sexual assault தமிழ் செய்திகள்

8 வயது சிறுமியை மிரட்டி பாலியல் பலாத்காரம் செய்த இளைஞரை போலீசார் போக்சோ சட்டத்தின் கீழ் கைது செய்தனர்.

விழுப்புரம் மாவட்டம் கள்ளக்குறிச்சி அடுத்துள்ள கிராமத்தைச் சேர்ந்த பள்ளிக்குச் செல்லும் 8 வயது சிறுமி, இன்று பள்ளி விடுமுறை தினம் என்பதால், அப்பகுதியில் விளையாடிக்கொண்டிருந்தார். 

அப்போது, சிறுமியை பாலியல் சீண்டலோடு அணுகிய 21 வயது கருணாகரன் என்ற காமுகன், சிறுமி விளையாடிக்கொண்டிருக்கும் அருகில் உள்ள பெட்டிக்கடையில், மிட்டாய் மற்றும் சிறுமிக்குப் பிடிக்கும் தின்பண்டங்கள் எல்லாம் வாங்கித் தந்து, சிறுமியைத் தனியாக அழைத்துச் சென்றுள்ளார்.

ஆள் நடமாட்டம் இல்லாத இடத்திற்குச் சிறுமியை அழைத்துச் சென்றதும், 8 வயது சிறுமி என்று கூட பாராமல், அங்குச் சிறுமியை மிரட்டி பலவந்தமாக பாலியல் பலாத்காரம் செய்துள்ளார். மேலும், இது குறித்து வெளியே சொன்னால், கொலை செய்துவிடுவேன் என்றும், அவர் மிரட்டி அனுப்பி உள்ளார்.

இதனையடுத்து, அழுதுகொண்டே வீடு திரும்பிய சிறுமியிடம் பெற்றோர்கள் விசாரித்துள்ளனர். இதனால், அழுதுகொண்டே நடந்ததையெல்லாம் சிறுமி கூறவே, சிறுமியின் பெற்றோர் காவல் நிலையத்தில் புகார் அளித்தனர். இது தொடர்பாக வழக்குப் பதிவு செய்த போலீசார், போக்சோ சட்டத்தின் கீழ் வழக்குப் பதிவு செய்து  à®•à®°à¯à®£à®¾à®•à®°à®©à¯ˆà®•à¯ கைது செய்து சிறையில் அடைத்தனர். 

இதனிடையே, 8 வயது சிறுமியை, இளைஞர் ஒருவர் பாலியல் பலாத்காரம் செய்தது, அப்பகுதி மக்களிடையே அதிர்ச்சியை ஏற்படுத்தி உள்ளது.
 

ஐதராபாத்தில் கூட்டுப் பலாத்காரம் செய்யப்பட்ட பெண்ணுக்குப் பஞ்சாயத்து பேசிய ஊர் பெரியவர்கள் 9 பேர் கைது செய்யப்பட்டனர்.

ஐதராபாத் ரச்சகொண்டா பகுதியில் பிரசாந்த் ரெட்டி என்பவருக்குச் சொந்தமான கோழிப்பண்ணையில்,  à®ªà®´à®™à¯à®•à¯à®Ÿà®¿à®¯à®¿à®©à®ªà¯ பெண்ணும், அவரது கணவரும், இவர்களுடன் சுரேஷ் என்பவரும் பணியாற்றி வந்தனர். 

இந்நிலையில், கோழிப்பண்ணையில் கோழிகளுக்கு உணவு வாங்கியதில் முறைகேடு நடந்ததாகப் புகார் எழுந்தது. இது தொடர்பாக சுரேஷ் என்பவரை, பண்ணை ஆட்கள் கடுமையாகத் தாக்கி உள்ளனர். 

இதனையடுத்து, கோழிகளுக்கு உணவு அளித்த பழங்குடியினப் பெண்ணை, பிரசாந்த் ரெட்டி  à®‰à®Ÿà¯à®ªà®Ÿ மொத்தம் 5 பேர் சேர்ந்து கூட்டுப் பாலியல் பலாத்காரம் செய்துள்ளனர். மேலும், அந்த பெண்ணின் கணவரைத் தனி அறையில் அடைத்து வைத்து, கடுமையாகத் தாக்கி உள்ளனர். 

