biggboss தமிழ் செய்திகள்

பிக் பாஸ் வீட்டில் இருந்து வெளியேறிய பிரதீப் ஆண்டனி தனது சமூக வலைதள பக்கங்களில் வடிவேலுவின் நகைச்சுவை காட்சி ஒன்றை பகிர்ந்து பிக் பாஸ்க்கு பிறகு தனது முதல் ரியாக்ஷனை பதிவிட்டு இருக்கிறார். ஆரம்பம் முதலே விறுவிறுப்பாக நகர்ந்த இந்த பிக் பாஸ் தமிழ் சீசன் 7 நிகழ்ச்சியில் மிக முக்கிய போட்டியாளராக வலம் வந்தவர் பிரதீப் ஆண்டனி. ஆரம்ப முதலே நான் எல்லாரையும் காலி பண்ண தான் வந்திருக்கிறேன். இருக்கும் எல்லாரும் என்னை காலி செய்து விடுவார்கள். எனக்கு நண்பர்கள் யாரும் கிடையாது என அட்ராசிட்டியோடு ஆட்டத்தை ஆரம்பித்த பிரதீப் ஆண்டனி மிக சிறப்பாகவே பிக் பாஸ் விளையாடினார் என்று தான் சொல்ல வேண்டும். ஆரம்பத்தில் பிக் பாஸ் ரூல்ஸ் என பல இடங்களில் குறிப்பிட்டு பேசி பிக்பாஸின் சட்ட திட்டங்களிலிருந்து பிக்பாஸை விளையாட வேண்டிய நுணுக்கங்கள் வரை மொத்தமும் கரைத்துக் குடித்தவர் போலவே மிகத் தெளிவாக விளையாடிய பிரதீப் ஆண்டனி கடந்த வாரம் கொடுக்கப்பட்டு வெளியேற்றப்பட்டார்.

ஒட்டுமொத்த போட்டியாளர்களும் பிரதீப் ஆண்டனி தங்களுக்கு மிகவும் அச்சுறுத்தலாக இருப்பதாக தெரிவித்ததால் அவர் வெளியேறினார். ஆனால் இந்த அச்சுறுத்தல் குற்றச்சாட்டுகளுக்கு எல்லாம் முன்பு பிரதீப் ஆண்டனி மிகவும் வலிமையான ஒரு போட்டியாளர். அச்சுறுத்தலை விட மிகப்பெரியதாக, இந்த கடினமான போட்டியாளரை சமாளிப்பது மிகச் சிரமமானதாக போட்டியாளர்களுக்கு இருந்தது என்பது உணர முடிந்தது. இது ஒரு புறம் இருக்க தொடர்ந்து அடாவடித்தனமாக தன் பாணியில் பேசும் பிரதீப் ஆண்டனி பல இடங்களில் கெட்ட வார்த்தை பேசுவது, தரக்குறைவாக பேசுவது, லவ் கன்டென்ட் தொடர்பாக பேசுவது என பல்வேறு விதமான விமர்சனங்களுக்கும் ஆளானார். அதன் இறுதியாக கடந்த வார சனிக்கிழமை எபிசோடில் ஆரம்பத்திலேயே போட்டியாளர்கள் அனைவரும் பிரதீப் ஆண்டனிக்கு எதிராக நின்று உரிமைக்குரல் எழுப்பிய நிலையில் அது குறித்து ஒவ்வொரு போட்டியாளர்களிடம் தனித்தனியாக விசாரிக்கப்பட்டு உள்ளிருக்கும் பெரும்பான்மையானோர் பிரதீப் ஆண்டனி இருக்கக் கூடாது என ரெட் கார்ட் கொடுத்ததால் டைட்டில் வின்னராக வெற்றி பெற எல்லா வாய்ப்புகளும் இருப்பதாக ரசிகர்கள் மத்தியில் ஜொலித்த பிரதீப் ஆண்டனி வெளியேற்றப்பட்டார். 

பிக்பாஸில் எடுக்கப்பட்ட இந்த தீர்ப்புக்கு பல்வேறு விதமான எதிர்மறை விமர்சனங்களும் கிளம்பி இருக்கின்றது. “மற்றவர்கள் எல்லோரும் அவ்வளவு நல்லவர்களாக இல்லை… பிரதீப் ஆண்டனி மட்டுமே மிகவும் மோசமானவர் அல்ல… இப்படியாக குற்றச்சாட்டுகள் வைக்கும் போது பிரதீப் ஆண்டனியின் கரியரே பாதிக்கப்படும்… பிரதீப் ஆண்டனி தரப்பில் இருக்கும் நியாயங்கள் என்னும் முழுமையாக விசாரிக்கப்படவில்லை… ஒருதலை பட்சமாக தீர்ப்பு வழங்கப்பட்டது…” என சோசியல் மீடியாவில் பிரதீப் ஆண்டனிக்கு ரசிகர்கள் ஆதரவு குரல் எழுப்பினர். இந்த நிலையில் தற்போது பிக் பாஸ் வீட்டில் இருந்து வெளியேறி இருக்கும் பிரதீப் ஆண்டனி தனது சமூக வலைதள பக்கங்களில் வடிவேலுவின் கலகலப்பான ஒரு நகைச்சுவை காட்சியை பதிவிட்டு, "என்னுடைய விளையாட்டிற்கு சமூக வலைதளங்களில் இருக்கும் ஆதரவை பார்க்கும் போது இப்படி தான் தோன்றுகிறது. கூட நின்னதுக்கு நன்றி என்னால முடிஞ்ச அளவுக்கு நல்ல ஆர்டிஸ்ட்டா ஆக ட்ரை பண்றேன்" எனக் குறிப்பிட்டு இருக்கிறார் பிரதீப் ஆண்டனியின் அந்த பதிவு இதோ…
 

How I feel seeing the social media response for my game 🤣

Kooda ninnathuku nandri 🙏 Ennala mudinja alavuku nalla artist ah aga try pandren 🙏#NallaIrunga #AduthaVelaiyaPapoam pic.twitter.com/AE0IHc4ocz

