sivakarthikeyan தமிழ் செய்திகள்

நடிகர் ரியோ ராஜ் நாயகனாக நடித்திருக்கும் ஜோ திரைப்படம் தற்போது திரையரங்குகளில் வெற்றிகரமாக ஓடிக்கொண்டிருக்கிறது. தமிழ் சின்னத்திரை ரசிகர்களின் மனம் கவர்ந்த தொகுப்பாளர்களில் ஒருவராக கலக்கிய ரியோ ராஜ் தற்போது தமிழ் சினிமாவில் கதாநாயகனாகவும் அசத்தி வருகிறார். தற்போது கதாநாயகனாக வலம் வரும் ரியோ ராஜுக்கு தமிழ் சினிமாவில் கதாநாயகனாகும் நம்பிக்கையை முதல் முதலில் கொடுத்த முக்கிய நபர் சிவகார்த்திகேயன். முன்னதாக தனது சொந்த தயாரிப்பில், நெஞ்சம் உண்டு நேர்மை உண்டு ஓடு ராஜா திரைப்படத்தில் நடிகர் ரியோவை கதாநாயகனாகவும் சிவகார்த்திகேயன் நடிக்க வைத்திருக்கிறார். இந்த நிலையில் நமது கலாட்டா தமிழ் சேனலுக்கு பேட்டி கொடுத்த நடிகர் ரியோ ராஜ் நம்முடைய பல கேள்விகளுக்கு மிகவும் சுவாரசியமாக பதில் அளித்தார். அந்த வகையில், “உங்களை யாராவது முதல் முதலில் சொல்லி இருப்பார்கள் அல்லவா நீங்கள் ஹீரோ ஆக வேண்டும் என்று... நீங்கள் ஒரு ஹீரோ மெட்டீரியல் என்று... அப்படி உங்களுக்கு முதன் முதலில் சொல்லியவர் யார்?" என கேட்டபோது, "சிவகார்த்திகேயன் அண்ணா... நேர்மையாக முதலில் சொல்லியது அவர்தான் என்னுடைய நண்பர்கள் மற்றும் குடும்பத்தினரை தாண்டி ஒருவர் சொன்னார் என்றால் அது அவர்தான். ஒரு நாள் போன் செய்து பேசிக்கொண்டிருந்தோம். அவர் எப்போதும் என்னுடைய நிகழ்ச்சியில் இதெல்லாம் பிடித்தது பிடிக்கவில்லை என்பது பற்றி எல்லாம் சொல்லுவார். ரொம்ப நேரம் பேசிக் கொண்டிருந்தோம். “அடுத்து என்னெல்லாம் பண்ணப் போகிறீர்கள்” என அவர் பேசியபோது அவர் நிறைய அறிவுரைகள் கொடுத்தார். இதை நான் பல இடங்களில் சொல்லி இருக்கிறேன். “இப்படி செய்யுங்கள் அப்படி செய்யுங்கள் இதே பண்ணுங்கள் என நிறைய பேர் நிறைய ஐடியாக்கள் கொடுப்பார்கள் அதையெல்லாம் எதையும் கேட்காதீர்கள் உங்களுக்கு என்று ஒன்று தோன்றும் அல்லவா அதை மட்டும் செய்யுங்கள். இந்த நிகழ்ச்சியை இப்படி பண்ண வேண்டும் என உங்களுக்கு தோன்றியது. அதை செய்ததும் எல்லோருக்கும் பிடித்ததல்லவா அது மாதிரி இனிமேல் நீங்கள் செய்வதெல்லாம் மற்றவர்களுக்கு பிடிக்கும். எனவே மற்றவர்கள் சொல்கிறார்கள் என்பதற்காக எதுவும் பண்ணாதீர்கள். உங்களுக்கு மனசார ஒன்று தோன்றும் அல்லவா அதை எல்லாம் செய்யுங்கள் எல்லாமே வெற்றியடையும்” என சொல்லிவிட்டு இதை சொன்னார். “கதை எல்லாம் கேட்கிறீர்களா படம் எல்லாம் வருகிறதா?” என்றார். “என்ன அண்ணே இதெல்லாம் கேட்கிறீர்கள் கதையெல்லாம் கேட்கிறீர்களா என்கிறீர்கள்” என்றேன். “நான் ஒன்றும் ஹீரோ இல்லையே நான் ஏதோ நிகழ்ச்சிகள் செய்து கொண்டிருக்கிறேன்” என்றேன். “இல்லையே இந்நேரம் உங்களுக்கு கதை எல்லாம் வர ஆரம்பித்திருக்குமே?” எனக் கேட்டுவிட்டு, “நீங்கள் ஒரு ஹீரோ மெட்டீரியல் தான் பிரதர் உங்களுக்கு வரும் பாருங்கள்” என சொன்னார். அதன் பிறகு கரியர் சார்ந்து சில அறிவுரைகள் கொடுத்தார். ஆனால் முதல் முறை பேசியபோது அவர் இதை சொன்னார். “உங்களுக்கு இன்னும் கதை வரவில்லையா நீங்கள் இன்னும் கதை கேட்கவில்லையா” என்று சொன்னார்.” என பதில் அளித்தார். ரியோ ராஜின் அந்த முழு பேட்டியை கீழே உள்ள லிங்க்கை காணலாம்.
 

தமிழ் சினிமாவின் நட்சத்திர இயக்குனர்களில் ஒருவராக உயர்ந்திருக்கும் இயக்குனர் நெல்சன் கடந்த 2018 ஆம் ஆண்டு வெளிவந்த கோலமாவு கோகிலா திரைப்படத்தின் மூலம் தமிழ் சினிமாவில் இயக்குனராக அறிமுகமானார். தொடர்ந்து தனது இரண்டாவது திரைப்படத்தில் நடிகர் சிவகார்த்திகேயனுடன் இணைந்த இயக்குனர் நெல்சன் உருவாக்கிய டாக்டர் திரைப்பட நிலையில் தனது மூன்றாவது பாடத்தில் தளபதி விஜய் உடன் படத்தில் கைகோர்த்தார் நெல்சன். கடந்த 2022 ஆம் ஆண்டு வெளிவந்த பீஸ்ட் திரைப்படமும் வசூல் ரீதியில் மிகப்பெரிய வெற்றி பெற்றது ஆனால் விமர்சன ரீதியில் சில எதிர்மறை விமர்சனங்களை பீஸ்ட் திரைப்படம் சந்தித்தது. இந்த எதிர்மறை விமர்சனங்களின் எதிரொலியாக சமூக வலைதளங்களில் அதிகமான ட்ரோல்களை சந்தித்த இயக்குனர் நெல்சன் மிகவும் எதிர்மறையான சூழ்நிலையில் சூப்பர் ஸ்டார் ரஜினிகாந்த் கதாநாயகனாக நடித்த ஜெயிலர் திரைப்படத்தை இயக்கினார். கடந்த ஆகஸ்ட் 10ஆம் தேதி வெளிவந்த ஜெயிலர் திரைப்படம் ரசிகர்கள் மத்தியில் ஏகோபித்த வரவேற்பை பெற்று பாக்ஸ் ஆபிஸில் வரலாற்று சாதனை படைத்து மிகப்பெரிய வெற்றி பெற்றது பெற்றுள்ளது.

