lokesh kanagaraj தமிழ் செய்திகள்

தமிழ் சினிமாவின் நட்சத்திர இயக்குனர்களில் ஒருவரான இயக்குனர் லோகேஷ் கனகராஜ் இன்று நவம்பர் 27ஆம் தேதி தனது தயாரிப்பு நிறுவனத்தை அதிகாரப்பூர்வமாக அறிவித்திருக்கிறார். இதுவரை இயக்குனராக அட்டகாசமான படைப்புகளை வழங்கி வந்த இயக்குனர் லோகேஷ் கனகராஜ் இனி தனது தயாரிப்பு நிறுவனத்தின் வாயிலாகவும் தொடர்ந்து அதிரடியான படைப்புகளை வழங்குகிறார் இந்த தயாரிப்பு நிறுவனத்திற்கு G ஸ்குவாட் என பெயரிடப்பட்டுள்ளது. ஏற்கனவே விரைவில் தயாரிப்பு நிறுவனம் தொடங்கும் திட்டமிருப்பதாகவும் அதில் தனது நண்பர்கள் மற்றும் உதவி இயக்குனர்களின் படங்களை தயாரிக்க திட்டமிட்டு இருப்பதாகவும் இயக்குனர் லோகேஷ் கனகராஜ் அறிவித்திருந்த நிலையில், தற்போது தனது தயாரிப்பு நிறுவனத்தின் அதிகாரப்பூர்வ அறிவிப்போடு அந்த அறிவிப்பையும் சேர்த்து வெளியிட்டிருக்கிறார். இது குறித்த தனது அறிவிப்பில், 

“வணக்கங்கள்,
5 படங்களை இயக்கிய பிறகு, கதைசொல்லல் மற்றும் பொழுதுபோக்கின் நிலப்பரப்பை மறுவரையறை செய்ய அர்ப்பணித்த எனது தயாரிப்பு முயற்சி - ஜி ஸ்குவாட் தொடங்கப்படுவதை அறிவிப்பதில் மகிழ்ச்சி அடைகிறேன்.
முதல் சில தயாரிப்புகளில் எனது நெருங்கிய நண்பர்கள் மற்றும் உதவியாளர்கள் அவர்களின் ஆக்கப்பூர்வமான யோசனைகளை ஊக்குவிக்க, அவர்கள் அந்த படைப்புகளை செய்கிறார்கள்.
நீங்கள் அனைவரும் இதுவரை எனக்கு அளித்த அதே ஆதரவை, என்னுடைய தயாரிப்பு நிறுவனத்திற்கும் கொடுத்து நீங்கள் அனைவரும் பார்த்து, ரசித்து, பொழிய வேண்டும் என்று மனதார விரும்புகிறேன்.
அமைதியாக இருங்கள் மற்றும் எங்கள் முதல் தயாரிப்பு முயற்சியின் அறிவிப்புக்காக காத்திருங்கள்.
அளவற்ற அன்புடன்,
லோகேஷ் கனகராஜ்”

என தெரிவித்திருக்கிறார். இயக்குனர் லோகேஷ் கனகராஜின் அந்த அறிவிப்பு இதோ...

Need all your love and support 🤗❤️@GSquadOffl pic.twitter.com/9NWou59tuE

— Lokesh Kanagaraj (@Dir_Lokesh) November 27, 2023

மாநகரம் திரைப்படத்தின் மூலம் தமிழ் சினிமாவில் இயக்குனராக அறிமுகமாகி தொடர்ந்து கைதி திரைப்படத்தின் மூலம் முன்னணி இயக்குனர்களின் பட்டியலில் இணைந்த இயக்குனர் லோகேஷ் கனகராஜ் தனது மூன்றாவது திரைப்படமான மாஸ்டர் படங்கள் தளபதி விஜய் உடன் இணைந்த பிறகு நட்சத்திர இயக்குனராக உயர்ந்தார். அடுத்தடுத்து பிளாக் பாஸ்டர் திரைப்படங்களை கொடுத்து வரும் இயக்குனர் லோகேஷ் கனகராஜ் தனது நான்காவது படத்தில் உலக நாயகன் கமல்ஹாசன் உடன் இணைந்து உருவாக்கிய விக்ரம் திரைப்படம் தமிழ் சினிமாவின் இண்டஸ்ட்ரி ஹிட்டாக, 2022 ஆம் ஆண்டில் மிகப்பெரிய வசூல் சாதனை படைத்த நிலையில் தனது ஐந்தாவது படத்தில் மீண்டும் தளபதி விஜய் உடன் லியோ படத்தில் இணைந்தார் லோகேஷ் கனகராஜ். கடந்த அக்டோபர் மாதம் 19ஆம் தேதி ஆயுத பூஜை வெளியீடாக இயக்குனர் லோகேஷ் கனகராஜ் - தளபதி விஜய் கூட்டணியில் வெளிவந்த லியோ திரைப்படம் மிகப்பெரிய வெற்றி பெற்று இந்திய சினிமாவின் பாக்ஸ் ஆபிஸிலேயே பெரும் அதிர்வை ஏற்படுத்தியது.

இதில் கைதி, விக்ரம் மற்றும் லியோ ஆகிய படங்களை கொண்டு இயக்குனர் லோகேஷ் கனகராஜ் உருவாக்கி இருக்கும் LCU யுனிவர்ஸ் ரசிகர்களிடையே மிகப்பெரிய ஆர்வத்தை ஏற்படுத்தி இருக்கிறது. இந்த வரிசையில் அடுத்ததாக முதல் முறை சூப்பர் ஸ்டார் ரஜினிகாந்த் அவர்களுடன் இணைந்திருக்கும் இயக்குனர் லோகேஷ் கனகராஜ் தலைவர் 171 திரைப்படத்தை அடுத்து இயக்குகிறார். இந்த திரைப்படம் ஒரு தனி படமாக இருக்கும் என்றும் இது LCUவில் சேராது என இயக்குனர் லோகேஷ் கனகராஜ் அறிவித்துவிட்டார். விரைவில் தலைவர் 171 திரைப்படத்தின் பணிகள் தொடங்க இருக்கும் நிலையில் தற்போது தனது G SQUAD தயாரிப்பு நிறுவனத்தை இயக்குனர் லோகேஷ் கனகராஜ் அறிவித்திருக்கிறார் என்பதும் குறிப்பிடத்தக்கது.
 

மாஸ்டர் திரைப்படத்தின் மாபெரும் வெற்றிக்குப் பிறகு 2வது முறையாக இயக்குனர் லோகேஷ் கனகராஜ் - தளபதி விஜய் கூட்டணியில் உருவாகி இருக்கும் திரைப்படம் தான் லியோ. தளபதி விஜய் உடன் நீண்ட இடைவெளிக்கு பிறகு லியோ திரைப்படத்தில் இணைந்திருக்கும் திரிஷா கதாநாயகியாக நடிக்க, பாலிவுட் நடிகர் சஞ்சய் தத், ஆக்ஷன் கிங் அர்ஜுன், பிரியா ஆனந்த், இயக்குனர் மிஷ்கின், இயக்குனர் கௌதம் வாசுதேவ் மேனன், இயக்குனர் அனுராக் கஷ்யப், மன்சூர் அலிகான், சாண்டி மாஸ்டர், மலையாள நடிகர் மேத்யூ தாமஸ், மறைந்த நடிகர் மனோபாலா, ஜார்ஜ் மர்யன், அபிராமி வெங்கடாசலம், சாந்தி மாயாதேவி மற்றும் பிரபல தமிழ் கிரிக்கெட் வர்ணனையாளர் பிரதீப் முத்து ஆகியோர் லியோ திரைப்படத்தில் முக்கிய வேடங்களில் நடித்திருக்கின்றனர்.