— Pradeep Antony (@TheDhaadiBoy) November 5, 2023

விறுவிறுப்புக்கு கொஞ்சமும் பஞ்சம் இல்லாமல் நடைபெற்று வந்த பிக் பாஸ் தமிழ் சீசன் 7 நிகழ்ச்சியில் இருந்து பிரதீப் ஆண்டனி RED CARD வழங்கப்பட்டு வெளியேற்றப்பட்டு இருக்கிறார். பிக் பாஸ் வீட்டிற்குள் நுழைந்த முதல் நாளில் இருந்தே அதிரடியாக விளையாடிய பிரதீப் ஆண்டனியின் மீது சக ஹவுஸ்மேட்ஸ்கள் அளித்த தொடர் புகார்கள் மற்றும் குற்றச்சாட்டுகளின் காரணமாக பிரதீப் ஆண்டனி பிக் பாஸ் வீட்டில் இருந்து வெளியேறியுள்ளார். இதுவரை நடந்த சீசன்களில் வைத்து பார்க்கும் போது இந்த சீசனில் களமிறங்கிய பிரதீப் ஆண்டனியை போல் இந்த பிக் பாஸ் நிகழ்ச்சியை தெளிவாக புரிந்து கொண்டு விளையாட வந்தவர்கள் யாரும் இல்லை என சொல்லும் அளவிற்கு பிக் பாஸ் நிகழ்ச்சியின் அனைத்து நுணுக்கங்களையும் தெள்ளத் தெளிவாகத் தெரிந்தவர் போல் மிகுந்த புரிதலோடு விளையாடிய பிரதீப் ஆண்டனி மீது ஆரம்பத்தில் இருந்தே பல்வேறு விதமான எதிர்மறை விமர்சனங்கள் வீட்டிலிருந்து வந்த போதும் ரசிகர்கள் மத்தியில் ஹீரோவாகவே ஜொலித்தார். 

எக்கச்சக்கமான இடங்களில் அடாவடித்தனம் பண்ணும் வகையில் பிரதீப் ஆண்டனி நடந்து கொண்டாலும் பல முக்கிய விஷயங்களை ஆண்டனி கையாண்ட விதத்திலும் பிக் பாஸ் நிகழ்ச்சி என்பது ஒரு விளையாட்டு இந்த விளையாட்டை எப்படி விளையாட வேண்டும் என்ற விஷயத்திலும் பிரதீப் ஆண்டனி ஒட்டுமொத்த ஹவுஸ் மேட்ஸ்களுக்கும் தனிநபராய் அனைவரையும் எதிர்த்து அசைக்க முடியாத ஒரு போட்டியாளராக வலம் வந்தார். உதாரணத்திற்கு பிக் பாஸ் வீட்டில் ஏதாவது ஒரு பிசிகல் டாஸ்க் நடந்தால் அதில் சகப் போட்டியாளர்களோடு மோதல்கள் நடைபெறும் போது அந்த நொடியில் கோபத்தில் டாஸ்கிலிருந்து வெளியில் வந்து அவர்களுக்கு இடையில் தனிப்பட்ட முறையிலான ஒரு சண்டை நடப்பதை வழக்கமாக நாம் பார்த்திருப்போம். அந்த வகையில் ஒரு முக்கியமான டாஸ்கில் பிரதீப் ஆண்டனிக்கு அடிபட்ட போதும் அது விளையாட்டு தான் தொடர்ந்து விளையாட வேண்டும் என ஒரு ஸ்போர்ட்ஸ்மேன் ஷிப்போடு விளையாடியது அனைவரது பாராட்டுகளையும் பெற்றது.

இது ஒரு புறம் இருக்க இதுதான் என்னுடைய கேரக்டர், இப்படித்தான் நான் பேசுவேன் இப்படித்தான் நடத்துவேன் அனைவரையும் என்பது போல, காதல் கன்டென்ட் ரெடி செய்வது பற்றி பேசுவது, பெண்களைப் பற்றி மட்டமாக பேசுவது, மரியாதை இன்றி எல்லோரிடமும் பேசுவது சண்டை பிடிப்பது, ஒரு உச்சகட்டத்திற்கு அந்த சண்டை சென்ற பிறகும் அதனை உணர்ந்து மன்னிப்பு எதுவும் கேட்காமல் அலட்சியப்படுத்துவது, குறிப்பாக பெண்களை குறித்து செய்யும் கமெண்ட்கள்… இதை பிரதீப் செய்திருக்க வேண்டாமே என முகம் சுளிக்கும் விதமாக ரசிகர்களையும் பாதித்தது. இப்படியாக கடந்த வாரத்தில் பிரதீப் ஆண்டனி மீது எக்கச்சக்கமான குற்றச்சாட்டுகள் வைக்கப்பட்ட நிலையில் நிகழ்ச்சி ஆரம்பிக்கும் போது போட்டியாளர்கள் அனைவரும் கையில் சிகப்பு நிற உரையை அணிந்து உரிமை குரல் எழுப்புவதற்காக தயாராக இருந்தனர். அவர்கள் அத்தனை பேருடைய குற்றச்சாட்டும் பிரதீப்பை நோக்கி மட்டுமே இருந்தது.

