னணி கதாநாயகர்களில் ஒருவரான அஜய் தேவகன் இயக்கி நடித்துள்ள இந்த போலா திரைப்படத்தை அஜய் தேவ்கன் ஃபிலிம்ஸ், ரிலையன்ஸ் என்டர்டைன்மென்ட், டி-சீரிஸ் ஃபிலிம்ஸ் மற்றும் ட்ரீம் வாரியர் பிக்சர்ஸ் ஆகிய நிறுவனங்கள் இணைந்து தயாரித்தன. அஜய் தேவ்கன் உடன் இணைந்து நரேன் நடித்த பிஜாய் கதாபாத்திரத்தில் நடிகை தபு நடிக்க, சஞ்சய் மிஸ்ரா, தீபக் தோப்ரியால், கஜ்ராஜ் ராவ், வினித் குமார், கிரன் குமார், மார்கண்ட் தேஸ்பாண்டே, ஹர்பீட் ரங்கா ஆகியோர் முக்கிய வேடங்களில் நடித்துள்ள போலா திரைப்படத்தில் சிறப்பு தோற்றத்தில் நடிகை அமலாபால் நடிக்க, நடிகை ராய் லட்சுமி ஒரு பாடலுக்கு நடனமாடியுள்ளார். மேலும் நடிகர் அபிஷேக் பச்சன் கௌரவத் தோற்றத்தில் நடித்துள்ளார்.

அசிம் பஜாஜ் ஒளிப்பதிவில், தர்மேந்திர ஷர்மா படத்தொகுப்பு செய்துள்ள போலா திரைப்படத்திற்கு KGF படத்தின் இசை அமைப்பாளர் ரவி பஸ்ரூர் இசையமைத்துள்ளார். கைதி திரைப்படத்தின் ரீமேக் என்றாலும் அதிலிருந்து முற்றிலும் மாறுபட்டு உச்சகட்ட அதிரடி ஆக்ஷனில் 3டி தொழில்நுட்பத்தில் போலா திரைப்படத்தை உருவாக்கியுள்ளனர். இன்று மார்ச் 30ஆம் தேதி உலகெங்கும் திரையரங்குகளில் போலா திரைப்படம் ரிலீஸாகி ரசிகர்களிடையே நல்ல வரவேற்பை பெற்றுள்ளது. இருப்பினும் கைதி திரைப்படத்தோடு ஒப்பிட்டுப் பார்த்தால் அதற்கு நிகராக இல்லை எனவும் அதிகமான கமர்சியல் விஷயங்களால் கைதி படத்தின் சுவாரசியங்கள் இதில் ரசிக்கும்படி இல்லை எனவும் ஒருபுறம் எதிர்மறை விமர்சனங்கள் எழுந்துள்ளன. 

இந்நிலையில் இந்த விமர்சனங்களுக்கு பதில் அளிக்கும் வகையில் தயாரிப்பாளர் SR.பிரபு தனது ட்விட்டர் பக்கத்தில், “போலா திரைப்படத்தின் வாயிலாக இந்தி திரையுலகின் உள்ளே செல்வது மகிழ்ச்சி... இது ஒரு சிறப்பான பயணம். சிறந்த அனுபவத்தை அமைத்து கொடுத்த அனைவருக்கும் நன்றி... கைதி திரைப்படத்தை ரீமேக் செய்வது கொஞ்சம் கடினமானது... எனவே முற்றிலும் வேறு ஒன்றை நாங்கள் முயற்சி செய்திருக்கிறோம். தயவு செய்து இதை ஒப்பிட்டு பார்க்காதீர்கள். போலா படத்தை அப்படியே கொண்டாடுங்கள்” என பதில் அளித்துள்ளார். தயாரிப்பாளர் SR.பிரபு அவர்களின் அந்த பதிவு இதோ…
 

Happy to Venture into Hindi films with #Bholaa .It’s been quite a journey!! Thanks a lot everyone for making this a great experience!! #Kaithi is something difficult to be remade. So we tried completely different! Pls don’t compare. Just enjoy Bholaa as it is!! #BholaaIn3D

— SR Prabhu (@prabhu_sr) March 30, 2023

மாஸ்டர் மாபெரும் வெற்றி பெற்றபோதும் 50 சதவீதம் விஜய் படமாகவும் 50 சதவீதம் தனது படமாகவும் தான் திட்டமிட்டு படத்தை உருவாக்கியதாக லோகேஷ் கனகராஜ் தெரிவித்து இருந்தார். தொடர்ந்து கமல்ஹாசனின் தீவிர ரசிகராக ஒரு ஃபேர் பாய் சம்பவமாக விக்ரம் படத்தை செதுக்கிய லோகேஷ் கனகராஜுக்கு அதற்கு பலனாக பிளாக்பஸ்டர் வெற்றியும் கிடைத்தது. மேலும் விக்ரம் மற்றும் கைதி ஆகிய படங்களுக்கு இருந்த கனெக்ட் LCU என்ற ஒரு யுனிவர்சையே உருவாக்கியது.

இந்த நிலையில் தற்போது செவன் ஸ்கிரீன் ஸ்டுடியோ தயாரிப்பில் தளபதி விஜய் நடிக்கும் தளபதி 67 திரைப்படம் LCUல் சேருமா என்ற எதிர்பார்ப்பும் தற்போது அதிகரித்துள்ளது. முன்னதாக கடந்த ஓரிரு தினங்களாக தொடர்ந்து தளபதி 67 திரைப்படத்தின் அறிவிப்புகள் அடுத்தடுத்து வெளிவரும் நிலையில் நாளை பிப்ரவரி 3ஆம் தேதி தளபதி திரைப்படத்தின் டைட்டில் அறிவிக்கப்படும் என தற்போது அதிகாரபூர்வமாக தெரிவிக்கப்பட்டுள்ளது.

