மறைந்த நடிகர் புனீத் ராஜ்குமார் நினைவிடத்தில் அஞ்சலி செலுத்திய விஜய் !
By Aravind Selvam | Galatta | February 26, 2022 16:11 PM IST
கன்னடத்தில் முன்னணி நடிகராக திகழ்ந்து வந்தவர் புனீத் ராஜ்குமார்.பவர்ஸ்டார் என ரசிகர்களால் செல்லமாக அழைக்கப்பட்ட இவர் பெரிய ரசிகர் பட்டாளத்தை பெற்றிருந்தார்.திரைப்படங்களில் நடிப்பதை தாண்டி ரசிகர்களிடம் அன்பாக நடந்து கொள்வது,சமூக அக்கறை கொண்ட செயல்களை செய்வது என்று பல துறைகளில் தன்னால் முடிந்த உதவியை செய்து வந்தார்.
46 வயதான இவர் 2021 அக்டோபர் 29ஆம் தேதி மாரடைப்பால் உயிரிழந்தார்.புனீத்தின் திடீர் மறைவு கன்னட சினிமாதுறையினர் மட்டுமின்றி இந்தியா சினிமாவையே சோகத்தில் ஆழ்த்தியுள்ளது.எப்போதும் முகத்தில் சிரிப்போடு இருக்கும் இவர் மிகவிரைவில் பிரிந்துவிட்டார் என்று ரசிகர்களும் பிரபலங்களும் தங்கள் வருத்தத்தை வெளிப்படுத்தி வருகின்றனர்.
அரசு மரியாதையுடன் இவரது உடல் நல்லடக்கம் செய்யப்பட்டது.பல முக்கிய சினிமா பிரபலங்கள் மற்றும் ரசிகர்கள் இவரது உடலுக்கு மரியாதையை செலுத்தினர்.கொரோனா உள்ளிட்ட சில காரணங்களால் இறுதி ஊர்வலத்தில் கலந்துகொள்ள முடியாத பலரும் உடலடக்கம் செய்யப்பட்ட பின்பும் தற்போது வரை வந்து தங்கள் மரியாதையை செலுத்தி வருகின்றனர்.
அந்த வரிசையில் தற்போது தமிழ் சினிமாவின் முன்னணி நடிகர்களில் ஒருவரான விஜய், பெங்களூரில் உள்ள புனீத்தின் நினைவிடத்திற்கு சென்று மரியாதை செலுத்தியுள்ளார்.அவரது குடும்பத்தினரையும் சந்தித்து ஆறுதல் தெரிவிப்பார் என்று தெரிகிறது.இதுகுறித்த புகைப்படங்கள் மற்றும் வீடியோக்களை கீழே உள்ள லிங்கில் காணலாம்
தளபதி விஜய் மறைந்த நடிகர் #PuneethRajkumar நினைவிடத்திற்கு சென்று அஞ்சலி செலுத்தினார். pic.twitter.com/eqDwHd7avy
— VTL Team حلمت حبيبو (@VTLTeam) February 26, 2022
Thalapathy @actorvijay to pay his last respect to late actor Puneeth Rajkumar! pic.twitter.com/X6tPrwD9Zy
— Vijay Team Online (@VijayTeamOnline) February 26, 2022
'Thalapathy' Vijay pays his last respects to late Kannada actor Puneeth Rajkumar
26/02/2022 03:45 PM