வடசென்னை 2 குறித்து தனுஷின் வைரல் பதிவு ! மகிழ்ச்சியில் ரசிகர்கள்
By Aravind Selvam | Galatta | July 15, 2019 16:59 PM IST
தமிழ் சினிமாவில் வித்தியாசமான கதைகளையும் கதாபாத்திரங்களையும் தேர்ந்தெடுத்து நடிப்பதில் வல்லவர் தனுஷ்.நடிப்பதில் மட்டுமின்றி தயாரிப்பு,இயக்கம்,பாடலாசிரியர் என பல பரிமாணங்களை எடுத்து அதில் வெற்றியும் கண்டுள்ளார்.
தமிழில் மட்டுமின்றி ஹிந்தியிலும் மற்றும் ஆங்கிலத்திலும் தனது திறமையை நிரூபித்தார் தனுஷ்.கடந்த வருடம் வெளியாகி விமர்சகர்களிடமும் ரசிகர்களிடமும் நல்ல வரவேற்பை பெற்ற படம் வெற்றிமாறன் இயக்கத்தில் தனுஷ் நடித்த வடசென்னை.
இந்த படத்தின் இரண்டாம் பாகம் கைவிடப்பட்டுவிட்டது என்ற செய்தி சமூகவலைத்தளங்களில் வைரலாக பரவி வந்தது.தனுஷ் தற்போது வெற்றிமாறன் இயக்கத்தில் அசுரன் படத்தில் நடித்து வருகிறார்.இந்த செய்தியை பார்த்த தனுஷ் இது வெறும் வதந்தி தான் வடசென்னை 2 கண்டிப்பாக வரும் என்று தெரிவித்துள்ளார்.
ரசிகர்கள் வதந்திகளை நம்பவேண்டாம் என் படம் குறித்த தகவல்களை எனது ட்விட்டர் பக்கத்தில் கண்டிப்பாக பதிவிடுவேன் என்றும் தெரிவித்துள்ளார்.இதனை அடுத்து தனுஷ் ரசிகர்கள் மற்றும் சினிமா பிரியர்கள் மிகுந்த மகிழிச்சியில் உள்ளனர்.