school teacher தமிழ் செய்திகள்

தமிழ் சினிமாவின் முன்னணி நகைச்சுவை நடிகர்களில் ஒருவராக நட்சத்திர நாயகர்கள் அனைவருடனும் இணைந்து நடித்து புகழ்பெற்ற நடிகர் சூரி தற்போது தனது புது பரிமாணத்தை காட்டியிருக்கிறார். ஆம் முதல் முறையாக இயக்குனர் வெற்றிமாறன் அவர்களோடு கைகோர்த்து நடிகர் சூரி விடுதலை திரைப்படத்தில் கதையின் நாயகனாக மிகவும் அழுத்தமான காவலராக குமரேசன் எனும் கதாபாத்திரத்தில் நடித்துள்ளார். எழுத்தாளர் ஜெயமோகன் அவர்களின் துணைவன் சிறுகதையை தழுவி இரண்டு பாகங்களாக இயக்குனர் வெற்றிமாறன் இயக்கியுள்ள இந்த விடுதலை திரைப்படத்தை ஆர் எஸ் இன்ஃபோடைன்மென்ட் மற்றும் கிராஸ் ரூட் பிலிம் கம்பெனி ஆகிய நிறுவனங்கள் இணைந்து தயாரித்துள்ளன. கதையின் நாயகனாக சூரி நடிக்க பெருமாள் வாத்தியார் எனும் மிக முக்கிய கதாபாத்திரத்தில் மக்கள் செல்வன் விஜய் சேதுபதி நடித்துள்ளார். மேலும் கௌதம் வாசுதேவ் மேனன், ராஜீவ் மேனன், சேத்தன், பவானி ஸ்ரீ, தமிழ் உள்ளிட்ட பலர் முக்கிய கதாபாத்திரங்களில் நடித்துள்ள விடுதலை திரைப்படத்திற்கு இசைஞானி இளையராஜா இசையமைத்துள்ளார்.

தனது ஒவ்வொரு திரைப்படங்களையும் சிறந்த படைப்புகளாக வழங்கி வரும் இயக்குனர் வெற்றிமாறன் இதுவரை தான் கொடுத்த திரைப்படங்களிலேயே மிகச் சிறந்த அனுபவமாக இருக்கும் வகையில் விடுதலை திரைப்படத்தை செதுக்கியிருக்கிறார் என்று தான் சொல்ல வேண்டும். ஆரம்பக் காட்சியில் வரும் எட்டு நிமிட சிங்கிள் ஷாட் ரயில் விபத்து காட்சி ஒன்றே அதற்கு உதாரணம். R.வேல்ராஜின் அற்புதமான ஒளிப்பதிவும் இயக்குனர் ஜாக்சன் அவர்களின் கச்சிதமான கலை இயக்கமும் விடுதலை திரைப்படத்தை இன்னும் தத்ரூபமாக நம்மை உணர வைக்கிறது. ரெட் ஜெயன்ட் மூவிஸ் நிறுவனம் வெளியிட விடுதலை பாகம் 1 திரைப்படம் கடந்த மார்ச் 31ம் தேதி வெளியாகி ரசிகர்களிடையே மிகப்பெரிய வரவேற்பை பெற்றுள்ளது. நகைச்சுவை நடிகர் என்ற அடையாளத்தில் இருந்து முற்றிலும் மாறுபட்டு தேர்ந்த நடிகராக புது அவதாரம் எடுத்துள்ள நடிகர் சூரியை அனைவரும் பாராட்டி வருகின்றனர்.