போட்டியாளர்கள் ஒவ்வொருவரும் பிரதீப் ஆண்டனி குறித்து பல்வேறு விதமான குற்றச்சாட்டுகளை முன் வைத்துக் கொண்டிருந்தனர். அந்த வகையில் மணி பேசியபோது கழிவறையில் சிறுநீர் கழிக்கும் போது கதவை மூடாமல் இருக்கிறார் என்ற ஒரு குற்றச்சாட்டை வைத்தார். அது குறித்து கேட்ட போதும் “முன்னால் வந்தா பார்க்கப் போகிறார்கள்” என மிகவும் அலட்சியமாக பிரதீப் ஆண்டனி பதில் அளித்தது அனைவரையும் அதிர்ச்சிக்குள்ளாகியது. ஆண்களோடு சேர்ந்து பெண்களும் ஒன்றாக இருக்கும் ஒரு பிக் பாஸ் வீட்டின் கழிவறையை ஆண்களுக்கான தனிப்பட்ட கழிவறை போன்று பயன்படுத்துவது சரியல்ல என்ற மணியின் வாதத்திற்கு பிரதீப் ஆண்டனி திமிராக பதில் அளித்தது அவர் மீதி இருந்த அத்தனை நல்ல மதிப்புகளையும் உடைத்தது. ஒரு புறம் மற்ற ஹவுஸ் மேக்ட்கள் எல்லோரும் பிரதீப்புக்கு எதிராக பேசிய போதும் பிரதீப்புக்கு ஆதரவாக அவருக்கு ஒரு வாய்ப்பு அளிக்கலாம் என்பது போலவும் பிரதீப் ஆரம்பத்திலிருந்து இந்த தவறை செய்து வருகிறார் என்னிடமும் செய்தார் நான் அப்போதே கண்டித்தேன் அதையே எல்லோரும் செய்து இருந்தால் இந்த நிலைமை வந்திருக்காது என்ற வாதம் கொஞ்சம் நியாயமாக தான் இருந்தது.

‘மற்றவர்களை பயமுறுத்துவது போல பல விஷயங்களை செய்கிறார்”, ‘கெட்ட வார்த்தைகள் பேசுகிறார்’, ‘மிகவும் மட்டமாக பாலியல் சீண்டல்கள் பேசுகிறார்’, ‘பெண்களை மிகவும் தரக்குறைவாக பேசுகிறார்’, ‘இரவு நேரங்களில் தூங்காமல் வெறித்து பார்த்தபடி உட்கார்ந்து இருக்கிறார்’, ‘மக்களின் ஆதரவு நிறைய இருப்பதாக உணர்ந்து கொண்டு மிகவும் துணிச்சலோடு விளையாடுகிறார்’ ‘அதனாலேயே அவரை எதிர்பார்த்து மிகவும் தயக்கமாக இருக்கிறது’, ‘மூளை சலவை செய்கிறார்’ என அடுக்கடுக்காக குற்றச்சாட்டுகள் எழுந்த நிலையில் போட்டியாளர்கள் ஒவ்வொருவரையும் தனித்தனியே அழைத்து உலகநாயகன் கமலஹாசன் அவர்கள் விசாரித்த போது அதில் பெரும்பான்மையான போட்டியாளர்கள் பிரதீப் வீட்டை விட்டு வெளியேற வேண்டும் என்பதற்கான நியாயமான குற்றச்சாட்டுகளை துணிச்சலோடு முன்வைத்து ரெட் கார்டு கொடுக்க வேண்டும் என்பதை ஆதரித்தனர். 

இதனை அடுத்து பெண்களின்  à®ªà®¾à®¤à¯à®•à®¾à®ªà¯à®ªà¯ முக்கியம் என்பதை கருதி பிரதீப் ஆண்டனியை வெளியேற்றும் முடிவை எடுத்த சமயத்தில் கூட கமல்ஹாசன் அவர்களிடம் பேசும் வாய்ப்பு கிடைத்த போதும் பிரதீப் மிகவும் கோபமாகவும் தன் தவறை உணராத படியும் நடந்து கொண்டது அனைவருக்கும் ஆச்சர்யத்தை அளித்ததது. அந்த சமயத்திலாவது எனக்கு ஒரு வாய்ப்பு கொடுத்தால் என் தரப்பில் தவறுகளை திருத்திக் கொள்கிறேன் என்பது போல பேசாமல் பிரதீப் வெளியேறியது பல ரசிகர்களுக்கு ஏமாற்றத்தையும் கொடுத்தது. ஒருபுறம் பிரதீப் ஆண்டனி வெளியேறியது நியாயம்தான் என்ற ஒரு தரப்பு மிக வலுவாக இருக்கிறது. அவர் செய்த செயல்களை வைத்து பேசும்போது அவருக்கு அளிக்கப்பட்ட இந்த ரெட் கார்ட் சரியா தவறா என்று பார்த்தால் மிகச் சரி என்ற கோணத்தில் தான் அவர் செய்த விஷயங்கள் அதிகமாக இருக்கின்றன. இருப்பினும் ஒரு திறமையான போட்டியாளராக பிக் பாஸை அணுகி தனது விளையாட்டை மிக சிறப்பாக விளையாடி வந்த பிரதீப் ஆண்டனி சில தவறுகளை சரி செய்திருந்தாலும் சில இடங்களில் சில விஷயங்களை செய்யாமல் தவிர்த்து இருந்தாலோ இந்த பிக் பாஸ் சீசனில் கட்டாயமாக டைட்டில் வின்னராக வருவதற்கான அத்தனை தகுதிகளும் பெற்றவர் என்பதால் அவரது இந்த திடீர் வெளியேற்றம் ரசிகர்களுக்கு மிகுந்த ஏமாற்றத்தையும் கொடுத்திருக்கிறது என்று தான் சொல்ல வேண்டும். 

எது எப்படியாக இருந்தாலும் இந்த பிக் பாஸ் விளையாட்டில், மிகுந்த ஆவேசத்தோடு வரம்பை மீறி விளையாடுவது, மற்றவர்களை கொச்சைப்படுத்துவது, கெட்ட வார்த்தை பேசுவது, பெண்களை தரக்குறைவாக பேசுவது, வெளியில் மக்கள் கை தட்டுவதால் எனக்கு ஆதரவு இருக்கிறது என்ற மிதமிஞ்சிய தன்னம்பிக்கையில் உள்ளே போட்டியாளர்களை அச்சுறுத்தி விளையாடுவது போன்ற விஷயங்கள் மற்றவர்களுக்கு ஒரு தவறான முன் உதாரணமாக அமைந்து விடக்கூடாது என்ற கண்ணோட்டத்திலும், அனைத்து வயதினரும் பார்க்கும் நிகழ்ச்சி என்ற கண்ணோட்டத்திலும், இனி வரக்கூடிய போட்டியாளர்கள் வரம்பு மீறாமல் விளையாட வேண்டும் என்ற விஷயத்திலும் பிரதீப் ஆண்டனிக்கு கொடுக்கப்பட்ட ரெட் கார்ட் மிகச் சரி என்பது பெரும்பாலானவர்களின் கருத்தாக இருக்கிறது.
 

