புதிய படம் குறித்து மனம் திறந்த தனுஷ் ! விவரம் இதோ

தமிழ் சினிமாவின் தன்னிகரற்ற நடிகர்களில் ஒருவராக திகழ்ந்து வருபவர் தனுஷ்.ஒவ்வொரு படத்திலும் ஏதேனும் ஒன்றை ட்ரை செய்து தமிழ் சினிமாவை வேற லெவெலிற்கு எடுத்து செல்லும் சில நடிகர்களில் ஒருவராக தனுஷ் இருக்கிறார்.இவர் நடிப்பில் கடைசியாக கர்ணன் படம் திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்றிருந்தது.

அடுத்ததாக தனுஷ் ஜகமே தந்திரம் நேற்று Netflix தளத்தில் வெளியானது.இதனை தொடர்ந்து D 43,அத்ராங்கி ரே,ராட்சசன் இயக்குனர் ராம்குமார் இயக்கத்தில் ஒரு படம்,தி கிரே மேன்,செல்வராகவன் இயக்கத்தில் நானே வருவேன், வெற்றிமாறனுடன் ஒரு படம்,சன் பிக்சர்ஸ் தயாரிப்பில் D44,ஆயிரத்தில் ஒருவன் 2 என்று ஒரு தனி லிஸ்டே வைத்துள்ளார் தனுஷ்.

அத்ராங்கி ரே படத்தின் படப்பிடிப்பை லாக்டவுனுக்கு முன்னரே முடித்திருந்தார் தனுஷ்.தொடர்ந்து D43 படத்தின் ஒருகட்ட படப்பிடிப்பை முடித்துவிட்டு தனது பிரம்மாண்ட ஹாலிவுட் படமான The Grey man படப்பிடிப்பில் கலந்துகொண்டு வந்தார்.இந்த படத்தின் படப்பிடிப்பு தற்போது நிறைவடைந்துள்ளது.விரைவில் தனுஷ் இந்தியா திரும்பவுள்ளார்.

அடுத்ததாக Happy Days,Fidaa உள்ளிட்ட வெற்றி படங்களை இயக்கிய தேசிய விருது பெற்ற தெலுங்கின் முன்னணி இயக்குனர்களில் ஒருவரான சேகர் கம்முலா இயக்கத்தில் தனுஷ் ஹீரோவாக நடிக்கிறார்.தமிழ்,தெலுங்கு,ஹிந்தி மொழிகளில் உருவாகும் இந்த படத்தினை Sree Venkateswara Cinemas LLP தயாரிக்கின்றனர்.இந்த படத்தில் தனக்கு மிகவும் பிடித்த இயக்குனர்களில் ஒருவரான சேகர் கம்முலாவுடன் இணைவது மகிழ்ச்சி என்று தற்போது தனது ட்விட்டர் பக்கத்தில் தெரிவித்துள்ளார் தனுஷ்.

Really excited to be working with one of the directors I admire @sekharkammula sir and also elated to join hands with NarayanDasNarang sir and PuskurRamMohanRao sir under @SVCLLP banner for this trilingual. Looking forward to this

— Dhanush (@dhanushkraja) June 19, 2021