மனோஜ் பரமஹம்சாவின் ஒளிப்பதிவில், ஃபிலாமின் ராஜ் படத்தொகுப்பு செய்யும் லியோ திரைப்படத்திற்கு ஸ்டண்ட் இயக்குனர்களாக அன்பறிவு மாஸ்டர்கள் பணியாற்ற, அனிருத் இசையமைத்துள்ளார். சமீபத்தில் வெளிவந்த லியோ திரைப்படத்தின் டிரைலர் எக்கச்சக்கமான எதிர்பார்ப்புகளை ஏற்படுத்தி இருக்கும் நிலையில் நாளை மறுநாள் வியாழக்கிழமை அக்டோபர் 19ஆம் தேதி ஆயுத பூஜை வெளியீடாக லியோ திரைப்படம் உலகமெங்கும் மிகப் பிரமாண்டமாக ரிலீஸ் ஆகிறது. தளபதி விஜயின் படங்கள் வெளிவரும் சமயங்களில் திரையரங்குகள் அனைத்திலும் திருவிழா கொண்டாட்டங்கள் கலை கட்டும். அந்த வகையில் இந்த லியோ திரைப்படத்தை கொண்டாடுவதற்காக சிறப்பு காட்சிகளுக்கான அனுமதி தமிழ்நாடு அரசிடம் இருந்து எப்போது கிடைக்கும் என்றும் படக்குழுவும் ரசிகர்களும் காத்திருக்கின்றனர்.அனேகமாக நாளை அக்டோபர் 18ஆம் தேதி காலை வெகுவிரைவில் சிறப்பு காட்சிகள் குறித்த அறிவிப்பு வெளிவரும் என எதிர்பார்க்கப்படுகிறது.

இந்த நிலையில் நமது கலாட்டா தமிழ் சேனலில் திரு.பரத்வாஜ் ரங்கன் அவர்களுடனான நேர்காணலில் கலந்து கொண்டு உரையாடிய இயக்குனர் லோகேஷ் கனகராஜ் அவர்கள் நம்மோடு பல சுவாரசிய தகவல்களை பகிர்ந்து கொண்டார். அந்த வகையில், “லியோ LCU யுனிவர்ஸை சேர்ந்ததா?” எனக்கேட்ட போது, “அதை நான் இப்பொழுது வெளியிட முடியாது ஏனென்றால் அதை உடைக்க விருப்பமில்லை” என்றார். தொடர்ந்து பேசும்போது, “போன தடவை நீங்கள் சொல்லி இருந்தீர்கள், “லியோ வந்து முழுக்க முழு 100 சதவீதம் லோகேஷ் கனகராஜ் படமாக இருக்கப் போகிறது என்று படம் அப்படித்தான் வந்திருக்கிறதா?” எனக்கேட்ட போது, “ஆமாம்.. உங்களுக்கு ட்ரெய்லர் பிடித்து இருந்தது என்றால் அது கண்டிப்பாக அப்படித்தான் வந்திருக்கிறது. படம் 2 மணிநேரம் 43 நிமிடங்கள் வந்திருக்கிறது ட்ரெய்லர் 2 நிமிடம் 43 நொடிகள் வந்திருக்கிறது. அதனால் படத்தின் ஒரு மினியேச்சர் வெர்ஷனாக தான் இந்த ட்ரெய்லர் அமைந்திருக்கிறது.” என்றார். தொடர்ந்து, “இது எதேர்ச்சியாக நடந்துள்ளதா அல்லது நீங்கள் கணக்குப் பார்த்து இதை வைத்தீர்களா? எனக்கேட்க, “இல்லை நாங்கள் செய்து முடித்த பிறகு வைத்து பார்க்கும் பொழுது அந்த நேரம் எங்களுக்கு தெரிய வந்தது.” என்றார். மேலும் பல சுவாரசிய தகவல்களை பகிர்ந்து கொண்ட இயக்குனர் லோகேஷ் கனகராஜின் அந்த முழு பேட்டியை கீழே உள்ள லிங்கில் காணலாம்.
 

இந்திய சினிமாவின் மோஸ்ட் வான்டெட் இயக்குனராக உயர்ந்திருக்கும் இயக்குனர் லோகேஷ் கனகராஜ் இயக்கத்தில் தளபதி விஜய் அவர்கள் நடித்திருக்கும் லியோ திரைப்படம் நாளை மறுநாள் அக்டோபர் 19ஆம் தேதி ஆயுத பூஜை வெளியிடாக உலகம் எங்கும் திரையரங்குகளில் ரிலீஸ் ஆகிறது. ஒட்டுமொத்த இந்திய சினிமாவும் இந்த லியோ திரைப்படத்திற்காக மிகுந்த ஆவலோடு காத்திருக்கிறது என சொல்லும் அளவிற்கு சமீபத்தில் வெளிவந்த லியோ படத்தின் டிரைலர் பெரும் எதிர்பார்ப்புகளை ஏற்படுத்தியிருக்கிறது.

இந்த நிலையில் நமது கலாட்டா தமிழ் சேனலில் திரு.பரத்வாஜ் ரங்கன் அவர்களுடனான நேர்காணலில் கலந்து கொண்டு உரையாடிய இயக்குனர் லோகேஷ் கனகராஜ் நம்மோடு பல சுவாரசிய தகவல்களை பகிர்ந்து கொண்டார். அந்த வகையில், “ஹாரர் திரைப்படங்களை இயக்க விரும்பாதது ஏன்?” என்பது குறித்தும் பகிர்ந்து கொண்டார் அப்படி பேசுகையில், “எனக்குத் தெரிந்து இந்த ஒரு ஆக்சன் மூடில் கதை சொல்வது என்பது... அது கொடுக்கும் உச்சத்தை வேறு எந்த ஜானரும் கொடுக்கும் என தெரியவில்லை. அப்படி இல்லாத பட்சத்தில் அதை நான் எடுக்கப் போவதுமில்லை. இப்போது பார்த்தீர்கள் என்றால் நான் ஒரு ஹாரர் கதை எழுதி இருக்கிறேன். ஆனால் அதை நான் இயக்க விரும்பவில்லை. அதனால் நான் அதற்காக வேறு ஒருவரை அழைத்து அவரை இயக்கச் சொல்கிறேன். அதனால் அதை இயக்குனர் ரத்னகுமார் இயக்குவதாக இருக்கிறது. என்றார். தொடர்ந்து அவரிடம், “ஏன் அந்த படத்தை நீங்கள் இயக்கவில்லை? அது உங்களுக்கு அந்த ஒரு உச்சத்தை கொடுக்கவில்லையா?” எனக் கேட்டபோது, “எனக்கு அந்த படத்தில் இருக்கும் ஜம்ப் ஸ்கேரை என்னால் சரியாக எடுத்து விட முடியுமா என்று எனக்கு தெரியவில்லை. எனக்கு வராத ஒரு விஷயத்தை போய் நான் முயற்சி செய்ய வேண்டும். மேலும் எனக்கு அந்த கதையில் ஒரு சின்ன பயம் இருக்கிறது எனவே அதை சரியாக எடுக்கக்கூடிய யாராவது ஒருத்தர் எடுத்தால் சரியாக இருக்கும் எப்படி நான் ரொமான்டிக் படங்களை எடுக்காமல் இருக்கிறேனோ அது மாதிரி.” என்றார். 

