தோனியை பின்பற்றிய விஜய் ! தளபதி 63 பூஜை சிறப்பு
By Sakthi Priyan | Galatta | January 21, 2019 10:32 AM IST
தளபதி விஜய் நடிப்பில் இயக்குனர் அட்லீ இயக்கவிருக்கும் தளபதி 63 படத்தை ஏ.ஜி.எஸ் நிறுவனம் இப்படத்தை தயாரிக்கிறது. ஏற்கனவே தெறி, மெர்சல் என மாபெரும் வெற்றி படங்களை தந்தவர் அடுத்த படைப்பில் தளபதியை எப்படிப்பட்ட கேரக்டரில் காண்பிக்க போகிறார் என்ற ஆவல் அதிகளவில் பேசப்பட்டு வருகிறது.
இப்படத்தில் ஒளிப்பதிவாளராக ஜி.கே.விஷ்ணு, கலை இயக்குனராக முத்துராஜ் தங்கவேல், எடிட்டராக ரூபன், ஸ்டண்ட் இயக்குனராக அனல் அரசு, பாடலாசிரியராக விவேக் போன்றோர் பணியாற்றுகின்றனர். அதுமட்டுமல்லாமல், இப்படம் பக்கா மாஸாக இருக்கும் என்றும் தெரிவித்தனர் படக்குழுவினர். இப்படத்தில் லேடி சூப்பர் ஸ்டாரான நடிகை நயன்தாரா நடிக்கவுள்ளதாக அறிவித்தனர். சமீபத்தில் நடிகர் யோகிபாபு, கதிர், விவேக் நடிப்பது உறுதியாகிவிட்டது.
தற்போது படத்தின் பூஜை நேற்று துவங்கியது. அதில் தளபதி விஜய் குரூப் போட்டோவிற்கு ஓரத்தில் நின்ற படி போஸ் அளித்தார். இதனால் இந்திய கிரிக்கெட் வீரர் தோனியுடன் தளபதி விஜய்யை ஒப்பிட ஆரம்பித்தனர். ஒவ்வொரு முறை கோப்பையை பெற்றவுடன் தோனி ஒரு ஓரமாக புகைப்படத்தில் இருப்பார்.