இதனைத்தொடர்ந்து, பழங்குடியினப் பெண்ணின் கணவரைத் தனியாக அழைத்து, பஞ்சாயத்துப் பேசி அவருக்கு 2 லட்சத்து 50 ஆயிரம் ரூபாய் பணம் தருவதாகவும் கூறி, அவரை மிரட்டி கையெழுத்து வாங்கி உள்ளனர்.

இதனால், அதிர்ச்சியடைந்த பாதிக்கப்பட்ட பெண்ணும், அவரது கணவரும் போலீசாரிடம் புகார் அளித்தனர். இதனையடுத்து, கூட்டுப் பாலியல் பலாத்காரத்தில் ஈடுபட்ட பிரசாந்த் ரெட்டி உட்பட 5 பேரையும் போலீசார் கைது செய்தனர். 

அத்துடன், பாதிக்கப்பட்டவர்களை மிரட்டி பஞ்சாயத்து பேசிய ஊர் தலைவர்கள் மற்றும் பெரியவர்கள் உட்பட மொத்தம் 9 பேரை போலீசார் கைது செய்தனர். மேலும், தலைமறைவாக உள்ள சந்திரசேகர் ரெட்டியை போலீசார் தேடி வருகின்றனர்.

ஓடும் காரில் இளம் பெண் கூட்டுப் பாலியல் பலாத்காரம் செய்யப்பட்டு ரோட்டில் வீசப்பட்ட சம்பவம் அதிர்ச்சியை ஏற்படுத்தி உள்ளது.

திரிபுரா மாநிலம் அகர்தாலாவில் உள்ள படர்காட் பகுதியில் 32 வயது குடும்ப பெண் ஒருவர், தனது மகளுக்கு உடல் நிலை சரியில்லை என்று அந்த பகுதியில் உள்ள மருத்துவமனையில் அனுமதித்துள்ளார். 

சம்பவத்தன்று, மருத்துவமனைக்குச் சென்று தனது மகளைப் பார்த்துவிட்டு, வீட்டில் பொருட்களை எடுத்துவருவதற்காக வீடு திரும்பிக்கொண்டிருந்தார். அப்போது, அந்த பகுதியில் உள்ள வழக்கமாகச் செல்லும் ஆட்டோ ரிக் ஷாவில் ஏறியுள்ளார். ஆனால், அந்த ஓட்டுநர் எப்போதும் செல்லும் வழியில் செல்லாமல், புதிய வழியில் சென்றுள்ளார். 

இதனால், சந்தேகமடைந்த அந்த பெண், வண்டியை நிறுத்தச் சொல்லி சத்தம் போட்டிருக்கிறார். அதற்கு, எப்போதும் செல்லும் வழியில் ஏதோ பிரச்சனை இருப்பதால், இந்த புதிய வழியில் வருவதாகச் சொல்லியிருக்கிறார். ஆனால், அடுத்த சில நிமிடங்களில் அந்த வண்டியில் வேறு சிலர் ஏறி, அந்த பெண்ணை ஒரு காரில் கடத்தி உள்ளனர்.

இதனையடுத்து, காரிலேயே அந்த பெண்ணை 9 பேர் மாறி மாறி பாலியல் பலாத்காரம் செய்துள்ளனர். இதனையடுத்து, கொடூரத்தின் உச்சமாக ஓடும் காரிலிருந்தே அந்த பெண்ணை ரோட்டிலியே தூக்கி வீசிவிட்டுச் சென்றுவிட்டனர். அப்போது, இதைப் பார்த்தவர்கள் போலீசாருக்கு தகவல் தெரிவித்துள்ளனர். 

இது குறித்து விரைந்து வந்த போலீசார், மயங்கிக் கிடந்த  à®ªà¯†à®£à¯à®£à¯ˆ மீட்டு, அருகில் உள்ள மருத்துவமனையில் அனுமதித்தனர். பின்னர், அந்த பெண்ணின் கணவர் அளித்த புகாரின் பேரில் வழக்கு பதிவு செய்த போலீசார், அந்த பகுதியில் உள்ள சிசிடிவி காட்சிகளை ஆராய்ந்து, ஆட்டோ ரிக் ஷா ஓட்டுநர் பிரதீப் தாஸ், ராதாப் தாஸ் உள்ளிட்ட 6 பேரை அதிரடியாகக் கைது செய்தனர். மேலும், இந்த வழக்கில் தொடர்புடைய 3 பேரைத் தேடி வருகின்றனர். 