தொடர்ந்து அவரிடம், "நீங்கள் இயக்குனர் ஆவதற்கு முன்பு இயக்குனர்-ஆக முடியும் என்றே உங்களுக்கு நம்பிக்கை இருந்திருக்காது. அப்படி இருந்து இப்போது இயக்குனராகி இருக்கிறீர்கள் அப்படி இருக்கும்போது ஏன் இதை முயற்சி செய்து பார்க்கக் கூடாது?" எனக் கேட்டபோது, “நான் சினிமாவிற்கு வருவதற்கு முன்பு நான் வேலை பார்த்த நிறுவனத்தில் கார்ப்பரேட் விளம்பர படங்களை எடுத்துக் கொண்டிருந்தேன். ஆனால் அதில் பெரிய நட்டம் என்று எதுவும் வரப்போவதில்லை நட்டம் என்று சொல்ல வேண்டுமென்றால் அது எங்களுடைய நேரமும் உழைப்பு மட்டும்தான். யாருடைய பணமும் விரயமாக போவதில்லை. ஆனால் சினிமாவில் அப்படி இல்லையே என்னை நம்பி தயாரிப்பாளர் பணம் போடுகிறார். அப்போது இன்னும் பொறுப்பு கூடுகிறது எனவே எதெல்லாம் ரசிகர்களிடம் சென்று சேரும் சேராது என்பதை எல்லாம் பார்த்து எதெல்லாம் போட்ட காசை திரும்ப எடுத்துக் கொடுக்கும் என எல்லாவற்றையும் கணக்கிட்டு வேலை செய்ய வேண்டி இருக்கிறது. அதனால் இதை செய்யவில்லை" என பதில் அளித்து இருக்கிறார். இயக்குனர் லோகேஷ் கனகராஜின் அந்த ஸ்பெஷல் பேட்டி இதோ...
 

ஒட்டுமொத்த தமிழ் சினிமா ரசிகர்களும் மிகுந்த ஆவலோடு எதிர்பார்த்து காத்திருக்கும் இயக்குனர் லோகேஷ் கனகராஜ் - தளபதி விஜய் கூட்டணியின் லியோ திரைப்படம் நாளை மறுநாள் அக்டோபர் 19ஆம் தேதி ஆயுத பூஜை வெளியீடாக உலகமெங்கும் மிகப் பிரம்மாண்டமாக ரிலீஸ் ஆகிறது. தளபதி விஜய் உடன் இணைந்து திரிஷா, சஞ்சய் தத், ஆக்சன் கிங் அர்ஜுன், இயக்குனர் கௌதம் வாசுதேவ் மேனன், இயக்குனர் மிஷ்கின், சாண்டி மாஸ்டர், மேத்யூ தாமஸ், பிரியா ஆனந்த், மன்சூர் அலிகான் என மிகப் பெரிய நடிகர்கள் பட்டாளமே இணைந்திருக்கும் இந்த லியோ திரைப்படத்திற்கு ராக் ஸ்டார் அனிருத் இசை அமைத்திருக்கிறார். தளபதி விஜயின் திரைப்பயணத்திலேயே இதுவரை இல்லாத அளவிற்கு மிக பிரம்மாண்டமான அதிரடி ஆக்சன் படமாக லியோ படம் பெரும் வெற்றியை பதிவு செய்யும் என எதிர்பார்க்கப்படுகிறது. முன்னதாக தளபதி  à®µà®¿à®œà®¯à®¿à®©à¯ லியோ படத்திற்கான அதிகாலை 4AM சிறப்பு காட்சி ரத்து செய்யப்பட்டிருக்கும் நிலையில் 7AM மணி காட்சிக்கு தமிழ்நாடு அரசிடம் இருந்து அனுமதி கிடைக்குமா என்று படக்குழுவினரும் ரசிகர்களும் மிகுந்த ஆவலோடு காத்திருக்கின்றனர்.

இந்த நிலையில் நமது கலாட்டா தமிழ் சேனலில் திரு.பரத்வாஜ் ரங்கன் அவர்களுடனான நேர்காணலில் கலந்து கொண்டு உரையாடிய இயக்குனர் லோகேஷ் கனகராஜ் அவர்கள் நம்மோடு பல சுவாரசிய தகவல்களை பகிர்ந்து கொண்டார். அந்த வகையில், “தற்போது நீங்கள் ஒரு குறிப்பிட்ட களத்தில் பணியாற்றுகிறீர்கள். ஹாலிவுட் ஜானரில் இருக்கக்கூடிய படங்களை நமக்கு தகுந்த மாதிரி உருவாக்குகிறீர்கள். இது போதுமா?” எனக் கேட்டபோது, "ஒரு கட்டத்திற்கு மேல் எல்லாமே ஒரு வித சோர்வை கொடுத்து விடும். இப்போதைக்கு இந்த திரைப்படங்கள் எல்லாம் என்னை உற்சாகமாக வைத்திருக்கிறது. இந்த கதைகளை யோசிக்கும் போது உற்சாகமாக இருக்கிறது. சொல்லும் போது உற்சாகமாக இருக்கிறது எழுதும் போது உற்சாகமாக இருக்கிறது. தயாரிப்பாளர்களிடமும் நடிகர்களிடம் சொல்லும் போதும் உற்சாகமாக இருக்கிறது. நான் எப்போதும் சொல்வது போல் தான், இந்த உற்சாகத்தை பகிர்ந்து கொள்வது என்பது ரசிகர்கள் வரைக்கும் இருக்கிறது. ஒருவேளை இப்போது ரசிகர்களுக்கும் என் படங்களை பார்ப்பது பிடிக்கவில்லை என்று வைத்துக் கொள்ளுங்கள்… அப்போது ஒரு பிரேக்கிங் பாயிண்ட் வரும் அல்லவா!, “இவன் இதே மாதிரி தான் படம் எடுத்துக் கொண்டிருப்பான்” என்று அப்போது நான் அந்த மாற்றத்தை எடுக்க வாய்ப்பு இருக்கிறது. ஆனால் எனக்குத் தெரிந்து இந்த ஒரு ஆக்சன் மூடில் கதை சொல்வது என்பது... அது கொடுக்கும் உச்சத்தை வேறு எந்த ஜானரும் கொடுக்கும் என தெரியவில்லை. அப்படி இல்லாத பட்சத்தில் அதை நான் எடுக்கப் போவதுமில்லை. இப்போது பார்த்தீர்கள் என்றால் நான் ஒரு ஹாரர் கதை எழுதி இருக்கிறேன். ஆனால் அதை நான் இயக்க விரும்பவில்லை. அதனால் நான் அதற்காக வேறு ஒருவரை அழைத்து அவரை இயக்கச் சொல்கிறேன். அதனால் அதை இயக்குனர் ரத்னகுமார் இயக்குவதாக இருக்கிறது." என்று தெரிவித்திருக்கிறார் இன்னும் பல சுவாரசிய தகவல்களை பகிர்ந்து கொண்ட இயக்குனர் லோகேஷ் கனகராஜ் அந்த முழு பேட்டியை கீழே உள்ள லிங்க் காணலாம்.
 