இதனை அறிவிக்கும் வகையில் முன்னணி போஸ்டர் டிசைனர் கோபி பிரசன்னா அவர்களின் கைவண்ணத்தில் ரத்தம் தெறிக்க தெறிக்க ரத்தத்தில் வரைந்தது போன்ற ஒரு போஸ்டரை படக்குழு வெளியிட்டு டைட்டில் நாளை மாலை 5 மணிக்கு வெளியாகும் என அறிவித்திருந்தனர். அது விக்ரம் திரைப்படத்திற்கு வெளிவந்த டைட்டில் அறிவிப்பு ப்ரோமோ வீடியோவை போன்று ஒரு ப்ரோமோ வீடியோவாக இருக்கும் என்றும் ரசிகர்கள் ஆவலோடு காத்திருக்கின்றனர்.

இதனிடையே முன்னதாக லோகேஷ் கனகராஜ் இயக்கத்தில் வெளிவந்து LCUவில் இடம் பெற்றுள்ள கைதி மற்றும் விக்ரம் ஆகிய திரைப்படங்களின் அறிவிப்பு போஸ்டர்களும் தளபதி 67 திரைப்படத்தின் அறிவிப்பு போஸ்டரோடு ஒப்பிட்டு சில தொடர்புகளை ரசிகர்கள் சமூக வலைதளங்களில் குறிப்பிட்டுள்ளனர்.

அந்த வகையில் கைதி திரைப்படத்தின் அறிவிப்பு போஸ்டரிலும் தளபதி 67 திரைப்படத்தின் இந்த அறிவிப்பு போஸ்டரிலும் ரத்தம் (ரத்தத்தில் வரைந்தது) கிட்டதட்ட ஒரே மாதிரியாக ஒத்துப் போகிறது. மேலும் விக்ரம் திரைப்படத்தின் அறிவிப்பு போஸ்டரும் பேக்ரவுண்டில் ரத்தம் போன்ற சிகப்பு நிறத்திலும் துப்பாக்கிகள் மற்றும் ஆயுதங்கள் சூழ்ந்தும் காணப்பட்டது. குறிப்பாக அதில் CODE : RED என குறிப்பிடப்பட்டிருந்தது. இந்த CODE : RED விக்ரம் திரைப்படத்திலும் வசனங்களில் இடம் பெற்றது. இது இப்போது தளபதி 67 திரைப்படத்திலும் ஒத்துப்போவதாக ரசிகர்கள் சமூக வலைதளங்களில் பதிவிட்டு வருகின்றனர். எனவே தளபதி 67 திரைப்படத்தின் டைட்டில் வெளியாகும் போது, அது LCUவையும் அதிகாரப்பூர்வமாக அறிவித்து விடும் என தற்போது தகவல்கள் பரவி வருகின்றன. இது குறித்த உண்மை நாளை 5 மணிக்கு வெளியாகிவிடும்.
 

தமிழ் சினிமாவின் உச்ச நட்சத்திர நாயகர்களில் ஒருவரான தளபதி விஜய் நடிப்பில் கடைசியாக வெளிவந்த வாரிசு திரைப்படம் பக்கா ஃபேமிலி என்டர்டெய்னராக அனைத்து வயது ரசிகர்களாலும் ரசிக்கப்பட்ட நிலையில், தற்போது தனது அடுத்த படமான தளபதி67 திரைப்படத்தில் மாஸ்டர் படத்திற்கு பிறகு மீண்டும் இயக்குனர் லோகேஷ் கனகராஜ் உடன் இணைந்துள்ளார்.

இந்திய சினிமாவிலேயே மிகப்பெரிய எதிர்பார்ப்பை ஏற்படுத்தி இருக்கும் திரைப்படங்களில் ஒன்றாக கவனிக்கப்படும் தளபதி 67 திரைப்படத்தில் தளபதி விஜய் உடன் 14 ஆண்டுகளுக்கு பிறகு நடிகை திரிஷா கதாநாயகியாக இணைகிறார். மேலும் பாலிவுட் நடிகர் சஞ்சய் தத், ஆக்சன் கிங் அர்ஜுன், இயக்குனர் கௌதம் வாசுதேவ் மேனன், இயக்குனர் மிஷ்கின், மன்சூர் அலிகான், சாண்டி மாஸ்டர், மலையாள நடிகர் மாத்யூ தாமஸ் மற்றும் பிரியா ஆனந்த் ஆகியோர் முக்கிய வேடங்களில் நடிக்கின்றனர்.

கடந்த ஜனவரி 2ம் தேதி தொடங்கப்பட்ட தளபதி 67 திரைப்படத்தின் படப்பிடிப்பு தற்போது முழு வீச்சில் நடைபெற்று வருகிறது. அடுத்த கட்டமாக தற்போது காஷ்மீரில் தளபதி 67 திரைப்படத்தின் படப்பிடிப்பு நடைபெற்று வருகிறது. இதனிடையே கடந்த ஓரிரு தினங்களாக ரசிகர்கள் ஆவலோடு எதிர்பார்த்து காத்திருந்த தளபதி 67திரைப்படத்தின் அறிவிப்புகள் ஒவ்வொன்றாக வெளி வருகின்றன.

செவன் ஸ்கிரீன் ஸ்டுடியோ தயாரிப்பில் மனோஜ் பரமஹம்சா ஒளிப்பதிவில், ஃபிலோமின் ராஜ் படத்தொகுப்பு செய்ய, அனிருத் இசையமைக்கும் தளபதி 67 திரைப்படத்திற்கு, சதீஷ்குமாரின் கலை இயக்கத்தில், தினேஷ் மாஸ்டரின் நடன இயக்கத்தில், அன்பறிவு மாஸ்டர்கள் ஸ்டன்ட் இயக்குனர்களாக  à®ªà®£à®¿à®¯à®¾à®±à¯à®±à¯à®•à®¿à®©à¯à®±à®©à®°à¯. முன்னதாக நேற்று பிப்ரவரி 1ம் தேதி தளபதி 67 திரைப்படத்தின் படப்பூஜை வீடியோ வெளியானது.

