சூரரைப் போற்று படத்தின் வெய்யோன்சில்லி பாடல் அப்டேட் !
By Sakthi Priyan | Galatta | February 05, 2020 16:53 PM IST
சுதா கொங்கரா இயக்கத்தில் நடிகர் சூர்யா நடித்துள்ள படம் சூரரைப் போற்று. இந்த படத்திற்கு ஜி.வி.பிரகாஷ் இசையமைத்துள்ளார். இந்த படத்தில் ஆஸ்கார் விருது பெற்ற குனிட் மோங்கா துணை தயாரிப்பாளராக பணிபுரிகிறார். நடிகை அபர்ணா பாலமுரளி கதாநாயகியாக நடிக்க அவருடன் கருணாஸ், மோகன் பாபு, காளி வெங்கட் உள்ளிட்ட பலர் முக்கிய கதாபாத்திரத்தில் நடித்துள்ளனர்.
ஓய்வு பெற்ற ராணுவ தளபதி ஏர் டெக்கான் கோபிநாத் வாழ்க்கையை மையப்படுத்தி இப்படம் உருவாகி உள்ளதாக கூறப்படுகிறது. சமீபத்தில் படத்தின் டீஸர் மற்றும் மாறா தீம் பாடல் வெளியாகி சக்கை போடு போட்டது.
தற்போது படத்தின் இரண்டாம் பாடலான வெய்யோன்சில்லி பாடல் வரும் 13-ம் தேதி வெளியாகும் என்ற அறிவிப்பு வெளியானது. ஹரீஷ் சிவராமகிருஷ்ணன் பாடியுள்ள இந்த பாடல் வரிகளை விவேக் எழுதியுள்ளார்.