புது விஷுவல்ஸ் குறையாத எனர்ஜி...அரபிக் குத்து வீடியோ பாடல் இதோ !
By Aravind Selvam | Galatta | May 09, 2022 19:14 PM IST
தமிழ் சினிமாவின் வசூல் சக்கரவர்திகளில் ஒருவர் தளபதி விஜய்.இவர் அடுத்ததாக நெல்சன் திலீப்குமார் இயக்கத்தில் தயாராகியுள்ள பீஸ்ட் படத்தில் நடித்துள்ளார்.இந்த படத்தினை சன் பிக்சர்ஸ் தயாரித்துள்ளனர்.அனிருத் ரவிச்சந்தர் இந்த படத்திற்கு இசையமைத்துள்ளார்.
இந்த படத்தில் பூஜா ஹெக்டே ஹீரோயினாக நடித்துள்ளார்.செல்வராகவன்,யோகி பாபு,மலையாள நடிகர் டாம் சாக்கோ,அபர்ணா தாஸ் உள்ளிட்டோர் முக்கிய வேடங்களில் நடிக்கின்றனர்.இந்த படம் ஏப்ரல் 13ஆம் தேதி திரையரங்குகளில் வெளியாகி கலவையான வரவேற்பை பெற்று வருகிறது.
தீவிரவாதிகள் ஒரு ஷாப்பிங் மாலை கைப்பற்ற அதிலிருந்து மக்களை காப்பாற்றும் ஒரு முன்னாள் அதிகாரியின் கதையாக அதிரடி,காமெடி என இந்த படம் சுமாரான வரவேற்பை பெற்று வருகிறது.பல இடங்களில் இந்த படம் வசூல் சாதனை படைத்து வருகிறது.
திரையரங்குகளில் வசூலை குவித்து வரும் இந்த படம் வரும் மே 11ஆம் OTT-யில் வெளியாகவுள்ளது.இந்த படத்தின் மிகப்பெரிய ஹிட் பாடலான அரபிக்குத்து பாடல் வீடீயோவை படக்குழுவினர் வெளியிட்டுள்ளனர்.சிவகார்த்திகேயன் வரிகளில் விஜய் மற்றும் பூஜா ஹெக்டேவின் துள்ளலான நடன அசைவுகள் ரசிகர்களின் கவனத்தை வெகுவாக ஈர்த்திருந்தன.
தற்போது வெளியிடப்பட்டுள்ள வெர்ஷனில் படத்தில் வராத சில நடன காட்சிகளை இணைத்துள்ளனர் படக்குழுவினர்.ஏற்கனவே அனைவரும் ரசிக்கும்படியாக இருக்கும் இந்த பாடலில் சில புது ஸ்டெப்களுடன் ரசிகர்களை ஈர்க்கும் இந்த வீடீயோ பாடலை கீழே உள்ள லிங்கில் காணலாம்