விஜய் தொலைக்காட்சியின் பிக் பாஸ் நிகழ்ச்சியின் போட்டியாளராகவும் பிரபலமான செய்தி வாசிப்பாளராகவும் வலம் வந்த அனிதா சம்பத் தற்போது மருத்துவமனையில் சிகிச்சைக்காக அனுமதிக்கப்பட்டு இருக்கிறார். பிரபலமான தமிழ் தொலைக்காட்சிகளில் செய்தி வாசிப்பாளராக தனது பயணத்தை தொடங்கிய அனிதா சம்பத். சன் தொலைக்காட்சியில் செய்தி வாசிப்பாளராக பணியாற்றிய போது அவர்க்கென மிகப் பெரிய ரசிகர்கள் பட்டாளமே கிளம்பியது. தொடர்ந்து சமூக வலைதளங்களிலும் அனிதா சம்பத்திற்கு ரசிகர்கள் அதிகமாக தொடங்கிய சமயத்தில் பிற தொலைக்காட்சிகளில் தொகுப்பாளராக களமிறங்கினார்.

பின்னர் விஜய் தொலைக்காட்சியின் முன்னணி ரியாலிட்டி நிகழ்ச்சிகளில் ஒன்றான பிக் பாஸ் சீசன் 4 நிகழ்ச்சியில் போட்டியாளராக களமிறங்கிய அனிதா சம்பத் ஆரம்ப முதலே ரசிகர்களின் கவனத்தை ஈர்த்தார். பின்னர் பிக் பாஸில் எவ்வளவுக்கு எவ்வளவு கவனத்தை ஈர்த்தாரோ அதற்கு தகுந்தார் போல் விமர்சனங்களுக்கும் ஆளாகினார். நிறைய எதிர்மறை விமர்சனங்களையும் வெறுப்புகளையும் சம்பாதித்த அனிதா சம்பத் தொடர்ந்து விஜய் தொலைக்காட்சியில் பல முக்கிய நிகழ்ச்சிகளில் தொகுப்பாளராக தற்போது பணியாற்றி வருகிறார். 

பிக் பாஸ் நிகழ்ச்சியை தொடர்ந்து பிக் பாஸ் ஜோடிகள் நிகழ்ச்சியிலும் நடனமாடி ரசிகர்களின் மனதை கவர்ந்த அனிதா சம்பத் தொடர்ந்து, 24 மணி நேரமும் ஒளிபரப்பாகும் வகையில் டிஸ்னி பிளஸ் ஹாட்ஸ்டார் காலத்தில் வெளிவந்த பிக் பாஸ் அல்டிமேட் நிகழ்ச்சியிலும் போட்டியாளராக கலந்து கொண்டார். சின்னத்திரையில் மட்டுமல்லாதது சர்க்கார், காலா, காப்பான், 2.0, ஆதித்யா வர்மா, மாஸ்டர் உள்ளிட்ட பல படங்களில் சிறு கதாபாத்திரங்களில் அனிதா சம்பத் நடித்து வருகிறார்.

தற்சமயம் விஜய் தொலைக்காட்சியில் மிக வெற்றிகரமாக ஓடிக் கொண்டிருக்கும் தமிழ் பேச்சு எங்கள் மூச்சு நிகழ்ச்சியில் தொகுப்பாளராக பணியாற்றி வரும் நடிகை அனிதா சம்பத் இன்ஸ்டாகிராமில் மிகுந்த ஆக்டிவாக இருப்பவர். 991K+ அதிகமான ஃபாலோவர்கள் இன்ஸ்டாகிராமில் அனிதா சம்பத்தை பின் தொடர்ந்து வருகின்றனர். அந்த வகையில் சமீபத்தில் தனது கணவர் பிரபாகரனுடன் மாலத்தீவுக்கு சுற்றுப்பயணம் சென்று வந்த புகைப்படங்கள் மற்றும் வீடியோக்களை இன்ஸ்டாகிராமில் பகிர்ந்து வந்த நடிகை அனிதா சம்பத் தற்போது மருத்துவமனையில் அனுமதிக்கப்பட்டிருக்கிறார். பிரபலமான செய்தி வாசிப்பாளராகவும் பிக் பாஸ் போட்டியாளராகவும் மக்கள் மத்தியில் மிகப் பிரபலமடைந்த அனிதா சம்பத் திடீரென மருத்துவமனையில் அனுமதிக்கப்பட்டிருப்பது ரசிகர்களிடையே பெரும் அதிர்ச்சியை ஏற்படுத்தியது. 

உடல் நலக்குறைவு காரணமாக மருத்துவமனையில் சிகிச்சை பெற்று வரும் நடிகை அனிதா சம்பத் விரைவில் பூரண குணமடைந்து மீண்டு வர கலாட்டா குழுமம் வேண்டிக்கொள்கிறது. கடந்த ஓரிரு தினங்களுக்கு முன்பு மருத்துவமனையில் தனக்கு ட்ரிப் ஏற்றப்படும் புகைப்படத்தை நடிகை அனிதா சம்பத் தனது இன்ஸ்டாகிராம் பக்கத்தில் வெளியிட்டார். இதனைத் தொடர்ந்து அதே ஸ்டேட்டஸை பதிவிட்டு “எல்லாம் சில நாளில் மாறிவிடும்” என ஆறுதல் தெரிவித்து அவரது கணவர் பிரபாகரன் தனது இன்ஸ்டாகிராம் ஸ்டேட்டஸில் பதிவிட்டு இருக்கிறார். ஆனால் நடிகை அனிதா சம்பத் அவர்களுக்கு என்ன ஆனது எதற்காக மருத்துவமனையில் அனுமதிக்கப்பட்டிருக்கிறார் என்பது குறித்த தகவல்கள் எதுவும் வெளிவரவில்லை. இது குறித்து அனிதா சம்பத் தரப்பிலிருந்து விரைவில் தகவல்கள் வரலாம் என என எதிர்பார்க்கப்படுகிறது. அனிதா சம்பத் பதிவிட்ட அந்த புகைப்படம் இதோ... 

