கொரோனா வைரஸ் பரவலைத் தடுக்கும் விதமாக அரசு அறிவித்துள்ள ஊரடங்கு உத்தரவு காரணமாக மக்கள் அனைவரும் அவர்களது வீட்டிலேயே பாதுகாப்பாக முடங்கியுள்ளனர். நாடு முழுவதும் மே 3-ம் தேதி வரைக்கும் இந்த ஊரடங்கு அறிவிக்கப்பட்டுள்ளது. படப்பிடிப்பு இல்லாமல் வீட்டில் இருக்கும் பிரபலங்கள் உடற்பயிற்சி செய்வது, வீட்டு வேலைகள் செய்வது, நடனம் பாடல் என பல வீடியோக்களை பதிவு செய்து வருகின்றனர். 

இந்நிலையில் இயக்குநர் வெங்கட் பிரபு ஒரு புதிய வீடியோவை வெளியிட்டுள்ளார். சென்னை-28 படத்தில் நடித்த நடிகர்கள், அவரவர் வீட்டில் இருந்தபடி கிரிக்கெட் விளையாடுவது போல இந்த வீடியோவை வெங்கட் பிரபு இயக்கியுள்ளார். மேலும் கொரோனா வைரஸ் குறித்து, அதன் பாதுகாப்பு குறித்து வெங்கட் பிரபு ஸ்டைலில் அவரின் நடிகர்கள் பேசியுள்ள வீடியோ ரசிகர்களை கவர்ந்துள்ளது. 

சுண்ணாம்பு காவாய்.. மன்னித்து கொள்ளவும் இந்த விசாலாட்சி தோட்டம் RA புரத்திற்கென அதிக எமோஷன் உண்டு. மளிகை கடை சீனு, ராக்கர்ஸ் ரகு, பேட் செண்டிமெண்ட் கோபி, ரொமான்டிக் ஹீரோ கார்த்திக், ஏரியா டான் குணா, ஆஸ்தான கீப்பர் அரவிந்த், பாசமிகு அண்ணன் பழனி, டாடிஸ் லிட்டில் பிரின்சஸ் செல்வி என பல கேரக்டர்களை கண் முன் கொண்டு நிறுத்தியிருப்பார். சலூன் கடை மனோகர் ... சாரி ஷார்க்ஸ் அணியின் மேனேஜரை குறிப்பிட மறந்துவிட்டோம். சென்னை 28 மூன்றாம் இன்னிங்ஸை காண மிகுந்த ஆர்வத்தில் உள்ளனர் ரசிகர்கள்.