judge தமிழ் செய்திகள்

தமிழ் ரசிகர்களை பல ஆண்டுகளாக கவர்ந்து அவர்கள் மனதிற்கு நெருக்கமான நிகழ்ச்சியாக இருந்து வரும் நிகழ்ச்சி விஜய் தொலைகாட்சியில் ஒளிப்பரப்பாகும் சூப்பர் சிங்கர். குழந்தைகளுக்கான போட்டி, பெரியவர்களுக்கான போட்டி என இரண்டு பிரிவுகளில் போட்டி அமைத்து திறமையான பாடகர்களை வெகுஜன மக்களுக்கு பக்கா என்டர்டெயின் உடன் கொண்டு சேர்க்கும் நிகழ்ச்சியாக சூப்பர் சிங்கர் இருந்து வருகிறது. மேலும் திறமைக்கு தகுந்த தளமாக விளங்கி இதில் கலந்து கொள்ளும் போட்டியாளர்களுக்கு உரிய அங்கீகாரத்தை வழங்குவதுடன் அவர்களுக்கான அந்தஸ்தையும் உயர்த்தியுள்ளது. அதுமட்டுமல்லாமல் கடந்த சில ஆண்டுகளில் இந்த நிகழ்ச்சியின் வழியாக பல பாடகர்கள் திரைத்துறையில் பாடகர்களாக களமிறங்கியும் உள்ளனர் என்பது குறிப்பிடத்தக்கது.  à®šà®®à¯€à®ªà®¤à¯à®¤à®¿à®²à¯ சூப்பர் சிங்கர் 9 சீனியர்களுக்கான நிகழ்ச்சி நிறைவடைந்தது. இசையமைப்பாளர் ஹாரிஸ் ஜெயராஜ் சிறப்பு விருந்தினராக கலந்து கொண்ட சூப்பர் சிங்கர் 9 நிகழ்ச்சியின் இறுதி சுற்றில் அருனா சிவயா, பிரியா ஜெர்ஸன், ப்ரசன்னா ஆதிசேஷா, அபிஜித், பூஜா ஆகியோர் போட்டியாளர்களாக கலந்து கொண்டனர். இதில் அட்டகாசமான பாடி நடுவர்களின் பாராட்டுகளை பெற்று போட்டியாளர் அருணா சூப்பர் சிங்கர் பட்டத்தை வென்றார்.  à®‡à®¨à¯à®¤ நிகழ்வு ரசிகர்களிடையே அதிகம் பேசப்பட்டு வரவேற்பையும் பெற்றது. சீனியர்களுக்கான நிகழ்ச்சி வெற்றிகரமாக நிறைவடைந்து அனைத்து தரப்பு ரசிகர்களின் வரவேற்பை பெற்றது.

இதையடுத்து தற்போது சூப்பர் சிங்கர் ஜூனியர்களுக்கான போட்டி 9வது சீசன் தொடங்கப்படவுள்ளது. ‘ஒவ்வொரு குரலும் ஒரு கதை சொல்லும்’ என்ற வாசகத்தை முன் வைத்து பல மாநிலங்களில் இருந்து வந்த 6 முதல் 15 வயது வரையிலான திறமையான குழந்தைகளை திறமை அடிப்படையில் தேர்ந்தெடுத்து கொண்டு இந்த நிகழ்ச்சி தொடங்கப்படவுள்ளது.

வரும் ஜூலை மாதம் 8ம் தேதி முதல் விஜய் டிவியில் ‘சூப்பர் சிங்கர் ஜூனியர் 9’ நிகழ்ச்சி சனி மற்றும் ஞாயிறு தோறும் ஒளிப்பரபாகவுள்ளது. இந்த நிகழ்ச்சியின் சிறப்பு நடுவராக சின்னக்குயில் சித்ரா, முன்னணி இசையமைப்பாளர் தமன் மற்றும் மக்களிசை கலைஞர் அந்தோணி தாசன் ஆகியோர் நடுவர்களாகவும் à®® கா பா ஆனந்த் மற்றும் பிரியங்கா தேஷ்பாண்டே தொகுப்பாளர்களாகவும் பங்கேற்கவுள்ளனர்.

தமிழ், தெலுங்கு என இரு மொழி திரையுலகிலும் முன்னணி ஸ்டார்களின் திரைப்படங்களுக்கு இசையமைத்து முன்னணி இசையமைப்பாளர்களில் ஒருவராக திகழ்ந்து வரும் தமன் இந்த சீசனில் நடுவராக இருப்பது இந்த நிகழ்ச்சி மீதான எதிர்பார்ப்பை அதிகரித்துள்ளது.

டார்லிங் படத்தின் மூலம் தமிழ் ரசிகர்களுக்கு அறிமுகமாகி தென்னிந்திய அளவில் பிரபலமான நடிகையாக அசத்தி வருபவர் நிக்கி கல்ராணி.முதலில் கன்னட படங்களில் நடித்து கவனம் ஈர்த்த இவர் அடுத்ததாக சில மலையாள படங்களில் நடித்து பிரபலமானவராக மாறினார்.

தமிழில் டார்லிங் படத்தின் மூலம் ஹீரோயினாக அறிமுகமான இவர் அடுத்ததாக கலகலப்பு 2,கோ 2,மொட்ட சிவா கெட்ட சிவா,மரகத நாணயம் உள்ளிட்ட பல சூப்பர்ஹிட் படங்களில் ஹீரோயினாக நடித்து அசத்தியுள்ளார்.வெகு விரைவில் இளைஞர்களின் கனவுக்கன்னியாக அவதரித்தார் நிக்கி கல்ராணி.

