லவ் ஆக்ஷன் ட்ராமா பட பாடல் வீடியோ வெளியானது
By Sakthi Priyan | Galatta | September 04, 2019 13:00 PM IST
ஃபன்டாஸ்டிக் ஃபிலிம்ஸ் தயாரிப்பில், மலையாள நட்சத்திரம் நிவின்பாலி, நயன்தாரா ஆகியோர் முதன்முறையாக இணைந்திருக்கும் திரைப்படம் லவ் ஆக்ஷன் ட்ராமா. நடிகர் தயன் சீனிவாசன் இயக்கும் இப்படத்திற்கு ஷான் ரஹ்மான் இசையமைக்கிறார்.
இந்த படத்திற்கான அறிவிப்பு கடந்த 2017-ம் ஆண்டே வெளியானது. இப்படத்திற்கான படப்பிடிப்பு ஜூலை 2018-ல் தொடங்கியது. நிவின் பாலிக்கு வெற்றிப்படமாக அமைந்த ஓம் சாந்தி ஓசானா திரைப்படத்தில், நிவின் பாலியுடன் நடித்த, இயக்குநருமான வினீத் ஸ்ரீனிவாசனும் இப்படத்தில் நடித்திருக்கிறார்.
காதல் மற்றும் ஆக்ஷன் திரைப்படமான லவ் ஆக்ஷன் ட்ராமா திரைப்படத்தின் படப்பிடிப்புகள் முடிந்து படத்தின் இறுதிக்கட்ட பணிகள் விறுவிறுப்பாக நடைபெற்று வருகின்றன. இந்நிலையில், படத்தின் டீஸர் சமீபத்தில் வெளியானது.
இதனைத்தொடர்ந்து தற்போது படத்தின் ஒட்டுமொத்த பாடல்கள் வெளியானது. ஏழு பாடல்கள் கொண்ட இந்த ஆல்பம் அனைவரையும் ஈர்த்து வருகிறது.