இந்த நிலையில் நமது கலாட்டா தமிழ் சேனலில் இயக்குனரும் நடிகையுமான திருமதி.சுகாசினி மணிரத்தினம் அவர்களின் கேம் சேஞ்சர்ஸ் வித் சுகாசினி மணிரத்தினம் எனும் சிறப்பு நேர்காணலில் கலந்து கொண்ட இயக்குனர் நெல்சன் திலீப்குமார் பல முக்கிய விஷயங்களை நம்மோடு பகிர்ந்து கொண்டார். அந்த வகையில், "உங்களோடு ஆரம்ப கட்டத்தில் இருந்தே சிவகார்த்திகேயன் மற்றும் அருண் ராஜா காமராஜ் இருவருமே இருந்தார்களாமே.. என்ன பணியில் இருந்தார்கள்?" எனக் கேட்டபோது, “அவர்கள் வேட்டை மன்னன் படத்திற்கு முன்னாடி இருந்தே இருந்தார்கள். நான் ஸ்கிரிப்ட் பண்ணும் போதே உடன் இருப்பார்கள். நாங்கள் ஒரே ரூமில் ஒன்றாகவே இருப்போம் சிவகார்த்திகேயன் தொலைக்காட்சியில் வேலை பார்ப்பார் நானும் தொலைக்காட்சியில் வேலை பார்த்துக் கொண்டிருந்தேன். இரவு நேரங்களில் சினிமா பற்றி பேசுவோம். அப்போது இருந்தே உடன் இருக்கிறார்கள் இரண்டு பேருமே வேட்டை மன்னன் திரைப்படத்தில் உதவி இயக்குனர்களாக பணியாற்றினார்கள்.” என தெரிவித்தார். 

தொடர்ந்து பேசிய அவரிடம், “இருவரில் யார் அதிகமாக திட்டு வாங்குவார்கள்?” என கேட்ட போது, “அருண் ராஜா காமராஜ் தான். ஏனென்றால் சிவகார்த்திகேயன் மிகவும் கடினமாக உழைப்பவர் மிகச் சரியாக வேலை பார்ப்பார். சிவகார்த்திகேயனை பொறுத்த வரையில் அவர் கம்மியாக தூங்குவார் தொலைக்காட்சியில் பணியாற்றும் போது போட்டியாளராகவும் இருப்பார் அந்த நிகழ்ச்சிக்கு ஸ்கிரிப்ட் ரைட்டர் அவர்தான். அது இல்லாமல் ரேடியோவில் பணியாற்றுவது மேடைகளில் பணியாற்றுவது இந்த மாதிரி நிறைய வேலை பார்த்துக் கொண்டிருப்பார் நான் கூட கேட்பேன் எப்படி உனக்கு இதற்கெல்லாம் நேரம் இருக்கிறது என்று, அப்போது இருந்தே இந்த மாதிரி கடினமாக உழைக்க வேண்டும் என்பது அவரிடம் இருந்தது. ஊரிலிருந்து வந்திருக்கிறோம் எப்படியாவது அந்த வெற்றியை பிடித்து விட வேண்டும் என்று ஒரு வெறி எப்போதும் இருக்கும்” என தெரிவித்துள்ளார். இன்னும் பல சுவாரசிய தகவல்களை பகிர்ந்து கொண்ட இயக்குனர் நெல்சனின் அந்த சிறப்பு பேட்டி இதோ…
 

என்றென்றும் மக்களின் மனம் கவர்ந்த சூப்பர் ஸ்டாராக திகழும் ரஜினிகாந்த் அவர்கள் திரைப்படங்கள் வெளியாகும் சமயத்தில் திரையரங்குகளில் திருவிழா தான். அந்த வகையில், முதல்முறையாக கோலமாவு கோகிலா, டாக்டர் மற்றும் பீஸ்ட் படங்களின் இயக்குனர் நெல்சன் திலீப் குமார் இயக்கத்தில் முதல்முறையாக ரஜினிகாந்த் நடித்துள்ள திரைப்படம் தான் ஜெயிலர். சூப்பர் ஸ்டாருடன் இணைந்து ரம்யா கிருஷ்ணன் முன்னணி வேடத்தில் நடிக்கும்,ஜெயிலர் படத்தில் நடிகை தமன்னாவும் முக்கிய வேடத்தில் நடிக்கிறார். மேலும் தரமணி & ராக்கி படங்களின் நடிகர் வசந்த் ரவி, யோகி பாபு, மலையாள விநாயகன், மிர்னா மேனன் உட்பட பலர் நடித்துள்ளனர். 

மேலும் மலையாள நடிகர் மோகன் லால், கன்னட நடிகர் சிவராஜ்குமார், தெலுங்கு நடிகர் சுனில், ஹிந்தி நடிகர் ஜாக்கி ஷெராஃப் ஆகியோர் மிக முக்கிய வேடங்களில் ரஜினிகாந்த் உடன் இணைந்து நடித்துள்ளனர். சன் பிக்சர்ஸ் தயாரிப்பில் பிரம்மாண்டமாக உருவாகும் ஜெயிலர் திரைப்படத்திற்கு விஜய் கார்த்திக் கண்ணன் ஒளிப்பதிவில், நிர்மல் படத்தொகுப்பு செய்ய, அனிருத் இசையமைத்துள்ளார். வருகிற ஆகஸ்ட் 10ஆம் தேதி உலகெங்கும் திரையரங்குகளில் ஜெயிலர் படம் ரிலீஸாகவுள்ளது. கடந்த சில தினங்களுக்கு முன்பு ஜெயிலர் திரைப்படத்தின் இசை வெளியீட்டு விழா பிரம்மாண்டமாக நடைபெற்ற நிலையில் ரசிகர்கள் மிகுந்த ஆவலோடு காத்திருந்த ஜெயிலர் திரைப்படத்தின் அதிரடியான ட்ரெய்லர் தற்போது வெளியாகி ரசிகர்களிடையே மிகப் பெரிய  à®µà®°à®µà¯‡à®±à¯à®ªà¯ˆ பெற்று இயக்குனர் நெல்சன் மற்றும் சூப்பர் ஸ்டார் ரஜினிகாந்த் இருவரின் சிறப்பு அம்சங்கள் நிறைந்த பக்கா மாஸ் என்டர்டைனர் படமாக இருக்கும் என எதிர்பார்ப்புகளை ஏற்ப்படுத்தியுள்ளது. 