இதனிடையே நமது கலாட்டா தமிழ் சேனலில் நடைபெற்ற சூரி ரசிகர்கள் கொண்டாட்டம் நிகழ்ச்சியில் கலந்து கொண்ட சூரிக்கு சர்ப்ரைஸ் கொடுக்கும் விதமாக அவருடைய ரியல் பள்ளிக்கூட வாத்தியார் திரு.தமிழரசன் ஐயா அவர்கள் கலந்து கொண்டு பல சுவாரஸ்யமான தகவல்களை பகிர்ந்து கொண்டார். அந்த வகையில், “பாடம் சொல்லிக் கொடுத்துக் கொண்டிருக்கும் போது, A,B சொல்லும்போது அது அவருக்கு சுத்தமாகவே வராது. A என்றால் ஏ என (ஏளனமாக) சொல்வார். அதைத்தான் சொல்வார் சினிமாவில் எனக்கு ஆங்கிலம் சுத்தமாக வராது என்று,” என சொல்ல இடையில் குறுக்கிட்ட நடிகர் சூரி நகைச்சுவையாக, “என்ன பண்றது சார் எல்லோருக்கும் நல்ல வாத்தியார் கிடைத்தார்கள்…” என சொல்ல அரங்கமே கைத்தட்டலாலும் சிரிப்பாலும் அதிர்ந்தது. தொடர்ந்து பேசிய தமிழரசன் ஐயா அவர்கள், “நடக்கும் போது பார்த்தீர்கள் என்றால்?” என பள்ளி பருவத்தில் சூரி நடக்கும் விதத்தை தத்ரூபமாக நடந்து காட்டினார். பின்னர், “இன்னும் அந்த ஸ்டைல் படங்களில் இருக்கிறது. எனக்கு பார்த்த உடனே புல்லரித்து போய்விட்டது.” என்றார். சமூக வலைதளங்களில் வைரலாகி வரும் இந்த சூரி ரசிகர்கள் கொண்டாட்டத்தில் வாத்தியார் தமிழரசன் ஐயா கலந்து கொண்ட முழு வீடியோ இதோ…
 

தமிழ் சினிமாவில் துணை நடிகராக அறிமுகமாகி பின் நகைச்சுவை நடிகராக பல படங்களில் ஜொலித்தவர் நடிகர் சூரி. தமிழ் சினிமாவில் உச்ச நடிகர்களான ரஜினி, அஜித், விஜய், சூர்யா, கார்த்தி, சிவா கார்த்திகேயன், விஜய் சேதுபதி போன்ற பல முன்னணி நடிகர்களின் படங்களில் நகைச்சுவை நடிகராக நடித்து பின் முன்னணி நகைச்சுவை நடிகராக வலம் வந்த சூரி. இந்தியாவின் முக்கியமான இயக்குனர் வெற்றிமாறன் இயக்கத்தில் அட்டகாசமான கிரைம் திரில்லர் திரைப்படங்களாக உருவான விடுதலை படத்தின் மூலம் தமிழ் சினிமாவில் கதாநாயகனாக அறிமுகமாகியுள்ளார். கதையின் நாயகனாக சூரி நடித்து வெளியாகிருக்கும் விடுதலை திரைப்படம் ரசிகர்கள் மத்தியில் மிகப்பெரிய வரவேற்பை பெற்று சூரியின் நடிப்பை கொண்டாடி வருகின்றனர். இந்நிலையில் நமது கலாட்டா தமிழ் ஏற்பாடு செய்திருந்த சிறப்பு பேட்டியில் நடிகர் சூரி கலந்து கொண்டு அவரது திரைப்பயணம் மற்றும் விடுதலை படம் குறித்த அனுபவத்தை பகிர்ந்து கொண்டார்.

இதில் நடிகர் சூரியின் பள்ளி வாத்தியார் இந்த சிறப்பு பேட்டியில் சர்ப்ரைஸாக வருகை தந்து சூரிக்கு இன்பதிர்சியை கொடுத்து அவரது பள்ளி பருவ அனுபவங்களை பகிர்ந்தார். மேலும் சூரி அவர்களை பற்றி தமிழரசன் வாத்தியார் கூறியது,

" நான் உட்கார்ந்துட்டு இருக்கேன். இங்க இருக்கேன்னா.. மேல உட்கார்ந்துட்டு இருக்கேன்னா னு தெரியல.. வானத்துல பறந்துட்டு இருக்கனானு எனக்கு தெரியல.‌ அந்த அளவுக்கு எனக்கு மகிழ்ச்சி..  இப்படி உங்கள இந்த சூழ்நிலையில பார்த்துட்டு அவன் இவன் னு சொல்ல கூடாது.. சூரி அவர்களை நினைச்சு நான் ரொம்ப மகிழ்ச்சியாக இருக்கிறேன்.. இந்தியாவில் இருக்கும் எத்தனை விருதுகள் இருந்தாலும் அது சூரி கண்டிப்பா பெற வேண்டும்.‌ எனக்கு வயது இருந்தால் சூரி தாதா சாகேப் பால்கே விருது வாங்குவதை நான் பார்த்துட்டு தான் சாகனும்.." என்றார்.

