வரவேண்டிய நேரத்துல வரும் ! தளபதி 63 அப்டேட் குறித்து தயாரிப்பாளர் பதிவு
By Aravind Selvam | Galatta | June 18, 2019 11:16 AM IST
தமிழ் சினிமாவின் முன்னணி நட்சத்திரம் என்பதை தாண்டி எப்போதும் ரசிகர்களை மதிக்கும் ஒரு நடிகர் என்றால் அது தளபதி விஜய் தான்.தெறி,மெர்சல் படங்களின் பிரம்மாண்ட வெற்றியை தொடர்ந்து தற்போது அட்லீ இயக்கத்தில் தயாராகி வரும் தளபதி 63 படத்தில் நடித்து வருகிறார்.
இந்த படத்தில் நயன்தாரா,ஜாக்கி shroff,கதிர்,விவேக்,யோகி பாபு,டேனியல் பாலாஜி,இந்துஜா என ஒரு நட்சத்திர பட்டாளமே நடித்து வருகிறது.ஏ.ஜி.எஸ் நிறுவனம் இந்த படத்தை தயாரிக்கிறது.ஏ.ஆர்.ரஹ்மான் இந்த படத்திற்கு இசையமைக்கிறார்.கால்பந்து விளையாட்டை மையமாக கொண்டு இந்த படம் உருவாகி வருகிறது.
இந்த படத்தின் அப்டேட்க்காக தமிழ் சினிமா ரசிகர்கள் ஆவலுடன் காத்துக்கொண்டிருக்கின்றனர்.இந்த படத்தின் Firstlook விஜயின் பிறந்தநாள் அன்று வெளியாகும் என்று எதிர்பார்க்கப்படுகிறது.இந்நிலையில் படத்தின் தயாரிப்பாளர் அர்ச்சனா கல்பாத்தி தனது ட்விட்டர் பக்கத்தில் ஒரு பதிவிட்டிருந்தார்.
அதில் எல்லா வருடமும் நான் உங்களுடன் இணைந்து அப்டேட் கேட்பேன் என்பதை மறைந்துவிட்டிர்கள்.உங்கள் எதிர்பார்ப்பை தாண்டி இருக்கவேண்டும் என்று நாங்கள் இரவு பகலாக உழைத்து கொண்டிருக்கிறோம்.தளபதி 63 குறித்த அப்டேட் வரவேண்டிய நேரத்தில் சரியாக வரும் என்று தெரிவித்துள்ளார்.
விஜயின் பிறந்தநாளான ஜூன் 22-ஐ எதிர்நோக்கி விஜய் ரசிகர்கள் மட்டுமின்றி ஒட்டுமொத்த தமிழ் சினிமா ரசிகர்களும் ஆர்வத்தோடு காத்திருக்கின்றனர்.