ஏற்கனவே லோகேஷ் கனகராஜின் கைதி திரைப்படத்தின் கனெக்ட் விக்ரம் படத்தில் இடம்பெற்றதை தொடர்ந்து LCU என்ற ஒரு யுனிவர்ஸ் உருவானது. இந்த LCU-ல் தளபதி 67 திரைப்படமும் இடம் பெறுமா என ஆவலோடு ரசிகர்கள் காத்திருந்தனர். இந்த நிலையில் வெளிவந்த படப்பூஜை வீடியோவில் கைதி படத்தில் நெப்போலியன் என்ற காவல்துறை அதிகாரி கதாபாத்திரத்தில் நடித்த ஜார்ஜ் மரியன் அவர்கள் இடம்பெற்று இருப்பதால் தளபதி 67 LCUல் இருக்கும் என்ற ஹிண்ட் கிடைத்துள்ளதாக தற்போது ரசிகர்களிடையே பெரும் உற்சாகம் கிளம்பியுள்ளது. இது குறித்து அதிகாரப்பூர்வ தகவல்கள் அடுத்தடுத்து வெளிவரும் அப்டேட்களில் தெரியவரும் என எதிர்பார்க்கப்படுகிறது.
 

தமிழில் மிகப்பெரிய வெற்றி படமாகவும் வித்யாசமான கதைக்களத்துடன் ரசிகர்களை நிறைவாக திருப்திப்படுத்திய படம் 'கைதி'. 2019 ம் ஆண்டில் லோகேஷ் கனகராஜ் இயக்கத்தில் நடிகர் கார்த்தி நடித்த படம் கைதி மிகச்சிறப்பான திரைக்கதை, தொழில்நுட்பம் என்று படம் ஒரு கம்ப்ளீட் கமர்ஷியல் பேக்கேஜுடன் திரைக்கு வந்து பலருடைய பாராட்டுகளை பெற்று தந்தது. மாநகரம் திரைப்படத்திற்கு பின் பெரிய நட்சத்திரத்துடன் லோகேஷ் இணையும் திரைப்படம் இது.இந்த கைதி திரைப்படமே தற்போது லோகேஷ் கனகராஜின் LCU என்ற பிரிவை உருவாக்க காரணமாக இருந்தது. இந்த திரைப்படத்தின் தொடர்ச்சியாக உலக நாயகன் நடித்த 'விக்ரம்' திரைப்படம் இருந்தது. கைதியை தொடர்ந்து அதே அளவு ரசனையை விக்ரம் திரைப்படமும் தந்தது. தற்போது LCU பிரிவில் தளபதி விஜய் நடிப்பில் 'தளபதி 67' உருவாகி வருகிறது என்பது குறிப்பிடத்தக்கது.

இந்நிலையில் லோகேஷ் கனகராஜின் 'கைதி' திரைப்படம் இந்தியில் 'போலா' என்ற பெயரில் ரீமேக்  செய்யப்படுகிறது. இதனை பிரபல பாலிவுட் நடிகர் அஜய் தேவ்கன் நடித்து இயக்கியுள்ளார். மேலும் அப்படத்தினை அவரே தயாரித்தும் உள்ளார். தமிழ் கைதி திரைப்படத்தை விட சிறப்பு சேர்ப்பதற்காக போலா திரைப்படம் 3டி தொழில்நுட்பத்தில் உருவாகியுள்ளது. இப்படத்தின் முதல் டீசர் கடந்த மாதம் வெளியானது. கைதி படத்தில் இல்லாத காட்சிகளை சேர்த்து போலா படத்திற்கு சுவாரஸ்யம் சேர்த்துள்ளனர். மேலும் எதிர்பார்ப்பை ஒருபுறம் எழுப்பினாலும் தமிழில் அதிகம் விமர்சிக்கப்பட்டது. குறிப்பாக டீசரில் சூலத்தை  கொண்டு ஓடும் காரை குத்துவதும் பறப்பதும் எதார்த்த அதிரடி காட்சிகளை கொண்ட கைதி திரைப்படத்தின் ரசிகர்களின் எதிர்பார்ப்பை  à®Žà®Ÿà¯à®Ÿ முடியாமல் போனது. .

தற்போது இணையத்தில் 2 மில்லியன் பார்வையாளரை கடந்த போலா டீசரை தொடர்ந்து போலா படக்குழு தங்களது 2 வது டீசரை வெளியிட்டுள்ளனர்.அதிரடி காட்சிகளுடன் மிரட்டும் இந்த  à®‡à®°à®£à¯à®Ÿà®¾à®µà®¤à¯ டீசர். வித்யாசமான சேசிங் காட்சிகளை படத்தில் சேர்த்துள்ளது. அநேகமாக கதாநாயகன் பின்புல கதையையும் சொல்ல வாய்ப்புள்ளது. மேலும் கைதி திரைப்படத்தில் காவலதிகாரியாக வரும் நரேனுக்கு பதில் இதில் பெண் காவலதிகாரியாக நடிகை தபூ வருகிறார். இவருக்கும் கூடுதலாக சுவாரஸ்யமான காட்சிகளையும் வைத்துள்ளனர். மேலும் படத்தின் வில்லன் ஒருவரின் மாஸ் கதையையும் புதிய தோற்றத்தையும் அறிமுகப்படுத்தி உள்ளனர். இந்தி திரையுலகிற்கு உரித்தான ஒரு தரமான மசாலா கர்ஷியல் படமாக போலா திரைப்படம் உருவாகியுள்ளது.

ஆனால் தமிழில் கொண்டாடி தீர்த்த கைதி ரசிகர்களுக்கு இந்த படம் பிடிக்குமா என்றால் கேள்விக்குறிதான். இதற்கு முன் தமிழில் மெகா ஹிட் அடித்த படங்களான காஞ்சனா 2, ராட்சசன் திரைப்படங்கள் இந்தியில் ரீமேக் செய்து வெளியிட்டனர். படம் எதிர்பார்த்த அளவு ஓடவில்லை. அதிகளவு விமர்சத்தையே பெற்றது.இதை தொடர்ந்து‌ தமிழ் ரீமேக் திரைப்படமாக அடுத்து வரும் போலா திரைப்படத்திற்கு எந்தளவு வரவேற்பு கிடைக்கும் என்பதே திரையுலகினரின் தற்போதையே எதிர்பார்ப்பாக உள்ளது.