மேலும் இந்த நிகழ்வு குறித்து நடிகர் சூரி, "ஒரே வார்த்தையில சொல்லனும்னா நம்ம தாய், தகப்பனுக்கு அடுத்து வாத்தியார் தான். அதே மாதிரி ஒரு மாணவர் எவ்ளோ தூரம் கடந்து போய் திரும்பி பார்க்கும் போது அவனுக்கு வாத்தியார் உருவம் வந்தால் அதைவிட சந்தோஷம் எதுவும் இல்ல.." என்றார்.

மேலும் நடிகர் சூரி தனது ரசிகர்களின் முன்னிலையில் பகிர்ந்து கொண்ட சுவாரஸ்யமான அனுபவம் குறித்து பேசிய முழு வீடியோ இதோ..

தமிழ் சினிமாவில் இதுவரை முன்னணி நகைச்சுவை நடிகராக வலம் வந்த நடிகர் சூரி இதற்கு மேல் தேர்ந்த நடிகர் என சொல்லும் அளவிற்கு விடுதலை திரைப்படத்தில் அசாத்தியமான நடிப்பை வெளிப்படுத்தி இருக்கிறார். முதல் முறையாக இயக்குனர் வெற்றிமாறன் இயக்கத்தில் நடிகர் சூரி கதை நாயகனாக நடித்த விடுதலை திரைப்படத்தில் மக்கள் செல்வன் விஜய் சேதுபதி மிக முக்கிய வேடத்தில் நடித்துள்ளார். எழுத்தாளர் ஜெயமோகன் அவர்களின் துணைவன் நாவலை தழுவி இரண்டு பாகங்களாக இயக்குனர் வெற்றிமாறன் இயக்கத்தில் உருவாகி இருக்கும் இந்த விடுதலை திரைப்படத்தை RS இன்போடைன்மென்ட் நிறுவனம் தயாரிக்க, இயக்குனர் வெற்றிமாறனின் கிராஸ் ரூட் ஃபிலிம் நிறுவனம் வழங்க, ரெட் ஜெயன்ட் மூவிஸ் நிறுவனம் வெளியிட கடந்த மார்ச் 31ஆம் தேதி விடுதலை பாகம் 1 உலகெங்கும் திரையரங்குகளில் ரிலீஸ் ஆனது. தொடர்ந்து தரமான படைப்புகளை வழங்கி வரும் இயக்குனர் வெற்றிமாறனின் அடுத்த ஆகச் சிறந்த படைப்பாக விடுதலை திரைப்படம் வெளிவந்துள்ளது.

படத்தின் ஒவ்வொரு காட்சிகளும் மக்களின் மனதை மிகவும் ஆழமாக பாதித்துள்ளன. எப்படிப்பட்ட சமூகத்தில் நாம் இருக்கிறோம் என்று ஒவ்வொருவரையும் அவர்களுக்குள்ளே கேள்வி கேட்க வைக்கும் வகையில் மேலும் ஒரு அழுத்தமான படைப்பை கொடுத்திருக்கும் இயக்குனர் வெற்றிமாறனுக்கு பாராட்டுக்கள் குவிந்து வருகின்றன. R.வேல்ராஜின் ஒளிப்பதிவில் உருவான இந்த விடுதலை திரைப்படத்திற்கு இசைஞானி இளையராஜா இசையமைத்துள்ளார் என்பது குறிப்பிடத்தக்கது. இது நாள் வரையில் நகைச்சுவை நடிகராக தனக்கென தனி பாணியில் கலக்கி வந்த நடிகர் சூரி அதிலிருந்து முற்றிலுமாக வேறுபட்டு குமரேசன் எனும் கதாபாத்திரத்தில் மிகப் பொருத்தமாக நடித்து ரசிகர்களின் மனதை கொள்ளையடித்துள்ளார். இந்த நிலையில் நமது கலாட்டா தமிழ் சேனலில் நடைபெற்ற சிறப்பு சூரி ரசிகர்கள் கொண்டாட்டம் நிகழ்ச்சியில் கலந்து கொண்ட நடிகர் சூரி ரசிகர்களோடு கலந்துரையாடியதோடு பல சுவாரசியமான தகவல்களை பகிர்ந்து கொண்டார்.

