hero தமிழ் செய்திகள்

சின்னத்திரையின் வாயிலாக ஒட்டுமொத்த தமிழ் மக்களின் மனதிலும் இடம் பிடித்த மிக முக்கிய தொகுப்பாளர்களில் ஒருவரான ரியோ ராஜ் தற்போது தமிழ் சினிமாவில் கதாநாயகனாக தனது வெற்றிப் படிகளில் அடியெடுத்து வைக்கத் தொடங்கி இருக்கிறார். அந்த வகையில் தற்போது ரியோ ராஜ் நடிப்பில் வெளிவந்திருக்கும் திரைப்படம் தான் ஜோ. இயக்குனர் ஹரிஹரன் ராம் இயக்கத்தில் ரியோ நடித்திருக்கும் கல்லூரியை மையப்படுத்திய காதல் படமான ஜோ திரைப்படம் ரசிகர்களிடையே ஏகோபித்த வரவேற்பை பெற்றுள்ளது. இந்த நிலையில் நமது கலாட்டா தமிழ் சேனலுக்கு ஸ்பெஷல் பேட்டி கொடுத்த ரியோ ராஜ் தனது திரைப்பயணம் குறித்து பல சுவாரசிய தகவல்களை நம்மோடு பகிர்ந்து கொண்டார். அந்த வகையில், 

“நீங்கள் நிச்சயமாக இந்த கேள்வியை தாண்டி தான் வந்திருப்பீர்கள். நீங்கள் என்ன சிவகார்த்திகேயனை பின் தொடர்கிறீர்களா?” எனக் கேட்டதும், “ஆமாம்” என உடனடியாக பதிலளித்தார். தொடர்ந்து அவரிடம், “இதை நீங்கள் எப்படி எடுத்துக் கொள்கிறீர்கள். கரியர் அடிப்படையில் நீங்கள் அவரை பின்தொடர்கிறீர்கள் என்றால் எந்த தவறும் இல்லை ஆனால் மாறாக இப்போது உதாரணத்திற்கு விஜய் சார் என்ன செய்தாலும் அவர் ரஜினி சாரை பின் தொடர்கிறார் என சொல்வது போல நீங்கள் என்ன செய்தாலும் இவர் சிவகார்த்திகேயனை பின் தொடர்கிறார் அவரைப் போலவே பேசுகிறார் பதில் கொடுப்பதாக இருக்கட்டும் மேடையில் பேசுவதாக இருக்கட்டும் இவர் அப்படியே சிவகார்த்திகேயனை பார்த்து பின் தொடர்கிறாரோ! என கேட்கிறார்கள்… உங்களுடைய பதில் என்ன?” என கேட்டபோது, 

“கிடையவே கிடையாது. நான் பேசியதெல்லாம் கொஞ்சம் எடுத்து பாருங்கள் அந்த மாதிரி சிவா அண்ணா எங்கேயுமே பேசி இருக்க மாட்டார். சிவா அண்ணா மிகவும் பொறுப்பாக அதுவும் மேடையில் ஒரு மைக்கை பிடிக்கும் போது மிகவும் பொறுப்பாகவும் பேசுற வார்த்தைகளில் எல்லாம் சரியாக இருக்க வேண்டும் என்பதில் மிகவும் தெளிவாக இருப்பார். எனக்கு அதெல்லாம் கிடையாது நான் தோன்றியதை பேசி விடுவேன். அதன்பிறகு நான் அதற்காக திட்டு எல்லாம் வாங்கி இருக்கிறேன். அவரைப் பின் தொடர்கிறேன் என்றால் அவரைப்போலவே அர்ப்பணிப்போடு இருக்க வேண்டும். சரியான பாதையில் செல்ல வேண்டும். அதெல்லாம் அவரைப் பார்த்து நான் பின் தொடர்கிறேன் தான். அதில் எந்த மாற்றமும் கிடையாது. ஆனால் அவரை மாதிரியே எல்லாம் பண்ண வேண்டும் என்று எனக்கு எந்த நேரத்திலும் தோன்றியதே இல்லை... இன்னொரு விஷயம் அப்படி செய்வதனால் எல்லாமே சரியாக இருக்காது என்று எனக்கு தெரியும். ஒருவர் ஒரு இடத்தை பிடித்த பிறகு அதேபோல நாம் செய்தால் அந்த இடத்தை பிடித்து விடலாம் என நினைப்பதே என்னைப் பொறுத்த வரைக்கும் தவறு... நாம் நமக்கான பாதையை தேர்ந்தெடுக்க வேண்டும் மேலே போக வேண்டும் என்றால் நமக்கு என்ன வருமோ அதை தான் செய்ய வேண்டும். இதை எனக்கு சொல்லிக் கொடுத்ததும் சிவா அண்ணா தான்.” என பதில் அளித்திருக்கிறார். இன்னும் பல சுவாரசிய தகவல்களை நம்மோடு பகிர்ந்து கொண்ட ரியோ ராஜின் அந்த முழு பேட்டி இதோ...
 

தமிழ் சின்னத்திரை ரசிகர்களின் ஃபேவரட் தொகுப்பாளர்களில் ஒருவராகவும் தமிழ் சினிமாவின் பிரபல கதாநாயகர்களில் ஒருவராகவும் திகழும் ரியோ ராஜ் அவர்கள் கதையின் நாயகனாக நடித்திருக்கும் ஜோ திரைப்படம் கடந்த சில தினங்களுக்கு முன்பு உலகெங்கும் திரையரங்குகளில் ரிலீஸ் ஆகி ரசிகர்கள் மத்தியில் ஏகோபித்த வரவேற்பை பெற்றுள்ளது. இந்த நிலையில் நமது கலாட்டா தமிழ் சேனலுக்கு பிரத்யேக பேட்டி கொடுத்த நடிகர் ரியோ ராஜ் நம்முடைய பல கேள்விகளுக்கு மிகவும் சுவாரசியமாக பதில் அளித்தார். அந்த வகையில், “2013ல் தொடங்கப்பட்டது உங்களுடைய பயணம். தற்போது 2023 பத்து ஆண்டுகள் ஆகிவிட்டது. எப்போதுமே ஒரு துறையில் ஒரு 10 ஆண்டுகளை  à®•à®Ÿà®¨à¯à®¤à¯ விட்டால் அதில் இருக்கும் பாசிட்டிவ் நெகட்டிவ் எல்லாவற்றையும் பற்றிய ஒரு பகுப்பாய்வு தெரிந்து கொள்ள முடியும்... இந்த பத்து வருடத்தில் உங்களுடைய வாழ்க்கை எந்த அளவுக்கு வளர்ந்து இருக்கிறது பொருளாதார அடிப்படையிலும், உங்களது துறையிலும் என்ன மாற்றத்தை உணர்கிறீர்கள்..? எனக் கேட்ட போது, 