Jab ek chattaan, sau shaitaanon se takrayega... #BholaaTeaser2 Out Now.

▶️ https://t.co/RgnPhF4nxx#Bholaain3D @ajaydevgn #Tabu @ADFFilms @aseematographer @RaviBasrur @prabhu_sr @RelianceEnt @TSeries pic.twitter.com/M40Hi0g8lb

— DreamWarriorPictures (@DreamWarriorpic) January 24, 2023

தமிழ் மற்றும் மலையாளத்தில் குறிப்பிடப்படும் நடிகர்களில் ஒருவராக வலம் வரும் நடிகர் நரேன் தமிழில் இயக்குனர் மிஷினின் இயக்கத்தில் வெளிவந்த சித்திரம் பேசுதடி திரைப்படத்தின் மூலம் கதாநாயகனாக களமிறங்கினார். தொடர்ந்து மிஷினின் அஞ்சாதே மற்றும் முகமூடி ஆகிய படங்களில் முன்னணி கதாபாத்திரங்களில் நடித்தார்.

குறிப்பாக இயக்குனர் லோகேஷ் கனகராஜ் இயக்கத்தில் நடிகர் கார்த்தி நடித்து வெளிவந்து சூப்பர் ஹிட்டான கைதி திரைப்படத்தில் இன்ஸ்பெக்டர் பிஜாய் எனும் கதாபாத்திரத்தில் மிகச் சிறப்பாக நடித்து தமிழ் ரசிகர்களின் மனதில் தனக்கென தனி இடம் பிடித்த, நரேன் தொடர்ந்து இயக்குனர் சுசீந்திரன் இயக்கத்தில் வெளிவந்த சாம்பியன் படத்திலும் முன்னணி கதாபாத்திரத்தில் நடித்திருந்தார்.

கடைசியாக மீண்டும் இயக்குனர் லோகேஷ் கனகராஜ் இயக்கத்தில் உலகநாயகன் கமல்ஹாசன், மக்கள் செல்வன் விஜய் சேதுபதி, ஃபகத் பாசில் உள்ளிட்ட பலர் நடித்து வெளிவந்து பிளாக்பஸ்டர் ஹிட்டான விக்ரம் திரைப்படத்திலும் பிஜாய் கதாபாத்திரத்தில் நடித்து அனைவரது கவனத்தை ஈர்த்தார். தொடர்ந்து கைதி திரைப்படத்தின் இரண்டாவது பாகத்திலும் நடிக்க இருக்கிறார்.

முன்னதாக பிரபல தொலைக்காட்சி தொகுப்பாளர் மஞ்சு ஹரிதாஸ்-ஐ கடந்த 2007 ஆம் ஆண்டு நரேன் திருமணம் செய்து கொண்டார் இவர்களுக்கு ஒரு பெண் குழந்த இருக்கிறது. இந்நிலையில் தற்போது இவர்களுக்கு இரண்டாவது குழந்தையாக அழகிய ஆண் குழந்தை தற்போது பிறந்துள்ளது. இதனை நடிகர் நரேன் தனது இன்ஸ்டாகிராம் பக்கத்தில் புகைப்படத்தை வெளியிட்டு தெரிவித்துள்ளார். வைரலாகும் அந்த புகைப்படம் இதோ…
 

 

View this post on Instagram

A post shared by Narain Ram (@narainraam)

ஒரு படம் ரிலீஸ் ஆகி ரசிகர்களுக்கு ரொம்ப பிடிச்சுப்போச்சுன்னா , அந்த படத்தோட கதையை அடுத்த கட்டத்துக்கு எடுத்துட்டு போறதுக்கு ஏற்ற மாதிரி இயக்குனர்கள் கதையை கொண்டு போவாங்க இப்படி எடுக்கப்பட்ட படங்களும் ரசிகர்கள் மத்தியில் செம ஹிட் அடிச்சுருக்கு.இந்த ட்ரெண்ட் சிங்கம் 2,காஞ்சனா 2,சென்னை 28 2,பாகுபலி 2 உள்ளிட்ட படங்கள்ல சூப்பரா ஒர்க்கவுட் ஆகி செம ஹிட் அடிச்சது.சில பார்ட் 2 படங்கள் ஒர்க்அவுட் ஆகாமலும் போயிருக்கு.

இந்த ட்ரெண்ட் நடுவுல கொஞ்ச வருஷமா இல்லமா இருந்தது ராஜமௌலி எடுத்த பாகுபலி படம் உலகம் முழுக்க பெரிய வரவேற்பை பெற இந்த ட்ரெண்ட் திரும்பவும் ஸ்டார்ட் ஆகியிருக்கு , இப்போ இருக்குற Pan Indian மார்க்கெட் , OTT கலாச்சாரம்ன்னு ஒரு படம் ஈஸியா ரீச் ஆக நிறைய படங்கள் செகண்ட் பார்ட் தைரியமா எடுக்க ஆரம்பிச்சுட்டாங்க.

கே ஜி எப் , புஷ்பா , RRR , விக்ரம் என ஒரு மொழி படத்தை இப்போ இந்தியாவே கொண்டாடுற அளவு மார்க்கெட் வளர்ந்துருக்கு.படம் நல்லாயிருந்தா எந்த மொழியா இருந்தாலும் பார்ப்போம்னு ரசிகர்களும் ரெடியா இருக்காங்க.

பல படங்கள் எடுக்குறப்போவே செகண்ட் பார்ட்க்கு பிளானிங்கோட எடுக்குறாங்க , பல படங்கள் வெற்றியை பொறுத்து அடுத்த பார்ட் எடுக்குறாங்க , சில படங்கள் அடுத்த படங்களுக்கான லீட் காட்சியை வெச்சு ஹாலிவுட் ஸ்டைல்ல ரசிகர்களோடு எதிர்பார்ப்பை தூண்டுறாங்க.