இந்த நிலையில் நமது கலாட்டா தமிழ் சேனலில் நடைபெற்ற சிறப்பு நேர்காணலில், கலந்து கொண்ட பிரபல நடிகர் உதய்பானு  à®®à®•à¯‡à®¸à¯à®µà®°à®©à¯ அவர்கள் ஜெயிலர் படத்தின் பல சுவாரசியமான தகவல்களை நம்மோடு பகிர்ந்து கொண்டார். அந்த வகையில் பேசும்போது, "இந்த கனெக்ஷன் எப்படி இருக்கிறது. நிறைய பேர் ரஜினியின் பின்னால் வருகிறார்கள் பாட்ஷா உடன் ஜெயிலரை ஒப்பிடுகிறார்கள். இதை உங்களால் ஒப்பிட முடிகிறதா?" எனக் கேட்டபோது, "எப்போதுமே தலைவர் படங்களில் நாம் எதையும் யூகிக்க முடியாது. வேற ஒரு ட்ரீட் இருக்கும் அதை நாம் யூகித்து போகாமல் சர்ப்ரைஸாக தான் ரஜினி ரசிகர்களாக தியேட்டருக்கு செல்ல வேண்டும். இந்த படத்தில் வேற ஒன்று இருக்கும் என நினைத்துப் போக வேண்டும். அதுதான் ஜெயிலரிலும் இருக்கும்." என பதிலளித்தார். தொடர்ந்து பேசிய போது, "ஜெயிலர் திரைப்படத்தில் நடிகர் சிவகார்த்திகேயன் ஸ்பெஷலான சிறப்பு தோற்றத்தில் நடித்திருப்பதாக சில செய்திகள் வெளி வருகின்றன. இது பற்றி நீங்கள் ஏதாவது கேள்விப்பட்டிருக்கிறீர்களா?" எனக் கேட்டபோது, "இல்லை எனக்கு அது மாதிரி எந்த செய்தியும் வரவில்லை. எனக்கு தெரியாது." என்றார். தொடர்ந்து அவரிடம், "மோகன்லால், தமன்னா அவர்களை எல்லாம் ட்ரெய்லரில் காட்டாமல் ஒழித்து வைத்திருப்பது போலவே, சிவகார்த்திகேயன் ஒழித்து வைத்திருப்பார்களா?" எனக் கேட்டபோது, “சொல்ல முடியாது…” என பதில் அளித்திருக்கிறார். இன்னும் பல சுவாரஸ்ய தகவல்களை நம்மோடு பகிர்ந்து கொண்ட நடிகர் உதய்பானு மகேஸ்வரனின் அந்த சிறப்பு பேட்டியை கீழே உள்ள லிங்கில் காணுங்கள்.
 

கடந்த ஜூலை 14ம் தேதி சிவகார்த்திகேயன் நடிப்பில் வெளியான திரைப்படம் ‘மாவீரன்’ பேண்டசி கலந்த ஆக்ஷன் திரைப்படமாக உருவான இப்படத்தினை மண்டேலா பட இயக்குனர் மடோன் அஷ்வின் இயக்கியுள்ளார். படத்தில் சிவகார்த்திகேயனுக்கு ஜோடியாக அதிதி ஷங்கர் நடிக்க மிரட்டலான வில்லன் கதாபாத்திரத்தில் இயக்குனர் மிஷ்கின் நடித்துள்ளார். மேலும் இவர்களுடன் முக்கியமான கதாபாத்திரங்களில் யோகி பாபு, சரிதா, மோனிஷா, திலீபன், அருவி மதன். சுனில் ஆகியோர் நடித்துள்ளனர். ரசிகர்களின் எதிர்பார்ப்பின் மத்தியில் வெளியான மாவீரன் திரைப்படம் கொண்டாட்டங்களுடன் திரையரங்குகளில் வெற்றிகரமாக ஓடிக் கொண்டிருக்கின்றது. விமர்சன ரீதியாக ரசிகர்களின் ஆதரவை பெற்ற மாவீரன் திரைப்படம் தற்போது உலகளவில் ரூ 75 கோடி வசூல் செய்து கவனம் பெற்று வருகிறது.

இந்நிலையில் நமது கலாட்டா சினிமா சிறப்பு பேட்டியில் மாவீரன் படத்தில் முக்கியமான கதாபாத்திரத்தில் நடித்த நடிகர் திலீபன் அவர்கள் மாவீரன் படத்தில் நடித்த அனுபவம் குறித்து சுவாரஸ்யமான தகவலை பகிர்ந்து கொண்டார். அதில் சிவகார்த்திகேயன் குறித்து பேசுகையில், "சிவகார்த்திகேயன் வெறும் நடிகர் மட்டுமல்ல அவரை விளம்பரப்படுத்த தேவையான எல்லா திறனும் கொண்டவர். நடிப்பு மட்டும் என்ற ஒரு கட்டத்தில் அவரை அடக்கிட முடியாது. அவர் பன்முகதிறன் கொண்டவர். அவர் இப்போ திரைத்துறையில் என்னவா இருக்கிறாரோ.. அது எப்பவோ அகிருக்க வேண்டியது.. இதுவே லேட்டு னு நினைக்கிறேன்..ஏன்னா அவர் அவ்ளோ கஷ்டப்பட்டுருக்காரு.. படப்பிடிப்புல எப்பவும் ஒரு தனி எனர்ஜியா இருப்பார். அந்த எனர்ஜி நமக்கும் வரும்.." என்றார் நடிகர் திலீபன்.