“அப்போது கார் இல்லை இப்போது கார் இருக்கிறது. அப்போது பேச்சுலர் ரூமில் இருக்கும்போது படுத்த பாயை கூட மடித்து வைக்க மாட்டோம் சுற்றி ஒரு பத்து பேர் எப்போதும் இருந்து கொண்டே இருப்பார்கள். இப்போது கல்யாணம் ஆகிவிட்டது குழந்தை இருக்கிறது இப்போதும் படுத்த பாயை மடித்து வைப்பதில்லை. மற்றபடி பெரிதாக எந்த மாற்றத்தையும் பார்க்கவில்லை. அப்போது பைக்குக்கு மாதத் தவணை கட்டிக் கொண்டிருந்தேன். இப்போது காருக்கு மாதத் தவனை கட்டுகிறேன். அப்போது பேச்சுலர் ரூமுக்கு ஆனா வாடகை கொடுத்துக் கொண்டிருந்தேன். இப்போது குடும்பத்திற்கான வீட்டு வாடகை கொடுத்துக் கொண்டிருக்கிறேன். இப்போதும் பசங்க எல்லாரும் வீட்டிற்கு வந்து விடுவார்கள். எனக்கு பெரிதாக எதுவும் மாற்றம் இருப்பதாக தெரியவில்லை. அதேதான் ஒருவேளை மெச்சூரிட்டி அடிப்படையில் பார்க்கும்போது எதை நாம் தேர்ந்தெடுக்கிறோம் என்பதில் சில மாற்றங்கள் இருக்கிறது. அது தவிர பொருளாதார அடிப்படையிலோ அல்லது தனிப்பட்ட முறையிலோ பெரிய மாற்றங்கள் எதையும் நான் பார்க்கவில்லை. கரியரில் நிறைய மாற்றங்கள் இருக்கின்றன.” என்றார். 

தொடர்ந்து அவரிடம், “இப்போது இருக்கக்கூடிய தலைமுறையில் ஒரு நூறு தொகுப்பாளர்கள் இருக்கிறார்கள் என்றால் அவர்களிடம் அடுத்து நீங்கள் என்ன ஆகப்போகிறீர்கள் என்று கேட்டால் அவர்களில் 70 - 80 சதவீதம் பேர் சிவகார்த்திகேயன் மாதிரி ஹீரோ ஆகப்போகிறேன் என்று தான் சொல்வார்கள்... நீங்களும் ஒரு தொகுப்பாளராக இருந்தீர்கள் இப்போது ஹீரோவாக இருக்கிறீர்கள்... அது எவ்வளவு கஷ்டம் தொகுப்பாளராக இருந்தால் ஹீரோ ஆகிவிட முடியுமா?” என்று கேட்டபோது, “முதலில் இதை தெளிவுபடுத்த விரும்புகிறேன் ஹீரோ ஆக வேண்டும் என்றால் தொகுப்பாளராகி ஹீரோ ஆக வேண்டும் என்று இல்லை. அது வேறு இது வேறு. தொகுப்பாளராக வேண்டுமென்றால் தொகுப்பாளராக வேண்டும் என்பது மட்டும்தான் கோல் ஆக இருக்க வேண்டும். எனக்கு அவ்வளவு தான் கோல் ஆக இருந்தது. அதனால்தான் நான் செய்த நிகழ்ச்சிகள் எல்லாம் நல்லபடியாக செய்ய முடிந்தது. இதற்கும் அதற்கும் எந்த சம்பந்தமும் கிடையாது. இது வேறு துறை அது வேறு துறை. இது எப்படி இருக்கிறது என்றால் ஒரு நிறுவனத்தில் மேனேஜராக வேண்டும் என்றால் செக்யூரிட்டியாக வேலைக்கு சேர்ந்தால் போதும் என்பது போல் இருக்கிறது.” என்றார். அந்த முழு பேட்டி இதோ...
 