பிரம்மாண்டமாக இரண்டு பாகங்களா எடுக்கப்படற இந்த படங்கள் ரசிகர்கள் கிட்ட பயங்கரமான வரவேற்பை வாங்குறத பார்த்துட்டு அடுத்தடுத்து ஏகப்பட்ட அடுத்த பார்ட் படங்கள் ரெடி ஆகிட்டு இருக்கு , அது என்னென்ன அப்பன்கிறத நம்ம இப்போ பார்க்கலாம் வாங்க

வெந்து தணிந்தது காடு

சிலம்பரசன் நடிச்சு கெளதம் மேனன் இயக்கத்துல உருவான இந்த படத்தோட முதல் பார்ட்லேயே செகண்ட் பார்ட்க்கான லீட் வெச்சு ரசிகர்களோட ஆர்வத்தை தூண்டியிருக்காங்க.அடுத்த பார்ட்க்காக ரசிகர்கள் ஆர்வத்தோட வெயிட் பண்ணிட்டு இருக்காங்க

பொன்னியின் செல்வன்

தமிழர்களோட வரலாறை சொல்ல வர ஒரு படம் , மணிரத்னம் எடுக்குறப்போவே ரெண்டு பார்ட்டா எடுத்து முடிச்சு முதல் பாகம் ரிலீசுக்கு ரெடி ஆகி வருது, பலரும் பார்க்கணும்ன்னு ஆர்வமா எதிர்பார்க்குற ஒரு படம்

சூர்யா 42

சூர்யா நடிப்புல சிவா இயக்கத்துல உருவாக போற பிரம்மாண்ட படம் 10 மொழிகள்,3Dன்னு பல தொழில்நுட்பத்துல வர்ற இந்த படம் இரண்டு பாகமா உருவாகவுள்ளது குறிப்பிடத்தக்கது

இந்தியன் 2

கமல் நடிப்புல ஷங்கர் இயக்கத்துல 1996-ல் ரிலீசாகி சக்கைபோடு போட்ட படம் இந்தியன் , இந்த படத்தோட இரண்டாம் 2022-ல் இப்போ உருவாகிட்டு இருக்கு.

விடுதலை

வெற்றிமாறன் இயக்கத்துல சூரி,விஜய்சேதுபதி எல்லாம் நடிச்சுட்டு இருக்குற படம் , முதல்ல ஒரு பாகமா எடுக்கணும்ன்னு ஆரம்பிச்சு ரசிகர்களுக்கு விரிவா கதை சொல்லணும்ன்னு இரண்டு பாகமா மாற்றப்பட்ட படம்

விக்ரம் 3

1986-ல் முதல் பாகம் வெளியாகி 2022-ல் வெளியான விக்ரம் படம் முதல் பாகத்தோட தொடர்ச்சியா வந்துச்சு.இந்த 2022 விக்ரம்ல அடுத்த பாகத்திற்கான லீட் காட்சிகளை வெச்சு அடுத்த பாகத்திற்கு ரெடி ஆகி ஒரு சினிமாட்டிக் யுனிவர்ஸ் ரெடி பண்ணிட்டு இருக்காங்க

கைதி 2

லோகேஷ் கனகராஜ் இயக்கத்துல கார்த்தி நடிச்சு 2019-ல் செம ஹிட் அடிச்ச படம் கைதி.ஹாலிவுட் பட ஸ்டைல்ல இந்த படத்தோட கதையும் விக்ரம் படத்தோட கதையும் கனெக்ட் ஆக Multiverse தமிழ் சினிமாவுல பிரபலம் ஆச்சு . ஏற்கனவே கைதி படத்தோட முதல் பார்ட்ல செகண்ட் பார்ட் வருதுன்னு சொன்னவங்க 2022 விக்ரம் ல அடுக்கான லீட் ஸ்ட்ரோங்கா வெச்சு இருக்காங்க.அடுத்த வருஷம் படத்தோட ஷூட்டிங் ஆரம்பிக்கும்ன்னு தெரியுது

வடசென்னை 2

2018-ல் வெளியாகி ஒரு செம கேங்ஸ்டர் படமா ரசிகர்கள் மத்தியில கவனம் ஈர்த்த படம் தனுஷ் நடிச்ச வடசென்னை.வெற்றிமாறன் இயக்குன இந்த படம் ரசிகர்களோட Favourite படமா இருக்குது.இந்த படத்தோட இரண்டாம் பாகம் லீட் கொடுத்திருந்தாலும் , மத்த பட வேலைகளால் இந்த படம் தள்ளிபோய்க்கிட்டே இருக்கு,இருந்தாலும் படத்தோட செகண்ட் பார்ட் எப்போ ரெடி ஆகும்ன்னு ரசிகர்கள் வெயிட் பண்றாங்க

கே ஜி எப் 3

கன்னட சினிமாவோட மார்க்கெட்டை மொத்தமா மாற்றுன ஒரு படம், ஹாலிவுட் தூரத்துல இந்தியாவும் படம் எடுக்கும்ன்னு காட்டுன ஒரு படம் . யாஷ் நடிச்சு 2 பாகங்கள் ஹிட் அடிச்ச படத்தோட மூன்றாவது பாகம் சில வருடங்கள்ல வரும்ன்னு எதிர்பார்க்கப்படுது , இதற்கான அறிவிப்பு இரண்டாம் படத்தோட முடிவுல வெச்சுருந்தது குறிப்பிடத்தக்கது

புஷ்பா 2

அல்லு அர்ஜுன் நடிச்சு பெரிய எதிர்பார்ப்புக்கிடையே ரிலீஸ் ஆன திரைப்படம் , இந்தியா முழுக்க பிரியா வரவேற்பை பெற்று வசூல் சாதனை பண்ண திரைப்படம் , படத்தோட இரண்டாம் பாகம் ஷூட்டிங் சமீபத்துல ஆரம்பிச்சது இந்த செகண்ட் பார்ட் ரிலீஸ் எதிர்நோக்கி ரசிகர்கள் காத்துகிட்டு இருக்காங்க

சந்திரமுகி 2

2005-ல் ரிலீசான சூப்பர்ஸ்டார் ரஜினிகாந்த் மெகாஹிட் படம் சந்திரமுகி , இந்த படத்தோட செகண்ட் பார்ட் இப்போ உருவாகிக்கிட்டு இருக்கு ராகவா லாரன்ஸ் இந்த படத்தோட ஹீரோவாக நடிச்சுட்டு இருக்காரு.