தமிழக சின்னத்திரை ரசிகர்களுக்கு மிகவும் பிடித்த ரியாலிட்டி நிகழ்ச்சிகளில் ஒன்றான பிக் பாஸ் தமிழ் சீசன் 6 நிகழ்ச்சி சமீபத்தில் மிக கோலாகலமாக நிறைவடைந்தது. இதுவரை எந்த சீசனிலும் இல்லாத அளவிற்கு இந்த முறை 20 போட்டியாளர்கள் ஆரம்பத்திலேயே பிக் பாஸ் வீட்டில் களமிறங்கினர்.

GP முத்து (யூட்யூபர்), அஸீம் (சீரியல் நடிகர்), அசல் கோலார் /வசந்த் (இசைக்கலைஞர் / பாடகர்), ஷிவின் கணேசன் (திருநங்கை - பொது ஜனம்), ராபர்ட் மாஸ்டர் (நடன இயக்குனர்), ஷெரினா (மாடல்), ராம் ராமசாமி (மாடல் / நடிகர்), ஜனனி (இலங்கை - செய்தி வாசிப்பாளர்), ADK-ஆர்யன் தினேஷ் கனகரத்னம் (இலங்கை - இசைக்கலைஞர் / RAP பாடகர்), அமுதாவாணன் (STAND UP காமெடியன் / நடிகர்), VJ மகேஷ்வரி (தொகுப்பாளர் / நடிகை), VJ கதிரவன் (தொகுப்பாளர்), ஆயிஷா (சீரியல் நடிகை), தனலக்ஷ்மி (டிக்டாக்கர் - பொது ஜனம்), ரச்சிதா மகாலக்ஷ்மி (சீரியல் நடிகை), மணிகண்டா ராஜேஷ் (நடிகர் -ஐஸ்வர்யா ராஜேஷின் சகோதரர்), சாந்தி அரவிந்த் (நடன இயக்குனர் / நடிகை), விக்ரமன் (அரசியல்வாதி-விடுதலை சிறுத்தைகள் கட்சியின் முக்கிய பேச்சாளர்) / முன்னாள் அரசியல் தொகுபாளர் -கலாட்டா), குயீன்ஸ் ஸ்டான்லி (வளரும் நடிகை), நிவிஷினி (சிங்கப்பூர் மாடல் - பொது ஜனம்) ஆகியோர் போட்டியாளர்களாக நுழைந்தனர். இவர்கள் தவிர வைல்ட் கார்ட் என்ட்ரியாக பிரபல நடிகை மைனா நந்தினி பிக் பாஸ் நிகழ்ச்சியின் இரண்டாவது வாரத்தின் தொடக்கத்திலேயே பிக் பாஸ் வீட்டிற்குள் நுழைந்தார். 

இறுதிப் போட்டியில் அசீம் டைட்டில் வின்னராக வெற்றி பெற விருதும் எதிர்பார்க்கப்பட்ட விக்ரமன் மற்றும் ஷிவின் இரண்டாவது மற்றும் மூன்றாவது இடங்களையே பிடித்தனர். குறிப்பாக திருநங்கையாக இறுதிப் போட்டி வரை மிகச் சிறப்பாக விளையாடி பலருக்கு முன் உதாரணமாக திகழ்ந்த ஷிவின் வெற்றி பெறாதது பலருக்கும் ஏமாற்றத்தை அளித்தது.

முன்னதாக பிக் பாஸ் வீட்டில் தனது தாயை குறித்து மிகவும் எமோஷனலாக பல விஷயங்களை பகிர்ந்து கொண்ட ஷிவின் பிக்பாஸில் இருந்து வெளியேறிய பிறகு தனது தாயை சந்தித்த நிகழ்வு குறித்து நமது கலாட்டா சேனலுக்கு அளித்த பிரத்தியேக பேட்டியில் பேசினார்.

அப்படி பேசுகையில், “அம்மா மிகவும் சந்தோஷமாகவும் மிகவும் பெருமையுடனும் இருக்கிறார்கள். அதை அவர்களே சொல்லி அவர்களின் வாயால் கேட்கும் போது இன்னும் சந்தோஷமாக இருக்கிறது. நான் நினைத்த நிறைய விஷயங்கள் ஒன்றாக சேர்ந்து ஒரே சமயத்தில் நடக்கிற போது… நான் எதிர்பார்க்கவே இல்லை, அனைத்தும் எனக்கு ஆச்சரியமாகவும் மாயாஜாலமாகவும் இருக்கிறது. இதையெல்லாம் நம்புவதற்கு எனக்கு கொஞ்சம் நாள் ஆகிறது. என் அம்மாவா இப்படி பேசறது? நம்ம அம்மா இல்லையே ? nஎன்றெல்லாம் தோன்றுகிறது” என மிகுந்த மகிழ்ச்சியோடு ஷிவின் பகிர்ந்து கொண்டார். அந்த முழு பேட்டி இதோ…
 

வழக்கம்போல் ரசிகர்களின் எக்கச்சக்கமான எதிர்பார்ப்புகளுக்கு மத்தியில் பிக் பாஸ் தமிழ் சீசன் 6 நிகழ்ச்சி இன்று(அக்டோபர் 9) கோலாகலமாக தொடங்கியுள்ளது. உலக நாயகன் கமல்ஹாசன் தொகுத்து வழங்கும் இந்த பிக்பாஸ் சீசன் 6 நிகழ்ச்சியில் முதல்முறையாக 20 போட்டியாளர்கள் களமிறங்கியுள்ளனர்.