நடிகர் ரியோ ராஜ் நாயகனாக நடித்திருக்கும் ஜோ திரைப்படம் தற்போது திரையரங்குகளில் வெற்றிகரமாக ஓடிக்கொண்டிருக்கிறது. தமிழ் சின்னத்திரை ரசிகர்களின் மனம் கவர்ந்த தொகுப்பாளர்களில் ஒருவராக கலக்கிய ரியோ ராஜ் தற்போது தமிழ் சினிமாவில் கதாநாயகனாகவும் அசத்தி வருகிறார். தற்போது கதாநாயகனாக வலம் வரும் ரியோ ராஜுக்கு தமிழ் சினிமாவில் கதாநாயகனாகும் நம்பிக்கையை முதல் முதலில் கொடுத்த முக்கிய நபர் சிவகார்த்திகேயன். முன்னதாக தனது சொந்த தயாரிப்பில், நெஞ்சம் உண்டு நேர்மை உண்டு ஓடு ராஜா திரைப்படத்தில் நடிகர் ரியோவை கதாநாயகனாகவும் சிவகார்த்திகேயன் நடிக்க வைத்திருக்கிறார். இந்த நிலையில் நமது கலாட்டா தமிழ் சேனலுக்கு பேட்டி கொடுத்த நடிகர் ரியோ ராஜ் நம்முடைய பல கேள்விகளுக்கு மிகவும் சுவாரசியமாக பதில் அளித்தார். அந்த வகையில், “உங்களை யாராவது முதல் முதலில் சொல்லி இருப்பார்கள் அல்லவா நீங்கள் ஹீரோ ஆக வேண்டும் என்று... நீங்கள் ஒரு ஹீரோ மெட்டீரியல் என்று... அப்படி உங்களுக்கு முதன் முதலில் சொல்லியவர் யார்?" என கேட்டபோது, "சிவகார்த்திகேயன் அண்ணா... நேர்மையாக முதலில் சொல்லியது அவர்தான் என்னுடைய நண்பர்கள் மற்றும் குடும்பத்தினரை தாண்டி ஒருவர் சொன்னார் என்றால் அது அவர்தான். ஒரு நாள் போன் செய்து பேசிக்கொண்டிருந்தோம். அவர் எப்போதும் என்னுடைய நிகழ்ச்சியில் இதெல்லாம் பிடித்தது பிடிக்கவில்லை என்பது பற்றி எல்லாம் சொல்லுவார். ரொம்ப நேரம் பேசிக் கொண்டிருந்தோம். “அடுத்து என்னெல்லாம் பண்ணப் போகிறீர்கள்” என அவர் பேசியபோது அவர் நிறைய அறிவுரைகள் கொடுத்தார். இதை நான் பல இடங்களில் சொல்லி இருக்கிறேன். “இப்படி செய்யுங்கள் அப்படி செய்யுங்கள் இதே பண்ணுங்கள் என நிறைய பேர் நிறைய ஐடியாக்கள் கொடுப்பார்கள் அதையெல்லாம் எதையும் கேட்காதீர்கள் உங்களுக்கு என்று ஒன்று தோன்றும் அல்லவா அதை மட்டும் செய்யுங்கள். இந்த நிகழ்ச்சியை இப்படி பண்ண வேண்டும் என உங்களுக்கு தோன்றியது. அதை செய்ததும் எல்லோருக்கும் பிடித்ததல்லவா அது மாதிரி இனிமேல் நீங்கள் செய்வதெல்லாம் மற்றவர்களுக்கு பிடிக்கும். எனவே மற்றவர்கள் சொல்கிறார்கள் என்பதற்காக எதுவும் பண்ணாதீர்கள். உங்களுக்கு மனசார ஒன்று தோன்றும் அல்லவா அதை எல்லாம் செய்யுங்கள் எல்லாமே வெற்றியடையும்” என சொல்லிவிட்டு இதை சொன்னார். “கதை எல்லாம் கேட்கிறீர்களா படம் எல்லாம் வருகிறதா?” என்றார். “என்ன அண்ணே இதெல்லாம் கேட்கிறீர்கள் கதையெல்லாம் கேட்கிறீர்களா என்கிறீர்கள்” என்றேன். “நான் ஒன்றும் ஹீரோ இல்லையே நான் ஏதோ நிகழ்ச்சிகள் செய்து கொண்டிருக்கிறேன்” என்றேன். “இல்லையே இந்நேரம் உங்களுக்கு கதை எல்லாம் வர ஆரம்பித்திருக்குமே?” எனக் கேட்டுவிட்டு, “நீங்கள் ஒரு ஹீரோ மெட்டீரியல் தான் பிரதர் உங்களுக்கு வரும் பாருங்கள்” என சொன்னார். அதன் பிறகு கரியர் சார்ந்து சில அறிவுரைகள் கொடுத்தார். ஆனால் முதல் முறை பேசியபோது அவர் இதை சொன்னார். “உங்களுக்கு இன்னும் கதை வரவில்லையா நீங்கள் இன்னும் கதை கேட்கவில்லையா” என்று சொன்னார்.” என பதில் அளித்தார். ரியோ ராஜின் அந்த முழு பேட்டியை கீழே உள்ள லிங்க்கை காணலாம்.
 

“எவன்” திரைப்படத்தின் கதாநாயகன் திலீபன் புகழேந்தி மற்றும் அவரது மனைவி அதுல்யா பாலக்கல் ஜோடி தங்களது கர்ப்பத்தை அறிவித்துள்ளனர். கடந்த நவம்பர் 16ஆம் தேதி தங்களது சமூக வலைதள பக்கங்களில் விரைவில் தங்களுக்கு குழந்தை பிறக்க இருப்பதாக திலீபன் புகழேந்தி & அதுல்யா பாலக்கல் ஜோடி தெரிவித்துள்ளது. கர்ப்பத்தை உறுதிப்படுத்தும் டெஸ்ட் கிட்டின் புகைப்படத்தை தனது இன்ஸ்டாகிராம் பக்கத்தில் பகிர்ந்து உள்ள நடிகர் திலீபன் புகழேந்தி தற்போது அவரது மனைவி அதுல்யா பாலக்கல் கர்ப்பமாக இருப்பதாகவும் வருகிற 2024 ஆம் ஆண்டு பிப்ரவரி மாதத்தில் அவர்களது முதல் குழந்தையை எதிர்பார்ப்பதாகவும் தெரிவித்து பதிவிட்டு இருக்கிறார். அந்த பதிவில், "எனவே இதை உலகுக்கு வெளிப்படுத்த இதுவே சரியான தருணம் என்று நினைக்கிறேன்... ஆம், நானும் மனைவி அதுல்யா திலீபனும் பிப்ரவரியில் எங்கள் முதல் குழந்தையை எதிர்பார்க்கிறோம் உங்கள் அனைவரது ஆசீர்வாதங்களையும் வேண்டுகிறோம்." என குறிப்பிட்டு பதிவிட்டுள்ளனர். அந்த பதிவு இதோ… 

 

View this post on Instagram

A post shared by Dhileepan (@dhileepan__pugazhendhi)

மேலும் அதுல்யா பாலக்கல் அவர்களுக்கு ஆறாவது மாதத்தில் எடுக்கப்பட்ட ஸ்கேனிங் புகைப்படத்தையும் தங்களது இன்ஸ்டாகிராம் பக்கத்தில் பதிவிட்டு இருக்கும் திலீபன் புகழேந்தி அவர்கள், “இது ஆறாவது மாதம் எங்களது குழந்தையை கையில் ஏந்துவதற்கு பிப்ரவரி மாதம் வரை காத்திருக்க முடியவில்லை” என குறிப்பிட்டு பதிவிட்டுள்ளார். அந்த பதிவு இதோ… 

 

View this post on Instagram

A post shared by Dhileepan (@dhileepan__pugazhendhi)

எவன் திரைப்படத்தின் கதாநாயகனான திலீபன் புகழேந்தி அவர்கள் தமிழ்நாட்டின் மிக முக்கிய தமிழ் கவிஞரும் திரைப்பட பாடல் ஆசிரியருமான புலமை பித்தன் அவர்களின் பேரன் ஆவார். பைக் ரேஸராக தனது பயணத்தை தொடங்கிய திலீபன் புகழேந்தி எவன் திரைப்படத்தின் மூலம் தமிழ் சினிமாவில் அறிமுகமானார். இயக்குனர் துரைமுருகன் இயக்கத்தில் திலீபன் புகழேந்தி நடித்த எவன் திரைப்படம் கடந்த ஏப்ரல் மாதத்தில் வெளிவந்தது. அதைத் தொடர்ந்து அடுத்தடுத்து தொடர்ச்சியாக அதிரடியான திரைப்படங்களில் திலீபன் புகழேந்தி நடித்து வருகிறார். தனது கனவு படைப்பாக நீண்ட காலமாக தானே எழுதிய சாகாவரம் எனும் திரைப்படத்தை தானே இயக்கி கதையின் நாயகனாகவும் திலீபன் புகழேந்தி நடித்திருக்கிறார். சாகாவரம் திரைப்படம் தற்போது இறுதி கட்டத்தை நெருங்கி இருக்கிறது. விரைவில் ரிலீஸ் குறித்த அறிவிப்புகள் வெளியாகும் என எதிர்பார்க்கப்படுகிறது. 

