விஜயுடன் மீண்டும் இணையும் பிரபலம் ? தாறுமாறான தளபதி 64 அப்டேட்
By Sakthi Priyan | Galatta | May 15, 2019 16:43 PM IST
தமிழ் திரையின் முடிசூடா மன்னனாகவும், ரசிகர்களின் உடன் பிறவா அண்ணனாகவும் விளங்குபவர் தளபதி விஜய். தற்போது அட்லீ இயக்தில் தளபதி 63 படத்தில் நடித்துவருகிறார்.
தளபதி விஜயின் அடுத்த படத்தை மாநகரம் புகழ் இயக்குனர் லோகேஷ் கனகராஜ் இயக்க அதிக வாய்ப்பு உள்ளதாக நெருங்கிய திரை வட்டாரங்கள் மூலம் செய்தி நேற்று தெரிய வந்தது. விஜயிடம் மேலும் சில இயக்குனர்கள் கதை கூறியிருந்தாலும், லோகேஷ் கனகராஜின் பெயர், பட்டியலில் முதலில் இருப்பதாக கூறப்படுகிறது. இயக்குனர் லோகேஷ் கனகராஜ், கார்த்தி நடிக்கும் கைதி படத்தில் பணிபுரிந்து வருகிறார் என்பது கூடுதல் தகவல்.
தளபதி 64 படத்தின் படப்பிடிப்பு 50 நாட்களில் முடிக்கப்படுமாம். அதுமட்டுமல்லாமல் 2020-ம் ஆண்டு ஏப்ரல் அல்லது மே மாதத்தில் வெளியாகும் என்ற சிறப்பு செய்தியும் வெளியானது.
தற்போது வெளியான செய்தி என்னவென்றால், ராக்ஸ்டார் அனிருத் இந்த படத்திற்கு இசையமைக்க வாய்ப்புள்ளதாக நெருங்கிய சினிமா வட்டாரங்கள் கூறி வருகிறது. இது சாத்தியமாகுமா என்பதை பொறுத்திருந்து தான் பார்க்க வேண்டும். அப்படி நடந்தால், கத்தி படத்திற்கு பிறகு விஜயுடன் அனிருத் சேர்வது இரண்டாவது முறையாகும்.