வீடியோ சேட்டில் தோன்றிய சூப்பர்ஸ்டார் ! வைரலாகும் வீடியோ
By Sakthi Priyan | Galatta | June 20, 2019 13:00 PM IST
சூப்பர் ஸ்டார் ரஜினிகாந்தின் 167-வது படத்தை AR முருகதாஸ் இயக்க உள்ளார். ராக்ஸ்டார் அனிருத் இசையமைக்கிறார். நயன்தாரா, யோகிபாபு பிரதீக், சுனில் ஷெட்டி, ஸ்ரீமன், நிவேதா தாமஸ் போன்ற நட்சத்திரங்கள் சூப்பர் ஸ்டாருடன் இணைந்து நடிக்கவுள்ளனர். பேட்ட படத்தில் ஆடை வடிவமைப்பாளராக பணிபுரிந்த நிஹாரிகா பசின் கான் இந்த படத்தில் காஸ்ட்டியூம் டிசைனராக பணியாற்ற உள்ளார்.
சமீபத்தில் படத்தின் முதல் லுக் போஸ்டர் வெளியாகியது. மிகவும் ஸ்டைலிஷாக உள்ளார் சூப்பர் ஸ்டார் ரஜினிகாந்த். இதனால் மிகுந்த மகிழ்ச்சியில் உள்ளனர் சூப்பர்ஸ்டார் ரசிகர்கள். ஜூன் 30-ம் தேதியுடன் தர்பார் படத்தின் இரண்டாம் கட்ட படப்பிடிப்பு முடியவுள்ளதாக சமீபத்தில் தகவல் தெரியவந்தது.
தற்போது ஒளிப்பதிவாளர் சந்தோஷ் சிவனின் மகன் அபுவிற்கு பிறந்தநாள் வாழ்த்து கூறியுள்ளார். இந்த வீடியோ இணையத்தில் வைரலாகி வருகிறது.