GP முத்து (யூட்யூபர்), அஸீம் (சீரியல் நடிகர்), அசல் கோலார் /வசந்த் (இசைக்கலைஞர் / பாடகர்), ஷிவின் கணேசன் (திருநங்கை - பொது ஜனம்), ராபர்ட் மாஸ்டர் (நடன இயக்குனர்), ஷெரினா (மாடல்), ராம் ராமசாமி (மாடல் / நடிகர்), ஜனனி (இலங்கை - செய்தி வாசிப்பாளர்), ADK-ஆர்யன் தினேஷ் கனகரத்னம் (இலங்கை - இசைக்கலைஞர் / RAP பாடகர்), அமுதாவாணன் (STAND UP காமெடியன் / நடிகர்), VJ மகேஷ்வரி (தொகுப்பாளர் / நடிகை), VJ கதிரவன் (தொகுப்பாளர்), ஆயிஷா (சீரியல் நடிகை), தனலக்ஷ்மி (டிக்டாக்கர் - பொது ஜனம்), ரச்சிதா மகாலக்ஷ்மி (சீரியல் நடிகை), மணிகண்டா ராஜேஷ் (நடிகர் -ஐஸ்வர்யா ராஜேஷின் சகோதரர்), சாந்தி அரவிந்த் (நடன இயக்குனர் / நடிகை), விக்ரமன் (அரசியல்வாதி-விடுதலை சிறுத்தைகள் கட்சியின் முக்கிய பேச்சாளர்) / முன்னாள் அரசியல் தொகுபாளர் -கலாட்டா), குயீன்ஸ் ஸ்டான்லி (வளரும் நடிகை), நிவிஷினி (சிங்கப்பூர் மாடல் - பொது ஜனம்) ஆகியோர் போட்டியாளர்களாக நுழைந்துள்ளனர்.

இவர்களில் தமிழக யூட்யூப் வரலாற்றிலேயே முதல் முறையாக அரசியல் தொகுப்பாளர்களில் ஒருவரான விக்ரமன் பிக்பாஸ் வீட்டில் போட்டியாளராக களமிறங்குகிறார். தமிழகத்தின் திறமையான தரமான அரசியல் தொகுப்பாளர்களில் மிக முக்கியமானவரான விக்ரமன் நமது கலாட்டா சேனலின் முன்னாள் அரசியல் தொகுப்பாளர் என்பது குறிப்பிடத்தக்கது.

அரசியல் தொகுப்பாளராக மட்டுமல்லாமல் தற்போது சமூக நலனில் அக்கறை கொண்ட அரசியல் பிரமுகராக மதிப்பிற்குரிய தொல்.திருமாவளவன் அவர்களின் விடுதலை சிறுத்தைகள் கட்சியின் முக்கிய பேச்சாளராகவும் திகழும் விக்ரமன் தனது சிறப்பான அரசியல் சார்ந்த பேட்டிகளிலும் பேச்சுக்களாலும் மக்களிடையே கவனத்தை ஈர்த்தவர். இந்நிலையில் பிக் பாஸ் வீட்டுக்குள் போட்டியாளராக விக்ரமன் சென்றுள்ளது ரசிகர்களிடையே பெரும் எதிர்பார்ப்பை ஏற்படுத்தியுள்ளது.

இந்தத் தருணம் நமது கலாட்டா சேனலுக்கு மிகவும் பெருமை மிக்க தருணமாக அமைந்துள்ளது. நமது விக்ரமனின் இந்த பிக் பாஸ் என்ட்ரியும், அவருக்குக் கிடைத்த வரவேற்பும் நமது கலாட்டாவிற்கும் கிடைத்த வரவேற்பு என்பதும் கலாட்டா எட்டியுள்ள வளர்ச்சியை குறிக்கின்றது என்பதும் குறிப்பிடத்தக்கது.
 

#பிக்பாஸ் இல்லத்தில்.. #VIKRAMAN #BiggBossTamil6 #GrandLaunch - இப்போது ஒளிபரப்பாகிறது நம்ம விஜய் டிவில.. #TuneInNow #BiggBossTamil #KamalHassan #VijayTelevision @preethiIndia @NipponIndia pic.twitter.com/C9Z1QPRWgW

— Vijay Television (@vijaytelevision) October 9, 2022

சின்னத்திரை ரசிகர்களின் ஃபேவரட் ரியாலிட்டி நிகழ்ச்சிகளில் ஒன்றான பிக்பாஸ் ஒவ்வொரு முறையும் ரசிகர்களின் கவனத்தை அதிகமாக ஈர்த்து வருகிறது. முன்னதாக இதுவரை 5 சீசன்கள் நிறைவடைந்துள்ள நிலையில் 24 மணி நேரமும் ஒளிபரப்பாகும் பிக்பாஸ் அல்டிமேட் நிகழ்ச்சியும் கடந்த சில மாதங்களுக்கு முன்பு நடைபெற்று நிறைவடைந்தது.

இதனிடையே கடந்த சில வாரங்களுக்கு முன்பு பிக் பாஸ் தமிழ் சீசன் 6 நிகழ்ச்சியின் அதிகாரப்பூர்வ அறிவிப்பு வெளியானது. உலகநாயகன் கமல்ஹாசன் அவர்கள் தொகுத்து வழங்கும் பிக் பாஸ் தமிழ் சீசன் 6 நிகழ்ச்சியில் இந்த முறை செலிபிரிட்டி அல்லாத பொது மக்களில் இருந்து ஒரு போட்டியாளர் கலந்து கொள்ள இருப்பதும் இம்முறையும் ஹாட்ஸ்டாரில் 24 மணி நேரமும் பிக்பாஸ் ஒளிபரப்பாகும் என்பதும் குறிப்பிடத்தக்கது.