பிச்சைக்காரன் 2

விஜய் ஆன்டனி நடிச்சு சூப்பர்ஹிட் அடிச்ச பிச்சைக்காரன் படத்தோட செகண்ட் பார்ட் இப்போ ரெடி ஆகிட்டு இருக்கு இந்த படம் மூலமா விஜய் ஆன்டனி டைரக்டர் ஆகவும் அறிமுகமாகுறாரு

வேட்டையாடு விளையாடு 2

கெளதம் மேனன் இயக்கத்துல கமல்ஹாசன் நடிச்ச செம ஹிட் திரைப்படம் வேட்டையாடு விளையாடு , இந்த படத்தோட செகண்ட் பார்ட் ஸ்கிரிப்ட் வேலைகள் விறுவிறுப்பாக நடந்துட்டு இருக்கு சீக்கிரமே ஷூட்டிங் ஆரம்பிக்கும்ன்னு எதிர்பார்க்கப்படுது

ஆயிரத்தில் ஒருவன் 2

கார்த்தி நடிச்சு செல்வராகவன் இயக்குன ஒரு வளரற்று படம் , படம் ரிலீஸ் அப்போ பெரிய வரவேற்பு கிடைக்கலேனாலும் , அதுக்கு அப்பறம் பெரிய வரவேற்பை பெற்ற படம் . இந்த படத்தோட இரண்டாம் பாகம் அறிவிக்கப்பட்டிருக்கு சீக்கிரமே பட வேலைகள் தொடங்கும்னு எதிர்பார்க்கப்படுது.

திரிஷ்யம் 3

மோகன்லால் நடிச்சு பெரிய வெற்றியடைஞ்ச படம் திரிஷ்யம் , இந்த படத்தோட இரண்டாம் பாகம் ரிலீசாகி லாக்டவுன் நேரத்துல பெரிய வரவேற்பை பெற்றது.இந்த படத்தோட மூன்றாவது பாகம் சீக்கிரம் உருவாகப்போகுது

லூசிபர் 2

மோகன்லால் நடிச்சு பிரித்விராஜ் இயக்கத்துல ரிலீஸ் ஆன இந்த படம் பெரிய வரவேற்பை பெற்றிருந்தது.இந்த படத்தோட இரண்டாம் பாக ஸ்கிரிப்ட் வேலைகள் விறுவிறுப்பாக நடந்துட்டு இருக்கு சீக்கிரமே ஷூட்டிங் தொடங்கும்னு தெரியுது

ராம்

மோகன்லால் , த்ரிஷா நடிப்புல உருவாகிற இந்த படம் இரண்டு பாகங்களா உருவாகிட்டு இருக்கு.மலையாள ரசிகர்களின் பெரிய எதிர்பார்ப்புக்கிடையே இந்த படம் விறுவிறுப்பாக தயாராகிட்டு இருக்கு

ஆக்ஷன் ஹீரோ பிஜு 2

நிவின் பாலி நடிச்சு சூப்பர்ஹிட் அடிச்ச இந்த படத்தோட இரண்டாம் பாகம் சீக்கிரமே ஸ்டார்ட் ஆக போகுதுன்னு தகவல் கிடைச்சிருக்கு

ஜிகர்தண்டா 2

கார்த்திக் சுப்புராஜ் இயக்கத்துல தயாரான இந்த படம் பெரிய வெற்றி பெற்றது.இந்த படத்தோட செகண்ட் பார்ட் சமீபத்துல அறிவிச்சாங்க , இந்த படம் Pan Indian படமா உருவாக இருக்குது

பிசாசு 2

மிஸ்கின் இயக்கத்துல வந்த வித்தியாசமான பேய் படம் நல்ல ஹிட் அடிச்சது.இதனை அடுத்து இந்த படத்தோட அடுத்த பாகம் ஆண்ட்ரியா நடிப்புல உருவாகியிருக்க இந்த படம் சீக்கிரம் ரிலீஸ் ஆகப்போகுது.

டிமான்டி காலனி 2

அஜய் ஞானமுத்து இயக்கத்துல அருள்நிதி நடிச்ச இந்த ஹாரர் படம் ரசிகர்கள் கிட்ட பெரிய வரவேற்பை பெற்றிருந்தது,இந்த படத்தோட செகண்ட் பார்ட் அடுத்து உருவாக இருக்கு.

துப்பறிவாளன் 2

விஷால் நடிச்சு மிஸ்கின் இயக்குன இந்த படம் சூப்பர்ஹிட் அடிச்சது,இந்த படத்தோட செகண்ட் பார்ட் விறுவிறுப்பாக உருவாகிட்டு இருக்கு

தி கிரே மேன் 2

தனுஷ் முக்கிய வேடத்துல நடிச்ச இந்த ஹாலிவுட் படத்தோட அடுத்த பார்ட் ரொம்ப சீக்கிரமே ஷூட் ஆரம்பிக்க போறாங்க இதற்கான வேலைகள் விறுவிறுப்பாக நடைபெற்று வருது

இன்று நேற்று நாளை 2

விஷ்ணு விஷால் நடிச்சு செம ஹிட் அடிச்ச டைம் ட்ராவல் படம் இன்று நேற்று நாளை , இந்த படத்தோட இரண்டாம் பாக வேலைகள் இப்போ ஆரம்பிச்சு விறுவிறுப்பாக நடந்துட்டு இருக்கு