மேலும் தொடர்ந்து இரண்டாம் பாதி குறித்த விமர்சனத்திற்கு பதில் கொடுத்த நடிகர் திலீபன் பேசியது, "இரண்டாம் பாதி குறித்த புரிதல் நம்மளோட பார்வை தவறு என்று நினைக்கிறேன். இரண்டாம் பாதியில் குறை வைக்கும்படியான ஒரு இயக்குனர் அஷ்வின் இல்லை..  அவரை படப்பிடிப்பில் நிறைய பார்த்து பிரம்மித்திருக்கிறேன். பழைய க்ளைமேக்ஸ் என்று சொல்லி அவர் விட்டுட மாட்டார்.

சாதாரணமா டப்பிங்லே ஒரு வார்த்தையை பத்து முறை சரி பார்ப்பார். அப்படி இருக்க ஆள் கதை எழுதும் போதே தெரிஞ்சிருக்கும்ல.. அதனால் அவர் அந்த கதைக்கு தேவைனு அதை சேர்த்திருப்பார்.‌." என்றார் நடிகர் திலீபன்.

மேலும் நடிகர் திலீபன் அவர்கள் மாவீரன் திரைப்படம் குறித்து பகிர்ந்து கொண்ட சுவாரஸ்யமான தகவல் கொண்ட முழு வீடியோ உள்ளே..

தமிழ் சினிமாவின் முன்னணி நட்சத்திர கதாநாயகர்களில் ஒருவராக உயர்ந்திருக்கும் நடிகர் சிவகார்த்திகேயன் நடிப்பில் கடந்த சில தினங்களுக்கு முன்பு வெளிவந்த திரைப்படம் தான் மாவீரன். மண்டேலா திரைப்படத்தின் இயக்குனர் மடோன் அஸ்வின் இயக்கத்தில் முதல் முறையாக நடிகர் சிவகார்த்திகேயன் நடித்த மாவீரன் திரைப்படம் கடந்த ஜூலை 14ஆம் தேதி உலகெங்கும் திரையரங்குகளில் ரிலீஸ் ஆனது. வித்தியாசமான பேண்டஸி திரைப்படமாக அழுத்தமான கதைக்களத்தில் வெளிவந்த மாவீரன் திரைப்படம் ரசிகர்களின் கவனத்தை வெகுவாக ஈர்த்ததோடு பாக்ஸ் ஆபிஸிலும் 50 கோடி ரூபாய்க்கும் மேல் வசூலித்து வெற்றி பெற்றுள்ளது. 

இந்த நிலையில் மாவீரன் திரைப்படத்தின் வெற்றிக்கு ஊடகத்திற்கும் ரசிகர்களுக்கும் நன்றி தெரிவிக்கும் வகையில் படக் குழுவினர் விழா ஒன்றை ஏற்பாடு செய்தனர். இந்த விழாவில் பேசிய நடிகர் சிவகார்த்திகேயன் மிகவும் எமோஷனலாக சில விஷயங்களை பேசினார். அப்படி பேசுகையில், "உங்கள் எல்லோருக்குமே தெரியும், 'டெலிவிஷனில் மிமிக்ரி பண்ணி ஆரம்பிச்ச ஒருத்தன்' அதனால் எல்லா நடிகர்களின் பாதிப்பும் எனக்கு இருக்கும். அது வேறு வழி கிடையாது அதற்கு முன்பு ஒரு 2000 - 3000 மேடைகளில் நான் மிமிக்ரி மட்டும்தான் செய்து கொண்டு இருந்தேன். அந்த மிமிக்ரி மட்டும்தான் எனக்கு வாய்ப்பு தேடி கொடுத்தது. அந்த மிமிக்ரி தான் எனக்கு விசிட்டிங் கார்டு. எனக்கு டிவியில் வருவதே ஒரு கஷ்டமான விஷயம். அப்படி டிவியில் வந்த பிறகு சினிமாவில் வருவது அதைவிட ரொம்ப கஷ்டமான விஷயம் நான் சினிமாவில் வந்த பிறகு காமெடி தான் என்னுடைய அடையாளமாகவே இருந்தது. அதனால் காமெடி மட்டுமே செய்து கொண்டு தான் நான் சினிமாவிற்கு வந்திருக்கிறேன். அப்படி சினிமாவில் என்னதான் செய்யப் போகிறேன் என்றே தெரியாது. தொடர்ந்து ஒவ்வொரு படமாக செய்து செய்து வரும் பொழுது... எப்போதுமே படம் நன்றாக இருக்கிறது ஜாலியாக இருக்கிறது காமெடியாக இருக்கிறது என்டர்டெய்னர் என்பதை கேட்டுக் கொண்டிருக்கிறேன். ஆனால் இப்போதும் சொல்கிறேன் சிறந்த நடிகராக இருப்பதைவிட சிறந்த என்டர்டெய்னராக இருப்பதற்கு தான் எனக்கு ரொம்ப ரொம்ப ஆசை. ஏனென்றால் சிறந்த என்டர்டெய்னர் என்பதை மக்கள் ஒரு சிலருக்கு தான் கொடுப்பார்கள். அப்படி ஒரு விஷயத்தை எனக்கு கொடுத்து இருக்கிறார்கள் அதை இன்னும் சீரியஸாக எடுத்துக் கொண்டு மெனக்கிட வேண்டும் என நினைக்கிறேன். வெறும் என்டர்டெய்னராக மட்டும் இருந்துட்டு போனால் நாம் கற்றுக் கொள்வது மிகவும் குறைந்துவிடும் என்ற பயம் எனக்கு எப்போதுமே உண்டு. வெறும் என்டர்டெய்னராக மட்டும் இருந்துட்டு போனால் நாம் கற்றுக் கொள்வது மிகவும் குறைந்துவிடும் என்ற பயம் எனக்கு எப்போதுமே உண்டு. ஆனால் அதை நான் மட்டுமே ஒன்றுமே பண்ண முடியாது. நல்ல இயக்குனர்கள் நினைத்தால் யாரை வேண்டுமானாலும் நல்ல நடிகர்களாக மாற்றலாம். எனக்கு அப்படி மடோன் அஸ்வின் கிடைத்திருக்கிறார்." என்று மிகவும் எமோஷனலாக நடிகர் சிவகார்த்திகேயன் பேசியிருக்கிறார். இன்னும் பல விஷயங்களை பகிர்ந்து கொண்ட நடிகர் சிவகார்த்திகேயன் பேசிய அந்த முழு வீடியோவை கீழே உள்ள லிங்கில் காணலாம்.
 