தளபதி விஜய் நடிப்பில் வெளிவர இருக்கும் லியோ திரைப்படம் 100% லோகேஷ் படமாக இருக்கும் என லியோ திரைப்படத்தை வெளியிடும் வெளிநாட்டு விநியோக நிறுவனம் அட்டகாசமான விமர்சனத்தை தற்போது வழங்கி இருக்கிறது. இந்திய சினிமாவின் முன்னணி கதாநாயகர்களில் ஒருவராக தனக்கென மிகப் பெரிய ரசிகர்கள் சாம்ராஜ்யத்தை கொண்ட தளபதி விஜய் நடிப்பில் அடுத்த சில தினங்களில் வெளிவர இருக்கிறது லியோ திரைப்படம். மாநகரம், கைதி, மாஸ்டர், விக்ரம் என தொடர்ந்து பிளாக்பஸ்டர் படங்களை கொடுத்து வரும் இயக்குனர் லோகேஷ் கனகராஜ் இயக்கத்தில் அடுத்த பிரம்மாண்ட பிளாக்பஸ்டர் படமாக லியோ திரைப்படம் மிகப்பெரிய வசூல் வேட்டை நடத்தும் என எதிர்பார்க்கப்படுகிறது. தளபதி விஜயின் திரைபயணத்திலேயே இதுவரை இல்லாத அளவிற்கு மிரட்டலான ஆக்ஷன் காட்சிகள் நிறைந்த படமாக உருவாகி இருக்கும் இந்த லியோ திரைப்படத்தில் தனது வழக்கமான ஆக்ஷனை தாண்டி CG உதவியுடன் கழுதைப்புலி உடனான ஒரு மிரள வைக்கும் சண்டைக் காட்சியை விஷுவல் ட்ரீட்டாக லோகேஷ் கனகராஜ் வழங்க இருக்கிறார் என்பதும் குறிப்பிடத்தக்கது. 

திரிஷா கதாநாயகியாக நடித்திருக்கும் லியோ திரைப்படத்தில், பாலிவுட் நடிகர் சஞ்சய் தத், ஆக்ஷன் கிங் அர்ஜுன், பிரியா ஆனந்த், இயக்குனர் மிஷ்கின், இயக்குனர் கௌதம் வாசுதேவ் மேனன், இயக்குனர் அனுராக் கஷ்யப், மன்சூர் அலிகான், சாண்டி மாஸ்டர், மலையாள நடிகர் மேத்யூ தாமஸ், மறைந்த நடிகர் மனோபாலா, ஜார்ஜ் மர்யன், அபிராமி வெங்கடாசலம், சாந்தி மாயாதேவி மற்றும் பிரபல தமிழ் கிரிக்கெட் வர்ணனையாளர் பிரதீப் முத்து ஆகியோர் முக்கிய வேடங்களில் நடித்திருக்கின்றனர். நாளுக்கு நாள் லியோ திரைப்படத்தின் மீதான எதிர்பார்ப்புகள் அதிகரித்துக் கொண்டே இருக்கும் நிலையில் கடந்த சில தினங்களுக்கு முன்பு வெளிவந்த இளியோ திரைப்படத்தின் டிரைலர் அந்த எதிர்பார்ப்புகள் அனைத்தையும் இன்னும் அதிகரித்திருக்கிறது.

குறிப்பாக UKவில் ரிலீசுக்கு ஆறு வாரங்கள் முன்பே லியோ திரைப்படத்திற்கான முன்பதிவு தொடங்கப்பட்டது. கடந்த சில தினங்களுக்கு முன்பே லியோ திரைப்படத்திற்கான டிக்கெட்டுகள் முன்பதிவில் 50,000 மேற்பட்ட டிக்கெட்டுகள் முன்பதிவு செய்யப்பட்டு இருப்பதாக UKவில் லியோ திரைப்படத்தை வெளியிடும் அகிம்சா என்டர்டைன்மென்ட் நிறுவனம் அறிவித்தது. இதைத்தொடர்ந்து தற்போது அனைத்து இறுதிக்கட்ட பணிகளும் சென்சாரம் நிறைவடைந்து ரிலீசுக்கு ரெடியாக இருக்கும் லியோ திரைப்படத்தை பார்த்த அகிம்சா என்டர்டெயின்மென்ட் நிறுவனம் லியோ திரைப்படம் குறித்து தனது விமர்சனத்தை தற்போது வெளியிட்டு இருக்கிறது.

அந்த விமர்சனத்தில், “லியோ திரைப்படம் 100% லோகேஷ் கனகராஜ் படம் மிகவும் ராவான மற்றும் வன்முறை கொண்ட படமாக இருக்கிறது.இது கட்டாயமாக 15 வயதிற்கு மேற்பட்டோருக்கான படம் எனவே படத்தின் இந்த உண்மையான தன்மை குறையாமல் இருப்பதற்காக 12A (12 வயதிற்கு மேற்பட்டோர்) வர்ஷனுக்கு போகாமல் இப்படியே வெளியிட முடிவு செய்திருக்கிறோம்.”  à®Žà®©à®•à¯ குறிப்பிட்டு பதிவிட்டு இருக்கின்றனர். அஹிம்ஷா என்டர்டைன்மென்ட் நிறுவனத்தின் இந்த பதிவால் பக்கா ஆக்சன் ட்ரீட் உறுதி என தளபதி விஜய் ரசிகர்கள் தற்போது உற்சாகமடைந்து இருக்கின்றனர். லியோ திரைப்படம் குறித்து அகிம்சா என்டர்டைன்மென்ட் நிறுவனம் பதிவிட்ட விமர்சனம் இதோ...

#LEO is a 100% Lokesh Kanagaraj film — intensely raw and violent. Strictly for ages 15+. We've decided against a 12A version to stay true to the film's intent. pic.twitter.com/ewdflT2daX

— Ahimsa Entertainment (@ahimsafilms) October 12, 2023

தமிழ் சினிமாவின் மிக முக்கிய இயக்குனர்களில் ஒருவரான இயக்குனர் விக்னேஷ் சிவன் அவர்கள் தளபதி விஜய் ரசிகர்களிடமும் இயக்குனர் லோகேஷ் கனகராஜ் ரசிகர்களிடமும் மன்னிப்பு கேட்டு தனது X பக்கத்தில் பதிவிட்டு இருக்கிறார். தனக்கென தனி பாணியில் பக்கா ஃபீல் குட் திரைப்படங்களை கொடுத்து ரசிகர்களை மகிழ்வித்து வரும் இயக்குனர் விக்னேஷ் சிவன் இயக்கத்தில் கடைசியாக வெளிவந்த காத்து வாக்குல ரெண்டு காதல் திரைப்படம் நல்ல வரவேற்பை பெற்றது. அதை தொடர்ந்து அடுத்த படத்தில் இயக்குனர் விக்னேஷ் சிவன், அஜித்குமார் அவர்களை இயக்க இருப்பதாக தகவல்கள் வெளிவந்த நிலையில் சில காரணங்களால் அந்த படம் நடைபெறாமல் போனது. அடுத்ததாக தனது அடுத்த திரைப்படத்தை பிரபல இயக்குனரும் நடிகருமான பிரதீப் ரங்கநாதனை வைத்து இயக்குனர் விக்னேஷ் சிவன் இயக்க இருப்பதாக செய்திகள் வந்து கொண்டிருக்கின்றன இது குறித்து அதிகாரப்பூர்வ அறிவிப்புகள் வெகு விரைவில் வெளிவரும் என எதிர்பார்க்கப்படுகிறது.