இந்த முறை பிக் பாஸ் தமிழ் சீசன் 6 நிகழ்ச்சியில் போட்டியாளர்களாக கலந்து கொள்ளும் செலிபிரிட்டி குறித்து சமூக வலைதளங்களில் பலரது பெயர்கள் வதந்திகளாக பரவி வந்த நிலையில், தற்போது சின்னத்திரையின் பிரபல சீரியல் நடிகரான மணிகண்டா ராஜேஷ் போட்டியாளராக களமிறங்குவது உறுதியாகியுள்ளது.

தென்னிந்திய சினிமாவின் முன்னணி கதாநாயகிகளில் ஒருவரான நடிகை ஐஸ்வர்யா ராஜேஷின் சகோதரரான நடிகர் மணிகண்டா ராஜேஷ் பிரபலமான பல சீரியல்களில் நடித்ததோடு விஜய் டிவியின் Mr&Mrs.சின்னத்திரை நிகழ்ச்சியிலும் போட்டியாளராக கலந்து கொண்டவர். நடிகை ஐஸ்வர்யா ராஜேஷ் இதனை உறுதிப்படுத்தியுள்ளார்.

இந்நிலையில் பிக் பாஸ் தமிழ் சீசன் 6 நிகழ்ச்சியில் தனது சகோதரர் கலந்துகொள்வது மிகவும் மகிழ்ச்சியானதாகவும் மிகவும் எமோஷனலானதாகவும் இருக்கிறது எனக் குறிப்பிட்டுள்ள நடிகை ஐஸ்வர்யா ராஜேஷ் தனது சகோதரருக்கு இப்படிப்பட்ட வாய்ப்பை வழங்கிய விஜய் தொலைக்காட்சிக்கு நன்றி தெரிவிப்பதாகவும் குறிப்பிட்டு மணிகண்டா ராஜேஷுடன் இருக்கும் புகைப்படங்களை இன்ஸ்டாகிராம் பக்கத்தில் பதிவிட்டுள்ளார். நடிகை ஐஸ்வர்யா ராஜேஷின் அந்த பதிவு இதோ…
 

 

View this post on Instagram

A post shared by Aishwarya Rajesh (@aishwaryarajessh)

தங்களது வித்தியாசமான தொடர்கள் மூலமாகவும்,நிகழ்ச்சிகள் மூலமாகவும் ரசிகர்கள் மத்தியில் நல்ல வரவேற்பை பெற்று முன்னணி தொலைக்காட்சிகளில் ஒன்றாக இருந்து வருவது விஜய் டிவி.இந்த தொலைக்காட்சியின் மிக பெரிய ஹிட் நிகழ்ச்சிகளில் ஒன்றாக மாறியுள்ளது.

100 நாட்கள் ஓடும் இந்த நிகழ்ச்சி ரசிகர்களுக்கு தினமும் பெரிய எண்டெர்டைன்மெண்ட்டாக அமையும்.இந்த நிகழ்ச்சி ஒளிபரப்பாகும் நிலையில் ஏற்கனவே அந்த நேரத்தில் ஒளிபரப்பாகும் சில நிகழ்ச்சிகள் அல்லது சீரியல்கள் நிறுத்தப்படும் அல்லது நேரம் மாற்றப்படும்.

இந்த வருடத்திற்கான பிக்பாஸ் சீசன் 6 அக்டோபர் 9ஆம் தேதி பிரம்மாண்டமாக தொடங்க உள்ளது.இதனை அடுத்து தினமும் இந்த நிகழ்ச்சி ஒளிபரப்பாகவுள்ளது.இந்த நிகழ்ச்சிக்காக சில சீரியல்கள் நேரம் மாற்றப்பட்டுள்ளன சில சீரியல்கள் சட்டென்று முடிக்கப்பட்டுள்ளன.

விஜய் டிவியில் ஒளிபரப்பாகி வந்த பாரதிதாசன் காலனி,பாவம் கணேசன்,சிப்பிக்குள் முத்து ஆகிய மூன்று சீரியல்கள் இன்றுடன் நிறைவடைந்துள்ளன.பிக்பாஸ் தொடங்குவதால் இந்த சீரியல்கள் திடீரென முடிக்கப்பட்டுள்ளன.இந்த சீரியல்களின் திடீர் நிறுத்தம் ரசிகர்கள் மத்தியில் வருத்தத்தை ஏற்படுத்தியுள்ளது.

இந்திய சின்னத்திரை ரசிகர்களின் ஃபேவரட்டானா ரியாலிட்டி நிகழ்ச்சிகளில் ஒன்று பிக் பாஸ். ஹிந்தி, தமிழ், தெலுங்கு, கன்னடம், மலையாளம் உள்பட இந்தியாவின் பல்வேறு மொழிகளில் ஒளிபரப்பாகி வரும் பிக் பாஸ் நிகழ்ச்சி ஒவ்வொரு சீசனிலும் அதிக ரசிகர்களை கவர்ந்து வருகிறது.

அந்தவகையில் பிக்பாஸின் மற்றொரு அங்கமாக 24 மணி நேரமும் ஒளிபரப்பாகும் வகையில் பிக்பாஸ் ULTIMATE நிகழ்ச்சி சமீபத்தில் தமிழில் உலகநாயகன் கமல்ஹாசன் மற்றும் சிலம்பரசன் தொகுத்து வழங்க டிஸ்னி பிளஸ் ஹாட்ஸ்டாரில் ஒளிபரப்பானது. அதேபோல் தெலுங்கில் நடிகர் நாகார்ஜுனா தொகுத்து வழங்க பிக் பாஸ் நான்ஸ்டாப் நிகழ்ச்சி நடைபெற்றது.