தொடர்ந்து ஆண்டனி எனும் புதிய திரைப்படத்திலும் திலீபன் புகழேந்தி கதையின் நாயகனாக நடிக்க இருக்கிறார். இந்த ஆண்டனி திரைப்படத்தின் முதற்கட்ட பணிகள் தற்போது தொடங்கப்பட்டிருக்கின்றன. இதர அறிவிப்புகளும் வரும் நாட்களில் வெளிவரும் என தெரிகிறது. இந்த நிலையில் தற்போது திலீபன் புகழேந்தி வருகிற பிப்ரவரி மாதத்தில் தனக்கு முதல் குழந்தை பிறக்க இருப்பதாக அறிவித்திருப்பது ரசிகர்கள் மத்தியில் பெரும் உற்சாகத்தை ஏற்படுத்தி உள்ளது. தமிழ் சினிமா ரசிகர்களும் பிரபலங்களும் திலீபன் புகழேந்தி மற்றும் அவரது மனைவி அதுல்யா இருவருக்கும் தங்களது மனமார்ந்த வாழ்த்துக்களை தெரிவித்து வருகின்றனர்.
 

இயக்குனர் வெற்றிமாறன் இயக்கத்தில் வெளிவந்த விடுதலை திரைப்படத்திற்கு பிறகு மீண்டும் நடிகர் சூரி கதாநாயகனாக நடிக்கும் மற்றொரு புதிய திரைப்படத்தின் பட பூஜை நடைபெற்றுள்ளதாக அறிவிக்கப்பட்டுள்ளது. தனது திரைப் பயணத்தின் ஆரம்ப கட்டத்தில் பல திரைப்படங்களில் மிகச்சிறிய வேடங்களில் நடித்த நடிகர் சூரி வெண்ணிலா கபடி குழு திரைப்படத்திற்கு பிறகு அனைவராலும் பரோட்டா சூரி என அறியப்பட்டார். அதன் பின்னர் தொடர்ந்து தமிழ் சினிமாவில் தனக்கென தனி ஸ்டைலில் தொடர்ந்து பல படங்களில் நகைச்சுவையில் அசத்தி மக்களை மகிழ்வித்த நடிகர் சூரி தமிழ் சினிமாவின் நட்சத்திர நாயகர்கள் அனைவருடனும் இணைந்து காமெடியில் கலக்கி நட்சத்திர நகைச்சுவை நடிகராக வளர்ந்தார். இதனிடையே தனது வழக்கமான காமெடி கதாபாத்திரங்களில் இருந்து முற்றிலும் மாறுபட்டு இயக்குனர் வெற்றிமாறன் இயக்கத்தில் நடித்த விடுதலை திரைப்படத்திற்கு பிறகு தான் ஒரு தேர்ந்த நடிகர் என்பதை நிரூபித்திருக்கிறார்.

எழுத்தாளர் ஜெயமோகன் அவர்களின் துணைவன் சிறுகதையை தழுவி 2 பாகங்களாக இயக்குனர் வெற்றிமாறன் உருவாக்கி இருக்கும் இந்த விடுதலை திரைப்படத்தின் முதல் பாகம் கடந்த மார்ச் மாத இறுதியில் வெளிவந்தது. இதில் கதையின் நாயகனாக குமரேசன் என்ற காவலர் கதாபாத்திரத்தில் சூரி நடிக்க மற்றொரு முன்னணி கதாபாத்திரத்தில் பெருமாள் வாத்தியாராக விஜய் சேதுபதி நடித்திருந்தார். நிஜத்திற்கு மிகவும் நெருக்கமான ஒரு படைப்பாக ஒட்டுமொத்த ரசிகர்களின் மனதிலும் மிகப்பெரிய பாதிப்பை ஏற்படுத்திய இயக்குனர் வெற்றிமாறன் அவர்களின் விடுதலை திரைப்படம் எக்கச்சக்கமான பாராட்டுகளை பெற்றதோடு நடிகராகவும் சூரி அவர்களுக்கு மிகப் பெரிய புகழை பெற்றுக் கொடுத்தது. 

இதனைத் தொடர்ந்து நடிகர் சிவகார்த்திகேயன் தயாரிப்பில் கூழாங்கல் படத்தின் இயக்குனர் PS.வினோத் ராஜ் இயக்கத்தில் கொட்டுக் காளி படத்திலும் கதையின் நாயகனாக சூரி நடித்தார். இதுபோக தமிழ் சினிமாவின் மிக முக்கிய இயக்குனர்களில் ஒருவரான இயக்குனர் ராம் இயக்கத்தில் உருவாகி இருக்கும் ஏழு கடல் ஏழு மலை திரைப்படத்தில் நிவின் பாலி மற்றும் அஞ்சலியுடன் இணைந்து முன்னணி கதாபாத்திரத்தில் நடிகர் சூரி நடித்திருக்கிறார் என்பதும் குறிப்பிடத்தக்கது. இந்த வரிசையில் அடுத்ததாக மற்றொரு புதிய திரைப்படத்தில் கதையின் நாயகனாக நடிகர் சூரி நடிக்க இருக்கிறார். 

எதிர்நீச்சல், காக்கிச்சட்டை, கொடி மற்றும் பட்டாஸ் உள்ளிட்ட படங்களை இயக்கிய இயக்குனர் துரை செந்தில்குமார் இயக்கத்தில் உருவாகும் இந்த புதிய படத்தில் கதையின் நாயகனாக சூரி நடிக்க, சசிகுமார் & மலையாள நடிகர் உன்னி முகுந்தன் ஆகியோர் முன்னணி கதாபாத்திரங்களில் நடிக்கின்றனர் என அறிவிக்கப்பட்டுள்ளது. இப்படத்திற்கான கதையை இயக்குனர் வெற்றிமாறன் எழுதியிருப்பதாகவும் இப்படத்தில் சமுத்திரக்கனி மொட்டை ராஜேந்திரன் ஷிவதா நாயர் மற்றும் ரேவதி சர்மா ஆகியோரும் முக்கிய கதாபாத்திரங்களில் நடிப்பதாகவும் படத்திற்கு கருடன் என பெயரிடப்பட்டிருப்பதாகவும் தகவல்கள் வெளி வருகின்றன. இது குறித்து அறிவிப்புகள் விரைவில் வெளிவரும் என எதிர்பார்க்கப்படுகிறது. இந்த நிலையில் இந்த புதிய திரைப்படத்தின் பட பூஜை கும்பகோணத்தில் நடைபெற்றுள்ளது இது குறித்து நடிகர் சூரி தனது ட்விட்டர் பக்கத்தில் படப்பூஜை புகைப்படங்களை வெளியிட்டு, "கதை நாயகனாக நான் நடிக்க இருக்கும் அடுத்த திரைப்படம் உங்கள் அனைவரின் ஆசீர்வாதங்களுடன் கும்பகோணத்தில் இனிதே தொடக்கம் இறைவனுக்கு நன்றி" என பதிவிட்டு இருக்கிறார். நடிகர் சூரியின் அந்த பதிவு இதோ…
 