இதனிடையே, ஓடும் காரில் இளம் பெண் கூட்டுப் பாலியல் பலாத்காரம் செய்யப்பட்டு ரோட்டில் தூக்கி வீசப்பட்ட சம்பவம் திரிபுரா மாநிலத்தில் அதிர்ச்சியை ஏற்படுத்தி உள்ளது.

கல்லூரி பெண்களை மிரட்டி பாலியல் பலாத்காரம் செய்து, பணம் கேட்டு மிரட்டிய இளைஞரை போலீசார் அதிரடியாகக் கைது செய்தனர்.

சேலம் மாவட்டம் மேட்டூரைச் சேர்ந்த சபரி அபிஷேக் என்ற இளைஞர், கல்லூரி மாணவிகளைக் காதலிப்பது போல், தொடர்ந்து பலரையும் ஏமாற்றி வந்துள்ளார். மாணவிகளைக் காதலிப்பதுபோல் ஆசைவார்த்தை கூறி, அவர்களைக் கல்லூரியை கட் அடிக்க வைத்து, வெளியூரில் உள்ள நட்சத்திர விடுதிகளுக்கு அழைத்துச் சென்று அவர்களுடன் உல்லாசம் அனுபவித்துள்ளார். அத்துடன், அந்த உல்லாச காட்சிகளை அவர்களுக்கேத் தெரியாமல் தனது செல்போனில் வீடியோவும் எடுத்துக்கொண்டுள்ளார். 

பின்னர், தனக்கு ஆசை வரும்போதெல்லாம் அந்த பெண்களை மிரட்டியே, தனது இச்சைகளைத் தீர்த்துக்கொண்டுள்ளார். ஒருகட்டத்தில், காதலிப்பதுபோல் ஏமாற்றி, ஆபாசப்படம் எடுத்த பெண்களிடமும் பணம் கேட்டு மிரட்டி உள்ளார். 

அதன்படி, அவரிடம் சிக்கிக்கொண்ட ஒரு கல்லூரி மாணவியைச் சந்திப்பதற்காகக் கடந்த 22 ஆம் தேதி சேலம் திருவகவுண்டனூருக்கு அந்த இளைஞர் வரச்சொல்லி மிரட்டி உள்ளார். அப்போது, அந்த மாணவியின் செயல்பாடுகளில் சந்தேகமடைந்த அவரது பெற்றோர்கள், மாணவியை அவருக்கேத் தெரியாமல் பின்தொடர்ந்துள்ளனர். அப்போது, இருவரையும் திருவகவுண்டனூரில் கையும் களவுமாகப் பிடித்து, அந்த இளைஞரை எச்சரித்துள்ளனர். 

அப்போது, தன்னை காதலித்து ஏமாற்றிவிட்டு தன்னை ஆபாசப்படம் எடுத்து மிரட்டுவதாக அந்த இளம் பெண், தனது பெற்றோரிடம் கண்ணீர் மல்கக் கூறியுள்ளார். இதனால், கடும் அதிர்ச்சியடைந்த இளம் பெண்ணின் பெற்றோர், சேலம் மாநகர காவல் ஆணையரிடம் புகார் அளித்துள்ளனர். இதனையடுத்து, வழக்குப் பதிவு செய்த போலீசார், தனிப்படை அமைத்து, அந்த இளைஞரைக் கைது செய்தனர்.

அதனைத்தொடர்ந்து, சபரி அபிஷேக்கிடம் விசாரணை நடத்தி, அவனது செல்போனை ஆய்வு செய்தனர். அதில் பல கல்லூரி இளம் பெண்களுடைய ஆபாச படங்களும், அவர்களைக் கட்டாயப்படுத்தி பாலியல் பலாத்காரம் செய்த வீடியோவும் இருந்தது கண்டுபிடிக்கப்பட்டது. மேலும், ஆபாச படம் எடுத்து அனைத்து பெண்களையும், அவர் பணம் கேட்டு மிரட்டி உள்ளதும் விசாரணையில் தெரியவந்தது. à®ªà®¿à®©à¯à®©à®°à¯, சேலம் நீதிமன்றத்தில் ஆஜர்படுத்தப்பட்டு, சபரி அபிஷேக்கை மத்தியச் சிறையில் அடைத்தனர். 