அந்த வகையில் இந்த ரசிகர்கள் சந்திப்பு நிகழ்ச்சியில் திடீரென சர்ப்ரைஸாக நடிகர் சூரியின் பள்ளிக்கூட வாத்தியார் மதிப்பிற்குரிய தமிழரசன் ஐயா அவர்கள் கலந்து கொண்டார். அரங்கத்திற்குள் நுழையும் போதே சூரியின் இயற்பெயரான ராமசாமி என்ற பெயரை சொல்லி அழைத்தபடியே உள்ளே நுழைந்த தமிழரசன் ஐயாவை பார்த்தவுடன் எழுந்து நின்ற சூரி அவரது காலை தொட்டு வணங்கினார். இதனைத் தொடர்ந்து நகர்ந்த அடுத்த ஒவ்வொரு நிமிடங்களும் அரங்கை கரகோஷங்களாலும் சிரிப்பொலியாலும் அதிர வைத்தன என்று தான் சொல்ல வேண்டும். பள்ளிப் பருவத்தில் சூரி செய்த சேட்டைகள் அட்டகாசங்கள் ஒவ்வொன்றையும் அடுக்கடுக்காக அடுக்கிய வாத்தியார் தமிழரசன் ஐயா தொடர்ந்து சூரியை நினைத்து மிகவும் பெருமை கொள்வதாக நெகிழ்ந்து பேசினார். ஒவ்வொரு முறை சூரியை பற்றி தமிழரசன் ஐயா பேசிய போதும் சூரியன் குனிந்து அவரது காலை தொட்டு வழங்கிக் கொண்டே இருந்தார். பின்னர் நிஜத்தில் பள்ளிக்கூடத்தில் பாடம் எடுப்பது போலவே திருக்குறளில் இருந்து 
“ஒழுக்கம் விழுப்பம் தரலான் ஒழுக்கம் 
உயிரினும் ஓம்பப் படும்” 
எனும் குறளை எடுத்து விளக்கி பொருள் கூறிய தமிழரசன் ஐயா அவர்கள் நிஜத்தில் பள்ளிக்கூடத்தில் சேட்டை செய்யும் சூரியை அடிப்பது போலவே அவரது தோளில் அடித்து காதை திருகினார். அதுமட்டுமல்லாது பள்ளிப்பருவத்தில் பாடம் நடத்தும் சமயங்களில் சூரி எந்த மாதிரியான துணியில் பேசுவார் எப்படியாக நடந்து செல்வார் என்பதை கூட தத்துரூபமாக தமிழரசன் அய்யா அவர்கள் செய்து காண்பித்தார். தனது பள்ளிக்கூட வாத்தியார் தமிழரசன் ஐயா அவர்களின் இந்த செயலால் மனம் நெகிழ்ந்த சூரி ஆனந்தத்தில் கண் கலங்கினார். ரசிகர்கள் கொண்டாட்டத்தில் சர்ப்ரைஸாக வருகை தந்த சூரியன் பள்ளிக்கூட வாத்தியார் தமிழரசன் ஐயா அவர்கள் கலந்து கொண்ட இந்த சிறப்பு நிகழ்வின் கலக்கலான வீடியோ இதோ…
 

பெண்களுக்கு தொடர்ந்து நடக்கும் பாலியல் தொல்லைகளுக்கு என்னாளும் ஒரு முடிவு கிடைப்பதே இல்லை. அலுவலகங்களிலும் சரி படிக்கும் கல்லூரி பள்ளிகளிலும் சரி ஏன் குடும்பத்தில் கூட பாலியல் தொல்லை பெண்களை வாட்டி வதைத்துக் கொண்டு தான் இருக்கிறது.தினசரி செய்திகளில் இது சார்ந்து எத்தனை செய்திகளை பார்த்தாலும் நாம் பார்ப்பதும் கேட்பதும் மொத்தத்தில் மிகச் சொற்பமான சதவிகிதம் தான். 

பெரும்பாலான பெண்கள் பெண் குழந்தைகள் இந்த விஷயங்களை வெளியில் சொல்ல பயந்து சொல்லாமல் விடும் வழக்குகள் தான் அதிகம். தற்போது கொரோனா வைரஸ் பரவல் காரணமாக பள்ளி கல்லூரிகள் சரிவர இயங்காமல் இருக்கும் இந்த காலகட்டத்தில் ஆன்லைன் வகுப்புகள் மட்டுமே இயங்குகிறது. இந்த ஆன்லைன் வகுப்புகளின் மூலமும் பெண் குழந்தைகளுக்கு பாலியல் தொல்லை கொடுத்த விவகாரம் தமிழகத்தின் மிகப் பெரிய பரபரப்பை ஏற்படுத்தியுள்ளது. 