கதை நாயகனாக நான் நடிக்க இருக்கும் அடுத்த திரைப்படம், உங்கள் அனைவரின் ஆசீர்வாதங்களுடன், கும்பகோணத்தில் இனிதே தொடக்கம் . இறைவனுக்கு நன்றி 🙏 @SasikumarDir @Iamunnimukundan @Dir_dsk @larkstudios_ pic.twitter.com/Q6Q4mlXlRf

— Actor Soori (@sooriofficial) September 11, 2023

தமிழ் சினிமாவின் முன்னணி நட்சத்திர நாயகர்கள் அனைவருடனும் இணைந்து நட்சத்திர காமெடியனாக கலக்கிய நடிகர் சந்தானம் தற்போது நகைச்சுவை மையப்படுத்திய திரைப்படங்களில் தொடர்ச்சியாக கதையின் நாயகனாக நடித்து வருகிறார். அந்த வகையில் பிரபல கன்னட இயக்குனர் பிரசாந்த் ராஜ் இயக்கத்தில் நகைச்சுவை திரைப்படமாக சந்தானம் நடித்திருக்கும் கிக் திரைப்படம் ரிலீஸுக்காக காத்திருக்கிறது. அடுத்ததாக இயக்குனர் கார்த்திக் யோகி இயக்கத்தில் வடக்குப்பட்டி ராமசாமி என்ற படத்தில் சந்தானம் நடித்து வருகிறார். விரைவில் இப்படத்தின் இதர அறிவிப்புகள் வெளிவரும் என எதிர்பார்க்கப்படுகிறது.

இதனிடையே சந்தானத்தின் அடுத்த நகைச்சுவை சரவெடியாக தற்போது  à®µà¯†à®³à®¿à®µà®¨à¯à®¤à®¿à®°à¯à®•à¯à®•à¯à®®à¯ திரைப்படம் தான் DD ரிட்டர்ன்ஸ். ஆர்கே என்டர்டைன்மென்ட் சார்பில் தயாரிப்பாளர் C.ரமேஷ் குமார் தயாரிப்பில் ஹாரர் காமெடி திரைப்படமாக உருவாக்கி இருக்கும் இந்த DD ரிட்டன்ஸ் திரைப்படத்தில் சந்தானத்துடன் இணைந்து நடிகை சுரபி கதையின் நாயகியாக நடித்திருக்கிறார். மேலும் ரெட்டின் கிங்ஸ்லி, மாறன், பிரதீப் ராவட், மசூம் ஷங்கர், பெப்சி விஜயன், மொட்டை ராஜேந்திரன், முனீஸ் காந்த், தீனா, விபின், தங்கதுரை, தீபா, சைதை சேது மற்றும் மானசி உள்ளிட்ட பல முக்கிய வேடங்களில் நடித்துள்ளனர். இயக்குனர் பிரேம் ஆனந்த் இயக்கத்தில் தயாராகி இருக்கும் இந்த DD ரிட்டன்ஸ் திரைப்படத்திற்கு தீபக் குமார் பதி ஒளிப்பதிவில், ஸ்ரீகாந்த் படத்தொகுப்பு செய்ய OFRO இசை அமைத்திருக்கிறார். கடந்த 28ஆம் தேதி DD ரிட்டன்ஸ் திரைப்படம் உலகெங்கும் திரையரங்குகளில் ரிலீஸாகி ரசிகர்களிடையே பெரும் வரவேற்பை பெற்றுள்ளது.

இந்த நிலையில் நமது கலாட்டா தமிழ் சேனலில் நடைபெற்ற சந்தானம் ரசிகர்கள் கொண்டாட்டம் நிகழ்ச்சியில் சந்தானம் கலந்து கொண்டார். மதுரையில் நடைபெற்ற இந்த நிகழ்ச்சியில் நம்முடைய பல சுவாரசியமான கேள்விகளுக்கு சந்தானம் பதில் அளித்தார். அப்படிப் பேசும் போது, “நீங்கள் 20க்கும் மேற்பட்ட ஆண்டுகளாக திரை துறையில் இருக்கிறீர்கள் நிறைய விஷயங்களை கற்றுக் கொண்டிருப்பீர்கள். ஆனால் கதாநாயகனாக ஆன பிறகு கற்றுக்கொண்ட ஒரு விஷயம் என்றால் எதை சொல்வீர்கள்?” என கேட்ட போது,

“பொறுமை தான்… எல்லாருக்குமே வாழ்க்கையில் ஜெயிப்பதற்கு பொறுமை தான் வேண்டும். எதற்குமே கொஞ்சம் அவசரப்பட்டால் கிடைக்காது. நமக்கு கிடைக்க வேண்டியது கிடைக்கும், ஆனால் கொஞ்சம் பொறுமையாக இருந்து கையாள வேண்டும் அவசரப்பட்டு சில விஷயங்களை செய்தால் தப்பாகிவிடும். அதைத்தான் சொல்வேன் பந்தியில் பரிமாறும் போதும் கூட பொரியல், கூட்டு, ஸ்வீட் எல்லாம் வைத்துவிட்டு சாப்பாடு வைப்பதற்குள் அவற்றையெல்லாம் எடுத்து சாப்பிட்டுக் கொண்டிருப்பார்கள். அந்த மாதிரி எல்லாம் அவசரப்படக்கூடாது வாழ்க்கையில், சாப்பாடு வந்து சாம்பார் ஊற்றி அப்பளம் வைத்த பிறகு பொறுமையாக எடுத்து சாப்பிட்டால் தான் சரியாக இருக்கும். வாழ்க்கையில் எல்லாவற்றையும் பொறுமையாக தான் கையாள வேண்டும். எல்லாருக்குமே வாழ்க்கையில் சில நேரங்களில் சில விஷயங்கள் கிடைக்கும் அதற்கு பொறுமையாக இருக்க வேண்டும் அவ்வளவுதான். அவசரப்படாமல்..." என பதில் அளித்துள்ளார். இன்னும் பல சுவாரசியமான கேள்விகளுக்கு பதில் அளித்த நடிகர் சந்தானத்தின் அந்த முழு பேட்டியை கீழே உள்ள லிங்கில் காணலாம்.
 