பொள்ளாச்சி பாலியல் பலாத்கார சம்பவம் போல், சேலத்திலும் கல்லூரி பெண்களைக் குறிவைத்து, இளைஞர் ஒருவர் ஆபாச படம் எடுத்து பணம் கேட்டு மிரட்டிய சம்பவம் அதிர்ச்சியை ஏற்படுத்தி உள்ளது.
 

16 வயது சிறுமியைக் கூட்டுப் பாலியல் பலாத்காரம் செய்த காதலன் உட்பட 4 பேரை போலீசார் கைது செய்தனர்.

தூத்துக்குடி மாவட்டம் விளாத்திகுளம் அடுத்த வடக்கு செவல் கிராமத்தைச் சேர்ந்த  20 வயதான  à®šà¯à®°à¯‡à®·à¯à®•à¯à®®à®¾à®°à¯, அதே பகுதியில் உள்ள 16 வயது இளம் பெண்ணை காதலித்துள்ளார். 

இருவரும் காதலித்து வந்த நிலையில், ஒரே நேரத்தில்  à®šà¯à®°à¯‡à®·à¯à®•à¯à®®à®¾à®°à¯ மற்றொரு பெண்ணையும் காதலித்து வந்தது, எப்படியோ அந்த இளம் பெண்ணுக்குத் தெரிந்துவிட்டது. இதனால், அந்த இளம் பெண், சுரேஷ்குமாருடன் உள்ள காதலை முறித்துக்கொண்டார். 

இதனையடுத்து, அந்த பெண்ணிடம் பேச வேண்டும் என்றும், மன்னிப்பு கேட்க வேண்டும் என்றும் கூறி அப்பெண்ணைத் தனியாக வரவழைத்துள்ளனர். அந்த பெண்ணும் இவர்களை நம்பி தனியாக வந்துள்ளனர். 

அப்போது காதலன் சுரேஷ்குமாருடன் அவனது நண்பர்களான ராமலிங்கம், அழகுராஜா, ராமச்சந்திரன் ஆகியோர் கூட்டாகச் சேர்ந்து அந்த 16 வயது சிறுமியைக் கூட்டுப் பாலியல் பலாத்காரம் செய்துள்ளனர். இதில், அந்த சிறுமி மயங்கியுள்ளார்.

இதனைத்தொடர்ந்து, அவர்கள் 4 பேரும் தப்பி ஓடியுள்ளனர். பின்னர் கண்விழித்து சிறுமி, மயங்கிய நிலையிலேயே தனது பெற்றோரிடம் நடந்ததைக் கூறியுள்ளார். இது தொடர்பாகச் சிறுமியின் பெற்றோர் அளித்த புகாரின்பேரில், வழக்குப் பதிவு செய்த போலீசார், காதலன் உட்பட 4 பேரையும் போக்சோ சட்டத்தின் கீழ் கைது செய்து சிறையில் அடைத்தனர்.

இதனிடையே, பாலியல் பலாத்காரம் செய்யப்பட்ட மாணவி விளாத்திகுளம் அரசு மருத்துவமனையில் அனுமதிக்கப்பட்டு, அவருக்குச் சிகிச்சை அளிக்கப்பட்டு வருகிறது. இதனிடையே, சிறுமியைக் காதலன் உட்பட 4 பேர் கூட்டாகச் சேர்ந்த பாலியல் பலாத்காரம் செய்தது, அப்பகுதி மக்களிடையே கடும் அதிர்ச்சியையும், அச்சத்தையும் ஏற்படுத்தி உள்ளது.

திருச்சியில் மகளின் தோழியை பாலியல் பலாத்காரம் செய்தவருக்கு 12 ஆண்டுகள் சிறைத் தண்டனை விதிக்கப்பட்டுள்ளது.