திரையரங்குகளில் கடந்த ஜூலை 14 அன்று தமிழ் மற்றும் தெலுங்கு ஆகிய மொழிகளில் உலகளவில் வெளியாகி வெற்றிகரமாக ஓடிக் கொண்டிருக்கும் திரைப்படம் மாவீரன். சிவகர்த்திகேயனின் மாறுபட்ட நடிப்பில் உருவான மாவீரன் திரைபடத்திற்கு ரசிகர்கள் ஆரவாரமான வரவேற்பை கொடுத்து மாவீரன் திரைப்படத்தை வெற்றி திரைப்படமாக மாற்றியுள்ளனர். ரசிகர்களின் கோலாகல கொண்டாட்டங்களுடன் வெற்றிகரமாக ஓடிக் கொண்டிருக்கும் மாவீரன் திரைப்படம் முதல் வாரத்தில் உலகளவில் ரூ 50 கோடிக்கு  à®®à¯‡à®²à¯ வசூல் செய்து தொடர்ந்து நல்ல வரவேற்பினை பெற்று வருகிறது.

இந்நிலையில் தற்போது சென்னையில் மாவீரன் படத்தின் வெற்றி தொடர்பாக நடைபெற்ற பத்திரிக்கையாளர் சந்திப்பு விழா  à®¨à®Ÿà¯ˆà®ªà¯†à®±à¯à®±à®¤à¯. இதில் சிவகார்த்திகேயன், அதிதி ஷங்கர் மற்றும் இயக்குனர் மடோன் அஷ்வின் உட்பட படக்குழுவினர் பலர் கலந்து கொண்டனர். இந்த விழாவில் மாவீரன் பட தயாரிப்பாளர் அருண் விஸ்வா அவர்கள் மாவீரன் படம் உருவான கதை மற்றும் அதன் பயணம் குறித்து பல சுவாரஸ்யமான தகவல்களை பகிர்ந்து கொண்டார். அதில் சிவகார்த்திகேயன் நடிப்பில் கடந்த ஆண்டு வெளியாகி படுதோல்வியடைந்த பிரின்ஸ் திரைப்படம் குறித்து அவர் பேசுகையில்,

"பிரின்ஸ் படத்திற்கு நான் இணை தயாரிப்பு செய்தேன். அந்த படம் திரையரங்குகளில் சரியா போகல.. ஆனால் தயாரிப்பாளர்களுக்கு மிகப்பெரிய லாபத்தை பெற்று தந்த படம் அது.. இதை நான் இங்கு சொல்லனும்.. பிரின்ஸ் சரியா போகலனு தெரிஞ்சு அடுத்த நிமிஷம் அந்த நஷ்டத்தை ஈடு செய்தார் சிவகார்த்திகேயன். அதற்கு அவருக்கு நன்றி சொல்கிறேன்.. இதை நான் முன்னதாக பல மேடையில் சொல்ல வேண்டும் என்று நினைத்தேன். இந்த வெற்றி மேடையில் சொல்கிறேன்.. இந்த வெற்றிக்கு முதல் காரணம் சிவகார்த்திகேயன் தான்‌. வெறும் நடிகராக நான் சொல்லவில்லை. என் நண்பனா ஒரு சகோதரனா நான் அவருக்கு ரொம்ப கடமை பட்டிருக்கேன்.  பிரின்ஸ் படம் சரியா போகல ன்றதால அவரிட்ட பேச தயங்கிட்டு இருந்தேன் எப்படி பேச போறோம் னு.. நான் பேசும்போது மாவீரன் எப்படி பண்ண போறோம் னு தான் கேட்டாரே தவிர பிரின்ஸ் படம் பத்தி அவர் என்கிட்ட பேசல.. மொத்த பழியையும் அவர் மேல ஏத்துக்குட்டு யாரையும் எதையும் அவர் சொல்ல விடல.. à®…வரோட நம்பிக்கை தான் இந்த வெற்றி..  இன்னிலருந்து இந்த படம் முதலீட்டை தாண்டிடுச்சு.. நாளையில இருந்து மாவீரன் படம் மேற்கொண்ட லாபத்தை நோக்கி போய் கொண்டிருக்கிறது.” என்றார் தயாரிப்பாளர் அருண் விஸ்வா.

சிவகார்த்திகேயனின் மாறுபட்ட நடிப்பில் வெளியாகி திரையரங்குகளில் வெற்றிகரமாக ஓடிக் கொண்டிருக்கும் திரைப்படம் ‘மாவீரன்’. இயக்குனர் மடோன் அஷ்வின் இயக்கத்தில் தமிழ், தெலுங்கு ஆகிய மொழிகளில் உலகமெங்கும் வெளியான இப்படத்தில் அதிதி ஷங்கர், இயக்குனர் மிஷ்கின், சரிதா, சுனில் மற்றும் யோகி பாபு ஆகியோர் முக்கிய கதாபாத்திரத்தில் நடித்துள்ளனர். ரசிகர்களின் ஆரவாரத்துடன் வெளியான மாவீரன் திரைப்படத்திற்கு ரசிகர்கள் ஏகோபித்த வரவேற்பை அளித்து வெற்றி பெற செய்துள்ளனர். இதுவரை மாவீரன் திரைப்படம் நல்ல வரவேற்பை பெற்று ரூ 50 கோடிக்கு மேல் வசூல் செய்துள்ளது குறிப்பிடத்தக்கது.  à®‡à®¨à¯à®¨à®¿à®²à¯ˆà®¯à®¿à®²à¯ விடுதலை சிறுத்தைகள் கட்சியின் தலைவர் தொல். திருமாவளவன் படக்குழுவினருடன் சமீபத்தில் மாவீரன் திரைப்படத்தை பார்த்துள்ளார். பின்னர் பத்திரிக்கையாளர்களை சந்தித்த அவர் படம் குறித்தும் படக்குழுவினர் பற்றியும் பாராட்டி பேசியிருந்தார் என்பது குறிப்பிடதக்கது.

 à®ªà¯‡à®Ÿà¯à®Ÿà®¿à®¯à®¿à®²à¯ அவர் பேசியதாவது,  “மிகவும் வித்தியாசமான கதை அமைப்பு. கதையை சொல்லியிருக்கும் முறை பாராட்டிற்குரியது. அனைத்து தரப்பு மக்களையும் ஈர்க்கக்கூடிய வகையில் இந்த திரைக்கதை மிகவும் சிறப்பாக பின்னப்பட்டிருக்கிறது. சென்னை போன்ற பெருநகரங்களில் வாழக்கூடிய மக்கள் குறிப்பாக கூவம் நதிக்கரையில் வாழ்ந்து கொண்டிருக்கும் மக்கள். சென்னையில் இருந்து அப்புறப்படுத்துகிற பணிகள் தொடர்ந்து நடைபெற்று வருவதை நாம் பார்த்துக் கொண்டிருக்கிறோம். பல்லாயிரக்கணக்கான மக்கள் சென்னையின் மையத்தில் இருந்து அப்புறப்படுத்தப்பட்டு புறநகர் பகுதியில் குடியேற்றப்பட்டு வருகிறார்கள்.