இதனிடையே X பக்கத்தில் இயக்குனர் லோகேஷ் கனகராஜ் பேசிய ஒரு வீடியோவிற்கு லைக் போட்ட விக்னேஷ் சிவன் அடுத்த சில நிமிடங்களிலேயே அந்த லைக்கை நீக்கி இருக்கிறார். முதலில் லைக் போட்டுவிட்டு பின்னர் அந்த லைக்கை நீக்குவதற்கான காரணம் என்ன என்று அந்த வீடியோவை போட்ட நபர் குறிப்பிட்டு பதிவிட, அதற்கு விளக்கமளித்த இயக்குனர் விக்னேஷ் சிவன் அவர்கள் அந்தப் பதிவில் தளபதி விஜய் மற்றும் இயக்குனர் லோகேஷ் கனகராஜ் ரசிகர்களிடம் மன்னிப்பு கேட்டுக் கொள்வதாக குறிப்பிட்டு பதிவிட்டு இருக்கிறார். முன்னதாக அந்த நபர் பகிர்ந்த வீடியோ இயக்குனர் லோகேஷ் கனகராஜ் அவர்களின் வீடியோவாக இருந்தாலும் அதன் மேல் குறிப்பிட்டு இருக்கும் "Caption"ல் செய்தி என்ன என்பதை படிக்காமல் அதைப்பற்றி புரிந்து கொள்ளாமல் இயக்குனர் லோகேஷ் கனகராஜ் அவர்களை பிடிக்கும் என்பதற்காகவே அவரை பார்த்தவுடன் லைக் போட்ட இயக்குனர் விக்னேஷ் சிவன் அந்த செய்தி என்ன என்பதை தெரிந்தவுடன் அதனை நீக்கி இருக்கிறார். எனவே தெரியாமல் லைக் போட்டதற்காக தளபதி விஜய் ரசிகர்களிடம் இயக்குனர் லோகேஷ் கனகராஜ் அதற்காக மன்னிப்பு கேட்டு பதிவிட்டு இருக்கிறார். 

அந்த பதிவில், “அன்பான தளபதி விஜய் ரசிகர்கள் மற்றும் லோகேஷ் கனகராஜ் ரசிகர்களிடம் என்னுடைய குழப்பத்திற்காக மன்னிப்பு கேட்டுக் கொள்கிறேன். அந்த பதிவில் என்ன மெசேஜ் இருக்கிறது என்பதை கவனிக்காமல் அந்த வீடியோவில் என்ன குறிப்பிட்டு இருக்கிறார்கள் என்பதை பார்க்காமல் இயக்குனர் லோகேஷ் கனகராஜை  à®®à®Ÿà¯à®Ÿà¯à®®à¯ பார்த்துவிட்டு தெரியாமல் லைக் போட்டுவிட்டேன். ஏனென்றால் நான் லோகேஷ் கனகராஜின் மிகப்பெரிய ரசிகன் அவருடைய படங்களை மிகவும் ரசிக்கிறேன். மேலும் அவர் பேசும் விதம் அவரது பேட்டிகளையும் ரசிக்கிறேன். தளபதி விஜயின் லியோ திரைப்படத்தின் பிரம்மாண்ட ரிலீஸ்க்காக நானும் காத்திருக்கிறேன். என்னுடைய கெட்ட நேரம் அந்த வீடியோவை நான் பார்க்கவும் இல்லை அதில் இருக்கும் ட்வீட்யும் நான் கவனிக்கவில்லை. நான் கவனமாக இருந்திருக்க வேண்டும் மன்னித்து விடுங்கள். இது என் தரப்பில் இருக்கக்கூடிய ஒரு சில்லி மிஸ்டேக் இதற்காக உலகம் முழுக்க இருக்கும் தளபதி விஜய் ரசிகர்களிடம் மன்னிப்பு கேட்டுக்கொள்கிறேன். வருகிற அக்டோபர் 19ஆம் தேதி வெளிவரக்கூடிய பிளாக்பஸ்டர் படமான லியோ திரைப்படத்திற்காக உங்களைப் போலவே நானும் உற்சாகத்தோடு காத்திருக்கிறேன். எனவே தயவு செய்து என்னுடைய இந்த சில்லி மிஸ்டேக்குக்காக உங்களுடைய அதிகப்படியான நேரத்தை செலவழித்துக் கொண்டிருக்க வேண்டாம்” என பதிவிட்டு இருக்கிறார். இயக்குனர் விக்னேஷ் சிவன் அவர்களின் அந்தப் பதிவு இதோ…
 

Dear Vijay sir fans , Loki fans … sorry for the confusion 🙏 without even seeing the msg , the context or the content of the video or the tweet , by jus seeing Loki’s interview I liked the video !
cos am a big fan of his works and his interviews and the way he speaks !
Am also… https://t.co/JIJymxI2mJ

— VigneshShivan (@VigneshShivN) October 8, 2023

பார்த்தவுடனே பிரமிப்பை ஏற்படுத்தும் வகையில் மிரட்டலான ஆக்சன் பேக்கேஜாக இயக்குனர் லோகேஷ் கனகராஜ் இயக்கத்தில் தளபதி விஜய் நடித்திருக்கும் லியோ திரைப்படத்தின் அதிரடி ட்ரெய்லர் தற்போது வெளிவந்துள்ளது. அறிவிப்பு வருவதற்கு முன்பிருந்தே பெரிய ஹைப்பை ஏற்படுத்திய படமான இந்த லியோ திரைப்படம் நாளுக்கு நாள் இன்னும் எதிர்பார்ப்புகளை அதிகரித்துக் கொண்டே இருக்கிறது என்று தான் சொல்ல வேண்டும். தற்போது மொத்த படப்பிடிப்பும் நிறைவடைந்து இறுதி கட்டப் பணிகள், VFX பணிகள் அனைத்தும் நிறைவடைந்து சென்சாரையும் 15 நாட்களுக்கு முன்பே முடித்து ரிலீசுக்கு தயாராகி விட்டது லியோ படம். தளபதி விஜயின் திரைபயணத்திலேயே இதுவரை எந்த படத்திற்கும் இல்லாத அளவிற்கு மிகப்பெரிய எதிர்பார்ப்புகளை கிளப்பிய இந்த லியோ திரைப்படம் இதுவரை வெளிவந்த அவரது திரைப்படங்களிலேயே மிக பிரம்மாண்டமாக உலகம் முழுக்க மிகப்பெரிய அளவில் வெளியாகும் திரைப்படம் என்ற அந்தஸ்தையும் பெற்று இருக்கிறது. குறிப்பாக ஆறு வாரங்களுக்கு முன்பே லியோ திரைப்படத்தின் டிக்கெட் முன்பதிவு இங்கிலாந்து மற்றும் அதை சுற்றியுள்ள பகுதிகளில் தொடங்கப்பட்டு இதுவரை 40 ஆயிரத்திற்கும் மேற்பட்ட டிக்கெட்டுகள் விற்று இருப்பதாக தகவல்கள் வெளிவந்திருக்கின்றன. 