தனக்கென ஒரு ரசிகர் பட்டாளத்தை உருவாக்கி கொண்டார் நிக்கி கல்ராணி.நடிகர் ஆதியுடன் காதலில் விழுந்த நிக்கி கல்ராணி கடந்த மே 20ஆம் தேதி அவரை கரம்பிடித்தார்.இவரது திருமணம் பிரம்மாண்டமாக நடைபெற்று முடிந்தது.இன்ஸ்டாகிராமில் செம ஆக்டிவ் ஆக இருக்கும் இவர் அவ்வப்போது தனது புகைப்படங்கள் மற்றும் வீடியோக்களை பகிர்ந்து வருவார்.

தற்போது இவர் சின்னத்திரையில் என்ட்ரி கொடுக்கிறார் என்ற தகவல் கிடைத்துள்ளது.கலர்ஸ் தமிழில் ஒளிபரப்பாகும் வெல்லும் திறமை என்ற நிகழ்ச்சியில் நடுவராக பங்கேற்று தனது சின்னத்திரை என்ட்ரியை கொடுக்கிறார் நிக்கி கல்ராணி.இதுகுறித்த ப்ரோமோ வெளியாகி ட்ரெண்ட் அடித்து வருகிறது.

தமிழ் சினிமாவின் முன்னணி நடிகர்களில் ஒருவர் விஜய்.இவர் ஒரு ரோல்ஸ் ராய்ஸ் சொகுசு காரை வைத்துள்ளார்.இந்த காருக்கான நுழைவு வரி அதிகமாக இருக்க அதற்கு விலக்கு அளிக்கும்படி விஜய் நீதிமன்றத்தில் சில வருடங்களுக்கு முன் வழக்கு தொடர்ந்திருந்தார்.இந்த வழக்கின் தீர்ப்பு சில மாதங்களுக்கு முன் வந்தது.

இந்த வழக்கை விசாரித்த நீதிபதி சுப்ரமணியம் வழக்கை தள்ளுபடி செய்ததோடு , விஜயை கடுமையாக விமர்சித்து பேசி 1 லட்சம் அபராதமும் விதித்திருந்தார்.தீர்ப்பு வந்த சில வாரங்களில் வரிபாக்கியை செலுத்திய விஜய்.தான் கடினமாக உழைத்து வாங்கிய காருக்கு வரிவிலக்கு கேட்டு சட்டப்படி சரியான முறையில் வழக்கு தொடர்ந்துள்ளேன் என்று விஜய் தரப்பில் தெரிவிக்கப்பட்டது.

அதோடு கடின உழைப்பில் வாங்கிய காருக்காக , தன்னை பற்றி நீதிபதி சில கடுமையான விமர்சனங்களை தெரிவித்து, தனிப்பட்ட முறையில் தன்னை புண்படுத்தி மனஉளைச்சலுக்கு ஆளாக்கி விட்டார் என்றும் விஜய் தரப்பில் தெரிவித்திருந்தனர்.இரு தரப்பு வாதங்களையும் கேட்டறிந்த நீதிபதிகள் இந்த வழக்கை தேதி குறிப்பிடாமல் ஒத்திவைத்தனர்.

இன்று இந்த வழக்கு மீண்டும் விசாரணைக்கு வந்துள்ளது.விஜயின் மேல்முறையீட்டை ஏற்ற நீதிபதிகள் விஜய் மீது தனி நீதிபதி சுப்ரமணியம் சொன்ன எதிர்மறையான கருத்துக்களை நீக்கி அதிரடியாக உத்தரவிட்டது சென்னை உயர்நீதிமன்றம்.

நீதிபதியிடம் திமிரு காட்டிய இளைஞர் சிறையில் அடைக்கப்பட்டார்.

கன்னியாகுமரி மாவட்டம் கிருஷ்ணாபுரத்தைச் சேர்ந்த 39 வயதான சுரேஷ், மது அருந்திவிட்டு வாகனம் ஓட்டியதாகக் கூறப்படுகிறது. இது தொடர்பாகத் தக்கலை போலீசார், இவர் மீது வழக்குப் பதிவு செய்தனர்.

இந்நிலையில், வழக்கு தொடர்பாக அபராத தொகை 2 ஆயிரத்து 600 ரூபாய் செலுத்துவதற்கு பத்மநாபபுரம் மாஜிஸ்திரேட் எண் 1 வது நீதிமன்றத்திற்குள் சுரேஷ் சென்றார். அங்கு, மாஜிஸ்திரேட் அவரிடம் விசாரித்தபோது, சுரேஷ் வாக்குவாதம் செய்ததாகத் தெரிகிறது.

இதனால், “நீதிமன்ற மரபுப்படி நடக்க வேண்டும்” என்று மாஜிஸ்திரேட் அறிவுறுத்தியுள்ளார். “மீறினால், தண்டனை கிடைக்கும்” என்றும் அவர் எச்சரித்துள்ளார். இதனால், ஆத்திரமடைந்த சுரேஷ், “அப்படியானால் எனக்குத் தண்டனை கொடுங்கள். நான் பார்த்துக்கொள்கிறேன்” என்று திமிராகக் கூறியுள்ளார்.

சுரேஷ் நீதிமன்றத்திற்குள்ளேயே திமிராக நடந்துகொண்டதால், அவரை 7 நாட்கள் ரிமாண்ட் செய்து மாஜிஸ்திரேட் உத்தரவிட்டார். இதனையடுத்து, சுரேஷ் நாகர்கோவில் சிறையில் அடைக்கப்பட்டார்.