திருச்சி திருவானைக்காவல் மணல்மேல் பகுதியைச் சேர்ந்த நடராஜன், பரோட்டா மாஸ்டராக பணியாற்றி வந்துள்ளார். இவருக்குத் திருமணமாகி மனைவி மற்றும் 15 வயதில், 10 ஆம் வகுப்பு படிக்கும் மகளும் இருக்கிறார்.

10 ஆம் வகுப்பு படித்து வரும் மகளுடன், அதே பகுதியைச் சேர்ந்த 15 வயது இளம் பெண் ஒருவர், தோழியாக நெருங்கிப் பழகி வந்துள்ளார். அந்த பெண்ணின் வீடும் அருகிலேயே இருப்பதால், அடிக்கடி நடராஜன் வீட்டிற்கு வந்து, தனது தோழியுடன் நெருங்கிப் பேசுவதும், அங்கேயே சாப்பிடுவதுமாக இருந்துள்ளார்.

இதனையடுத்து, மகளின் தோழி மீது நடராஜனுக்கு மோகம் ஏற்பட்டு, அவரை அடைந்துவிட வேண்டும் என்று திட்டம் போட்டுள்ளார். இந்நிலையில், வீட்டில் மனைவி மற்றும் மகள் இல்லாத நேரத்தில், அந்த இளம் பெண்ணை வீட்டிற்கு வரவைத்து, அவரை கட்டாயப்படுத்தி உல்லாசம் அனுபவித்துள்ளார். இதனால், நாளடைவில் அந்த பெண் கருவுற்றார். 

இளம் பெண் கருவுற்ற விசயம், அவரது பெற்றோருக்குத் தெரியவரவே, கடும் அதிர்ச்சியடைந்தனர். இதனையடுத்து, அந்த பெண்ணிடம் கேட்டபோது, அவர் நடந்ததைக் கூறியுள்ளார். இது தொடர்பாக இளம் பெண்ணின் பெற்றோர் காவல் நிலையத்தில் புகார் அளித்தனர். இந்த சம்பவம் கடந்த 2017 ஆம் ஆண்டு நடந்த நிலையில், இது தொடர்பான வழக்கு விசாரணை நீதிமன்றத்தில் நடைபெற்று வந்தது. 

இந்த வழக்கு தொடர்பாக இதுவரை அரசு தரப்பில் 16 சாட்சிகளிடம் விசாரணை நடத்தப்பட்டதில், தோழியின் தந்தை நடராஜன் தான் குற்றவாளி என்பதை நீதிமன்றம் உறுதி செய்தது. இதனையடுத்து, நடராஜனுக்கு 12 ஆண்டுகள் சிறைத் தண்டனை விதித்து, நீதிபதி உத்தரவிட்டார். இதனையடுத்து, அவர் சிறையில் அடைக்கப்பட்டார்.

சிறுமியை பாலியல் பலாத்காரம் செய்த இளைஞருக்கு இரட்டை ஆயுள் தண்டனை வழங்கப்பட்டுள்ளது.

கோவை மாவட்டம் மோத்தேபாளைய, ஏ.டி.காலணியைச் சேர்ந்த தினேஷ்குமார், கடந்த 2 ஆண்டுகளுக்கு முன்பு, 16 வயது சிறுமியை அங்குள்ள தோட்டத்தில் பாலியல் பலாத்காரம் செய்துவிட்டு கொலை செய்துள்ளார்.

இது தொடர்பாக வழக்குப் பதிவு செய்த போலீசார், குற்றவாளி தினேஷ்குமார் தான் என்பதை உறுதி செய்து, கைது செய்தனர். இது தொடர்பான வழக்கு கடந்த 2 வருடங்களாக நடைபெற்று வந்த நிலையில், அரசு தரப்பில் இதுவரை 18 சாட்சியங்கள் விசாரிக்கப்பட்டு, தீர்ப்பு வழங்கப்பட்டது.

அதன்படி, இந்த வழக்கில் தினேஷ்குமார் மீது குற்றச்சாட்டு நிரூபிக்கப்பட்டதால், போக்ஸோ சட்டத்தின்படி ஒரு ஆயுள் தண்டனையும், சிறுமியைக் கொலை செய்தமைக்கு ஒரு ஆயுள் தண்டனையும், தடயங்களை மறைத்தமைக்காக 7 ஆண்டுகள் சிறைத் தண்டனை என 3 பிரிவின் கீழ் தண்டனை வழங்கப்பட்டுள்ளது.