காலம் காலமாக குடியிருந்து வரும் பகுதியில் இருந்து மக்கள் வெளியேற்றப்படும் போது புலம்பெயர்ந்து வாழக்கூடிய ஒரு நிலை ஏற்படும் போது அந்த மக்களின் மனநிலை என்னவாக இருக்கும் என்பதை சித்தரிக்கிற திரைப்படமாக மாவீரன் விளங்குகிறது. சென்னையில் பல இடங்களில் கூவம் நதிக்கரையில் வசித்த மக்கள் அப்புறப்படுத்தப்பட்டிருக்கிறார்கள். அவர்களுக்கென்று அரசு சென்னையிலும் புறநகர் பகுதிகளிலும் பல அடுக்குமாடி குடியிருப்புகளை கட்டித் தருகிறது. அவ்வாறு மாற்றுக் குடியிருப்புகளை உருவாக்கி தருகிற நிலையில் அதன் தரம் என்னவாக இருக்கிறது. அதில் அரசியல் எந்த அளவிற்கு தலையீடு செய்கிறது. அதனால் மக்கள் எவ்வாறு பாதிக்கப்படுகிறார்கள் என்பதை திரைப்படத்தின் கருப்பொருளாக எடுத்துக் கொண்டு இயக்குனர் தன்னுடைய கற்பனை திறனை மூலதனமாக வைத்து மிகச்சிறப்பாக கதையை தொடக்கத்திலிருந்து கடைசி வரையில் விறுவிறுப்பாக சொல்லி வருகிறார்

நடிகர் சிவகார்த்திகேயன் மிக சிறப்பாக நடித்திருக்கிறார். அவருக்கு இணையாக அதிதி ஷங்கர் மணம் கவரும்படி நடித்துள்ளார். நீண்ட இடைவெளிக்கு பிறகு புகழ் பெற்ற திரைநட்சத்திரம் நடிகை சரிதா இந்த படத்தில் நடித்துள்ளது இந்த படத்திற்கு மேலும் சிறப்பு சேர்ப்பதாக அமைந்துள்ளது. à®šà¯†à®©à¯à®©à¯ˆà®¯à®¿à®²à¯ பல்வேறு இடங்களில் வீடுகள் அப்புறப்படுத்தும் போது அந்த மக்கள் கதறி அழும்போது நேரில் சென்று அந்த மக்களை ஆற்றுப்படுத்தியுள்ளேன் என்கிற முறையில் இந்த படத்தை பார்க்கிற போது நான் நேரடியாக அந்த களத்தில் நிற்பதை போன்ற உணர்வை பெற்றேன். சில இடங்களில் அந்த மக்களின் துயரத்தை எண்ணி கண்கலங்க நேர்ந்தது. காட்சிகள் அந்த அளவிற்கு உயிரோட்டமாக அமைந்தது.” என்றார் திருமாவளவன்.

மேலும் தொடர்ந்து,  “பொதுவாக படத்தின் கதாநாயகர்கள் பெரிய ஆளுமை மிக்கவர்களாக காட்டப்படுகிறார்கள். இந்த படத்தில் கதாநாயகனை பயந்த சுபாவம் உள்ளவராக தொடக்கத்தில் இருந்து சித்தரிக்கிற இயக்குனர் ஒரு அசரீரி குரல் மூலம் கதாநாயகனை இயக்கும் காட்சி ஒவ்வொரு கட்டத்திலும் ஈர்க்கும் விதமாக அமைந்துள்ளது.

இயக்குனர் மிஷ்கின் நடிப்பு அபாரமாக இருக்கிறது. கிளைமேக்ஸ் காட்சியில் வில்லன் மிஷ்கினை பார்த்து கதாநாயகன் கேள்வி எழுப்பும் காட்சி என்பது மக்களின் குரலை பிரதிபலிப்பதாக இருக்கிறது. அந்த காட்சி திரைப்படத்தின் குரலாக இல்லாமல் ஒட்டுமொத்த ஏழை, எளிய மக்களின் விளிம்பு நிலை மக்களின் அவல குரலாக உள்ளது. அசரீரி குரல் மூலம் கதாநாயகன் இயக்கும் காட்சி என்பது ஒரு வித்தியாசமான அணுகுமுறையாக இருக்கிறது” என்றார் திருமாவளவன்.  
 

கடந்த ஜூலை 14 ம் தேதி சிவகார்த்திகேயன் நடிப்பில் வெளியான திரைப்படம் ‘மாவீரன்’. இயக்குனர் மடோன் அஷ்வின் இயக்கத்தில் மாறுபட்ட கதைகளத்தில் பெண்டசி திரைப்படமாக உருவான இப்படத்தில் சிவகார்த்திகேயன் ஹீரோவாக நடிக்க அவருக்கு ஜோடியாக அதிதி ஷங்கர் நடித்துள்ளார். மேலும் படத்தில் இயக்குனர் மிஷ்கின், சுனில், சரிதா, மோனிஷா மற்றும் யோகி பாபு ஆகியோர் முக்கிய கதாபாத்திரங்களில் நடித்துள்ளனர். ஷாந்தி டாக்கீஸ் தயாரிப்பில் உருவான இப்படத்திற்கு ஒலிப்பதிவாளர் விது அய்யனா ஒளிப்பதிவு செய்ய பிலோமின் ராஜ் படத்திற்கு படத்தொகுப்பு செய்துள்ளார். மேலும் பரத் சங்கர் படத்திற்கு இசையமைதள்ளார். ரசிகர்களின் எதிர்பார்ப்பின் மத்தியில் வெளியான இப்படத்திற்கு ரசிகர்கள் மிகப்பெரிய ஆதரவை அளித்து தற்போது மாவீரன் திரைப்படம் திரையரங்குகளில் வெற்றிகரமாக ஓடிக் கொண்டிருக்கிறது. தமிழ் மற்றும் தெலுங்கு மொழிகளில் உலகமெங்கும் வெளியான மாவீரன் திரைப்படம் 50 கோடி ரூபாய்க்கு மேல் வசூல் செய்து சாதனை படைத்து வருகிறது. திரை பிரபலங்கள், ரசிகர்கள் என மாவீரன் திரைப்படத்தை பாராட்டி தங்களது கருத்துகளை பகிர்ந்து வருகின்றனர்.