இப்படி பல பார்ட்களா வர்ற படங்கள் ரசிகர்கள் கிட்ட நல்ல வரவேற்பை வாங்குறத்தோடு நம்ம சினிமா தரத்தையும் உயர்த்துறதால இது ஒரு ஆரோகியமான வளர்ச்சியா கருதப்படுது.இன்னும் பல வெற்றி படங்கள் இந்த Formula-ல உருவாகும்ன்னு எதிர்பார்க்கப்படுது

மாநகரம் படத்தின் மூலம் இயக்குனராக அறிமுகமாகி முதல் படத்திலேயே ரசிகர்கள் மற்றும் விமர்சகர்களிடம் இயக்குனராக பெரிய வரவேற்பை பெற்றவர் லோகேஷ் கனகராஜ்.இதனை அடுத்து இவர் கார்த்தி நடித்த கைதி படத்தினை இயக்கினார்.இந்த படமும் ரசிகர்கள் மத்தியில் செம ஹிட் அடிக்க வளர்ந்து வரும் முக்கிய இயக்குனர்கள் லிஸ்டில் இணைந்தார் லோகேஷ்.

தனது மூன்றாவது படத்தில் தளபதி விஜயை இயக்கும் வாய்ப்பை பெற்றார் லோகேஷ் கனகராஜ்.இந்த படத்தில் மக்கள் செல்வன் விஜய்சேதுபதி முக்கிய வேடத்தில் நடித்திருந்தார்.இந்த படம் பெரிய வரவேற்பை பெற்று வசூல் சாதனை படைத்தது.முன்னணி இயக்குனர்களில் ஒருவராக உருவெடுத்தார் லோகேஷ்.

ஹாட்ட்ரிக் வெற்றியுடன் உலகநாயகனின் விக்ரம் படத்தினை அடுத்து இயக்கினார்.இந்த படத்தில் விஜய்சேதுபதி,பஹத் பாசில் உள்ளிட்டோர் நடிக்க படம் மிகப்பெரிய வசூலை செய்தது.இந்த படத்தினை அடுத்து இவர் மீண்டும் விஜயுடன் அடுத்த படத்தில் இணையவுள்ளார் என்ற தகவல் பரவி வருகிறது.

இதனை தவிர விக்ரம் படத்தில் தனக்கென ஒரு யுனிவர்ஸ் உருவாக்கி பல படங்களை உருவாக்கும் வாய்ப்பினை பெற்றார்.இதன்மூலம் அடுத்து கைதி 2,விக்ரம் 2 உள்ளிட்ட படங்கள் தயாராக உள்ளன.விருமன் பட ப்ரோமோஷனில் விறுவிறுப்பாக கலந்துகொள்ளும் கார்த்தி,கைதி 2 படம் லோகேஷ் விஜயின் தளபதி 67 நிறைவுக்கு பின் தொடங்கும் என தெரிவித்துள்ளார்.இந்த வீடியோ ரசிகர்களிடம் வைரலாகி வருகிறது.

After @Dir_Lokesh finish Vijay sir film ,kaithi 2 will happen - @Karthi_Offl pic.twitter.com/1zn7iSmGB0

— #Thalapathy67 (@Vijay67FiImOffl) August 9, 2022

தமிழ் திரையுலகின் MOST-WANTED இயக்குனர்களில் ஒருவராக உயர்ந்திருக்கும் இயக்குனர் லோகேஷ் கனகராஜ் இயக்கத்தில் உலகநாயகன் கமல்ஹாசன் நடித்து சமீபத்தில் வெளிவந்த விக்ரம் திரைப்படம் மாபெரும் வெற்றி பெற்றது. இதனை அடுத்து இயக்குனர் லோகேஷ் கனகராஜ் இயக்கத்தில் மீண்டும் தளபதி விஜய் இணையும் #தளபதி67 திரைப்படத்தின் அறிவிப்புக்காக ரசிகர்கள் ஆவலோடு காத்திருக்கின்றனர்.

முன்னதாக இயக்குனர் லோகேஷ் கனகராஜ் இயக்கத்தில் நடிகர் கார்த்தி நடித்து கடந்த 2019ஆம் ஆண்டு வெளிவந்து சூப்பர் ஹிட்டான கைதி திரைப்படம் அனைத்து சினிமா ரசிகர்களின் கவனத்தையும் வெகுவாக ஈர்த்தது. மேலும் தற்போது பாலிவுட்டில் கைதி திரைப்படம் ரீமேக் செய்யப்படுவதும் குறிப்பிடத்தக்கது.

அஜய் தேவ்கன் மற்றும் தபு முன்னணி கதாபாத்திரங்களில் நடிக்கும் கைதி ரீமேக்கான போலா திரைப்படத்தை அஜய் தேவ்கன் பிலிம்ஸ், ரிலையன்ஸ் என்டர்டெயின்மென்ட், T சீரிஸ் மற்றும் ட்ரீம் வாரியர் பிக்சர்ஸ் நிறுவனங்கள் இணைந்து தயாரிக்கின்றன. அடுத்த ஆண்டு மார்ச் 30ஆம் திகதி போலா திரைப்படம் உலகமெங்கும் திரையரங்குகளில் ரிலீஸ் ஆகும் என அறிவிக்கப்பட்டுள்ளது.

தற்போது படப்பிடிப்பு நடைபெற்று வரும் போலா திரைப்படத்தில் பெரிய மாற்றம் ஏற்பட்டுள்ளது. முன்னதாக போலா திரைப்படத்தை பிரபல பாலிவுட் இயக்குனர் தர்மேந்திர ஷர்மா இயக்குவதாக அறிவிக்கப்பட்டிருந்த நிலையில் தற்போது நடிகர் அஜய் தேவ்கனே இயக்கி நடிப்பதாக அதிகாரப்பூர்வமாக அறிவித்துள்ளார். இதுகுறித்து அதேபோல்தான் அஜய் தேவ்கன் பதிவிட்ட ட்விட்டர் பதிவு இதோ…
 

It's time to say ACTION again!

