தொலைக்காட்சி நிகழ்ச்சிகளில் துவங்கி இன்று கோலிவுட்டின் நட்சத்திரமாய் ஜொலிப்பவர் நடிகர் சிவகார்த்திகேயன். ஆறிலிருந்து அறுபது வரை என அனைத்து தரப்பு ரசிகர்களையும் தனது நடிப்பால் ஈர்த்து SKவாக திகழ்கிறார். நிகழ்ச்சி தொகுப்பாளராக இருந்த காலத்திலே பலருக்கும் ஹீரோவாக திகழ்ந்த சிவகார்திகேயன், ஹீரோவாகி பல வெற்றி திரைப்படங்களை தந்துள்ளார். தற்போது டாக்டர் மற்றும் அயலான் படங்களில் கவனம் செலுத்தி வருகிறார்.
ராக்ஸ்டார் அனிருத் இசையமைத்த டாக்டர் படத்தின் செல்லம்மா என்ற பாடல் சமீபத்தில் வெளியானது. நெல்சன் திலீப்குமார் இயக்கிய இந்த படத்தில் SK ஜோடியாக பிரியங்கா அருள் மோகன் அறிமுகமாகிறார். யோகிபாபு முக்கிய ரோலில் நடிக்கிறார். இந்தப் பாடலின் வரிகள் இன்றைய இளைஞர்களை கவரும் விதமாக உருவாக்கப்பட்டிருந்த நிலையில் பாடலுக்கு ரசிகர்கள் மத்தியில் அமோக வரவேற்பு கிடைத்திருக்கிறது. டிக்டாக் பேன் செய்த நேரத்தில் சரியாக வந்து அமைந்தது இந்த பாடல்.
டிஜிட்டல் காலத்து ரொமான்ஸை கண்முன் கொண்டு வந்துள்ளனர் படக்குழுவினர். நடிகர், தயாரிப்பாளர் என்பதைத் தாண்டி ஒரு சில படங்களில் அவ்வப்போது பாடல்களும் எழுதி வருகிறார் சிவகார்த்திகேயன். இந்த பாடலுக்கு அவர் தான் வரிகள் என்பது குறிப்பிடத்தக்கது. கவிஞர் SK தலைகாட்டினால் இளைஞர்களுக்கு கொண்டாட்டம் என்றே கூறலாம். கோலமாவு கோகிலா படத்தில் இவர் எழுதிய கல்யாண வயசு தான் பாடல், ரசிகர்களின் பிலேலிஸ்ட்டை ரூல் செய்து வருகிறது.
இந்நிலையில் இந்த பாடல் 10 மில்லியன் பார்வையாளர்களை ஈர்த்துள்ளது. வெளியான சில நாட்களிலேயே அதிக பார்வையாளர்களை பெற்றும், அதிக லைக்குகளை அள்ளிய பாடல் என்ற பெருமையை இந்த பாடல் பெற்றுள்ளது. இயக்குனர் நெல்சன் சொல்வது போல், சிவகார்த்திகேயனின் செயல் வேற மாறி என்றே கூறலாம். இதற்கு முக்கிய காரணம் அனிருத் மற்றும் SK கூட்டணி தான் என்று கமெண்ட் செய்து வருகின்றனர் ரசிகர்கள்.
எதிர்நீச்சல் துவங்கி டாக்டர் திரைப்படம் வரை இந்த காம்போ ரசிகர்களின் நாடியறிந்து பாடல்களை தந்து வருகிறது. இவர்கள் மேலும் பல சாதனைகள் புரிய கலாட்டா சார்பாக வாழ்த்துகிறோம்.
Rockstar @anirudhofficial ‘s #Chellamma hits 10Million 💥💥💥💪😊👍 #Doctor @Nelsondilpkumar directorial 👍Thank u all for your love and support 🤗🤗 #10MViewsForChellamma pic.twitter.com/nTwYPmOwS4
— Sivakarthikeyan (@Siva_Kartikeyan) July 25, 2020