இயக்குனர் மாரி செல்வராஜின் மாமன்னன் திரைப்படம் இன்று ஜூன் 29ஆம் தேதி உலகெங்கும் திரையரங்குகளில் ரிலீஸானது. இசைப்புயல் ஏ.ஆர்.ரஹ்மான் அவர்களின் இசையில், வைகைப்புயல் வடிவேலு, உதயநிதி ஸ்டாலின், ஃபகத் ஃபாசில் மற்றும் கீர்த்தி சுரேஷ் ஆகியோர் இணைந்து நடித்துள்ள மாமன்னன் திரைப்படம் தற்போது ரசிகர்களிடையே மிகப்பெரிய வரவேற்பை பெற்றுள்ளது. இந்த மாமன்னன் திரைப்படத்தை தொடர்ந்து இயக்குனர் மாரி செல்வராஜ் இயக்கத்தில் அடுத்து வெளிவர தயாராகி வரும் படம் வாழை. பெரிய நட்சத்திரங்கள் யாருமில்லாமல் நான்கு சிறுவர்களை மட்டும் வைத்து எதார்த்தமான படைப்பாக வாழைப் படத்தை மாரி செல்வராஜ் தயாரித்து இயக்கியிருக்கிறார். இப்படம் குறித்த அறிவிப்புகளுக்காக ரசிகர்கள் மிகுந்த ஆவலோடு காத்திருக்கின்றனர்.

இந்த நிலையில் நமது கலாட்டா தமிழ் சேனலில் நடைபெற்ற மாரி செல்வராஜ் ரசிகர்கள் கொண்டாட்டம் நிகழ்ச்சியில் கலந்து கொண்ட இயக்குனர் மாரி செல்வராஜ் நம்மோடு பல முக்கிய விஷயங்களை பகிர்ந்து கொண்டார். அதன் ஒரு பகுதியாக இயக்குனர் மாரி செல்வராஜ் அவர்கள் கிட்டத்தட்ட 14 ஆண்டுகளாக பிரிந்திருக்கும் அவர்களுடன் பிறந்த அண்ணன் திரு.சிவனனைந்த பெருமாள் அவர்களின் பெயரை வாழை திரைப்படத்தில் ஹீரோவின் பெயராக வைத்திருப்பதாக தெரிவித்திருக்கிறார். அது குறித்து பேசியபோது,

“நான் இப்போது ஒரு சுதந்திரமான வழியில் நடந்து கொண்டிருக்கிறேன் அல்லவா? நான் வேறு ஒரு நிலையில் இருக்கிறேன். நான் வேறு ஒன்று செய்து கொண்டிருக்கிறேன். என்னுடைய வீடு, குடும்பம், சொந்தம் இவை எல்லாம் தாண்டி என்னை யாரும் கட்டுப்படுத்த முடியாத ஒரு இடத்திற்கு நான் சென்று கொண்டிருக்கிறேன். அப்படி இருக்கையில் இவரை பார்த்தால் மட்டும் எனக்கு மிகவும் பயம். இந்த உலகத்திலேயே என்னை ஒருவர் கட்டுப்படுத்த முடியும் என்றால் அது அவர் அண்ணன் (திரு.சிவனனைந்த பெருமாள்)மட்டும் தான். ஒருவேளை அது கூட நாங்கள் இருவரும் இப்படி இருப்பதற்கு காரணமாக அமைந்திருக்கலாம். கட்டுப்படுத்த முடியும் என்பது... நான் என்ன ஆகி இருப்பேன் என்று தெரியாது ஒரு கட்டத்தில், நம்மை அவ்வளவு பார்த்துக்கொண்டார். நம்மை வடிவமைப்பதற்காக மிகவும் கஷ்டப்பட்டார் என்று நமக்கு தோன்றுகிறது. இதை அப்போது நான் சரியாக புரிந்து கொள்ளவில்லை என்றால் நான் ஊரில் ஒரு சாதாரண பையனாக இருந்து காணாமல் போய் இருப்பேன். எங்கேயாவது ஒரு பெரிய தப்பில் மாட்டி ஒரு குற்றவாளியாகவோ அல்லது திருடனாகவோ ஆகியிருப்பேன். அந்த தண்டனைகளும் அந்த அடிகளும் இந்த பயங்கரமான அக்கறையும் அன்பும் தான் என்னை ஒழுங்கு படுத்தியது. அவரது குரலையே ரொம்ப நாள் கழித்து கேட்கிறேன்." என சொன்ன இயக்குனர் மாரி செல்வராஜ் அவர்களிடம், “கடைசியாக அவரோடு எப்போது போனில் பேசினீர்கள்?” என கேட்டபோது, “என்னுடைய கல்யாணத்திற்கு அழைத்தேன் வந்திருந்தார்.” என பதில் அளித்தார். தொடர்ந்து அவரிடம், “அண்ணனுடைய பெயர் என்ன என்று தெரிந்து கொள்ளலாமா?” என கேட்டபோது, “அவருடைய பெயர் சிவனனைந்த பெருமாள். பரியேறும் பெருமாள் இருக்கிறது அல்லவா அது மாதிரி அவருடைய பெயர் சிவனனைந்த பெருமாள். என்னுடைய “வாழை” படத்தில் கதாநாயகனின் பெயராக அந்த பெயரை தான் வைத்திருக்கிறேன்.” என தெரிவித்திருக்கிறார். இயக்குனர் மாரி செல்வராஜின் அந்த முழு பேட்டி இதோ...
 

தமிழ் ரசிகர்களை ஆல்பம் பாடல்கள் மூலம் உற்சாகப் படுத்தி வந்த ஹிப் ஹாப் ஆதி பின் சுந்தர் சி இயக்கத்தில் வெளியான ஆம்பள படத்தின் மூலம் இசையமைப்பாளராக திரைத்துறையில் அறிமுகமானார். பின்னர் ஜெயம் ரவி, விஜய் சேதுபதி, நயன்தாரா, சிவகார்த்திகேயன்போன்ற முன்னணி நடிகர்களின் படங்களில் இசையமைத்து கவனம் பெற்றார். பின்னர் தன் இசையினால் கவர்ந்து இளமை துள்ளும் நடிகராகவும் வளர்ந்து நிற்பவர் ஹிப்ஹாப் ஆதி. இசையமைப்பாளர் தொடங்கி நடிகர் இயக்குனர் என்று பல்துறையில் தனித்துவமாக விளங்கும் ஹிப் ஹாப் தமிழா ஆதி சம கால குழந்தைகளுக்கு பிடித்த ஹீரோவாக வலம் வருகிறார். மீசையை முறுக்கு திரைப்படத்தின் மூலம் ஹீரோவாக அறிமுகமான ஆதி பின் நான் சிரித்தால், நட்பே துணை, சிவக்குமாரின் சபதம், அன்பறிவு ஆகிய படங்களில் நடித்தார். தற்போது வேல்ஸ் பிலிம் இன்டர்நேஷனல்ஸ் சார்பில் ஐசரி கணேஷ் தயாரிப்பில் இயக்குனர் கார்த்திக் வேணுகோபால் இயக்கத்தில் உருவாகி வரும் ‘பிடி சார்’ படத்தில் ஹிப் ஹாப் ஆதி நடித்து வருகிறார்.

