சாதாரண குடும்பத்தில் இருந்து வந்து இன்று தெலுங்கு சினிமாவில் முன்னணி நடிகராக உயர்ந்துள்ளவர் நானி.எதார்த்தமாக இருக்கும் இவரது படங்களுக்கு ரசிகர்கள் மத்தியில் நல்ல வரவேற்பு கிடைத்து வருகிறது.சமீபத்தில் வெளியான ஜெர்சி படமும் இதற்கு விதிவிலக்கல்ல.

இதனை தொடர்ந்து இவர் நடித்துள்ள படம் கேங் லீடர்.இந்த படத்தை 24 படத்தை இயக்கிய விக்ரம் கே குமார் இயக்குகிறார்.ஜெர்சி படத்தை தொடர்ந்து இந்த படத்திற்கும் அனிருத் ரவிச்சந்தர் இசையமைக்கிறார்.மைத்ரி மூவி மேக்கர்ஸ் இந்த படத்தை தயாரித்துள்ளனர்.

RX 100 பட நாயகன் கார்த்திகேயா முக்கிய வேடத்தில் நடித்துள்ளார்.பிரியங்கா அருள் மோகன்,லக்ஷ்மி,சரண்யா பொன்வண்ணன் உள்ளிட்டோர் முக்கிய வேடங்களில் நடித்துள்ளனர்.இந்த படம் செப்டம்பர் 13ஆம் தேதி வெளியாகவுள்ளது. இந்த படத்தில் இருந்து புதிய பாடல் வீடியோ ஒன்றை படக்குழுவினர் வெளியிட்டுள்ளனர்.நானியுடன் அசத்தலாக நடனமாடும் அனிருத்தின் இந்த வீடியோ நல்ல வரவேற்பை பெற்று வருகிறது.