மேலும், ஒவ்வொரு பிரிவிற்கும் தலா ஆயிரம் ரூபாய் வீதம் மொத்தம் 3 ஆயிரம் ரூபாய் அபராதமும் விதிக்கப்பட்டுள்ளது. இதனையடுத்து, தினேஷ்குமார் கோவை மத்தியில் சிறையில் அடைக்கப்பட்டார். இதனிடையே, சிறுமி பலாத்காரம் செய்யப்பட்டு கொலை செய்யப்பட்ட வழக்கில், இளைஞருக்கு இரட்டை ஆயுள் தண்டனை வழங்கப்பட்டுள்ளது பரபரப்பை ஏற்படுத்தி உள்ளது.

 à®¤à®¨à¯à®¤à¯ˆà®¯à¯‡ மகளை 2 வருடமாக பாலியல் பலாத்காரம் செய்த சம்பவம் அதிர்ச்சியையும் சோகத்தையும் ஏற்படுத்தி உள்ளது.

ஆந்திரா மாநிலம் விசாகப்பட்டினத்தில் 35 வயது தந்தை, தனது 14 வயது மகளைக் கடந்த 2 ஆண்டுகளாகத் தொடர்ந்து பாலியல் பலாத்காரம் செய்து துஷ்பிரயோகம் செய்ததாகக் கூறப்படுகிறது. கணவன் - மனைவிக்குள் சண்டை வந்து, அவருடைய மனைவி கடந்த 2 ஆண்டுகளாகப் பிரிந்து சென்றுள்ளார். இந்நிலையில், அவருடைய 14 வயது மகள், கடந்த 2 ஆண்டுகளாகத் தந்தையுடன் வளர்ந்து வருகிறார்.

அந்த மாணவி விசாகப்பட்டினத்தில் உள்ள அரசுப் பள்ளியில் 8 ஆம் வகுப்பு படித்து வருகிறார். தந்தை, தினசரி கூலித் தொழிலாளியாக பணிபுரிந்து வருகிறார்.

இந்நிலையில், மனைவியைப் பிரிந்த ஏக்கத்தில் வாழ்ந்து வந்த கணவன், தன்னுடைய மகள் என்று கூட பாராமல், கடந்த இரண்டு ஆண்டுகளாகத் தொடர்ந்து மகளைக் கட்டாயப்படுத்தி பாலியல் பலாத்காரத்தில் ஈடுபட்டுள்ளார்.

இதனைத்தொடர்ந்து கடந்த சில வாரங்களுக்கு முன்பு, பிரிந்து சென்ற மனைவி, மீண்டும் வந்து கணவனுடன் இணைந்து சேர்ந்து வாழத் தொடங்கினார். இந்நிலையில், மனைவி வெளியே சென்றிருந்த நேரத்தில், கணவன் தன்னுடைய 14 வயது மகளை மீண்டும் பாலியல் பலாத்காரம் செய்துகொண்டிருந்தார். அப்போது வீட்டிற்கு நுழைந்த அவருடைய மனைவி, இதைப் பார்த்து கடும் அதிர்ச்சியடைந்தார்.

இது தொடர்பாகக் கணவனிடம் சண்டை போடவும், அவர் வீட்டை விட்டு வெளியே ஓடிவிட்டார். இதனையடுத்து, மகளிடம் விசாரித்தபோது, கடந்த 2 ஆண்டுகளாகத் தனது தந்தை தன்னை கட்டாயப்படுத்தி, பாலியல் பலாத்காரம் செய்வதாகக் குறி அழுதுள்ளார். பின்னர் மனைவி அளித்த புகாரின் பேரில், போலீசார் போக்சோ சட்டத்தின் கீழ் வழக்குப் பதிவு செய்து, தலைமறைவாக இருக்கும் சிறுமியின் தந்தையைத் தேடி வருகின்றனர்.

உத்தரப் பிரதேசத்தில் கொடூரத்தின் உச்சத்தில் சிறுமி வன்புணர்வு செய்யப்பட்டு கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது.