தமிழகத்தில் உள்ள ஒரு தனியார்  பள்ளியில் பயிலும் பெண் குழந்தைகளுக்கு ஆசிரியர்  ராஜகோபாலன் பாலியல் தொல்லை கொடுத்து இருப்பது மிகப்பெரிய  அதிர்ச்சியை ஏற்படுத்தியுள்ளது. இது குறித்து பலரும் சமூக வலைதளங்களில் தங்களது கருத்துக்களை பதிவு செய்து வந்த நிலையில் ராட்சசன் திரைப்படத்தின் இயக்குனர் ராம்குமார் இந்த வழக்கு குறித்து பேசியுள்ளார். 

ராம்குமார் இயக்கிய ராட்சசன் திரைப்படத்தில் மாணவிகளுக்கு பாலியல் தொல்லை கொடுக்கும்  இன்பராஜ் என்ற ஆசிரியர் கதாபாத்திரம் அமைக்கப்பட்டிருக்கும் அந்த “இன்பராஜ் கதாபாத்திரம்  சுயமாக உருவாக்கம் செய்யப்படவில்லை, பல உண்மை சம்பவங்களின் அடிப்படையிலேயே உருவாக்கப்பட்டது. அந்த சம்பவங்களின் குற்றவாளிகள் இன்பராஜை விட மோசமானவர்கள்” என தெரிவித்துள்ளார்.

ராட்சசன் இன்பராஜ் கதாபாத்திரம் சுயமாக உருவாக்கம் செய்யபடவில்லை. பல உண்மை சம்பவங்களின் அடிப்படையில்தான் உருவாக்கப்பட்டது. அந்த சம்பவங்களின் குற்றவாளிகள் இன்பராஜை விட மோசமானவர்களாக இருந்தார்கள்!#PSBB https://t.co/cOSvUGWV9Y

— Ramkumar_official (@dir_ramkumar) May 24, 2021

தஞ்சாவூர் அருகே டிரான்ஸ்பர் ஆர்டரைப் பார்த்து அதிர்ச்சி அடைந்த ஆசிரியர் மாரடைப்பால் உயிரிழந்துள்ளார்.

தஞ்சாவூர் மாவட்டம் திருவிடைமருதூர் ஒன்றியத்திற்குட்பட்ட திருபுவனம் கிழக்கு ஊராட்சி ஒன்றிய தொடக்கப்பள்ளியில், இடைநிலை ஆசிரியராகக் கடந்த 20 ஆண்டுகளுக்கும் மேலாக ஆசிரியர் லதா, பணியாற்றி வந்துள்ளார். இந்நிலையில், மாவட்ட கல்வி அலுவலகத்தில் ஆசிரியர்களுக்கான கூட்டம் நடைபெற்றது. இதில், ஆசிரியர் லதாவும் கலந்துகொண்டார்.

அப்போது, யாரும் எதிர்பார்க்காத நிலையில், ஆரம்பப் பள்ளி ஆசிரியர்கள் 20 பேருக்குப் பணி மாறுதல் திட்டத்தின் கீழ், டிரான்ஸ்பர் ஆர்டரை கல்வி அலுவலர்கள் கொடுத்துள்ளனர்.

இந்த டிரான்ஸ்பர் ஆர்டர் பார்த்த ஆசிரியர் லதாவுக்கு, மன அழுத்தம் அதிகமாகி, திடீரென்று மாரடைப்பு ஏற்பட்டு கீழே சரிந்து விழுந்தார். இதனையடுத்து, அருகில் உள்ள மருத்துவமனைக்கு அவர் கொண்டு சென்றபோது, வழியிலேயே அவர் பரிதாபமாக உயிரிழந்தார்.

இந்த சம்பவம் தமிழகம் முழுவதும் உள்ள ஆரம்பப் பள்ளி ஆசிரியர்கள் மத்தியில் அதிர்ச்சியையும், பீதியையும் ஏற்படுத்தி உள்ளது.