இந்த நிகழ்ச்சியில் அஜய் குமார், அகில் சர்தக், பிந்துமாதவி, ஹமீதா கட்டூன், மகேஷ் விட்டா, முமைத்கான், தேஜாஸ்வி, ஸ்ரீ ரபாகா, அரியானா குளோரி, சிவா, ஆர்ஜே சைத்து, அணில் ரத்தோட், மித்ரா ஷர்மா, பாபா பாஸ்கர், நடராஜ் மாஸ்டர், சரயு ராய், ஐஷு ரெட்டி ஆகியோர் போட்டியாளர்களாக கலந்து கொண்டனர்.

இந்நிலையில் தெலுங்கு பிக்பாஸ் நான்ஸ்டாப் நிகழ்ச்சியின் டைட்டில் வின்னராக நடிகை பிந்துமாதவி வெற்றி பெற்றுள்ளார். வெற்றிபெற்ற பிந்து மாதவிக்கு சமூகவலைதளங்களில் அனைவரும் வாழ்த்துக்களை தெரிவித்து வருகின்றனர். இதுகுறித்து ரசிகர்களுக்கு நன்றி தெரிவிக்கும் வகையில் பிந்துமாதவி பதிவிட்ட இன்ஸ்டாகிராம் பதிவு இதோ..
 

 

 

 

 

View this post on Instagram

 

 

 

 

 

 

 

 

 

 

 

A post shared by Bindu Madhavi🦋 (@bindu_madhavii)

விஜய் டிவி என்றாலே அனைவருக்கும் நியாபகம் வருவது அவர்களது வித்தியாசமான நிகழ்ச்சிகள் மற்றும் சீரியல்கள் தான்.அப்படி விஜய் டிவியின் சீரியல்களுக்கு என்று பெரிய ரசிகர் பட்டாளமே உருவாகியுள்ளது.பல நட்சத்திரங்களை விஜய் டிவி சீரியல்கள் உருவாக்கியுள்ளனர்.

விஜய் டிவியில் ஒளிபரப்பாகி வரும் முக்கிய தொடர்களில் ஒன்று பாண்டியன் ஸ்டோர்ஸ்.ஒளிபரப்பானது முதல் பெரிய வரவேற்பை இந்த தொடர் பெற்றிருந்ததது.ஸ்டாலின்,சுஜிதா,குமரன்,வெங்கட்,ஹேமா,காவ்யா, சரவணவிக்ரம்  à®‰à®³à¯à®³à®¿à®Ÿà¯à®Ÿ நட்சத்திரங்கள் முன்னணி வேடங்களில் நடித்திருந்தனர்.

விறுவிறுப்பாக சென்று வரும் இந்த தொடர் நல்ல TRP-யையும் பெற்று வருகிறது.இந்த தொடர் 700 எபிசோடுகளை கடந்து விஜய் டிவியின் பெரிய ஹிட் தொடர்களில் ஒன்றாக மாறியுள்ளது.இந்த தொடரில் சமீபத்தில் புது என்ட்ரியாக சாய் காயத்ரி இணைந்துள்ளார்.

பல பரபரப்பான திருப்பங்களுடன் இந்த தொடர் சென்று வருகிறது.தற்போது இந்த தொடரில் சிறப்பு தோற்றத்தில் ரியோ இணைந்துள்ளார் என்ற தகவல் கிடைத்துள்ளது.இதுகுறித்த புகைப்படங்கள் மற்றும் வீடியோக்கள் வைரலாகி வருகின்றன.

View this post on Instagram

A post shared by Stalinmuthu (@stalinmuthu27)

கோலாகலமாக தொடங்கப்பட்ட விஜய் தொலைக்காட்சியின் பிக் பாஸ் தமிழ் சீசன் 5 நிகழ்ச்சி கலகலப்பாக முதல் வாரத்தை கடந்துள்ளது. ரசிகர்கள் மத்தியில் நல்ல வரவேற்ப்பை பெற்றிருந்த நமீதா மாரிமுத்து எதிர்பாராதவிதமாக பிக்பாஸ் வீட்டில் இருந்து வெளியேறியது பலருக்கும் அதிர்ச்சியும் ஏமாற்றத்தையும் அளித்தது.

17 போட்டியாளர்களுடன் தொடர்நத பிக் பாஸில் 2-ம் வாரத்தின் ஆரம்பமே கேப்டன் தேர்வு & நாமினேஷன் என தொடங்கியது. தாமரைச்செல்வி பிக் பாஸ் தமிழ் சீசன் 5 நிகழ்ச்சியின் முதல் கேப்டனாக தேர்வானார். தொடர்ந்து நடைபெற்ற நாமினேஷன் பிராசஸில் தாமரைச்செல்வி & பாவனியைத் தவிர மற்ற அனைவரும் நாமினேட் செய்யப்பட்டனர்.

கடந்த வாரம் தொடங்கப்பட்ட ஒரு கதை சொல்லட்டா டாஸ்க் இந்த வாரமும் தொடர்கிறது. முன்னதாக தாமரைச்செல்வி பிரிந்து சென்ற தன் மகன் பற்றி உருக்கமாக பேசியது போட்டியாளர்களை கலங்கவைத்தது. அடுத்து அபிஷேக் தான் கடந்து வந்த பாதையை பகிர்ந்து கொண்டிருக்க ராஜூவும்  à®‡à®®à®¾à®©à¯ அண்ணாச்சியும் அதை விமர்சனம் செய்யும் ப்ரோமோ வீடியோ இன்று வெளியானது.

இந்நிலையில் இன்றைய நிகழ்ச்சியின் 3-வது ப்ரோமோ வீடியோ சற்றுமுன் வெளியானது. அதில் வருத்தத்தில் இருக்கும் தாமரைச்செல்வியை பாவனியும் ஐக்கி பெர்ரியும் சமாதானப்படுத்திக் கொண்டிருக்க அபிஷேக் ராஜா, தாமரைச்செல்வியின் பேச்சு குறித்து நெகிழ்ச்சியோடு புகழ்ந்து பேசும் இந்த ப்ரோமோ வீடியோவை கீழே உள்ள லிங்கில் காணலாம்.