பிகில் படத்தின் முதல் பாடல் ரிலீஸ் தேதி இதோ !
By Sakthi Priyan | Galatta | July 20, 2019 19:00 PM IST
தளபதி விஜய் நடிப்பில் இயக்குனர் அட்லீ இயக்கிவரும் பிகில் படத்தை ஏ.ஜி.எஸ் நிறுவனம் இப்படத்தை தயாரிக்கிறது. ஏற்கனவே தெறி, மெர்சல் என மாபெரும் வெற்றி படங்களை தந்தவர் அடுத்த படைப்பில் தளபதியை எப்படிப்பட்ட கேரக்டரில் காண்பிக்க போகிறார் என்ற ஆவல் அதிகளவில் பேசப்பட்டு வருகிறது.
இப்படத்தில் ஒளிப்பதிவாளராக ஜி.கே.விஷ்ணு, கலை இயக்குனராக முத்துராஜ் தங்கவேல், எடிட்டராக ரூபன், ஸ்டண்ட் இயக்குனராக அனல் அரசு, பாடலாசிரியராக விவேக் போன்றோர் பணியாற்றுகின்றனர். அதுமட்டுமல்லாமல், இப்படம் பக்கா மாஸாக இருக்கும் என்றும் தெரிவித்தனர் படக்குழுவினர்.
தற்போது படத்தின் முதல் பாடலான சிங்கப்பெண்ணே பாடல் வரும் ஜூலை 23-ம் தேதி வெளியாகும் என தெரியவந்தது. இச்செய்தியை AGS நிறுவனமே பதிவு செய்தது.