தளபதி விஜய் உடன் இணைந்து திரிஷா, சஞ்சய் தத், ஆக்சன் கிங் அர்ஜுன், அனுராக் காஷ்யப், கௌதம் வாசுதேவ் மேனன், மிஷ்கின், மன்சூர் அலிகான், ப்ரியா ஆனந்த், மேத்யூ தாமஸ், சாண்டி மாஸ்டர், பாபு ஆண்டனி, மறைந்த நடிகர் மனோபாலா, ஜார்ஜ் மரியான், அபிராமி வெங்கடாசலம், ஜாஃபர் சாதிக், மாயா கிருஷ்ணன், சாந்தி மாயாதேவி, ராமகிருஷ்ணன் உள்ளிட்ட பலர் நடித்திருக்கும் இந்த லியோ திரைப்படத்திற்கு மனோஜ் பரமஹம்சா ஒளிப்பதிவு செய்ய, பிலோமின் ராஜ் படத்தொகுப்பு செய்திருக்கிறார். தினேஷ் மாஸ்டர் நடன இயக்கத்தில் அன்பறிவு மாஸ்டர்களின் அதிரடி ஆக்ஷனில் உருவாகி இருக்கும் லியோ திரைப்படத்திற்கு ராக் ஸ்டார் அனிருத் இசை அமைத்திருக்கிறார். லோகேஷ் கனகராஜ் அவர்களுடன் இணைந்து இயக்குனர்கள் ரத்னகுமார் மற்றும் தீரஜ் வைத்தி திரைக்கதை மற்றும் வசனங்களில் பணியாற்றியுள்ளனர். 

இயக்குனர் லோகேஷ் கனகராஜ் படம் என்றாலே ஆக்ஷன்க்கு பஞ்சம் இருக்காது என்பது நாம் அனைவரும் அறிந்ததே. ஆனால் இந்த லியோ திரைப்படத்தில் அதையும் தாண்டி ஆக்ஷனில் மற்றொரு சர்ப்ரைஸ் விஷயமாக பனி நிறைந்த காஷ்மீரின் காட்டுப் பகுதிக்குள் கழுதைப்புலியுடன் தளபதி விஜய் சண்டையிடும் அதிரடியான ஒரு ஆக்சன் காட்சி படத்தில் இடம் பெற்று இருக்கிறது. இந்த ஆக்ஷன் காட்சிக்காக ஸ்பெஷலான VFX பணிகளை படக்குழுவினர் மேற்கொண்டு இருப்பதாக தெரிகிறது. இது தியேட்டரில் மிகப்பெரிய ட்ரீட்டாக இருக்கும் என்றும் தகவல்கள் வெளி வருகின்றன. முன்னதாக ரசிகர்கள் மிகுந்த ஆவலோடு காத்திருந்த லியோ திரைப்படத்தின் இசை வெளியீட்டு விழா பல்வேறு காரணங்களால் ரத்து செய்யப்பட்ட நிலையில் அறிவித்தபடியே ட்ரெய்லர் இன்று அக்டோபர் 5ஆம் தேதி தற்போது வெளிவந்துள்ளது. அட்டகாசமான நட்சத்திரங்கள் ஒன்றிணைந்த மிரட்டலான அதிரடி ஆக்சன் திரைப்படமாக ரசிகர்களுக்கு பக்கா ஆயுத பூஜை ட்ரீட்டாக அமையும் இந்த லியோ திரைப்படத்தின் ட்ரெய்லர் தற்போது ரசிகர்களிடையே மிகப்பெரிய வரவேற்பை பெற்றுள்ளது. பிளடி ஸ்வீட்டாக வந்த தளபதி விஜய்யின் அதிரடியான லியோ பட ட்ரெய்லர் இதோ... 
 

தளபதி விஜய் ரசிகர்களை உற்சாகப்படுத்தும் வகையில் லியோ படியாக அப்டேட் கொடுக்க முடிவு செய்திருக்கும் நிலையில் அதன் முதல் படியாக தற்போது லியோ திரைப்படத்தின் அதிரடியான புதிய போஸ்டரை வெளியிட்டுள்ளனர். மாநகரம் கைதி மாஸ்டர் விக்ரம் என அடுத்தடுத்து பிளாக்பஸ்டர் படங்களை கொடுத்து வரும் இயக்குனர் லோகேஷ் கனகராஜ் இரண்டாவது முறையாக தளபதி விஜய் உடன் இணைந்திருக்கும் திரைப்படம் தான் லியோ. தளபதி விஜயின் திரைப் பயணத்திலேயே இதுவரை இல்லாத அளவிற்கு மிகப்பெரிய எதிர்பார்ப்புகளை ஏற்படுத்தி இருக்கும் லியோ திரைப்படத்தை உலக அளவில் மிக பிரம்மாண்டமாக வெளியிடப் படக்குழு திட்டமிட்டுள்ளது. அந்த வகையில் இங்கிலாந்தில் ஆறு வாரங்களுக்கு முன்பே லியோ திரைப்படத்தின் டிக்கெட் முன்பதிவு தொடங்கப்பட்ட நிலையில் அட்வான்ஸ் புக்கிங் அதிரடியாக நடைபெற்று வருகிறது. அதேபோல் இந்தியா மற்றும் தமிழ்நாட்டிலும் லியோ திரைப்படத்தின் டிக்கெட் முன்பதிவுகள் வெகு விரைவில் தொடங்கும் என எதிர்பார்க்கப்படுகிறது

தளபதி விஜய் உடன் நீண்ட இடைவெளிக்கு பிறகு லியோ திரைப்படத்தில் இணைந்திருக்கும் திரிஷா கதாநாயகியாக நடிக்க, பாலிவுட் நடிகர் சஞ்சய் தத், ஆக்ஷன் கிங் அர்ஜுன், பிரியா ஆனந்த், இயக்குனர் மிஷ்கின், இயக்குனர் கௌதம் வாசுதேவ் மேனன், இயக்குனர் அனுராக் கஷ்யப், மன்சூர் அலிகான், சாண்டி மாஸ்டர், மலையாள நடிகர் மேத்யூ தாமஸ், மறைந்த நடிகர் மனோபாலா, ஜார்ஜ் மர்யன், அபிராமி வெங்கடாசலம், சாந்தி மாயாதேவி மற்றும் பிரபல தமிழ் கிரிக்கெட் வர்ணனையாளர் பிரதீப் முத்து ஆகியோர் லியோ திரைப்படத்தில் முக்கிய வேடங்களில் நடித்திருக்கின்றனர். முன்னணி ஒளிப்பதிவாளர் மனோஜ் பரமஹம்சாவின் ஒளிப்பதிவில், ஃபிலாமின் ராஜ் படத்தொகுப்பு செய்யும் லியோ திரைப்படத்திற்கு ஸ்டண்ட் இயக்குனர்களாக அன்பறிவு மாஸ்டர்கள் பணியாற்ற, அனிருத் இசையமைத்துள்ளார். 

