தோனி குறித்து மாதவன் பதிவு ! ஹெலிகாப்டர் Vs ராக்கெட்ரி
By Sakthi Priyan | Galatta | March 21, 2019 13:07 PM IST
விஞ்ஞானி நம்பி நாராயணனின் வாழ்க்கை வரலாறு தற்போது படமாக திரைக்கு வரவிருக்கிறது. இப்படத்தில் நம்பி நாராயணனாக நடிகர் மாதவன் நடிக்கிறார். இப்படம் தமிழ், தெலுங்கு மற்றும் ஹிந்தி ஆகிய மொழிகளில் வெளிவர உள்ளது. இப்படத்தை ஆனந்த் மகாதேவன் இயக்குகிறார் என்ற பேச்சு போய் கொண்டிருந்தது. இதற்கிடையே சில காரணங்களால் நடிகர் மாதவனே இப்படத்தை முழுவதும் இயக்கி வருகிறார்.
அச்சு அசலாக நம்பி நாராயணனாகவே மாறியிருக்கிறார் நடிகர் மாதவன். சாக்லேட் பாய் கேரக்டர் மட்டுமல்லாமல் தனது நடிப்பின் அளவை பட்டைதீட்டும் நடிகர் மாதவனின் இம்முயற்ச்சி பாராட்டிக்குரியதாகும். சமீபத்தில் நம்பி நாராயணன் ரோலுக்காக மாதவன் மேற்கொண்ட மேக்கப் மற்றும் உடல் அமைப்பு மாற்றம் குறித்த வீடியோவை சமூக ஊடகங்களில் வெளியிட்டார் மாதவன். நடிகர் சூர்யா படத்தில் முக்கிய ரோலில் வருவார் என்ற செய்தியும் வெளியாகியது.
தற்போது இன்ஸ்டாகிராம் பதிவில் நடிகர் மாதவன் CSK பயிற்சி ஆட்டத்தின் வீடியோவை பதிவு செய்துள்ளார். மேலும் தோனிக்கு கிடைக்கும் வரவேற்பை பாராட்டி பதிவிட்டிருக்கிறார்.