இதனிடையே  à®¹à®¿à®ªà¯ ஹாப் ஆதி சூப்பர் ஹீரோவாக கோலிவிட்டில் களம் இறங்கியிருக்கும் திரைப்படம் ‘வீரன்’. அட்டகாசமான காமெடியில் வயிறு குலுங்க சிரிக்க வைத்து கவனம் பெற்ற ‘மரகத நாணயம்’ திரைப்படத்திற்கு பிறகு இயக்குனர் ARK சரவணன் இயக்கி வெளியாகியுள்ள திரைப்படம் ‘வீரன்’. சத்யஜோதி பிலிம்ஸ் தயாரிக்கும் இப்படத்தின் ஆதி சூப்பர் ஹீரோ கதாபாத்திரத்தில் நடிக்க இவருடன் இணைந்து வினய், ஆதிரா ராஜ், முனிஷ்காந்த், காளி வெங்கட், நக்கலைட்ஸ் சசி செல்வராஜ் உள்ளிட்ட பலர் நடித்துள்ளனர். மேலும் படத்திற்கு ஒளிப்பதிவாளர் தீபக் டிமேனன் ஒளிப்பதிவு செய்ய ஜிகே பிரசன்னா படத்தொகுப்பு செய்துள்ளார். ஹிப் ஹாப் ஆதியின் இசையில் வெளியான பாடல்கள் படத்தின் எதிர்பார்ப்பை மேலும் கவனம் ஈர்க்க செய்தது.

ரசிகர்களின் எதிர்பார்ப்பின் மத்தியில் கடந்த மே 2ம் தேதி திரையரங்குகளில் வெளியான ‘வீரன்’ திரைப்படத்திற்கு தமிழகமெங்கும் நல்ல வரவேற்பு கிடைத்துள்ளது. இரண்டாவது வாரத்தை நோக்கி வெற்றிகரமாக ஓடிக் கொண்டிருக்கும் வீரன் திரைப்படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்றுள்ளது. இந்நிலையில் ஹிப்ஹாப் ஆதியின் வீரன் படத்தில் இடம் பெற்றுள்ள முக்கியமான காட்சியை படக்குழு வெளியிட்டுள்ளது.

பன்னாட்டு நிறுவனம் ஊருக்குள் வரக்கூடாது என்று வீரன் சொல்வதாக ஊர் தலைவர் சொல்ல அதற்கு மறுப்பு தெரிவித்து முனீஸ்காந்த் மற்றும் காளி வெங்கட் பேசி வருகின்றனர். இதனிடையே முனீஸ்காந்த் மைன்ட் கண்ட்ரோல் மூலமாக கட்டுபடுத்துகிறார் வீரன் ஹிப் ஹாப் ஆதி. சிரிக்க வைத்து ரசிக்க வைக்கும் இந்த காட்சி தற்போது ரசிகர்களால் அதிகம் பகிரப்பட்டு வைரலாகி வருகிறது.

அட்டகாசமான திரில்லர் காமெடி திரைப்படமாக வெளியாகி ரசிகர்களின் அபிப்ராயத்தை பெற்ற திரைப்படம் ‘மரகத நாணயம்’. இப்படத்தையடுத்து இயக்குனர் ARK சரவணன் அவர்கள் நீண்ட ஆண்டு கழித்து இயக்கிய திரைப்படம் ‘வீரன்’. முதல் முறையாக தமிழ் சினிமாவில் சூப்பர் ஹீரோ கதைகளத்தில் உருவான வீரன் படத்தில் ஹிப்ஹாப் ஆதி ஹீரோவாக நடிக்க இவருடன் இணைந்து வினய், ஆதிரா ராஜ்,  à®®à¯à®©à®¿à®·à¯à®•à®¾à®¨à¯à®¤à¯, காளி வெங்கட், சசி செல்வராஜ் உள்ளிட்ட பலர் நடித்துள்ளனர். மேலும் சத்யஜோதி பிலிம்ஸ் தயாரிப்பில் உருவான இப்படத்திற்கு ஒளிப்பதிவாளர் தீபக் டிமேனன் ஒளிப்பதிவு செய்ய ஜிகே பிரசன்னா படத்தொகுப்பு செய்துள்ளார். மேலும் படத்திற்கு ஹிப் ஹாப் ஆதியே இசையமைத்துள்ளார். முன்னதாக படத்தின் பாடல்கள் டிரைலர் வெளியாகி மிகப்பெரிய எதிர்பார்ப்பை ரசிகர்களிடம் உருவாக்கியது.

அதன்படி கடந்த மே 2ம் தேதி வீரன் திரைப்படம் திரையரங்குகளில் வெளியாகிய ரசிகர்களின் வரவேற்பை பெற்றது. தொடர்ந்து நான்காவது நாளில் வெற்றிகரமாக ஓடிக் கொண்டிருக்கும் வீரன் திரைப்படம் வசூல் அடிப்படையிலும் நல்ல வரவேற்பை பெற்றுள்ளது என்பது குறிப்பிடத்தக்கது.   

இந்நிலையில் சமீபத்தில் வீரன் திரைப்படம் குழந்தைகளுக்காக சிறப்பு திரையிடல் படக்குழுவினரால் ஏற்பாடு செய்யப்பட்டது. இதில் ஏராளமான குழந்தைகள் படம் பார்த்து உற்சாகத்தில் ஆரவாரம் செய்து மகிழ்ந்தனர். படம் முடிந்து படக்குழுவினர் குழந்தைகளிடம் படம் எப்படி இருந்தது என்ற தகவலை கேட்டு தெரிந்து கொண்டனர். இதனிடையே ஹிப்ஹாப் ஆதி சூப்பர் ஹீரோ கெட்டப்பில் சர்ப்ரைஸாக நிகழ்வில் கலந்து கொண்டு குழந்தைகளை மகிழ்வித்தார். குழந்தைகளுடன் உரையாடி அவர்களின் மகிழ்ச்சியில் பங்கெடுத்து கொண்டார். மேலும் தொடர்ந்து மேடையில் குழந்தைகளுடன் சேர்ந்து மீசைய முறுக்கு படத்தில் இடம் பெற்ற வாடிபுள்ள வாடி பாடலை பாடி கொண்டாடினார். இந்த நிகழ்வு ரசிகர்களிடையே அதிகம் பகிரப்பட்டு வீரன் படக்குழுவினருக்கு பாராட்டுகள் குவிந்து வருகிறது.