இந்நிலையில் பிரபல நடிகர் அருண் விஜய் அவர்கள் சிவகார்த்திகேயனின் மாவீரன் திரைப்படம் குறித்து பாராட்டி ட்விட்டர் பக்கத்தில் பதிவிட்டுள்ளார். அந்த பதிவில், “மாவீரன் படம் இப்போது தான் பார்த்தேன்.. முழுக்க முழுக்க நான் ரசித்து பார்த்தேன். சிவகார்த்திகேயன் சகோதரா நீங்கள் அந்த கதாபாத்திரத்தை எளிமையாக கச்சிதமாக செய்திருக்கிறீர்கள்.. யோகி பாபு நடிப்பு அருமை. விஜய் சேதுபதி சகோதரா உங்கள் பின்னணி குரல் அருமை.. இயக்குனர் மடோன் அஷ்வின் மற்றும் படக்குழுவினரின் அட்டகாசமான உழைப்பிற்கு எனது பாராட்டுகள்..” என்று குறிப்பிட்டுள்ளார் இதையடுத்து நடிகர் அருண் விஜய் அவர்களின் பதிவு இணையத்தில் வைரலாகி வருகிறது.

நடிகர் அருண் விஜய்  à®¨à®Ÿà®¿à®ªà¯à®ªà®¿à®²à¯ ரிலீஸுக்கு தயாராக இருக்கும் திரைப்படம் ‘பார்டர்’. ‘அக்னி சிறகுகள்’. அதை தொடர்ந்து தற்போது இயக்குனர் விஜய் இயக்கத்தில் ‘மிஷன் 1 – அச்சம் என்பது இல்லையே’ என்ற படத்தில் நடித்து முடித்துள்ளார். லைகா தயாரிப்பில் அதிரடி ஆக்ஷன் கதைகளத்தில் உருவாகியிருக்கும் இப்படம் விரைவில் திரையரங்குகளில் வெளியாகவுள்ளது. அதை தொடர்ந்து பிரபல இயக்குனர் பாலா இயக்கத்தில் வணங்கான் என்ற படத்தில் வித்யாசமணா கதாபாத்திரத்தில் அருண் விஜய் நடித்து வருகிறார் என்பது குறிப்பிடத்தக்கது.

Just watched #MAAVEERAN.. Thoroughly enjoyed it.❤️ @Siva_Kartikeyan brother you played the role at ease and excelled in ur performance..👌🏽👏🏽 Loved @iYogiBabu and @VijaySethuOffl brother's voice-over. Kudos to dir @madonneashwin and the entire cast and crew for the excellent…

— ArunVijay (@arunvijayno1) July 18, 2023

நடிகர் சிவகார்த்திகேயன் திரைப்படத்தில் மிக முக்கிய படமாக தற்போது வெளிவந்திருக்கும் மாவீரன் திரைப்படம் இதுவரை 50 கோடி ரூபாய் வசூலித்து வெற்றி பெற்று இருக்கும் நிலையில், சாந்தி டாக்கீஸ் நிறுவனத்தின் தயாரிப்பாளர் அருண் விஸ்வா தனது எமோஷனலான அறிக்கை ஒன்றை தற்போது வெளியிட்டிருக்கிறார். மண்டேலா படத்தின் இயக்குனர் மடோன் அஸ்வின் இயக்கத்தில் சிவகார்த்திகேயன் கதாநாயகனாக நடித்திருக்கும் மாவீரன் திரைப்படத்தில் அதிதி ஷங்கர் கதாநாயகியாக நடித்திருக்கிறார். முதல் முறையாக முழு நீள வில்லனாக இயக்குனர் மிஷ்கின் நடித்திருக்கும் மாவீரன் திரைப்படத்தில் சரிதா, பிரபல தெலுங்கு நடிகர் சுனில், யோகி பாபு ஆகியோர் முக்கிய வேடங்களில் நடித்துள்ளனர். 

சாந்தி டாக்கீஸ் நிறுவனம் தயாரிக்க தமிழில் மாவீரன் , தெலுங்கில் மஹாவீருடு என தயாராகும் மாவீரன் திரைப்படத்திற்கு விது அய்யனா ஒளிப்பதிவில், ஃபிலோமின் ராஜ் படத்தொகுப்பு செய்ய, பரத் ஷங்கர் இசையமைக்கிறார். ரெட் ஜெயண்ட் மூவிஸ் வெளியிட கடந்த ஜூலை 14ம் தேதி மாவீரன் படம் உலகெங்கும் திரையரங்குகளில் மாவீரன் படம் ரிலீஸானது. சிவகார்த்திகேயனின் திரை பயணத்திலேயே இதுவரை இல்லாத வித்தியாசமான படமாக வெளிவந்திருக்கும் இந்த மாவீரன் திரைப்படத்திற்கு ரசிகர்கள் மத்தியில் பெரும் வரவேற்பு கிடைத்துள்ளது. இந்த நான்கு நாட்களில் அரங்கு நிறைந்த காட்சிகளாக மாவீரன் திரைப்படத்தை ரசிகர்கள் கொண்டாடி வருகின்றனர். மாவீரன் திரைப்படம் இதுவரை 50 கோடி ரூபாய் வசூல் செய்திருப்பதாக படக்குழு அறிவித்துள்ளது.

