ஷாருக் கான்-அட்லீயின் ஜவான் படம் குறித்து மனம்திறந்த விஜய்சேதுபதி !

இயக்குனர் ஷங்கரிடம் உதவி இயக்குனராக பணியாற்றி தனது கடின உழைப்பால் தமிழ் சினிமாவின் முன்னணி இயக்குனர்களில் ஒருவராக வளர்ந்து நிற்பவர் அட்லீ.ராஜா ராணி படத்தின் மூலம் ரொமான்டிக் இயக்குனராக அறிமுகமான அட்லீ அடுத்ததாக தளபதி விஜயுடன் இணைந்து தெறி,மெர்சல்,பிகில் என்று படங்களை இயக்கினார் அட்லீ.

மூன்று படங்களுமே ரசிகர்கள் மத்தியில் பெரிய வரவேற்பை பெற்றிருந்தது.கமர்சியல் மாஸ் மசாலா டைரக்டர் ஆக அட்லீ வளந்துள்ளார்.இதனை அடுத்து பாலிவுட் சூப்பர்ஸ்டார் ஷாருக் கான் நடிக்கும் ஜவான் படத்தினை இயக்கி வருகிறார் அட்லீ .அனிருத் இந்த படத்திற்கு இசையமைத்துள்ளார்.இந்த படத்தின் ஷூட்டிங் சில கட்டங்களாக நடைபெற்று வருகிறது.

இந்த படத்தின் நயன்தாரா ஹீரோயினாக நடித்து வருகிறார்.இந்த படத்தின் மூலம் பாலிவுட்டில் என்ட்ரி கொடுக்கிறார் நயன்தாரா.இவரை தவிர ப்ரியாமணி,யோகி பாபு, Sanya Malhotra,Sunil Grover உள்ளிட்ட நட்சத்திரங்கள் நடிக்கின்றனர்.இந்த படத்தின் அறிவிப்பு டீஸர் வெளியாகி நல்ல வரவேற்பை பெற்றிருந்தது.

இந்த படம் ஜூன் 2 2023-ல் வெளியாகும் என்று அறிவிக்கப்பட்டுள்ளது.இந்த படத்தில் விஜய்சேதுபதி வில்லனாக நடிக்கிறார் என்ற தகவல் வெளிவந்தது.சமீபத்தில் ஒரு பேட்டியில் இந்த படத்தில் நடிப்பதை உறுதிசெய்துள்ளார் விஜய்சேதுபதி.ஷாருக் கானுக்கு எதிராக விஜய்சேதுபதி எப்படி வில்லனாக மிரட்டப்போகிறார் என ரசிகர்கள் ஆவலுடன் எதிர்பார்த்து காத்திருக்கின்றனர்.