பின் படக்குழுவினர் பத்திரிக்கையாளர் சந்திப்பில்,  “குழந்தைகளிடம் நாட்டார் தெய்வ வழிபாடு சென்றடைய வேண்டும் என்பது வீரன் படத்தின் நோக்கம்.  சூப்பர் ஹீரோ என்ற இனிப்பை குழந்தைகளுக்கு கொடுத்து இந்த கருத்தை கொடுத்துள்ளோம்..” என்றார் இயக்குனர் ARK சரவணன்.

பின் தொடர்ந்து கதையின் நாயகன் ஹிப் ஹாப் ஆதி, “பக்தியை தாண்டி அறிவை கடத்துவதே வீரன் படம். சூப்பர் ஹீரோ கதையில் சொன்னதால் எளிதாக சென்றடையும். இது மக்களுக்கு போய் சேர்ந்தது எனக்கு மகிழ்ச்சியாக உள்ளது.  à®•à¯à®´à®¨à¯à®¤à¯ˆà®•à®³à¯ முன் இது போன்ற கதாபாத்திரம் போல் நின்றது அவர்கள் ஆர்வத்தில் இருந்தார்கள் மகிழ்ந்தனர். இந்த படத்தை ஒரு பொழுதுப்போக்கு திரைப்படமாக கொடுக்க வேண்டும் என்று நினைத்தோம் ஆனால் படம் பொழுது போக்கை தாண்டி நல்ல வரவேற்பையும் கிடைத்து வருகிறது.” என்றார்.

தமிழ் சினிமாவில் சம கால இளைஞர்களை கவர்ந்து அவர்களின் நம்பிக்கை நட்சதிரமாக இருந்து வரும் நடிகர் ஹிப் ஹாப் ஆதி. இசையமைப்பாளராக திரையுலகில் அறிமுகமாகி பாடலாசிரியாராக பாடகராக நடிகராக இயக்குனராக மற்றும் தயாரிப்பாளராக பன்முக திறனுடன் ஹிப் ஹாப் ஆதி தற்போது திரையுலகில் வலம் வருகிறார். இவருடைய முந்தைய திரைப்படங்கள் அன்பறிவு, சிவக்குமாரின் சபதம் சரியாக வரவேற்பு கிடைக்காததால் அவருடைய அடுத்தடுத்த படங்கள் அவருக்கு கைக்கொடுக்கும் என்று எதிர்பார்க்கபடுகிறது. அதன்படி தற்போது ஹிப் ஹாப் ஆதி ஐசரி கணேஷ் அவர்களின் வேல்ஸ் பிலிம் இன்டர்நேஷனல் தயாரிப்பில் தயாராகி வரும் PT Sir திரைப்படத்தில் விளையாட்டு ஆசிரியர் கதாபாத்திரத்தில் நடித்து வருகிறார். இப்படத்தின் படப்பிடிப்பு கோயமுத்தூர் பகுதிகளில் நடைபெற்று வருகிறது.

இதனிடையே ரசிகர்களால் கொண்டாடப்பட்ட மரகதநாணயம் பட இயக்குனரின் அடுத்த திரைப்படமாக உருவாகியுள்ள திரைப்படம் ‘வீரன்’ திரைப்படத்தில் ஹிப் ஹாப் ஆதி நடித்து முடித்துள்ளார். மலையாள திரையுலகில் வெளியாகி மிகப்பெரிய ஹிட் அடித்த ‘மின்னல் முரளி’ திரைப்படம் போல் வித்யாசமான சூப்பர் ஹீரோ கதைகளத்தில் உருவாகி வரும் வீரன் படத்தில் சூப்பர் ஹீரோவாக ஹிப் ஹாப் ஆதி நடித்துள்ளார். மேலும் இப்படத்தில் வினய், ஆதிரா ராஜ், முனீஸ் காந்த், காளி வெங்கட், சசி செல்வராஜ் உள்ளிட்ட பலர் முக்கிய வேடங்களில் நடித்துள்ளனர்.சத்திய ஜோதி பிலிம்ஸ் தயாரித்துள்ள இப்படத்தில் தீபக் D மேனன் ஒளிப்பதிவில் பிரசன்னா.GK படத்தொகுப்பு செய்ய, மகேஷ் மேத்யூ ஸ்டண்ட் இயக்குனராக பணியாற்றியுள்ளார். மேலும் இப்படத்திற்கு ஹிப் ஹாப் ஆதி இசையமைத்தும் உள்ளார் என்பது குறிப்பிடத்தக்கது.

சூப்பர் ஹீரோ கதைக்களத்தில் உருவான இப்படத்தின் முதல் பார்வை தொடங்கி பாடல் வரை இப்படத்திற்கான எதிர்பார்ப்பு ரசிகர்களிடம் இருந்து வந்த நிலையில் ஹிப் ஹாப் ஆதியின் வீரன் திரைப்படம் வரும் ஜூன் மாதம் 2ம் தேதி உலகமெங்கும் திரையரங்குகளில் வெளியகவுள்ளது.

இந்நிலையில் ரசிகர்களின் எதிர்பார்பை அதிகம் பெற்றுள்ள வீரன் திரைப்படத்தின் டிரைலரை படக்குழு தற்போது வெளியிட்டுள்ளது. அட்டகாசமான நகைச்சுவை கதைக்களத்தில் ஹிப் ஹாப் ஆதி சூப்பர் ஹீரோவாக கலக்க வினய் வில்லதனத்தில் மிரட்டுகிறார்.  à®¤à®±à¯à®ªà¯‹à®¤à¯ ரசிகர்களை கவர்ந்து வருகிறது வீரன் டிரைலர். நிச்சயம் மரகத நாணயம் திரைப்படம் போல் இந்த வீரன் திரைப்படம் நகைச்சுவையுடன் பக்கா என்டர்டெயின்மண்ட் படமாக மக்கள் ஏற்று கொண்டாடுவார்கள் என்று எதிர்பார்க்கபடுகிறது.