கடந்த ஜனவரி மாதம் தொடங்கப்பட்ட லியோ திரைப்படத்தின் படப்பிடிப்பு தொடர்ந்து 125 நாட்கள் நடைபெற்று சமீபத்தில் நிறைவடைந்தது. வருகிற அக்டோபர் மாதம் 19 ஆம் தேதி ஆயுத பூஜை வெளியிடாக லியோ திரைப்படம் உலகெங்கும் திரையரங்குகளில் ரிலீஸ் ஆகிறது. எனவே இறுதி கட்டப் பணிகளும் மிரட்டலான VFX பணிகளும் தற்போது விறுவிறுப்பாக நடைபெற்று வருகின்றன. குறிப்பாக ஃபர்ஸ்ட் லுக் போஸ்டரில் இடம் பெற்ற கழுதைப்புலி உடனான சண்டைக் காட்சியின் VFX பணிகள் அனைத்தும் தற்போது பெங்களூரில் உள்ள முன்னணி VFX நிறுவனத்தில் நடைபெற்று வருவதாக தெரிகிறது. ரசிகர்கள் மிகுந்த ஆவலோடு எதிர்பார்த்து காத்திருக்கும் லியோ திரைப்படத்தின் இசை வெளியீட்டு விழா வருகிற செப்டம்பர் 30ம் தேதி நடைபெற இருப்பதாக தெரிகிறது. 

ரிலீசுக்கு இன்னும் ஒரு மாதமே இருக்கும் நிலையில் லியோ திரைப்படத்தின் அப்டேட்களுக்காகவும் ரசிகர்கள் ஆவலுடன் காத்திருந்த நிலையில் சமீபத்தில் நடந்த விருது விழா ஒன்றில் இன்று செப்டம்பர் 17ஆம் தேதி முதல் ரிலீஸ் வரையில் தொடர்ச்சியாக லியோ படத்தின் அப்டேட்டுகள் வரும் என இயக்குனர் லோகேஷ் கனகராஜ் தெரிவித்திருந்தார். இந்த நிலையில் அதன் தொடக்கமாக இன்று லியோ திரைப்படத்தின் புதிய தெலுங்கு போஸ்டரை பட குழுவினர் வெளியிட்டுள்ளனர். இன்றுடன் சேர்த்து அடுத்த நான்கு நாட்களுக்கு அதிரடியான போஸ்டர்கள் வெளிவர இருப்பதாகவும் பட குழு அறிவித்துள்ளனர். தற்போது வெளிவந்திருக்கும் மிரட்டலான அந்த புதிய போஸ்டர் இதோ…
 

KEEP CALM AND AVOID THE BATTLE

Watch out.. #LeoPosterFeast will unveil stories, one poster at a time 😁

Aatalu paatalu tho mee #Leo Telugu lo release avthundhi 🔥#LeoTeluguPoster #Thalapathy @actorvijay sir @Dir_Lokesh @trishtrashers @anirudhofficial @duttsanjay… pic.twitter.com/ryXr9ufWs8

— Seven Screen Studio (@7screenstudio) September 17, 2023

ஒட்டு மொத்த சினிமா ரசிகர்களும் மிகுந்த ஆவலோடு எதிர்பார்த்து காத்திருந்த அறிவிப்புகளில் ஒன்று தான் தலைவர்171. இந்திய சினிமாவின் சூப்பர் ஸ்டாராக விளங்கும் ரஜினிகாந்த், தற்போதைய இந்திய சினிமாவின் மோஸ்ட் வான்டட் இயக்குனராக இருக்கும் இயக்குனர் லோகேஷ் கனகராஜ் இயக்கத்தில் நடிக்கும் தலைவர்171 திரைப்படத்தின் அதிகாரப்பூர்வ அறிவிப்பு தற்போது வெளியானது. இது குறித்த பேச்சுவார்த்தைகள் ஏற்கனவே நடைபெற்ற நிலையில் கடந்த சில வாரங்களுக்கு முன்பு இயக்குநர் லோகேஷ் கனகராஜ் இடம் இது குறித்து கேட்டபோது அதிகாரப்பூர்வ அறிவிப்பு விரைவில் வெளிவரும் என தெரிவித்திருந்தார். அந்த சமயத்தில் லியோ திரைப்படத்தின் இறுதி கட்ட படப்பிடிப்புகள் நடைபெற்று வந்தன.

மாஸ்டர் திரைப்படத்தின் மாபெரும் வெற்றிக்கு பிறகு மீண்டும் தளபதி விஜய் உடன் இணைந்திருக்கும் இயக்குனர் லோகேஷ் கனகராஜ் தற்போது தனது லியோ திரைப்படத்தில் முழு கவனம் செலுத்தி வருகிறார். லியோ படப்பிடிப்புகள் நிறைவடைந்து இறுதிக்கட்ட பணிகள் விறுவிறுப்பாக நடைபெற்று வருகின்றன. குறிப்பாக VFX பணிகள் விறுவிறுப்பாக நடைபெற்று வருவதாகவும், ஃபர்ஸ்ட் லுக் போஸ்டரில் இடம் பெற்ற கழுதைப்புலி படத்தில் இடம் பெற்றிருக்கும் மிரட்டல் ஆக்ஷன் காட்சிக்கான CG பணிகள் தற்போது பெங்களூரில் நடைபெற்று வருவதாக தெரிகிறது. அடுத்த அக்டோபர் மாதம் 19 ஆம் தேதி ஆயுத பூஜை வெளியீடாக தளபதி விஜயின் லியோ திரைப்படம் உலகெங்கும் பிரம்மாண்டமாக ரிலீஸ் ஆகிறது.

தளபதி விஜயின் திரை பயணத்திலேயே இதுவரை இல்லாத அளவிற்கு மிகப்பெரிய எதிர்பார்ப்புகளை ஏற்படுத்தி இருக்கும் லியோ திரைப்படம் பாக்ஸ் ஆபிஸிலும் இதுவரை தமிழ் சினிமா கண்டிராத மிகப்பெரிய வசூல் சாதனை படைக்கும் என்றும் எதிர்பார்க்கப்படுகிறது. அதற்கான முழு பணிகளிலும் தயாரிப்பு நிறுவனம் முழு கவனம் செலுத்தி வருகிறது. ஏற்கனவே விக்ரம் எனும் இண்டஸ்ட்ரி ஹிட் கொடுத்த இயக்குனர் லோகேஷ் கனகராஜ் அடுத்து லியோ படத்தின் மூலம் இன்னும் பெரிய வெற்றியை எட்டுவார் என பேசப்படும் நிலையில், அதற்கடுத்து அதைவிட மிகப்பெரிய வெற்றியை எட்டும் வகையில் தற்போது சூப்பர் ஸ்டார் ரஜினிகாந்துடன் அடுத்த படத்தில் இணையும் அறிவிப்பு வெளிவந்துள்ளது.

