நேர்கொண்ட பார்வை ஆடியோ குறித்த ருசிகர தகவல் !
By Sakthi Priyan | Galatta | June 17, 2019 17:43 PM IST
இயக்குனர் H.வினோத் இயக்கத்தில் தல அஜித் நடிப்பில் உருவாகி வரும் தல 59 படத்தின் முதல் லுக் போஸ்டர் வெளியானது. ஹிந்தியில் வெளியாகி சூப்பர்ஹிட்டான PINK படத்தின் ரீமேக்கான இந்த படத்தின் டைட்டில் நேர்கொண்ட பார்வை என அறிவிக்கப்பட்டது. போனி கபூர் தயாரிக்கும் இந்த படத்திற்கு யுவன் ஷங்கர் ராஜா இசையமைக்கிறார்.
அஜித்துக்கு ஜோடியாக வித்யா பாலன் நடிக்கிறார். ரங்கராஜ் பாண்டே, டெல்லி கணேஷ், ஷ்ரத்தா ஸ்ரீநாத், ஆதிக் ரவிச்சந்திரன் உள்ளிட்ட நட்சத்திரங்கள் முக்கிய வேடங்களில் நடித்துள்ளனர். இந்த படத்தின் டைட்டில் மற்றும் ஃபர்ஸ்ட் லுக் வெளியாகி அசத்திவருகிறது.
ஆகஸ்ட் 10-ம் தேதி நேர்கொண்ட பார்வை படம் வெளியாகிறது. சமீபத்தில் ட்ரைலர் வெளியாகி அனைவரையும் ஈர்த்தது.
தற்போது படத்தின் இசையமைப்பாளர் யுவன் ஷங்கர் ராஜா, படத்தின் பின்னணி இசையை துவங்கிவிட்டதாக பதிவு செய்துள்ளார். இதனால் மிகுந்த மகிழ்ச்சியில் உள்ளனர் தல ரசிகர்கள்.