Bholaa releasing on March 30th, 2023. pic.twitter.com/fGyycOFPIT

— Ajay Devgn (@ajaydevgn) July 4, 2022

சில வருடங்களுக்கு முன் சூர்யா படத்தில் நடந்த சில விஷயங்கள் நிஜத்திலும் நடந்து வந்தன.7ஆம் அறிவு படத்தில் வருவதை போல கொரோனா வைரஸ்,காப்பான் படத்தினை போல வெட்டுக்கிளிகள் பயிர்களை நாசம் செய்வது என சில உத்தாரணங்கள் உள்ளன.

சூர்யா இல்லுமினாட்டியா? இல்லை தீர்க்கதரிசியா? என நெட்டிசன்கள் என பலரும் இது குறித்து மீம்களை பதிவிட்டு வந்தனர்.அந்த மீம்கள் சற்று குறைந்து அனைவரும் அடுத்தடுத்த ரிலீஸ் படங்களை கொண்டாடி வரும் வேளையில் இப்போது மீண்டும் அன்றே கணித்த சூர்யா மொமெண்ட் வந்துள்ளது.

கமல் நடிப்பில் ஜூன் 3ஆம் தேதி வெளியாகி அசத்தலான வரவேற்பை பெற்று வரும் படம் விக்ரம் இந்த படத்தில் சூர்யா சிறப்பு தோற்றத்தில் நடித்திருந்தார்.இந்த படத்தில் கைதி படத்தின் கதைக்களமும் இணைவது போல உருவாக்கப்பட்டிருக்கும்.இதில் சூர்யா ஒரு கொடூர வில்லனாக அடுத்த கைதி மற்றும் விக்ரம் படங்களுக்கு லீட் கொடுப்பது போல வந்திருப்பார்.

இதன்மூலம் அடுத்து வரும் விக்ரம் 3 மற்றும் கைதி 2 படங்களில் முக்கிய வில்லனாக கமல் மற்றும் கார்த்திக்கு எதிராக சூர்யா வில்லனாக தோன்றுவார் என்பது தெரியவந்துள்ளது.சில வருடங்களுக்கு முன் நடைபெற்ற இந்தியன் சினிமா 100 ஆண்டுகள் விழாவில் சூர்யா பேசியபோது , சூர்யா வில்லனாக நடிக்க வேண்டும் என்றால் கார்த்தி பட்டை போட்டுகொண்டு ஹீரோவாக நடிக்கவேண்டும் என்று கூறியிருக்கிறார்.இது கிட்டத்தட்ட அடுத்து நடைபெறும் என்பதால் மீண்டும் அன்றே கணித்த சூர்யா என ரசிகர்கள் ட்ரெண்ட் செய்து வருகின்றனர்.

View this post on Instagram

A post shared by MADURAI JUNCTION (@madurai_junction)

சுவாரசியமான கதைக்களம் விறுவிறுப்பான திரைக்கதை என முதல் படத்திலேயே முதல் படத்திலேயே முத்திரை பதித்தவர் லோகேஷ் கனகராஜ்.தனது அடுத்த படத்தில் கார்த்தி போன்ற ஒரு நடிகரை வைத்து அசத்தலாக கைதி என்ற ஆக்ஷன் படத்தினை எடுத்தார்.இந்த படமும் ரசிகர்களிடம் பெரிய வரவேற்பை பெற்றது.

இதனை அடுத்து தளபதி விஜயுடன் மாஸ்டர் படத்தில் இணைந்தார்,இந்த படமும் ரசிகர்கள் மத்தியில் நல்ல வரவேற்பை பெற்றது.இதனை அடுத்து இவர் இயக்கியுள்ள விக்ரம் திரைப்படம் இன்று வெளியாகியுள்ளது.இந்த படத்தினை பார்க்கும் முன் தனது இயக்கத்தில் வெளியான கைதி படத்தினை ஒருமுறை பார்க்க ரசிகர்களுக்கு லோகேஷ் வேண்டுகோள் வைத்தார்.

கைதி படத்தில் இடம்பெற்ற கதைக்களம் , கதாபாத்திரங்கள் விக்ரம் படத்திலும் வருவது போல காட்சிகள் அமைக்கப்பட்டுள்ளன,இரண்டு படங்களின் உலகங்களும் இணைவது போல ஆங்கில படங்களின் ஸ்டைலில் விக்ரம் படத்தினை லோகேஷ் தயார் செய்துள்ளார்.இந்த படம் இன்று வெளியாகி ரசிகர்களிடம் பெரிய வரவேற்பை பெற்று வருகிறது.

இதில் விக்ரம் 3 மற்றும் கைதி 2 படங்களுக்கு லீட் கொடுக்கும் வகையில் சில காட்சிகள் அமைக்கப்பட்டுள்ளன.2019-ல் வெளியான கைதி பக்கா ஆக்ஷன் படமாக ரசிகர்களிடம் வரவேற்பு பெற்றது,அதில் சில கேள்விகள் பதிலளிக்கப்படாமல் இருக்கும் அதனை கைதி 2வில் லோகேஷ் தெரிவிப்பார் என்று எதிர்பார்க்கப்படுகிறது.

ஏற்கனவே விக்ரம் படத்தில் கைதி 2விற்கான லீட் வைக்கப்பட்டதை அடுத்து கைதி 2 விரைவில் டேக் ஆப் ஆகும் என்று எதிர்பார்க்கப்படுகிறது.தற்போது கைதி படத்தின் தயாரிப்பாளர் எஸ் ஆர் பிரபு கைதி 2 ஆரம்பிக்கலாமா என்று பதிவிட்டு ரசிகர்களின் எதிர்பார்ப்பை மேலும் தூண்டியுள்ளார்.வெகு விரைவில் லோகேஷ் கைதி 2 வேலைகளை தொடங்குவார் என்று தெரிகிறது.

#Kaithi2 #Aarambikkalaangala!!😂🫣#Vikram https://t.co/5CZGNHKTTQ

— SR Prabhu (@prabhu_sr) June 2, 2022