உத்தரப் பிரதேச மாநிலம் ஜாலன் மாவட்டத்தில் உள்ள ஆட்டா கிராமத்தில், பட்டியல் இனத்தைச் சேர்ந்த 14 வயது சிறுமி, கடந்த 31 ஆம் தேதி இரவு வீட்டிலிருந்து, கடைக்கு வெளியே சென்றுள்ளார்.

இந்நிலையில், வெகு நேரமாகியும் அவர் வீடு திரும்பாததால், அவரது பெற்றோர் அச்சமடைந்து போலீசில் புகார் அளித்தனர். இதனையடுத்து, வழக்குப் பதிவு செய்த போலீசார், சிறுமியைத் தீவிரமாகத் தேடிவந்தனர்.

இதனையடுத்து கடந்த 1 ஆம் தேதி ஞாயிற்றுக்கிழமை, ஜான்சி காவல்நிலையத்திற்கு உட்பட்ட பகுதியில், மாயமான சிறுமி பாலியல் வன்புணர்வு செய்யப்பட்டு, கண்கள் தோண்டியெடுக்கப்பட்ட நிலையில் கொடூரத்தின் உச்சமாகக் கொலை செய்யப்பட்டு சடலமாகக் கிடந்துள்ளார்.

சிறுமியின் உடலை மீட்ட போலீசார், பிரேதப் பரிசோதனைக்காக மருத்துவமனைக்கு அனுப்பிவைத்தனர். அத்துடன், போலீசார் நடத்திய விசாரணையில், அதே பகுதியைச் சேர்ந்த ரஞ்சித் அஹிர்வாரைப் பிடித்து விசாரித்து வருகின்றனர். இவர் மீது பல்வேறு குற்ற வழக்குகளும், பாலியல் வழக்குகளும் நிலுவையில் உள்ளது குறிப்பிடத்தக்கது.

பொள்ளாச்சி பாலியல் வழக்கில் மணிவண்ணனின் ஜாமீன் மனுவை உயர்நீதிமன்றம் அதிரடியாகத் தள்ளுபடி செய்து உத்தரவிட்டுள்ளது.

கோவை மாவட்டம் பொள்ளாச்சியில் கல்லூரி மாணவிகளைக் குறிவைத்து ஒரு கும்பல் பாலியல் வன்கொடுமை செய்து, அதை வீடியோ படம் எடுத்து மிரட்டி பணம் பறிந்து வந்துள்ளது. இதில், பாதிக்கப்பட்ட ஒரு மாணவி அளித்த புகாரின் பேரில், வழக்குப் பதிவு செய்த போலீசார் திருநாவுக்கரசு, சபரிராஜன் உள்ளிட்ட 4 பேரைக் கைது செய்தனர்.

இதனையடுத்து, இந்த வழக்கு சிபிஐக்கு மாற்றப்பட்ட நிலையில், இந்த வழக்கில் மணி என்ற மணிவண்ணனை சிபிஐ அதிகாரிகள் கைது செய்தனர். இதனையடுத்து, தனக்கு ஜாமீன் வேண்டும் என்று அவர் தாக்கல் செய்த மனுவை, கோவை மாவட்ட அமர்வு நீதிமன்றம் தள்ளுபடி செய்தது. இதனைத்தொடர்ந்து, ஜாமீன் கேட்டு சென்னை உயர் நீதிமன்றத்தில் மனுத் தாக்கல் செய்திருந்தார்.

இந்த மனு நீதிபதி ஜி.கே.இளந்திரையன் முன்பு விசாரணைக்கு வந்தது. வழக்கை விசாரித்த நீதிபதி, மணிக்கு ஜாமீன் வழங்க மறுத்து, அவரது மனுவை அதிரடியாகத் தள்ளுபடி செய்து உத்தரவிட்டார்.

இதனிடையே, மணியின் ஜாமீன் மனுவைக் கோவை மாவட்ட அமர்வு நீதிமன்றம் தள்ளுபடி செய்திருந்த நிலையில், சென்னை உயர் நீதிமன்றமும் தள்ளுபடி செய்து உத்தரவிட்டுள்ளது.