சமீபத்தில் இயக்குனர் நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் நடித்து வெளிவந்த ஜெயிலர் திரைப்படம் இமாலய வெற்றி பெற்று பாக்ஸ் ஆபிஸில் புதிய உச்சம் தொட்டிருக்கும் நிலையில் ஜெயிலர் திரைப்படத்தை தயாரித்த சன் பிக்சர்ஸ் நிறுவனம் அடுத்ததாக இயக்குனர் லோகேஷ் கனகராஜ் இயக்கத்தில் சூப்பர் ஸ்டார் ரஜினிகாந்த் நடிக்கும் தலைவர் 171 படத்தையும் தயாரிப்பதாக அதிகாரப்பூர்வமாக அறிவித்துள்ளது. அண்ணாத்த மற்றும் ஜெயிலர் படங்களைத் தொடர்ந்து வரிசையாக மூன்றாவது முறை தலைவர் 171 படத்தில் சூப்பர் ஸ்டார் ரஜினிகாந்த் உடன் இணைகிறது சன் பிக்சர்ஸ். ராக்ஸ்டார் அனிருத் இசை அமைக்கும் இப்படத்திற்கு அன்பறிவு மாஸ்டர்கள் ஸ்டண்ட் இயக்குனர்களாக பணியாற்றுகின்றனர் என அறிவிக்கப்பட்டிருக்கிறது. இன்னும் இதர அறிவிப்புகள் லியோ திரைப்படத்தின் ரிலீஸ்க்கு பிறகு வெளிவரலாம் என எதிர்பார்க்கப்படுகிறது. நீண்ட காலமாக ரசிகர்கள் மிகுந்த ஆவலுடன் எதிர்பார்த்து காத்திருந்த சூப்பர் ஸ்டார் ரஜினிகாந்த் - லோகேஷ் கனகராஜ் காம்போவின் தலைவர் 171 பட அதிகாரப்பூர்வ அறிவிப்பு இதோ…
 

We are happy to announce Superstar @rajinikanth’s #Thalaivar171

Written & Directed by @Dir_Lokesh

An @anirudhofficial musical

Action by @anbariv pic.twitter.com/fNGCUZq1xi

— Sun Pictures (@sunpictures) September 11, 2023

தமிழ் சினிமாவில் தற்போது ரசிகர்கள் மத்தியில் அதிகம் பேசப்படும் இயக்குனர்களில் முக்கியமானவர்கள் இயக்குனர் நெல்சன் மற்றும் இயக்குனர் லோகேஷ் கனகராஜ். இருவரும் எதிர்பாராத அளவு ஹிட் கொடுத்து திரையுலகில் ஒரே நேரத்தில் அறிமுகமானவர்கள். ஒருபுறம் நயன்தாரா, சிவகார்த்திகேயன் தொடங்கி இயக்குனர் நெல்சன் திரைதுறையின் உச்ச நடிகர்களான தளபதி விஜய், சூப்பர் ஸ்டார் ரஜினிகாந்த் உடன் படங்களை இயக்கியுள்ளார். அதே நேரத்தில் மறுபுறம் இயக்குனர் லோகேஷ் கனகராஜ், சந்தீப் கிஷன், கார்த்தி தொடங்கி தளபதி விஜய், உலகநாயகன் கமல் ஹாசனுடன் ஹிட் திரைப்படங்களை தமிழ் சினிமாவிற்கு கொடுத்துள்ளார். இந்நிலையில் இந்த இரண்டு இயக்குனர்களின் ரசிகர்களும் இணையத்தில் இருவருக்கு திரைப்பட ரீதியாக போட்டி நிலவுவதாக பேசி வந்தனர். சமீப காலமாக இது தொடர்பாக அதிகம் செய்தி பரவிய நிலையில் இந்த சம்பவம் குறித்து நமது கலாட்டா தமிழ் சிறப்பு பேட்டியில் இயக்குனர் நெல்சன் திலீப் குமார் சுவாரஸ்யமான தகவல்களை பகிர்ந்து கொண்டார்.

அதில் அவர் பேசியதாவது,  “நம்ம பன்ற கதைகளம் வேற மாதிரி இருக்கும். ஒவ்வொருத்தருக்கு ஒரு தனித்தன்மை இருக்கும்‌. இப்போ லோகேஷ் க்கு தனி சிறப்பு இருக்கும். அவருக்கு அவர் படங்களை விட சிறந்த படம் பண்ணனும் ன்றது தான் சவாலா இருக்கும். அதைதவிர அவர் என்ன பார்த்தோ இல்ல நான் அவரை பார்த்தோ பண்ண போறது இல்ல..  à®‡à®ªà¯à®ªà¯‹ கோலமாவு கோகிலா, டாக்டர், பீஸ்ட், ஜெயிலர் பண்ணேன். என்னோட முந்தைய படங்களை ஒப்பிட்டு தான் இப்போ படங்கள் பண்ணிட்டு வரேன்.. அதே மாதிரி தான் லோகேஷ் ம்..

ஒவ்வொரு மார்கெட்டும் ஒவ்வொரு பிஸினஸையும் உயிர்ப்போட வெச்சிருக்கிறதே போட்டிதான். அதை யாரும் தவறான நோக்கத்துடன் பார்க்க மாட்டாங்க.. சில நேரம் ரசிகர்கள் பொழுதுபோக்கிற்காக பேசுவாங்க.. அதை நம்ம பார்த்துட்டு விட்றனும்.. à®Žà®™à¯à®• இரண்டு பேர் படம் ஒரே நாள் ல வந்தாலும் இரண்டு படமும் ஹிட் ஆக வாய்ப்பு உள்ளது.. இவர் மட்டுதான் வெற்றி பெறுவாருனு இல்ல.. 10 பேருனா 10 பேரும் ஜெயிக்கிற வாய்ப்பு சினிமா துறையில இருக்கு.” என்றார் இயக்குனர் நெல்சன்.

ஜெயிலர் திரைப்படத்தின் பிளாக் பஸ்டர் ஹிட்டிற்கு பிறகு இயக்குனர் நெல்சன் அடுத்ததாக தனுஷ் உடன் கூட்டணி அமைக்கவுள்ளதாக தகவல் வெளியாகியுள்ளது. இது குறித்து அதிகாரபூர்வ தகவல் எதுவும் வெளியாகவில்லை. தளபதி விஜய் கூட்டணியில் உருவாகி வரும் லியோ திரைப்படத்திற்கு பிறகு இயக்குனர் லோகேஷ் கனகராஜ் சூப்பர் ஸ்டார் ரஜினிகாந்த் உடன் கூட்டணி அமைக்கவுள்ளதாக தகவல். இதுகுறித்தும் அதிகாரப் பூர்வ அறிவிப்பு வெளியாகவில்லை என்பது குறிப்பிடத்தக்கது.

மேலும் இயக்குனர் நெல்சன் அவர்கள் ஜெயிலர் திரைப்படம் குறித்து பல சுவாரஸ்யமான தகவல்களை பகிர்ந்து கொண்ட முழு வீடியோ உள்ளே..