இந்த நிலையில் மாவீரன் திரைப்படத்தின் தயாரிப்பாளரான சாந்தி டாக்கீஸ் நிறுவனத்தின் தயாரிப்பாளர் அருண் விஷ்வா அவர்கள் மாவீரன் திரைப்படத்தின் வெற்றியை குறிப்பிட்டு எமோஷனலான அறிக்கை ஒன்றை வெளியிட்டு இருக்கிறார். அந்த அறிக்கையில், “நான் சாந்தி டாக்கிஸ் தயாரிப்பு நிறுவனத்தை தொடங்கிய போது ஒரு பெரிய பொருள் செலவில் ஒரு பெரிய நட்சத்திரத்தோடு முதல் படத்தை தயாரிப்பேன் என கனவு கண்டது கூட இல்லை. இந்த ஜூலை 14, 2023 அன்று அந்த பெரிய நாள் வந்தது. தயாரிப்பு நிறுவனம் தொடங்கப்பட்டதிலிருந்து நடந்த எல்லா விஷயங்களும் நம்ப முடியாததாகவே இருக்கிறது. நம்முடைய சிவகார்த்திகேயனின் ரசிகர்கள் மற்றும் சினிமா ரசிகர்களிடமிருந்து கிடைக்கும் அளவற்ற அன்பும் ஆதரவும் மிகுந்த மகிழ்ச்சி அளிக்கிறது. எல்லாமே ஒரு மனிதரால் தான்... அவர் எங்களுக்கான வலிமையையும் நம்பிக்கையையும் கொடுத்து அவர்தான் மாவீரன் என எங்களை உணர வைத்தார். அவர் என்னை நம்பினார்… மடோன் அஸ்வின் அவருடைய குழு மற்றும் அவருடைய பார்வை எல்லாவற்றையும் நம்பினார். அந்த நம்பிக்கை தான் எங்களை இன்று இந்த இடத்திற்கு கொண்டு வந்திருக்கிறது. எனது வாழ்க்கையில் இப்படி ஒரு நண்பர் கிடைத்ததற்காக நான் மிகுந்த பெருமையும் நன்றி கடனும் பட்டிருக்கிறேன். உங்களை இன்ஸ்பயர் செய்யும் வகையில் இருக்கும் ஒரு நண்பரை விட வேறு என்ன உங்களுக்கு வேண்டும். நன்றி எனது அன்பு சிவகார்த்திகேயன் அவர்களே… உங்களுடைய நம்பிக்கைக்கு நன்றி… உண்மையான மாவீரனாக இருந்ததற்கு நன்றி..” குறிப்பிட்டு பதிவிட்டு இருக்கிறார். சாந்தி டாக்கீஸ் நிறுவனத்தின் தயாரிப்பாளர் அருண் விஷ்வாவின் அந்த பதிவு இதோ…
 

When I started Shanthi Talkies
I never dreamt of making my debut film on such a grand scale with such a big star!
And then the big day arrived on July 14, 2023!
Ever since, whatever has happened has been surreal! The amount of love and affection we've been receiving from our SK…

— arun Viswa (@iamarunviswa) July 18, 2023

தமிழ் சினிமாவில் இந்த வாரம் புதுவரவாக திரையரங்குகளில் வெளியான திரைப்படம் 'மாவீரன்'. மாறுபட்ட கதாபாத்திரத்தில் சிவகார்த்திகேயன் ஹீரோவாக நடித்து வெளியான இப்படத்தை இயக்கியுள்ளார் மண்டேலா பட இயக்குனர் மடோன் அஷ்வின். அட்டகாசமான பேண்டசி கதைகளத்தில் ஆக்ஷன் திரைப்படமாக உருவான இப்படத்தில் சிவகார்த்திகேயனுக்கு ஜோடியாக அதிதி ஷங்கர் நடித்துள்ளார். மேலும் இவர்களுடன் இயக்குனர் மிஷ்கின், சரிதா, சுனில், யோகி பாபு, மோனிஷா, அருவி மதன் உள்ளிட்டோர் முக்கியமான கதாபாத்திரத்தில் நடித்துள்ளனர். சாந்தி டாக்கீஸ் தயாரித்த இப்படத்திற்கு ஒளிபதிவாளர் விது அய்யனா ஒளிப்பதிவு செய்ய பிலோமின் ராஜ் படத்தொகுப்பு செய்துள்ளார். மேலும் படத்திற்கு இசையமைப்பாளர் பரத் சங்கர் இசையமைத்துள்ளார். இவரது இசையில் வெளியான மூன்று பாடல்கள் ஏற்கனவே ரசிகர்களின் ஆதரவை பெற்று டிரெண்ட்டிங்கில் இருந்து வருகிறது என்பது குறிப்பிடத்தக்கது.

ரசிகர்களின் எதிர்பார்ப்பின் மத்தியில் கடந்த ஜூலை 14 திரையரங்குகளில் தமிழ் மற்றும் தெலுங்கு மொழிகளில் வெளியான மாவீரன் திரைப்படம் தற்போது வெற்றிகரமாக மூன்றாவது நாளில் ஓடிக் கொண்டிருக்கிறது. ரசிகர்களின் ஆரவாரமான கொண்டாட்டத்துடன் திரையரங்குகள் நிரம்பி வழிய மாவீரன் திரைப்படம் பல இடங்களில் ஓடிக் கொண்டிருக்கிறது. இந்நிலையில் மாவீரன் படத்தில் முக்கியமான கதாபாத்திரத்தில் நடித்த நடிகர் அருவி மதன் அவர்கள் மாவீரன் படம் குறித்து பல சுவாரஸ்யமான தகவல்களை பகிர்ந்து கொண்டார். அதில் படத்தில் இடம் பெற்ற முக்கியமான போட் காட்சி குறித்து கேட்கையில் அவர்,

"கடலுக்கு நடுவுல அந்த சீன் எடுக்கனும் னு ஒரு 4,5 மாசமா திட்டம் போட்டாங்க.  அது சில காரணத்தால் பண்ண முடியாம போச்சு.. அதுக்கப்பறம் பாண்டிச்சேரியில தான் அதை எடுத்தோம். வெளிய போட் மாதிரி செட் போட்டு அந்த சண்டை காட்சி எடுத்து மறுபடியும் கடலுக்கு நடுவுல 3,4 நாள் அதை எடுத்தோம்.  படத்தில் கிட்டத்தட்ட எல்லா சண்டையும் 15 நாள் எடுத்துச்சு.. அது மிகப்பெரிய விஷயம்" என்றார் அருவி மதன்.

அதை தொடர்ந்து மாவீரன் படத்தில் இடம்பெற்ற மக்கள் மாளிகை என்ற குடியிருப்பு பகுதி குறித்த கேட்கையில், "நீங்கள் படத்தில் பார்த்த வீடு செட் போட்டது. கிட்டத்தட்ட 2 அடுக்கு செஞ்சாங்க..   வெளியிலருந்து வர காட்சிகள் எண்ணூர் உண்மையான குடியிருப்பு பகுதியில் எடுத்தார்கள். அதுலையும் நிறைய இடத்துக்கு பெயிண்ட் பண்ணி, பர்மிஷன் வாங்கி கஷ்டபட்டு பண்ணாங்க.." என்றார் நடிகர் அருவி மதன்.

மேலும் பிரபல நடிகர் அருவி மதன் அவர்கள் சிவகார்த்திகேயனின் மாவீரன் படம் குறித்து பகிர்ந்து கொண்ட சுவராஸ்யமான தகவல் கொண்ட முழு வீடியோ இதோ..